松屋日本料理 (已結業) 查看

7/5(五) 8PM提早下班的一天,一家到松屋飯聚, 乃家母的主意.8時許到埗, 人頭挺密麻的內部環境.一行5人坐於不算有利的近廁位.食物方面味道及選擇也吃得過去.以三文魚刺身,翡翠螺及羊鞍味道較為突出.另一賣點為任飲的特飲,維他綠茶及罐裝汽水.$178這價錢,一嚐也可.最得人心是其服務生態度誠懇,效率奇高,結賬時放下$20小費亦被婉拒了...

地方比以前大三倍,環境好,特別坐近窗邊.食物三文魚刺身比較切得比碎,魚生刺身溫度不及舊店保持低溫,變得冇更新鮮,真可惜,以前是‘N01’, 牛舌 羊扒, 雞軟骨,保持水準.值得一讚,這裏清洒好好飲.

食放題最主打當然係刺身啦! 不過依度d刺身.........一件二件切到碎濕濕咁..... 咩魚咩貝都係!!! 唔捨得俾人食呀?定係細心過頭, 切細d 方便進食? 我又唔係bb... 唔使咁好招呼啦!切到咁細, 係平時正常既1/2, 完全冇口感!!!!不過算啦, 因為根本都唔多新鮮小食仲好, 串燒類即做夠熱, 夠飽肚囉!不過d 刺身搞到咁, 咩分都扣哂啦!

之前睇人地推介話尖沙咀依間松屋唔錯,仲話生日有7折.咁就打去問下.佢地話當日生日0個個會有折.咁我就順便book埋"木台"我早3日打去BOOK0既都只係得返 C時段 . (9:00pm - 12:00am) 真係咁爆!!等到9:10pm可以入去啦.見到張order 紙咩都想食.但我地得兩個人,所以每樣都係叫得1-2 0既份量整體上我地覺得,d野都好好味.起碼夠快同夠熱.飲品有幾多選擇.仲有原盒鮮綠茶tim!!good good仲有我鍾意0既雪糕tim呀!!我食唒4隻味,我最鍾意係菠蘿同綠茶味.其實同去食buffet都冇咩分別.係唔洗自己去拎野食之餘,都有好多食物0既選擇.都想再去食過

一行6人為3個壽星食生日飯, 我提議去松屋, 我之前去咗銅鑼灣果間幾次, 今次因友人多為”九龍及新界”人, 唯有去TST呢間。 地點真係隔涉、難搵到爆。 訂咗5:30 – 8: 00pm, 我5:20pm去到, 一個客都未有。侍應安排我坐梳化位, 我said no, 6個人點坐梳化位呀大佬, 我要求侍應轉”普遍”位, 佢居然問我點解, 因咩事要轉。我話6個大人坐唔到囉, 佢都仲要問：”坐唔到, 係因為….??”大佬…填字遊戲呀?!?!我唯有話：”因為我地個個都肥囉”…佢先call 咪同門口經理講我要求轉位, 佢先死死地氣轉比我。咩事先, 歧視肥人呀?!?!搞到我未食都有d火。一坐低有另一個侍應 (佢地個場唔叫大, 不過已經有十幾個侍應)問之前有無食過, 知唔知個叫法, 我話我食過銅鑼灣果間。食物紙上的食物都係同銅鑼灣果間一樣, 不過就唔明白佢明明有翡翠螺, 食物紙上又無得剔, 要問先有, 仲要係一人一隻。呢間出現經常漏單的情況, 叫咗幾次刺身都上得勁慢。上咗幾轉熱嘢都唔上刺身, 要我地主動問先有。仲要我地果枱的刺身勁細塊, 隔離枱 (成12個人) 就勁大塊, d嘢食又嚟得快..咩事先。

好一段時間沒來松屋幫襯，心思思想來這裡食番餐。Book了最平的時段，才5：30左右便來到這兒。原來「根本英俊」先生已不在，不能再免費試到他的招牌「美極焗三文魚」，的確有點可惜。幸好這裡的服務和食物水準仍能保持，一間已廣受食家歡迎，愈來愈多人幫襯的食店，仍能保持往日未廣為人熟悉時的水準，沒有像很多食店一樣愈來愈差，確是值得一讚！這裡的食物其實一向都差不多，和半年前比較，似乎沒有什麼增加，不過只是百多元的價錢，可以吃到質素不錯的日式放題，服務還很不錯，都算是物有所值吧！個人覺得，這裡最好吃的始終還是不離「燒羊扒」、「芝麻雞翼」、「馬刀貝刺身」、「燒脆肉瓜」、「汁燒牛頸脊」、「各款雪糕（菠蘿、綠茶、紅豆、芝麻）」等，都是來這裡幫襯必叫之選。另外，不是自已剔，要叫侍應拿才有的「翡翠螺」也頗為大隻和新鮮。至於其他食物，好似烏冬和壽司等，明知道不是這裡的主打，通常自己都不會叫，就不知道水準好還是壞了。除了食物，這裡的服務水準也很令人滿意，侍應勤快，也很少漏單（近乎沒有），而且頗有禮貌，也是這裡久不久吸引自已番兜來吃東西的原因之一。p.s.：這次幫襯，沒帶相機，靚相欠奉，唯有齋噏。

離哂大譜無根本英文先生o係到,以為少左d臭話聽、少左溫馨刺身、少左焗三文魚之外亦唔見哂以前一路keep住ge質素...及一向我最欣賞ge服務態度刺身未解凍,三文魚食落去脆脆的..擺左唔夠15mins,仲出埋水!!以前笑容滿面ge服務員,都唔知係咪英俊生唔o係到,個個都黑口黑面埋單o個時仲離譜...本身我地都仲有半個鐘,咁你要先埋單唔緊要呢頭埋員,0頭就有服務員黎執野,都唔緊要la,可能一陣有人book左檯執緊d方便一陣我地走時快d可以安排人地入黎但個服務因為對手唔夠長,居然手指指檯邊ge野,講左句"幫我攞o個個過黎丫"我就諗住順手無所謂la,跟住佢再講"攞埋o個個"無唔該,無表情,無語氣....拎完之後我同同行ge人講"咁奇怪ge?唔夠手長咪等我地走左sin執lor"同行ge人話"係lor..有無搞x錯ar??咩態度ar??你做乜唔鬧佢ar?"我話"算la..今日係黎食生日飯,無謂搞到勞氣收場,總之唔會再黎la"我地都已決定...........過檔!

　　原本真係好想俾個笑，但係無辦法唔彈！其實冰島個火山爆左好耐，相信松屋都唔係第一日停三文魚，點解我訂枱佢唔話俾我知呢？雖然佢話會用鱆紅代替三文魚而代替品都好新鮮，不過三文魚係我主打，我真係覺得俾人呃左... 然後就係限定推介，我九點入場，東風螺停左又唔出聲，咁做生意唔得架喎，貴貨早停唔話俾客知...　　都唔係第一次食松屋。佐敦店向來串燒同雪糕都幾好，今次依然保持到水準，推薦串燒牛舌、羊扒、紅豆雪糕同綠茶雪糕。刺身方面，鱆紅同馬刀貝新鮮，其他不過不失。麵同飯無叫過所以不予評價。天婦羅比想像中好食，入口鬆化，只係過熟左少少，南瓜天婦羅幾好食。值得一提係呢度個麵豉湯係有料湯，唔係淨湯，飲得過。　　至於話呢次難食到好難忘o既食物，相信非炸蠔莫屬，話說一件炸蠔有吋半左右長，而我發現蠔o既大小竟然同蚵仔煎o個D差唔多。我認為如果松屋入唔到蠔，不如停左佢，唔好做壞自己招牌喇。　　講到任何放題都經常出現o既飛單，松屋一樣係有o既，不過只飛壽司同卷物。同埋呢，羊扒無論叫幾多件都係永遠只出人頭數，想食多幾件唯有分單叫喇。　　最後又要講返訂枱問題... 訂枱o個陣話可以食到十二點，而事實上我地食食下聽到侍

睇左咁多食評，終於去左喇!!!!原本諗住去旺角個間~後尾揀左去tst個間~好彩冇揀錯！男友book左5:30-8:00去到時冇咩人~跟住６幾就已經坐滿晒人~o岩o岩坐低寫單，有個人走埋黎問我地要5要試焗三文魚咁就知道呢位就係久仰大名o既根本英俊先生喇!好期待o既美男廚房美極焗三文魚~真係好正，超滑，又5腥~後尾男友仲想食，同根本英俊先生講，佢即該整俾我地食~超好人ar~上菜速度OK!５會等太耐~最開心係超多款串燒，仲要係好有水準，最正就係燒雞串，我地叫左十幾串有燒汁，唔乾身，好滑，好惹味，一定要試~仲有雞軟骨，雞腎，雞脾菇，豬腸都好好食~天婦羅就普通，５係特別好食~刺身都幾好，三文魚係厚切好肥美，幾round都好靚!其他刺身都好新鮮~GD!!其他野食都好有水準，芝麻雞翼，炸蠔，咩咩蝦卷，金菇肥牛卷........全部都好好食~食食下有個侍應俾左碟焗蠔我地~估5到有得食~不過5係太好食，芝士味大濃，冇咩蠔味~有兩樣我都覺得一定要試就係羅白煮牛舌﹠炸豆腐~羅白煮牛舌羅白好入味，牛舌細細粒好“淋”炸豆腐外脆內軟，豆腐好熱同好滑，正!跟住又有送甜品，係椰汁......唔知點講好....but係

今晚為了慶祝easter holiday,於是同家人共七人去食日式放題!!!有朋友介紹這間餐廳,因此來這裡試試.....這間餐廳環境一般,地方淺窄,有種好舊的感覺,至於洗手間跟茶餐廳一樣污糟款式不算太多,但飲品可以任叫.....串燒款式最多,味道都可以,但多數偏咸及size偏細刺身款式不多,多數魚為主,但有部份未夠時間解凍,因此食到有雪,感覺一般天婦羅新鮮炸起,最脆口,好食雪糕是普通一般貨色食物方面普通了點,沒有多大驚喜,大家都一致認為一次就夠

好耐無食過日式放題，松屋可以任飲任食收費 $148，算係平，估唔到重好好味tim。剌身選擇不多，但新鮮好味又份量十足。三文魚好肥美，馬刀貝鮮味。串燒和炸物選擇多又好好味。最正係牛肉粒、雞翼、芝麻雞翼、蝦、雞脾茹、翠玉瓜、雞肉和秋刀魚，一定要食。飲品選擇也多，我最開心係有四款雪糕任食，菠蘿味有菠蘿粒好正，我encore左好多次。食物質素高之外，店員效率好高，我地密密食唔停口，個個都食得好滿足。

一行11人book左8:30pm 食到火都黎!!!之前食過一次，印象都幾好，但係今次去就差左好多。首先係刺身，刺身order紙款式好少，記得上次去有甜蝦刺身&刺身好新鮮。今次問左個職員有冇甜蝦刺身啦，佢問我要幾多，我就話要20件啦。之後佢幫我係張order紙寫左d野之後就有得食，點知再想order既時候佢話只可以order一次=.=馬刀貝&尤魚刺身完全唔得，好"梅"，唔爽，一件切開三件咁比客人食。其他刺身都係好差，唔可以入口。熟食款式少。只可以講係我食過放題中最差既一次!!唔知點解咁多好評?????每人連加一$185 呢個價錢咁既質數絕對冇下次，好失望!!

和朋友一起去食飯一開始就係大大盤刺身啦賣相很精緻,有三文魚、鮑魚、劍魚、馬刀貝等三文魚水準唔錯夠新鮮然後, 就係焗三文魚, 仲有芝士焗生蠔焗三文魚以及焗生蠔的味道相當唔錯焗三文魚帶比你好似食豆腐嘅口感芝士焗生蠔有蠔味, 蠔上佈滿芝士, 十分香口各款串燒中以燒羊扒最突出, 羊本身帶適量油脂, 口感一流, 非常滿意其餘的燒物雞骨腸, 多春魚, 雞軟骨, 翠玉瓜, 白果又是較大路則不過不失另外, 飲品以及雪糕任食, 有朋友在飯局開始時, 已數了五六球雪糕雪糕種類有芝麻, 綠茶, 紅豆以及菠蘿味, 任君選擇呢度嘅侍應服務態度好好, 招呼周到, 加上根本英俊先生嘅爛 gap, 令人感到好親切將來可再幫襯‏

其實想來很松屋很久了，早就在網上看到各式各樣的推薦，剛好遇到老爸的生日，正好給予機會去一嚐。這裡的位置較偏，但幸好也不太難找，在遠處就可看到其白色招牌。很好認！我們是光顧5:30-8:00pm場的，我們大概5:25就去到，並沒有太多人，甫坐下，就有店員貼心的為我們說明一切有關點菜的事宜，很體貼。到日本餐廳，先點刺身是必然的！三文魚的色澤不錯，脂肪分佈平均，好新鮮，鮑片面積雖小，但勝在鮮甜，備受好評，而其他像吞拿魚則沒什麼特別。之後的海鮮卷不算特別好吃，但皮薄兼脆，吃下去一點也不油膩，還有沙拉醬附著來吃，也是不錯的選擇。這裡的燒羊扒火喉控制得頗佳，完全不老，還有少許的肉汁，而且不會有一股強列的騷味，就連不怎吃羊的老爸也稱贊，可見真的好味不過這裡的炸蠔和炸餃子就未如理想了，餃子炸得很乾，而且體積細小，沒有太多的餡料...總知不好吃而炸蠔我沒有吃，但據我媽媽的評語，那隻蠔的真正大小是只有炸粉的1/3炸粉又厚，絕對不抵食。在網上早就看到網民大力推薦的美極焗三文魚，我來到這裡後就觀察著，終於在吃飯途中等到了！！老爸立即向員工打聽，真的太感動了，本以為與他無緣呢...等了約10分鐘，老闆親切的為我

又係自助餐食評!!!在友人介紹之下今次來到尖咀松屋.做過些少資料搜集,松屋食評好壞參半,因而對這裡期望不高.八點吃到十點半,不確定這裡有否分時段,但兩個半小時絕對夠吃.座位尚算舒適,可選吃的飲品食物分五類:飲品,刺身壽司,串燒,主食及雪糕,款式確實不多,食評如下.飲品:啤酒任飲,維他盒裝綠茶任飲,還有一般的汽水,及其他飲品共十多款.不錯不錯.刺身壽司:寫多少就供應多少,刺身有三文魚,尤魚,劍魚腩共五六款,size還不錯,但咬下去全是冰碎冰水的感覺實在不好...壽司飯酸度不錯,手卷配合脆紫茶實在好味,如果手卷的配料不要給那麼一丁點就更好.串燒:接近二三十款的串燒,全不是貴價貨式.比較有印象的有蛋,雞翼,雞軟骨,蒜頭.送到台面時很熱,但味道都很一般,點一次已經足夠...主食:一樣有二三十款可供選擇,但不是我杯茶...比較有印的先有烏冬,很熱,湯味很好,但最重要的烏冬過熟了...芝麻雞翼是全晚最好吃的...雪糕:有四種口味,分別是芝麻,紅豆,菠蘿,綠茶.友人的友人一吃就知是牛奶公司出品.我不懂分別,芝麻雪糕實在不能錯過.重點推介:焗三文魚,焗蠔都是由總廚(友人說他是總廚)不定時推介的.焗三文