松屋日本料理 (已結業)

這是我第一次寫的食評都是看到大家的好評,才跟朋友試試看這間食店因為這次是我請客,要豪氣又要看看荷包比我想像中好哦我當天致電留位,雖然預約不到6點那時段職員建議我歡樂時光時段,比我預算便宜一點呢來到食店,因不太懂尖沙咀的道路,都找了好一段時間最後準時到達,一來到就見到根本英俊先生跟其它客人們在聊天呢他們應該熟客來的,看到有講有笑我也當然爭取時間,點食物而職員也很熱心跟我們解釋食物單,及先來一個熱湯給我們而根本英俊先生也很熱情走過來,邀請我們試試他的小菜,焗三文魚呵,其實我沒想過走到食店,會有熱情的職員招呼呢可能是我身旁2位美女吧,沾點光..整體上,食物是不錯呢我吃到飽飽哦吃了刺身,燒物,燒物一定要推介,因為真的很不錯首選雞軟骨,日本蕃薯(我覺得挺特別的),雪糕(芝麻味),還有一個凍飲料(名字忘了)飲起來是華梅味道的,薑茶也不錯的,而我的朋友就喜歡燒雞串各位推介的芝麻雞翼,因為我吃太飽及漏單關係,我在最後吃,感覺一般有很多比較特別的有燒蒜頭(感覺咸咸的,蒜頭味道消失),燒白果(也是咸咸,有點甘)而覺得味道一般有沙拉.我最喜愛的燒雞翼(感覺不是特別好吃)最可惜是,我沒有點啤酒,因看到落單紙刪

尋日係我老公既生日.. 本來已經book左另一間日本餐廳..但朋友推介松屋味道好.. 服務又好..於是下午打去book位.. 又好彩咁比我book到7:30既檯..早在電話已經講左兩個大人加一個bb(仲要求左要baby chair).好喇..當晚7:30準時去到..點知被安排坐係走廊既一張2人檯..三個人點坐呀??後來有人話幫我加多張摺檯..ok..冇問題..好過2人檯丫..點知過左一陣又話摺檯冇晒..加唔到等等既理由..跟住又有人話你有bb..不如安排我去坐一邊有sofa既檯..咁會坐得舒服d.. 我同老公都以為sofa既檯係4人檯..但點知.. 又係2人檯.. 隔離仲要係3張檯坐7個人..大佬.. 點坐呀???有個好似經理既人同我地講..其實我地今晚既booking已經full左..而家我地只係加檯比你地架咋!!!!真係好好笑...我係打電話來book位架..唔係walk in... 咁我book位時你就唔好接受我既booking喇!!!我已經通知晒所有既朋友..black list 呢間松屋...而家咁既市道仲要有d咁既service.. 有冇搞錯呀?!?!

有時諗唔到想食咩好就會諗起呢度!十年前左右第一次接觸日式串燒放題就是在美國銀行中心的松屋,到今日都仲有幫襯係因為這裡的水準穩定,雖然不會是去到那種「食到嘩一聲好正果隻」但亦不會令人覺得好難入口好唔惦果種!全部點菜紙上的菜式已經一早試勻,但每次去也會再吃的四款:肥牛炒飯----可能會有人話「係咪儍？放題食炒飯？」但佢嘅炒飯真係唔錯!飯身有油香,一粒粒炒得好乾身!比街外收幾＋蚊碟嘅梗加好味!牛脷及羊排串燒----當然同高檔貨無得比,牛脷有咬口夠入味,羊排亦都肉質嫩滑.美極焗三文魚----以前係未試週過食熟三文魚會咁滑同無腥味嘅!可以話係下欄變上菜,刺身起剩嘅肉低温焗一焗加檸檬汁美極吊味!果然係自稱根本英俊嘅美男厨房!因為屬於外表睇就好似好有食力,但一落場就知流過鬼！所以來這裡就可以每樣食少少但款式就可以食多幾款喇！

以往食到好味既,但服務就唔多好服務OK既..食物就一般一般...但松屋真係食物同服務都係好好,所以令我呢個懶人上黎打呢篇食評~1)服務態度良好,不能盡錄,只能憶述最深刻的:A)周不時有服務員埋黎問有無漏單(雖然問完都可能會照漏,但追佢地第2次佢地就會親手送上黎)B)我地有BB車時,去到會主動埋黎幫我地收起(泊車),到走時又會問係咪有幫我地KEEP起BB車,佢地會推埋黎比我地,真係有D五星級服務FEEL!!C)影BB食野D相時,有位先生行埋黎話我地咁近係捕捉唔到BB食野既神情,因為BB一見有相機又會唔食~佢叫我比部相機佢,佢真係行埋一邊搵機會影低BB食野既猴擒一面,哈哈2)根本英俊生ge"愛心美極焗三文魚"真係好滑好好味~~~有時仲會走埋黎問我地要唔要多碟添呀~焗扇貝都好味,但一粒起兩粒止,因為好漏3)刺身:新鮮,亦未發現有其他食評人所說的冰塊出現,好好味呀~~~~~~~~~~4)燒物:熱辣辣,係我凍天ge首選~5)壽司/手卷:通常呢D放題既手卷壽司都驚死你唔飽咁大大件又難食,但呢度既就的的式式細細粒容易食 而且手卷既紫菜好好味呀ps.有次打去book檯,請明有bb,佢地都話會有bb椅,

昨天是太太生日, 原本想去吃酒店自助餐, 但因是突然想吃打去訂位時已 full booking, 想起公司附返有間好久沒去的日式放題, 打電話去訂位(好彩有位), 放工後接埋太太一齊去, 因早去到 (大約 6:15pm) 客人不太多, 都有幾個月未去過, 個餐廳老板 '友哥' 居然仲認得我話點解幾個月無來呀 (心諗係真唔係呀!咁好記性), 坐下不久佢就攞咗啲 menual 無得叫的 美極焗三文魚和焗扇貝俾我地食, 真係好好食, 當佢知道我太太生日, 唔知晌邊度揾個壽飽來, 點咗枝蠟燭幫我太太興祝! 佢太識做生意喇!

前幾日同左班fd去左呢間食.個到d衛生都幾好.ps.好似見唔到有摺台.環境都係一般般咁就叫左d刺身,幾新鮮,唔錯!至於bbq個到,就叫左好多好多.不過主要都係d扒個d,d味arm arm好.埋單都係為返百令蚊一個,都算幾抵食.服務員既態度好好~!值得再去.

尋晚我與幾位朋立刻上去試試.裝修唔錯.感覺舒適, 又唔會太嘈吵.食物其實不是很特別但係新鮮.刺身好新鮮, 又大片羊架肉質鮮嫩抵讚雞翼燒得皮脆.燒牛舌爽口.侍應哥哥推介魚湯,回味無窮 甜品 綠茶及芝麻雪糕好好食侍應生D服務態度我非常滿意.有個服務員都幾nice值得欣賞建議夜晚十點後去，坐得舒服啲.有優惠仲有得平

二星期前先光顧完銅鑼灣個間..今次反而想試試尖沙咀這間!是晚星期日..我們選了5:30~7:30 $133位!原本冇諗過訂位的..因為我地得2個人..加上又見上次係銅鑼灣都唔係好FULL.咪諗住唔訂囉..最後都係打去訂左..哈哈..好在打左去訂ja..我地前一日打去..開頭佢講冇位喎..好失望.點知原來攪錯係..係有位..好在!無論環境定食物..我都係覺得銅鑼灣這間好好多!比起銅鑼灣的..這間真係細好多..位都比較迫..比較舊!侍應方面銅鑼灣的有成十幾個人..人手足夠.相反這間人地不足..得幾個..個個都好像好急咁...好忙!但服務態度都好好..唔會黑面!坐左冇耐就有個侍應送左2碗湯黎..不過我冇咩興趣..飲左小小就冇飲了..想飲飽人??之後有個男人送個<< 焗三文魚 >> 比我地..仲介紹自己和這個焗三文魚應該是老闆了..我冇想過食這時段都有得送的..焗三文魚真係好好味..好滑.先黎杯飲品..我至愛的熱甘桔檸檬蜂蜜.第一位同樣好入味..但最尾叫第二杯時已經冇咩味..好淡!刺身:銅鑼灣的新鮮點.這間的刺身真有點雪味..應該是冇味!第一次落已漏單了!壽司.

08 最後一次勁食，是沒去多月的松屋；再訪的原因不外乎為了可任食燒牛脷。星期二選了 9:00 那一輪，全場爆滿，十分厲害。先來是三文魚、吞拿魚和劍魚刺身，再加兩件蛋壽司；刺身 ok 鮮甜，壽司就同飯分離，捏得唔夠實淨，一夾散晒。跟著是串燒，叫了雞軟骨、牛脷、雞腎、煙肉車厘茄、章魚小丸子、冬菇、大蔥豬肉串等，整體來說，師傅好似唔記得落鹽，燒物冇味，而且漏單嚴重，如煙肉車厘茄和大蔥豬肉串入了 4 輪紙，最後只來了 1 串煙肉車厘茄，問侍應為何遲遲未見大蔥豬肉串，才被告知已售罊；再來便是炸物、天婦羅和炒什菜，味首不過不失，今次要讚的是炸蠔，大大隻，粉漿又薄，仲熱辣辣，好好味；最後當然是雪糕，要了芝麻和菠蘿味，後者雖然有粒粒菠蘿肉，但味道太人工。

之前來過幾次食飯，無論服務和食物質素都唔錯，之後都推介俾好多朋友。昨天book左枱同2個朋友食，大家都一致認同質素差了！1. 頻頻漏單，我地畫左好多次紙仔，點了海鮮卷、炸蝦、炸蠔、串燒 ... 通通都漏單，催過了，那個女侍應應了哦 .. 知道 / 麻煩等等 ... 好快 ... 我地都等到吃唔到想吃的，朋友已經嬲爆 ... 2. 刺身藏著雪粒，叫了魷魚刺身，當吃入口有雪粒，初時以為咁岩姐 ... 再落第2次單也是如此！三文魚刺身的色澤很“瓦”色，也沒有鮮味3. 來的雞翼串燒，上枱以為好靚，當反轉下面已是燒焦了今餐令我和朋友都吃得很失望，沒有吃過什麼，只得飲了成肚水，從未試過這樣架，以後都唔幫襯！

今天是我生日, 所以朋友同我一齊去食buffet興祝其實食物選擇唔多,只有三張紙(炸物,刺生同串燒),另外仲有野飲紙+雪糕紙, 合共都有100款野食到啦..........坐落時覺得環境麻麻, 但服務員態度非常好(友哥又叫根本英俊先生)他立克經以幫我地預備咗剌生,焗扇貝.....焗三文魚......全部都係由佢親身美男廚房制造比我地品嚐,他又答應我牛一生日送我一支香檳+ 一個香吻(由於香吻是有限的,但當天經以送完,所本人只好其待明年的牛一再來)ha ha~ 我最滿意的是燒羊架,黑椒同鹽調味得啱啱好,美味非常!!! 日本枝豆十分新鮮, 就算去到銅鑼灣某好出名的老上海雜貨店都買唔到咁新鮮既枝豆,值得一試..值得一讚的是他們很有效率, 能夠三分鍾內即叫即做即到張我order既食物放係大家一面前.....勁爆!! 食物有質量 服務有質數

比較完紅磡的竹屋後，選擇了松屋吃日式放題枱排得很密和頗細張選擇及質素正路沒什麼驚喜，天婦羅和煮物一般，燒物則不錯(可能是當中最好的了)花巧的特製推介e.g.魚湯和焗三文魚，也頗具心思吧最喜歡食肆任食連任飲汽水啤酒希望會去多次(位置真有點掉腳)

前幾日同屋企人去食dinner我地食左一陣, 有個人走埋黎話送 "美極焗三文魚" 俾我地食食落口即溶, 好鮮甜, 好好味後來先知果個人係老闆, 叫 "友哥", 仲叫我地唔好叫佢做"根本英俊" , 佢會唔好意思喎我地讚友哥推介勁呢款好味既菜色, 好食既野就一定要影相之後, 友哥仲送多幾樣野食黎俾我地有燒三文魚皮, 焗扇貝, 刺身拼盆搞到我地食得勁開心友哥既熱情招待好到估唔到其他d 野食都好好味價錢亦都合理, 值得再去我今次係第1次食完野, 會響open rice 呢度留comment 架平時我都係睇人地既commnet不過, 個環境氣氛就差左d唔好再用摺枱就最好

為了補祝友人同預祝本人既生日, 揀左好耐終於都係去左去慣既松屋當日非常多人, 次次去到都full house, 好在有訂位一去到就同根本英俊閒聊, 佢知道我地生日就送左一支香檳同畫左幅畫比我地, 佢d畫功都唔錯!~哈!~根本英俊依然好笑好客三文魚腩依然肥美新鮮三文魚皮依然香脆好味焗三文魚依然嫩滑鮮味佢特別送既都好好味另外芝麻雞翼同刺生都好正d燒物都ok不過個蝦天婦羅就好似差左個粉比之前厚終括黎講我地都食得好開心不過可能我地無要求坐卡位, 早成個幾星期訂都坐係路邊4人台, 搞到友人一開始唔係咁開心

來呢間店食, 記得認住阿根本英俊老闆, 記住呢個名, 到時就會知係邊個.何解? 見倒佢可以問佢比錫紙燒三文魚, 入口即溶, 十分好味我們去這間店是吃任點任食, 三小時任食 (平安夜$200, 好似要加一 , 平日平宜很多)可以點的食物種類不是很多, 但味道不錯, 很出色, 如炸蝦天婦羅, 芝麻雞翼... 但手卷不是太好, 紫菜很淰, 不夠脆, 這方面可改善一下. 有些食物需要特別向根本英俊問才有得食, 如好好味的燒三文魚, 焗扇貝服務態度很好, 超好, 很開心 ; )