松屋日本料理 (已結業)

訂位就滿座.沒想到walk in 就有位.坐位近門口,自成一角坐得舒服服務其實幾好，侍應知我第一次來，主動教我點菜.好細心咁講點樣寫紙叫野食.佢仲同我男友傾得好開心添部份漏單.始終係放題可以諒解的燒三文魚好味.大部份都唔錯，不能盡介紹總括來說.都會再返去一試

睇完食評.我同Honey到此試吃任叫任點日本放題.第一次幫襯.服務的確唔錯:幾好,人人都好有禮D魚生真係唔錯樣樣都好新鮮.三文魚腩好肥美.每片都好大塊燒物好味.燒羊鞍.牛舌燒到剛好唔會太硬真系任叫任食至於其他熟食都好多選擇唔錯尤其係燒羊鞍叫完再叫回味無窮我同Honey一致同意會再去.

一入到去真係有少少大煙到唔敢信...d位好迫! 睇過食評都知會係咁,但又唔見得真係好好service woo!好叫左出名的羊扒. (失望)同係街買羊架返黎自己煮無分別. (唔入味)中華沙律大家唔好叫tim 我都未見過切到咁粗同暖暖地的華沙律.芝麻雞翼都幾好食.馬刀貝好爽.壽司飯唔. 得散!紫菜唔新蘚...其他熟食都係一般.款少.蟹子沙律都無,甘蝦又無得壽司.食完走個時成身油煙味,意為去左食韓燒...

星期三同朋友一齊去食到今日已經光顧多次.來到這裡我專攻串燒歸本尤其是牛舌吃落非常香口又不韌合個人口味.成晚我自己一個人都食左好多串反而刺身就麻麻.種類很少.三文魚普普通通尚算合格.馬刀貝是這裡唯一好刺身環境麻麻地D油煙味勁到呀.D位好迫好污髒同好嘈普通的粉面檔仲好過佢服務方面十分令人滿意. d staff又好風趣.最緊要係真係食得好開心

星期一至四晚飯時段每位$158再加一,星期五,六,日晚飯時段$168加一星期五六日宵夜時段(10:00pm)每位$12x(忘了)再加一,星期五,六,日宵夜時段$133加一飲品:有百事,七喜,啤酒,蘋果綠茶,柑桔檸檬蜜,芒果紅茶等等,個人應為蘋果綠茶最好味,蘋果味 重,有杯野叫紫蘇梅,同檯4個人飲過1啖都苦埋口面芝麻雞翼:超正!!皮脆肉滑有肉汁!羊扒:好吃~但要視乎羊扒大細生熟程度不同,細舊果d比較熟~9成熟左右~但都有肉汁,大舊果d 就生d~大約7成到~多肉汁之餘仲有少少血水刺身:呢方面就覺得麻麻地~冇咩特別好~馬刀貝好d~夠爽夠大片,但三文魚同吞拿魚就切到細 舊同厚~口感不太好,選擇不多焗三文魚:單入邊冇~要自己同waiter講~之後根本英俊就會親自囉出黎比你~.~仲分埋件放去 你個碟度~佢份人好搞笑架~三文魚油脂豐富,入口即溶~一個字"正"~(我食左2碟XD)三文魚皮:都係張單冇既野~係我食左2碟焗三文魚之後根本英俊自己問我要唔要既~佢唔講我 都唔知有依樣野~"比品客薯片

我都估唔到食呢Ｄ任食日本餐可以俾我講得上服務好，但真係好驚喜，佢地服務真係好好。有服務員會自動問你要唔要多一杯野飲，會問你有冇邊樣野食漏左未黎，會講野有禮貌斯文！我覺得佢地呢一期既服務質素好優越呀！食都食得開心好多！講番野食，都係大路野啦！最好食既，我覺得係芝麻雞翼，雞串燒，翠肉瓜，超推介既係雪糕。有四款，紅豆，芝麻，綠茶，菠蘿。紅豆真係好好食，我食左三轉，仲想再食，紅豆大大粒，好有口感！芝麻都好好味！綠茶都好好味！只係菠蘿味就唔太吸引，冇再添食。呢個價錢既放題黎講，野食唔差，服務一流，變左抵食好多啦！佢真係好ＦＵＬＬ架！要去就要訂位穩陣！

尋日去左松屋食日本放題上1次去食已經係X'MAS..@@!放題真係可以叫到好多野食!!不過無可否認刺生得好少款囉..有D壽司有既..刺生果欄又冇..不過三文魚既刺生好新鮮! 我最中意!!串燒果D就會比刺生出色D啦..豬大腸真係好味過街邊小食果D仲有芝麻雞翼必叫既招牌菜..雞軟骨既串燒口感味道都好好俾個TIP大家..唔好1次過叫得太多..今次差D食唔哂@@同埋記得食埋雪糕先走..好好味ga!D waiter好好人..會同我地講下笑..不過好多人搞到好嘈..

我同友人上星期六去尖沙咀個間食野,刺身新鮮,串燒又正真係即做的,個老闆仲請我地食左個焗三文魚幾鮮羊架 這個應該是最正的一個,肉嫩多汁我地走時.個老闆仲比左張V.I.P咭我地.環境真係過度油煙, 攪到周身煙味.好嘈好迫印象好似食大排檔唯獨是服務好好, 好有禮貌.每人平均要$168任食黎講算好抵

一行4人同朋友慶祝生日9:00pm 後每位$148 好抵食!因為好肚餓, 我地1坐低已經order左好多野食雖然舖面好多人, 但係上菜速度好快刺身: 三文魚、吞拿魚、馬刀貝(最愛)、鮑魚...etc幾款刺身都幾新鮮, 冇冷/雪味, 但吞拿魚d筋好似多左d 串燒: 牛脷、冬菇、茄子、粟米、蒜頭、羊架、蝦、雞軟骨、翠肉瓜...etc名符其實, 呢度既串燒真係幾好味! 炸物: 各式天婦羅、海鮮卷、炸蝦、炸蠔、炸小蕃薯(幾好味+甜甜地)全部黎個陣都係熱辣辣, 呢點最緊要; 但炸蠔睇落外表較黑, 係咪炸得過左火喉?!其他小食: 枝豆、焗三文魚(佢地極力推介), 真係好滑, 好似入口即溶咁百零蚊既日式放題, 仲要啤酒汽水任食(清酒要$18), 呢度真係唔錯既選擇! 而且冇漏單既情況、waiters會間唔中走埋黎問你黎齊d野未佢地既服務態度真係好好、好細心、好熱情, 呢度既服務真係100分, 一定會再黎!

前幾天跟朋友去試這家很多好評的日本放題,book的時間是晚上宵夜時段10點鐘找了很久都找不到,打了很多很多次電話,但電話中教我行的人服務非常好.....果然夠專業首先講講主打刺身方面,款式不算很多,但算是很新鮮但個師傅的砌法不是太美觀,而尤魚刺身一條條都不同大細,賣相不太好,但味道非常不錯熱食方面,燒蝦不錯,但燒x米就好大件而且好明顯食得出煮左先......無乜燒的味道壽司方面不錯,但飯偏酸件凍腐完全不凍,跟常溫差不多.....而且無果一點點的僵味雪糕有4款選擇,非常非常不錯飲品也很多,也不錯上菜非常的快而且不會漏單,員工服務非常的好.....我會再次光臨,一家很好的日本料理店

終於都食到喇睇見openrice咁多好評,想去食好耐不過提一提大家,真係要預先book位,因為真係好多人架~首先~真係要講下佢哋嘅服務態度,真係好好非常之細心我同我男朋友二個去,坐二座位嘅枱啦..佢哋會預先安排多櫈係比人放袋..呢一點真係值得一讚因為其他啲食店唔會理你囉~到食方面~真係好得三文魚刺身~好新鮮..特別一提..甜蝦係非常之鮮甜(好難得)其他鮑片同馬刀貝都唔錯架串燒~推介芝麻雞翼..燒雞軟骨..翠玉瓜..煙肉車厘茄等(太多喇)仲有燒雞脾茹好好食~仲有美男廚房推介~~美極焗三文魚(滑到不得了)天婦羅太熱氣同雪糕唔岩我哋口味所以無試到食到尾嘅時候..佢哋會走埋嚟問你有無啲叫咗好耐但係又未到架真係細心到爆..任飲任食.服務周到.都係$165位扺呀唯一係款式比較少..但我男朋友話如果多款選擇嘅話又未必做到咁好喎(; (幾有道理)一定有下次~~~

成差不多兩年無去過了, 今次再去, 估唔到亞松哥比以前仲多野講左, 仲改埋名做根本英俊生咁攪笑, 但佢都係一樣對人客好好. 侍應方面, 速度很快, 雖然有漏單情況, 但追他們時都全無不耐煩的態度. 環境就比較迫, 但無辦法, 佢好好生意. 食物方面都保持到水準, 雖然無乜大驚喜, 但以這個價錢來說, 總算抵食, 因為佢包埋野飲, 選擇方面都唔少, 可以有啤酒, 汽水, 果汁, 仲有幾款其他飲品. 雪糕也有四款, 芝麻, 紅豆, 綠茶, 菠蘿. 其他壽司, 燒物, 刺身等都不過不失啦, 唔會有唔新鮮的感覺.佢地係分時段和日子而價錢唔同的, 大家訂位時要問清楚些. 生日那位會有八折呀. 是次我們四日同去, 一位生日, 埋單710. 三請一每人都係唔駛240.

前兩個星期二大學同學聚會，嚟咗呢間食去到一坐低，咩都未點waiter 就俾咗幾碗魚湯我地雖然味道麻麻，但都叫做一番心意 (點菜紙上冇的)因為小弟熱氣，唔敢點燒物煮物又好似唔抵 (一碗烏冬都會飽肚)所以決定勁點壽司同刺身可惜...款式略嫌少咗啲雖然有三文魚壽司，但就冇小弟最愛0既北寄貝取而代之有"馬刀貝刺身"三文魚唔夠肥，只屬一般馬刀貝好爽口，鍾意貝類0既小弟煲咗幾輪 鰻魚手卷...普通 size，但入面舊鰻魚細舊咗啲另外食咗串燒雞腎...好硬，燒得過火了以日式放題嚟講，呢間係一個不錯的選擇

我同男友到此吃任叫任點日本放題.我由中環食到尖沙咀是日這裡生意很好.7:30去到果然FULL HOUSE, 好彩我有訂位 果晚根本英俊見到我地.主動推薦他自製的焗三文魚.配上美極醬油.口感很好.謝謝, 不過佢太熱情了.接著就是魚生有好多種.三文魚較好.都幾新鮮 我就最like 串燒牛舌.燒羊扒.燒得唔錯, 不過都要等下.天婦羅蝦,炸蠔,炸蝦次次我食好多.熱辣香脆好掂甜品方面食左綠茶雪糕及紅豆雪糕.老實說一百多元的價錢，有這樣的品質.非常超值.服務生態度殷勤有禮..真係令人感到好舒服絕對係值得推介的一間店舖。不過次次都要一早book 位, 有時抽起條根想食去到都冇位,

琴日成班朋友去左松屋放題服務都ok咁我地邊吹水吹叫野食d野食都好快就黎侍應都會好主動行黎幫你收返d碟我地都叫左好多本人推介:炸蠔 串燒蝦