東記上海麵

營業中

休息中

我一行四人，入左東記，因為家姐之前係熟食中心食開，話好好食，咁好介紹，但已經六點，熟食中心嗰間已經關左門，所以就由大埔火車站行遠少少過嚟呢度食，入到嚟，我叫咗碗，豬扒肉燥上海麵，豬扒賣相唔差，肉燥面就麻麻，食咗第一啖，碗麵似係擺咗10分鐘，有少少暖暖地，唔夠熱，係食麵食嘅大忌，跟住啲肉燥完全同個面唔夾，一碗麵成$44極級失望，豬扒還好，10分滿分俾5分，一句講晒冇下次！我家姐話以前真係好好食呢間似係翻版店舖我老婆叫咗碗酸辣湯底都係難食！但雞翼還可以10分滿分比7分

上網search大埔有咩好食😋，一定會出「東記上海麵」同另一間！但依間「東記上海麵」有2間，分店係廣福道，另一間總店係大埔墟熟食中心，今日我地去左幫襯分店！分店裝修用左型格懷舊式再加上貼有以前舊大埔照片，可以比大家睇下大埔嘅改變！餐牌上食物種類比總店多，除左麵食仲有菜飯同埋牛腩牛筋。我地叫左個 「豬扒雞翼淨食」、「竹筍牛腩粗」同「雲吞牛筋粗」，大家再留意一樣野，食 東記 叫粗麵係代表上海麵同埋每碗麵都有跟菜芯。先講下個「豬扒雞翼淨食」，上菜個時會用外賣盒裝🥡，應該係預大家食唔哂拎走，豬扒都好厚下炸得幾香口，不過有1/2去個炸皮同肉分開；到雞翼，都係正常size炸得香口，唔會係單骨雞翼，由於大食關係，我地最後食哂！至於「竹筍牛腩粗」同「雲吞牛筋粗」都無咩大驚喜，牛腩比較硬，竹筍唔夠辣偏鹹。今次評分5分為滿分我比3.5分，主要都係比係「豬扒雞翼淨食」

呢間真係由細食到大，以前細個去自修室，Lunch成日都食呢間。點講好⋯ 你話佢好好食就一定唔係，但唔知點解就係會對佢念念不忘。叫咗一份單點豬扒＋雞翼份量贏晒，男朋友第一次食，見到個份量都嚇親，一開始仲以為我水佢 🤣應該有4塊左右咁多嘅豬扒雞翼都有6隻，做完Gym食，夠晒蛋白質。其實我平時唔係特別鍾意食豬扒，但呢間嘅豬扒又覺得好好食佢雖然唔係梅頭扒，但都夠淋，鍾意佢有一圈肥肉。雞翼都好大隻，佢個炸漿又係我鍾意嘅味道，夠惹味，雖然食完要飲好多水🤣加埋次次都叫嘅上海粗，湯底係胡椒清湯。有時聽到隔離枱啲新客會問係咪有烏冬，我都會心諗，無錯，我都鍾意佢似烏冬。

📍東記上海麵 (大埔)大埔廣福道144號地舖今日入左大埔食好出名既豬扒麵，本身同朋友一人一碟豬扒，但睇緊餐牌之濟，聞到隔籬枱d雞翼好香，所以我轉左食雞翼🤤🔹炸雞翼、雪菜肉絲上海面雞翼熱辣辣、炸得好香脆，雪菜配上海面都好食🔹炸豬扒、原汁牛筋麵上海面豬扒都幾大塊，碎上更易入口👍🏻但太厚感覺有d乾📌總結：我覺得雞翼俾豬扒更出色推薦指數：🌟🌟🌟🌟（5🌟最高）

📍東記上海麵 (大埔)大埔廣福道144號地舖今日入左大埔食好出名既豬扒麵，本身同朋友一人一碟豬扒，但睇緊餐牌之濟，聞到隔籬枱d雞翼好香，所以我轉左食雞翼🤤🔹炸雞翼、雪菜肉絲上海面雞翼熱辣辣、炸得好香脆，雪菜配上海面都好食🔹炸豬扒、原汁牛筋麵上海面豬扒都幾大塊，碎上更易入口👍🏻但太厚感覺有d乾📌總結：我覺得雞翼俾豬扒更出色推薦指數：🌟🌟🌟🌟（5🌟最高）

其實一直都係喺大埔街市食開..都係幫襯細佬世記但琴日收咗工返到大埔都六點..街市都閂咗咁啱又想食豬扒河…咁就食東記啦..去到坐低..叫咗碗榨菜豬扒河粉…同佢講豬扒可唔可以肥啲..因為豬扒唔肥唔好味咁等咗陣都好快嚟到….咁榨菜都正常份量..河粉都不大問題…不過有少少散…要用匙羹😅不過可能未必關佢事…但問題嚟啦…其實都唔係太多客人…我都講咗塊豬扒要肥….但塊豬扒真係又鞋..又乾😒…..我真係食唔到一半塊豬扒就冇食…42蚊食塊沙紙豬扒…真係唔會有下次

本身諗住去街市上面食，去到先知四點幾就閂咗 咁好啦行遠小小黎新舖試下 點知一試就出事 d豬扒又燶又乾 廚房特登將燶果面收喺底一反轉先知出事 既然你知個豬扒燶 你都夠膽俾客食？d雞翼都算好小小 有d肉汁但係個皮勁硬 唔係脆係硬 直頭可以刮損你天花板 其實做嘢食咁古惑咁無誠意 開黎做咩呢？再講講d米線 又碎又淋 可能搵個人求其煮都好過佢諗諗下 最正常係罐裝飲品啦 為咗俾差評你我點都寫夠200字呢間餐廳好值得我第一次寫食評唔知其他d好評係點黎

講起大埔東記應該大部分人都諗起係大埔墟熟食中心個間東記上海麵，有日經過廣福道，發現開咗一間新嘅東記！興沖沖即刻同同事約落黎「嘗鮮」，係熟食中心個間東記就幫襯得多，唔知呢間新嘅有冇咩唔同呢？入到去冷氣好夠，座位之間都十分闊落，比起熟食中心多咗幾分舒適。食東記當然要食豬扒或者雞翼啦，我當時揀咗豬扒拼菜肉雲吞，講真係第一次食佢地炸物以外嘅嘢。一上檯即刻覺得好抵食，雲吞有成4粒，大大粒好飽滿，而豬扒一如既往，脆口外皮同結實嘅豬扒，啖啖肉夠哂滿足。

東記上海麵原本喺新街市已經得到唔少好評，而家直頭喺廣福道再開多一間啦。一於試吓佢嘅炸雞翼粗麵質素係點先。我就叫咗炸醬雞翼粗面。份量都多，炸醬滿滿的放咗喺粗麵上面，好夠辣炸雞翼亦都係新鮮熱辣，外皮夠脆，而且雞翼好大隻。當我食到大半碗嘅時候已經覺得好飽🙈

今日試了一間大埔小店，非常有風味，特別是一入店就閒到竹筍的味道，似乎好正。我在Openrice看見個個都點豬扒，所以我都點了豬扒，還可以多點一個餸，於是我就叫了竹筍肉絲。另外還點了一個小食，就是酥炸墨魚條。豬扒竹筍肉絲上海粗麵好吃，豬扒真的很大塊，而且很厚，雖然是炸物，難得比想像之中少油。雖然說是竹筍肉絲，不過竹筍明顯比肉絲多，正合我意，因為出面吃到竹筍的地方真的不多，至於肉絲雖然少，味道卻很好，並不是普通的肉絲，似乎是連肉絲都有認真烹調過。酥炸墨魚條一碟有六條，Size都選大，$36物超所值，其實就是墨魚滑做到長條狀，很彈牙很好吃。

一場黎到大埔諗住試下蔡潤記，點知東主有喜休息一星期，無奈，好彩附新都仲有一間東記上海麵，聽講呢間算係新開的分店，於是就試下啦。D人話食東記一定要試佢嘅豬扒，點知坐低咗先知道炸豬扒已經賣晒，心諗有無咁黑仔呀，唔行喇，叫咗碗竹筍肉絲拼雞翼的上海粗麵。佢個雞翼又真係幾好食，唔掛得之係大埔名物之一。佢D雞中翼都算大隻，肉質唔錯，無雪味，炸得香口又唔燶，D炸粉亦唔算厚，一碗有四隻，份量都好足。竹筍肉絲D竹筍好食，出面無乜地方食到，不過肉絲就真係少咗D，得3條。個上海粗麵好食。

大埔名物，炸豬扒💯大埔墟街市大樓出名炸豬扒「新店」💕於廣福道開了分店，與街市那間一樣！👍🏻店舖環境設計充滿懷舊香港的氣氛。坐位寬敞！✨✨食物選項是跟街市那間相同，且多了飲品和小吃！《酥炸墨魚卷》$32香口酥脆，墨魚味香濃，外脆內軟，熱辣辣，大大件，且有很多塊。✌🏻《墨丸拼炸豬扒米線》$42炸豬扒真的無得輸！外層脆口，肉質軟熟，肥瘦適中，很好吃呀！墨丸彈牙好味！👍🏻《榨菜肉絲拼炸豬扒上海粗麵》$42上海粗麵也是必叫的👍🏻榨菜肉絲拼炸豬扒更是天衣無縫的組合！❤️總結：跟街市那間是同一間喔！👏🏻

大埔出名的豬扒麵開設地鋪了，環境比較乾淨及舒適，裝修走懷舊風，配合開店三十年！.豬扒和雞翼同樣是這裹的招牌，今次兩款都有試！🍜豬扒炸醬米線豬扒用一層薄薄的粉漿，炸至金黃鬆脆，肉身厚厚的，但口感鬆軟及有肉汁，炸得出色，不會有油膩感。炸醬口味香辣，配料有特色，有辣椒，西芹及肉碎，清湯米線加了炸醬，很惹味！.🍜雞翼炸醬上海麵雞翼同樣炸的皮脆肉香，有肉汁流出，分量很足，有4隻那麼多。上海麵就比較粗，但都煮得夠軟滑。.值得一讚的所有炸物都會同麵分開上枱，保持口感香脆，非常貼心！

好食嘅嘢就可以開分店大家去到大埔都識上去街市但係原來有個新嘅分店喺廣福道炸豬扒炸雞翼一流上海麵操到好似烏冬非常有口感加埋榨菜就更加好吃特別推介呢個炸墨魚卷一定一定要食因為真係好香口好好食

大埔街市名物: 炸豬扒, 炸雞翼, 配炸菜/雪菜/雲吞粗麵/幼麵身為大埔人真係由細食到大,  東記同世記兩位老闆係兩兄弟, 一向各有捧場客, 我個人就覺得兩間差不多, 通常邊間有位就食邊間!!由於街市東記/世記下午就休息, 亦唔做晚市,  平時要返工根本食唔到, 一定要周六或周日晨早爬起身, 先可以去街市幫襯!!不過依家東記終於衝出街市,  大埔人夜晚都有炸豬扒食!!有讚:1. 炸豬扒, 炸雞翼, 酥炸墨魚卷, 好味, 同街市水準差不多2. 新裝修, 走本土懷舊風格, 乾淨舒適 (環境當然比街市好啦!)3. 如果無記錯, 價錢同街市差不多, 抵食有彈:1. 新開張員工有少少手忙腳亂, 要畀啲耐性!2. 原本以為有菜飯以及麻辣抄手 (兩樣都係新店獨有, 街市無供應), 點知佢地話新開張做唔切, 失望!!