松記士多-海鮮及私房菜

營業中

休息中

幾年前已經想來，訂好枱卻遇風球。今天終於成功到來。先從鹿頸停車場沿海行到來，風景優美，中間有一小段梯級，是最低難度的行山。未到松記已感肚餓了！我們吃了黑𩶘/蠔餅/半走地雞/半醋鴨/豉油王吊筒/芥蘭/肉絲炒麵。所有都非常正，咸淡剛好。尤其是條黑𩶘，朋友好驚喜，成斤重咁大條，但肉身很滑，蒸得剛好！

山友們鍾意行山搵美食。久聞谷埔松記大名，特登編條路線途經谷埔食好西。星期日有巴士入烏蛟騰，方便啲唔使搭好疏嘅小巴。烏蛟騰係多條山徑起步點，可環湖出咀，去三椏村、荔枝窩、蛤塘呢三條村都有好野食。今次由烏蛟騰起步，行初級簡單路線，由田心（烏蛟騰小巴站）經亞媽笏、分水凹，行荔谷古道到谷埔，再沿海岸行去鳳坑出鹿頸終點。慢慢行兩個鐘內到谷埔，肚餓要醫肚😛食完行多一粒鐘到鹿頸搭車走人。已早幾日訂位，人少少，只係訂半隻走地雞。叫咗幾道菜：1. 走地雞半隻——有雞味都算滑，水準以上；不過可能因為走地，肌肉稍為實少少，比較大澳海韻就輸個馬鼻。2. 豬肉砵——好得！五花腩有肉有肥膏夠腍，唔怕邪惡成舊食；埋枱已聞到豆豉香，豆豉入口即溶，個豆豉連汁送飯一流！同荔枝窩的記不相伯仲！3. 薑汁芥蘭苗——夠鮮嫩。4. 蒸墨魚——店家推介新鮮返貨，夠新鮮但唔算驚艷。牙菜墊底預咗，墨魚份量都算正常。叫咗兩碗白飯，加一罐啤酒，盛惠$580三人攤分當日食客都多，幾乎滿座！同隔籬食客閒聊，佢哋叫咗蒸魚，都讚新鮮好食。留意海鮮逐両計。招呼好、服務態度值得一讚👍🏻望住沙頭角海，有海景。食完行去宋伯食豆腐花，去財記鳳坑小食買埋客家

難得星期六天氣好，去咗鹿頸行山，行咗半個鐘左右見都開始肚餓又有呢間私房菜餐廳喺度，所以就停低咗食晏晝啦！店主好友善，仲叫我地去坐「海景位😂冬天有太陽坐係度係幾正！我地點左半份雞，雞好有雞味😂😂👍🏽唔錯！豬肉砵好香，送飯一流！入口即溶，值得試。不過好肥呀最好搵多啲人share 😂😂一人食少少會好似冇咁邪惡。炒芥蘭都出色，好香好好味，不過油左少少，都可以接受！魚肚湯略嫌咸左啲🥹🥹🥹總括黎講呢度環境清幽，食物質素新鮮，老闆好友善，值得再食！

今次同朋友一齊行山去鹿頸，尾站谷埔，朋友們帶咗我來食呢間隱世客家菜😋雖然都幾多人，但食飯既地方係望住海景，可以對海食飯，感覺真係幾舒服☺️💬由於當日我哋無預留海鮮，所以無緣品嘗到了，其實重有三款食物雖然已有預留，但由於我們慢人幾步😌所以也沽清……招牌菜😋客家豬肉砵，真係大驚喜👍🏻好食到不得了，連平時完全怕食肥肉的我都覺得真係好好好食呀，重要食咗好多添吖🙊雖然肥豬肉真係比較多油😈勁邪惡，但豬肉軟香，炆到入口溶化狀態，豆鼓都好香好好食，味道唔會死咸、同平時食開嘅豆鼓好唔同，呢個豬肉砵老板話要花好多時間去炆，要反覆炆兩至三次，而且每次要數小時才出到個效果，厲害👍🏻難怪咁好食😋醋鴨都係不可不點既菜式😋鴨肉好嫩👍🏻燻得又係夠入味，配自家調製嘅檸檬米醋好開胃🤤💬不過提一提大家，松記只開假期、紅日，想食就係一定要訂位，訂位時也一定要預留餸菜，尤其是海鮮，真係好多人，最好儘量早點到達，因為太遲去到會好多食物都會無哂🙄💬下次有機會想再來試試其他菜式😋因為今次食唔到海鮮同埋多款招牌菜式

朋友用郊外美食，吸引我呢個懶人去遠足搵食！聽到對方推薦有好好食的醋鴨/走地雞/魷魚…炸南瓜…OK！滴起心肝，豁出去！週六早上自然醒，帶著同樣為食的兒子，母子二人，午間12:00,西灣河MTR出發，金鐘轉車….. 13:00到達粉嶺火車站，C出口外，即係專線小巴56K總站！方便！之前1小時啲MTR，再20-30分鐘嘅郊外亡命小巴 ……終於到達了鹿頸站（本次遠足d起點), 由此，需時個幾鐘，開始了攞我命之遠足！目標：沙頭角谷埔村- 松記士多！說好此程是0基礎0難度，對我呢個0心理準備啲人，經已洗濕個頭，開始咗，就冇得放棄了！沿路，小小風景都有啲嘅～原以為全程都係陽光大道，點知有草地泥地，有上下石階…我一路後悔，呼哧帶喘，精疲力盡時，到了！大排檔！風塵僕僕中，坐低，虛心學習餐單兩張👇🏿招呼夥計落單，點知笑盈盈啲夥計走上前來，送俾我更大啲崩潰：醋鴨？賣曬！走地雞？也賣曬！吊筒？都冇了！原來我千里迢迢得個吉！😳😤店家話：就來過年，攞貨少…🤯🤬……既然招牌菜都冇曬，按夥計推薦，揀咗：1）墨魚片 HKD140.-2）客家豬肉缽 HKD100.-3）肉絲炒麵 HKD70.-共計： HKD310.-

今日和老婆往鹿頸鳳坑南涌郊遊,中午見到松記有玩餐,於是便入座午餐,我們點了走地雞,揚州炒飯,魚肚湯和炒椰菜,走地雞我們點了半隻,肉質鮮嫩,食落有少許沙薑粉味,配上薑蓉可提升雞肉層次,口感滿足,揚州炒飯炒得足料,食落飯粒軟綿,材料有叉燒粒,火腿和蛋,食落口感味美,份量十足,魚肚湯我們點了細碗,材料十足,除了魚肚外,還有豆卜,冬菇,蝦米,瑤柱和葱花,魚肚食落彈牙,豆卜吸收了香濃胡椒湯,口感醒胃,另外冬菇,蝦米,瑤柱和葱花食落鮮甜味美,口感滿足的魚肚湯,最後炒椰菜,除了椰菜外,還有煙肉和豆卜,椰菜爽口,煙肉鹹度十足,這裡食物美味,份量十足,我和老婆食了一頓美味郊外晚餐

放假我都多數都會去郊外走走☺️今次我係鹿頸行去谷埔, 順便食到好西, 要推介一下😋🥢客家醋鴨🦆 ($320/隻 ; $170/半隻) ‼️必點‼️食第一件鴨要食原味先, 咩都唔好蘸😄鴨肉嫩滑厚實, 再沾埋自家製既醋, 好開胃😉減低鴨肉既膩感, 令鴨肉味道昇華, 好味☺️☺️🥢走地雞🐓 ($300/隻 ; $160/半隻)雞肉好嫩滑 唔鞋口 同埋唔肥 可以連皮食🤣🥢豬肉砵🐖 (小 $100 - 2~3人份量)送飯一流🍚 勁多肥豬肉同豆豉, 咸咸香香, 幾正~不過真係油左d, 減肥人士不宜食🤣🤣🥢豉油王吊筒🦑 ($140)吊筒爽口彈牙, 好有鑊氣, 仲好入味😛 而間客家菜館假日先開架🤣 假日好多人, 所以記得book 檯同留餸‼️‼️略嫌價錢貴左dd, 不過行山行到咁入, 都可以食到隱世客家菜, 都ok既😛評分: ⭐️⭐️⭐️⭐️

已經好耐冇食過食物嘅原味了，依家好多餐廳為咗創新、突出菜式都搞好多花臣，漸漸地，我都差不多忘記了食物嘅原味是怎樣了....一個很好嘅體驗，我諗如果唔係因為疫情我諗我一世都唔會養成行山嘅習慣，然後食到呢一間家鄉菜，用最新鮮嘅材料簡單嘅調味，原來已經好好食簡單一個清蒸白切雞加上自家製薑蓉已經很好味，隻雞完全冇肥膏可以連皮吃，很有雞味不得不提呢個珍珠蚌，就咁清蒸什麼調味都唔使落，完全冇沙 淡淡的海水味，一試難忘，必食推介👍🏻👍🏻👍🏻呢個蠔餅都做得超好食😋，d蠔全部都好肥美大大粒🦪，同個蛋係完美嘅配搭，同出面潮州菜嘅豪餅都好多炸粉同埋好油天淵之別呢個清炒苦瓜好食到癲，我本身唔係一個鍾意食苦瓜嘅人，呢個苦瓜我試咗一啖之後成碟自己食晒🤤，個苦瓜真係好新鮮，佢唔會炒到好林，只係加咗少少調味料清炒已經可以咁好食，唔知佢點做到🤤👍🏻👍🏻👍🏻呢個水蟹唔一定有，係老闆私火自己收埋俾我哋食的😋松記只開公眾假期，強烈建議大家去之前打電話去留定餸(其實我唔知道可唔可以打電話去留，我哋可以留係因為我哋有朋友係佢嘅熟客)，我當日去係復活節假期，客人超多，我2點左右去到，去到大概等咗20分鐘先有位，不過我哋有預先打電話

疫情影響，除了多留在家，便是去郊外。今日天氣唔錯，便先揸車去鹿頸，再由此行去谷埔，運動一吓筋骨，並呼吸新鮮空氣。這條郊野小徑十分易行，除咗開頭要行約10至15分鐘的石級，之後是鋪得很好的平路，兼且風景優美。左面是海景，可遙望深圳鹽田，右面是香港舊村落，而大概行45分鐘左右，便到松記士多。雖然叫士多，其實是一鄉村菜館。正值午飯時間，亦正好休息一會，便找個位子坐下。我們三個人，也不容易才找到一張枱，可見其受歡迎。餐牌選擇不多，已有肉丶海鮮及菜，我們挑了本地蠔餅丶豬串骨丶椰菜及楊州炒飯。煎𧐢餅一上枱已傳來陣陣香味，𧐢仔很多，相片已是俾我們食咗四分一才影的。蛋煎得乾身而香口，加埋蔥更是好味，yummy! 😋😋😋炒椰菜不只有椰菜，而是加了火腿及豆腐卜，十分清甜香口，口感亦豐富，無咁單調。👍🏻👍🏻👍🏻豬串骨即平時的一支骨，是豬小腿連肉燒，加上自製醬汁及蜜糖。肉質嫩滑，有豬肉味，加埋醬汁及蜜糖，十分之好味，只會嫌一隻唔夠。😋😋😋炒飯是後加的，味道對比之前的小菜，較為失色。它用咗火腿及椰菜，不過炒得太乾，應該加埋雞蛋，既香口又較為濕潤。總結而言，它的小菜是美味的，價錢亦實惠。

讚1.環境好，海景+海風，正2.檸檬鴨好味，鴨肉燻得入味，檸檬米醋開胃，白切雞生熟度好滑溜，水準係好彈1.太多人，訂左野食都無野留到，乜野海鮮都比人清晒，結果今次咩野海鮮都食唔到2.牛腩調味好，但份量實在少，$170/煲，筋多肉少3.啤酒係全部都唔凍既

因為訓過龍，我們11時30分才由粉嶺站坐56K小巴出發。到達鹿頸已經12點。行左差不多1小時先來到松記士多，撞正食飯時間，非常多人。幸好啱啱有一枱走左，我地四人可以馬上有位。夥計好快奉茶。不過老闆唔得閒落單，我地等左2個字先落到單。我地只想簡單食飯然後再起行。所以只係叫最簡單的走地雞、炒芥蘭同揚州炒飯。本來考慮叫多個菜，不過見其他枱的份量都唔少，所以最後只叫三樣。餸菜都上得幾快，而且份量真係足，我地四人都吃得飽。雞係涼的，不過都OK。芥蘭幾好味，炒飯好足料而已炒得好乾身。埋單無小費，總共$270，四人分每人唔駛$70，在郊外吃都咁有質素，相當合理。下次有機會一定再來。

谷 埔 村 ～ 松 記 風 味 餐 今日和相識超過廿年的舊同事一行10人到谷埔郊遊🌿🌺🌾🌳🍁🍀🏃‍♀️🏃‍♂️。在粉嶺火車站坐56K小巴便到達鹿頸，沿海岸線行1小時，便到達松記吃午飯😋😋。舊同事預早😉訂好1隻走地雞🐤和1隻客家醋鴨🦆。本想吃蠔餅，但老闆說因大風沒有落海捕捉，想吃清炒苦瓜又決貨😅，那便只隨意叫了些炒飯🍚麵菜🥬🥦吧！是日天氣非常好🌤不太曬🌞。坐在大榕樹🌳下進餐，呼吸清新空氣😌，環看😎四周美景，喝一口這家的山水名茶☕😊👍，非常寫意，份外好喝，賞♥️樂事呢！♡肉絲炒麵♡附有小碟辣椒醬麵是真炒，不是炸麵，不會熱氣。配菜有很多芽菜👍，肉絲嫩滑，汁的味道也恰到好處。😋👍♡客家醋鴨♡附有2小碗自家秘制香草檸醋汁老闆教吃第一件鴨要淨吃，吃第二件鴨才沾上醋汁。我們當然依住去做，務求感受最捧風味。😋👍果然沾上醋汁的鴨🦆肉，把🦆的原味再提升開來，極致美味。♡走地雞♡附有2小碟自家秘制薑葱油全雞嫩滑，甚有🐤味，全雞不肥，難得雞皮很薄，沒有肥膏，可連皮吃。😋👍♡芥蘭♡是清炒的，爽脆香甜，菜味滿分。😋♡椰菜♡煙肉豆卜炒椰菜，這個配搭第一次吃，味道OK，平凡顯特色。🤣♡菜心♡好大條、好翠綠、好清新、好健康。

第一次跟朋友來這個地方，入口的BB茶座有full breakfast已經有驚喜，想不到行入深山處，風景秀麗、青山綠水，柳暗花明。朋友說行完山食農家菜。沿途看到山水豆花，忍住嘴巴暫不要吃。行到松記，涼風送爽、陽光普照，今日天氣稍涼，氣溫12-20度，時直中午，我們選擇了有陽光的位置，小朋友走到鳥兒下的水塔位置洗手，城市小孩連洗手處也覺得是有趣的東西，旁邊有村民在曬金蠔，香氣撲鼻。我們一行人，點了幾個店主介紹的招牌菜，全部都是客家人風味菜。先來醋香鴨，鴨肉嫩滑厚實，醋汁內有檸檬和香草，中和了鴨肉的騷味，清新美味。燒豬仔脾骨醃得十分入味，大家用手拿著吃很原始的感覺。炆牛尾、牛腩不可不試，未來得及拍照已清空了。炒麵和炒飯是小朋友至愛，大人喜歡炒飯多一點，大大粒蝦仁和火腿，材料十足。天啊！根本是隱世美味，十分多謝松記在山谷中為遊人預備豐富美食，悠閑地感受鄉郊的淳樸，大自然的美，還可以配支大大啤酒迎着風看海，絕對是人生美事。一定要再來。

噚日落黃雨連場波都要腰斬，瞓醒見有太陽就帶埋媽子去郊外行吓幫襯松記，媽媽對腳有啲老人病，膝頭有啲痛，所以行得比較慢，我哋大約行咗1個鐘15分鐘先去到，得返大檯，老細就開咗張細檯對住個海比我哋。蒸蠔當然係我嘅首選啦，不過天氣開始熱啲蠔就開始瘦，太熱又行唔到山，食埋今次睇怕都要等下年囉！蜜糖燒豬仔骨好味，肉質好淋，揚州炒飯好大碟，成坐山咁高，另外炒椰菜仍然好香甜，媽子問老闆點度嚟，老闆話唔好理來源，總之健康好味就得 🤣🤣🤣 另外個客家咸肉其實好味，但我哋得 3 個人，同埋食炒飯，令到個咸肉比較咸，下次最少有 6 個人先好叫 😅😅

有咩好得過一條簡短嘅行山路線加一餐美味嘅午餐？舊年行山嚟試咗一次蒸蠔，急不及待約一班朋友再試一次。為食嘅我今年咁上下時侯又心掛掛 😋😋😋今次星期六嚟食，時間尚早唔多人，行山路線簡易，慢慢邊行邊影相都係一小時就到，最激都係一條百多級嘅樓梯啫。一坐低梗係叫每人 2 隻蒸蠔啦，跟手叫咗個客家蒸豬肉，上次試過好好味，仲要叫碗飯嚟餸，今次有啲喊咗，炒椰菜好味，可以清晒成碟，蠔餅好大碟，見到唔係蠔仔，有大大隻蠔架。我哋差不多食完隔離有檯客坐底，話個魚肚湯要試。 。 。要留返下次囉，我又話返佢哋知要食蒸蠔，仲比埋亞姐開蠔個片佢哋睇，佢哋話我應該早小小話佢哋知 😅🤣 唔知最後佢哋有無叫呢？呢排唔好天，我想趁仲有得食蒸蠔要去多次呀！