松屋日本料理 (已結業)

大學畢業了，約了大家一起吃餐FAREWELL飯。訂了枱九點，一行十二人。可以食到十二點。一坐下就叫東西吃。點食紙有四張，有刺身，壽司，串燒，炸物等，還有雪糕，飲品任食。食物尚好，值得一提的是待應服務很好，不時都會問我們東西來齊了沒，有時又會跟我們說笑，遞單給他們很多次也很有禮貌的接下。

12個人~book左9點... 9點20分 先入得 都唔多開心... 不過出面個侍應 就幾好禮貌! 都ok既~入到去...坐位ok 獨立房!野食.... 不停miss 不停miss 完全唔知點做野根本上我地食既野 同我 地叫既野係一定唔一樣!! 貴既黎 不停唔黎!!起碼d 炸蝦等等....都好少黎!壽c 唔錯~ 不過就好多變曬手卷!! 搞到食好多 (紙菜) 冇咩引最火既係.... 食左2個鍾 先想起 佢最出名既 之麻雞翼 係從頭到尾都冇黎過!!最後 好火咁食左5,6隻 就算...... 真係好唔得~ 冇可能miss成咁 重話係特色.....出名既..... 不過都真係幾好食!!d service都唔錯... 個個侍應入黎都會講笑... 玩下...雖然係佢地冇聊...但..佢miss既情況 真係唔可以接受!!! 同埋佢係 完全唔收碟= =''' 可能我地坐房再者.....總括咁睇... 今餐成$18x 真係唔值囉 d野唔多好食... 冇咩特別起碼我覺得唯一特別好食既雞翼 佢係等我地飽曬 我地為左要試先食到2隻....個價對同個質數 唔

2個fd都去過了!!! 我第1次去ja... 我地book左位~~ 去到開頭冇咩人... 之後陸陸續續多lu~聽佢地點咩...食咩... 食左好多好多野~~ 佢地收碟收得好快!! 不過最後瘋狂叫左好多ice-cream......好味 飽到暈

半年以前嚟過,今次我們坐VIP房,有D密室feel一坐低.個老板就送個魚生拼盤比我地.幾新鮮GOOD不過唔好食手卷,麻麻,紫菜都係淋天婦羅都好香口,魚湯好入味老板焗三文魚好食至於食物就一般啦,無咩特別D豬肉切到簿到穿窿,駛唔駛咁啊,實在要改善但食完都叫飽肚既本人覺得銅鑼灣食物環境都好過呢度(唔好意思,我講真話)傳菜方面比較慢服務人員態度幾好,生日有優惠.問老板會有香檳送最後,我要講的都講完了

松屋我由中環日本老闆娘，食到尖東，再食到尖咀，可話是它的忠實fans，但現在可謂最唔掂，昔日的松屋三寶（羊扒、雞軟骨、牛舌）全部都唔得，羊扒超細，唔講都唔知係羊扒！，雞軟骨和牛舌超凍和超乾，簡直是不知所謂，魚生又細又薄，都唔明他們怎會有量拿給人吃！還有就是我們未埋單便叫我們四個人讓羊張檯出來，我想我這忠實fans都不會再去吃！

食物質素一般，要客燒羊扒，拿到來的，是涼的，不 知燒好後放在旁多久；告知，再燒，只熱一半。預定時間是吃到9點，8點半就要最後點餐(last order)，8點50分就提醒你要交台，但餐廳內還有很多空台，而且門口無人等位。今時今日，這個價格亦不見得特別吸引。應該無下次。

平時上黎睇食評多, 估唔到第一次想要係度留言, 係想提醒大家, 呢間野已經好唔掂.本身係朋友介紹去呢間試, 係幾個月前, 果次食既野同呢度睇到既相冇分別.點知, 當我帶同一班朋友今日去幫襯, 一心想開開心心咁食一餐, 點知叫乜冇乜. 話係放題, 結果叫雞翼落左5-6次單, 只黎得2次.魚生落左6次單, 只黎得2次, 重要係品質差過上次好多.比 $170+10%, 結果只係食得2隻天婦羅, 多春魚, 燒冬姑, 幾片魚生, 栗米, 縮左水既羊扒, 雪糕黎得最快..... 可能你會問, 咁可能係漏單呢? 其實叫左服務生check 過, 又請經理幫我 check 左幾次, 然後係..... 唔知 wor. ok, 咁再落單囉, 到隔離台有10隻雞翼到食左, 我地都係未有, 然後係 last order, 再送張單埋黎, 要比錢. 感覺好愕然, 唔開心, 決定唔會再去喇.如果話金融海潚 or 人地都要賺錢, 講真, 打開門做生意, 冇理由要佢蝕.但係已經冇野食, 叫極都唔比野我地食, 咁大個人, 真係第一次見.十隻雞翼值幾錢呢? 比接近 $200 都只可以食一隻, 再叫就冇, 咁叫放題?

四月某一日,我係這裡吃放題雖然我大食少少,並且我們使用OPENRICE 的十元優待券竟然遇到經理級人物問,表明我係度食,好抵食呀那種酸死人語調,簡直係同我講,你吃太多啦,一個人吃兩個人的分量喔你看到我高六尺重210磅有多20片左右各類刺身,係人都知道,你的魚生是細片的(雖然新鮮)2件手卷,紫菜夠脆OK 少少天婦羅(蝦這個最好食.要讚)20串各類串燒,串串係超微型size, 味道一般2片的焗三文魚,講明走美極,有做到,謝謝1碗小拉麵, D湯充分濃,好飲1碗容量得6成滿的魚湯好濃好鮮甜.要同朋友SHARE囉1個雙球狀雪糕,這個濃烈芝麻味好食兩罐汽水咁認為我食得好多呀? 還成日搵職員候實我唉,好像給我踢入了大食黑名單.食得好冇癮離開時聽到多謝晒,感覺到是一般行貨的叫聲如果唔比我任食,就唔好做放題啦想我再去都要考慮

一如較早前位食評家mables一樣,小妹已光顧松屋的尖沙咀店好幾次了,不得不指出近日該店質素及水準均差了很多.切魚生手法越見精巧,面對薄薄刺身的外觀心中已一沉,但阿Q地想著不打緊,落多幾次柯打才相等於一般size,當然食時之興奮口感已大大減低了其他網友一直推介開的燒羊鞍亦無啦啦變得勁失敗,又細塊又韌, 咬落真的無咩肉食,仲感覺有點焦燶味串燒屬一般,無咩特別好在別號為"美男廚房"的根本英俊San仍熱心地提供拿手食品:1) 焗三文魚 (自選食物單內無的) - 仍保持水準三文魚油脂勁豐富美味,絕對入口即溶 (街外真的食不到)2) 三文魚皮 (自選食物單內無的)- 又香口又脆,送啤酒一流最後當然照常柯打芝麻雪糕(因最香濃). 其次紅豆雪糕都屬於唔錯的.總結現時食品質素已回落至"一般",間唔中先會考慮再幫襯過了

已經光顧多次感覺服務,食物非常好,亦曾經寫下好食評早幾個禮拜前我與幾個朋友幫襯.明顯食物水準質素差了.我不敢妄評用一頓膳去評定一家餐廳的好壞,可能比較片面又或者是否會奏效其實要一家店子長期保持穩定水準確實是件難事用體諒的角度,姑且給它多一次機會.四月十號再介紹幾個朋友到來,點知出事.原因一行五人,服務員安排了一個只可給四人的位置.很迫,仲好熱但是最後轉左個六人卡位都幾舒服入單僅僅1分鐘,刺身未到,雞翼先來到.皮是黑漆漆且焦燶味非常.朋友說:試問什可能1分鐘這麼快燒出焦燶的雞翼.相信是別人唔要再給我們.叫一個侍者拿走後卻沒有再送上.我都唔明點解.尤其那個特別推介給朋友的四串牛舌.全部又黑又燶又細塊的.同樣地明顯是一早燒定.再重復燒熱.又乾又硬.失去應有肉質的鮮味.失望我們找個位英俊生問下.他瞧一瞧之後.跟住親眼看到他拿走我們那碟牛舌走.送給另一人看,五分鐘後,它們好像當我地D客人冇到.講完如事求奇再來兩串.又黑又燶.還有一串特別短.我忽然想起上次曾經反影所述情況給他.亦看見到英俊生面容表情不開心地答覆他說當然已經與老板表示了,不單只一次.記得他清晰的說超過100次.我們懷疑這裡掌管人是一

這次去澳門，原本要去吃的葡國餐廳休息了，在實在想不到晚飯在哪解決的情況下，提早回港，去我弟建議的松屋日本料理。松屋這名字好耳熟！噢，是那家吃到飽的松屋嗎？銅鑼灣也有分店，我吃過，水準不錯。先來刺身，點了三文魚﹑仿鮑魚﹑什麼什麼貝﹑還有魷魚。全都很鮮美甜，以任食的價格來說，是合理的質素。一連嚐了好些其他菜式，如金菇牛肉卷﹑手卷﹑鯖魚等，也只是普通而已。尤其雞腿菇。銅鑼灣那一家好吃太多了！串燒牛舌只加上鹽和黑胡椒，帶出濃烈的牛味，可惜牛舌切太薄讓肉汁跑掉，所以需要足夠牙力才咬得到。吉列蠔則是讓人喜出望外的美味。雖不至豐潤肥美，倒也蠔味濃郁，炸粉也不會包得太厚，剛剛足夠保持外層的鬆脆。小小一件，讓人可以一吃再吃也不覺膩。而松屋的炸物似乎都不錯，這道炸蝦天婦羅即點即炸，因此若上桌後立即沾天婦羅醬，能保持外脆內嫩的好滋味。難得的是天婦羅粉沒有喧賓奪主，每一口都吃得出主角蝦子，因此雖然不是甚麼今人感動的味道，倒也合格有餘了。吃飽飽，就來到甜點部份。松屋只提供冰淇淋當甜點，我點了綠菜和芝麻冰淇淋。很想知道松屋是用哪一家的冰淇淋？真的好好吃哦～～～～結果整頓飯下來，竟然是冰淇淋最得我歡心！用餐時間限在

揀左在松屋為兩位朋友慶祝生日, 好彩松屋比到房我地, 令我地在房內玩過痛快, 不過地點就唔係好就腳, 無論在紅磡或尖沙咀火車站落車行去都幾遠~一入到鋪, 燈光是暗暗的, 擔心房內都係咁, 幸好房內燈光明亮, 感覺舒服. 由於房間size既限制, 我地都坐得幾迫.講返食物先, 種類雖然少, 但味道都幾好, 尤其係羊架、芝麻雞翼、牛舌、還有傳聞中店內有位風趣幽默的人士送給我地既焗三文魚腩, 入口即溶呀、炸三文魚皮亦好得意(好似食薯片咁)、廚師特別製作既煙肉焗扇貝就普通左d.刺身都ok啦, 第一盤拎黎既三文魚好好味, 但再點之後拿來的三文魚, 部份仲有d細粒雪響中間, 但唔嚴重既；而馬刀貝就好爽, 吞拿魚唔鞋唔多筋、魷魚都ok, 刺身既size係一般既size, 唔係細塊的. 正如其他人的食評一樣, 壽司d飯就唔得, 真係好散, 朋友夾兩次, 成舊飯分左屍….. 串燒類同一品料理類都幾好啦, 燒粟米好香, 燒蕃薯甜；最搞笑係雪糕, 張紙其實係只比點單球或雙球, 但我地就request芝麻+紅豆+綠茶+菠蘿4球放在 一杯, 各人都食得好開心; 飲品就黎得慢左d, 熱紫蘇梅幾好飲, 見到

今日兒童節..諗住試過銅鑼灣果間都OK 咁就諗住黎呢間試啦 ..因為睇到 OPENRICE 食評好高 ..見 D 人都讚就同好朋友黎睇下有咩分別啦 ...點知....出事 !!!!! 間野已經唔容易搵 ...去到我同朋友 2 個人就被安排屈埋一角坐..2 個並唔係面對面坐.. 而係有 1 個會對住牆食野 ..5 點半去到 .. 落 order ... 嗌 D 人要嗌 3,4 次D 野冇銅鑼灣黎得咁快之餘仲要 d 野食唔熱 , 唯獨最熱係串燒墨魚丸 ..但係銅鑼灣果一間係原粒墨魚丸 , 呢間就係燒章魚丸 ..亦因為我地 2 個被安排坐牆角位 ..所以成日都比人冷落 .. 至於 d 野食 ...炒什菜係苦 !!! 手卷 d 紫菜係冧 , 炸蠔 , 炸海鮮卷 , 餃子唔好食d 野飲 , 蘋果綠茶唔好飲 ...最終有 d 串燒落左幾次 order 都冇黎到 , 混亂到不得了 ...只係雪糕..刺身..天婦羅..係食得落口 ....唉 ... 過左個非常失望既兒童節 ...

見呢度咁多好評, 價錢又ok, 今年阿哥生日就決定去呢度食啦開頭book左六個, 但係後來有一個話腸胃炎唔去, 到佢打黎cfm 0個陣咁咪話比松屋d 人聽六個改五個囉...但係d 態度好似麻麻地咁...咁都無辦法ga la...你話傷風感冒就話0者, 腸胃炎點食刺身同串燒呀?唔滿意都係咁話啦...實唔會為食你呢餐再比多几百蚊睇醫生啦去到既時候, 樣樣叫d 試下先...d 刺身好唔得... 唔係好新鮮又無味淨係得馬刀貝几好...所以除左第一轉之外, 其餘次次都只叫馬刀貝同立魚壽司d 飯唔得, 點夾都散...但係甜蝦几好味, 點解無甜蝦刺身呢?! 手卷賣相都唔錯...熟食反而几好, 芝蔴雞翼係几好, 但係比較油膩串燒好好味...最鍾意煙肉車厘茄, 羊架我無食, 不過見爸同哥佢地都叫左三次應該几好番薯好古怪...紫到成舊野黑蚊蚊咁... 有d 驚嚇白果勁唔掂, 都未熟既... 又苦喎其餘串燒都唔錯呀!之前有人話過佢個肥牛炒飯好好味, 叫黎試下啦...d 飯係好乾身, 炒得唔錯, 但係碗野淡到乜味都無...help!!!點解要出聲先有焗三文魚同三文魚皮? 搞到我地無得食...咁既價錢, 應該

3月17日, 是小弟的生日 女友給我一個驚喜, 已經於當日晚上8:30訂位食生日飯, 由於早了出去逛街, 大約7:30就去到松屋問問可否早些入座, 幸好當時仍未有太多客人所以成功 但可惜的是侍應生安排了一個類似角位的地方, 小弟更要面壁用餐, 加上該處昏暗, 在場亦有很多客人談天說地, 場面好不熱鬧, 感覺上環境方面扣了些少分數安頓好後, 我倆便拿起餐牌看看, 發覺比起小弟曾經食過的日式放題中, 松屋的選擇的確是比較少, 想是松屋為了按制成本, 一些較高檔的剌身食品會比較少, 而且都是熱門種類居多, 由於女友很喜歡食三文魚, 所以當晚都Order了五、六十片(細片)左右, 而小弟則專攻此店的串物, 串物種類方面當中以牛舌及雞軟骨燒得不錯, 羊扒都唔錯, 但當日明顯是調味不夠, 其他的串物都有叫, 可惜有一半都無端來, 小弟都Encore兩次牛舌呢天婦羅方面都是熱門的南瓜、番薯、茄子、海老等, 除了海老外, 其餘的炸得唔錯, 因為海老的炸粉落得太厚了, 請放心!此店的天婦羅都是即叫即炸, 最喜歡便是這種感覺! 另外要讚的是松屋的炸芝麻雞翼, 調味夠, 亦都是即時炸起, 加上那點點的芝麻,