東記上海麵

營業中

休息中

以前間唔中都會去街市熟食中心食佢地個炸豬扒上海麵,近年喺附近開咗地舖,坐得更舒適!星期六中午,人流非常暢旺,不過好好彩有位可以立即入座!🌿竹筍肉絲配炸豬扒竹筍食落好腍無渣,配上招牌炸豬扒,豬扒炸得好酥脆,但食落唔會油淋淋,內層肉質好鬆軟👍🏻🌿炸醬配炸豬扒揀炸醬係因為鍾意佢帶有辣味,令整個湯底都變得非常惹味!麵底就揀左上海麵,食落好彈牙!另外配上飲品兩杯不過佢地營業時間至晚上8:30pm,如收工後黎晚餐就實在太趕了,只能假日中午過黎喇🥲

以前成日去熟食街市上面食，自從廣福道開咗分店，通常都會嚟呢間食，裝修復古又企理，不過通常要過咗食晏時間嚟比較易搵位。雞翼豬扒河粉 $46雞翼豬扒一樣夠入味，夠鬆脆，豬扒一樣大大塊，特別鍾意食佢哋嘅雞翼，簡直無敵呀😋😋😋 未試過配河粉食，河粉都夠滑。牛筋牛腩上海粗麵 $54牛腩超入味，唔太腍亦唔太硬，剛剛好，牛筋夠腍又入味，份量超大，勁飽👍單拼雙拼都係同價，點咗飯或麵可以➕$10仲有凍餐飲，抵食又好味😋

♡喜愛指數♡ 4.6/5 大埔名物 東記上海面的炸豬排超出名今次朋友入黎大埔搵我我就帶左佢黎呢間新開的東記比起熟食市場果間我更鐘意黎呢間因為呢間新店環境同裝修提升左唔小🉐炸醬雞翼上海面 $46炸醬應該係自家製 有小小辣但幾惹味推薦雞翼 炸到金黃色大大隻勁多肉👍🏻🉐炸雲吞 $34香口鬆脆 咬落去卜卜聲😗🉐淨菜肉雲吞 $36一共有八粒雲吞粒粒都真材實料😋🉐豬扒菜飯 $60份量好足 食完飽到上心口成塊豬扒切好上枱菜飯感覺更健康

東記豬扒麵非常之香脆同普通嘅炸豬扒唔同佢嘅油香味好重，而且佢嘅面生配搭住佢嘅豬扒非常之配搭我最鍾意加埋佢嘅炸雞翼，仲有無糖豆漿每張枱都必叫裝修特別有好多香港特色

細細個母親已經成日帶我去新街市食呢間食豬扒麵，永遠都係大大塊無偷工減料👍畢業後在廣福道開了這家分店。雖然餐廳環境不算寬敞，但食物質素始終無變🫡個人較喜歡豬扒雞翼雙拼，滿足我鍾意食雞翼嘅慾望😂 炸落超大隻，但食落唔會覺得好油膩。豬扒keep住水準以上👍咬落好有層次，脆香味俱全。個人比較喜歡硬麵條，而這個正正是這樣，食落好爽脆。另外今次叫多咗一個炸雲吞，即叫即炸好好食，好有咬口性價比指數🌟🌟🌟🌟🌟 （5星滿分）

平時成日都會嚟大埔，呢個麵店真係一兩個禮拜就會食一次🤭但平時都係外賣多，今日就嚟堂食記錄一下～入面嘅裝修好有懷舊嘅感覺～好多舊海報個餐牌都好似舊式麵舖個陣，掛哂喺牆上面嘅🍜雞翼墨魚條上海粗麵 - $46🍜豬扒雞翼上海粗麵 - $46呢間最出名就係佢嘅炸物🍖炸物配麵，單拼雙拼同樣都係$46！呢3款炸物，我嘅個人排名係1. 雞翼 2. 墨魚條 3. 豬扒隻雞翼超大隻‼️個炸皮好薄，入面嘅肉汁好多‼️啖啖肉😋每款炸物都係新鮮炸起，果然堂食真係好食好多🥹🥹🥹❤️🥟炸雲吞（6隻）- $34今日好餓，所以再叫多左一個小食🤣呢個炸雲吞同樣係皮薄餡靚😆點埋甜辣醬食就更加開胃～🥤凍檸茶 - $10（跟餐）凍檸茶就正常發揮，食咁多炸野飲杯凍檸茶可以消消滯～-結論：飯堂質素毋庸置疑😋👍🏻下星期再嚟食過！

放假入咗大埔，上網見人哋話呢間豬扒面好好味就試吓。豬扒好大份，同醃得好入味，感覺有少少南乳味，出色！美味指數：😋😋😋😋環境指數：⭐️⭐️回頭指數：👍👍👍👍地址：東記上海麵 (大埔)大埔廣福道144號地舖

太耐冇食，今日就外賣比屋企人試下，好彩等緊過馬路，發現比漏左兩杯飲品，返轉頭都唔遠。上海粗面質地麻麻，好粉。豬扒好大塊，冇以前嫩滑多汁，好一般。雞翼好少少，夠大隻，不過有一隻面燶左皮。墨魚條un左d。

東記同世記呢兩兄弟，細細個已經食開，兩兄弟同樣嘅口味，不相伯仲，時代變了，東記搬離街市，世記傳承夥計。搬了出來，裝修仲有老檔的影子而食物又加點新意，所以呢日叫了菜飯。雪菜排骨菜飯，以往食上海排骨的經典好味道，實而不華配了大量的雪菜，配上軟綿的菜飯，味道，仍然好似小店一般留住，可以再留幾耐？我都唔知，食得就食，活在當下吧。

以前想食東記，要去街市有點麻煩，現在有獨立鋪方便又舒適好多。價錢一樣經濟夏天不少得凍檸茶 $10炸雲吞 $34，第一次點薄又脆的炸皮，已調味帶點鹹香，推介的香口小食。炸雞翼拼榨菜肉絲米線 $46東記除了炸物是必食，榨菜肉絲都同樣出色榨菜質感夠脆又不鹹，配米線一流炸雞翼大隻肥美，薄薄的炸皮包著嫩滑多汁的雞肉炸豬扒拼牛筋生麵 $54牛筋份量頗多，而且夠腍夠入味炸豬扒一樣皮薄肉嫩，內裡鎖住肉汁，我喜歡食近骨位的肉更嫩滑。

今日路經大埔，就帶大大試吓久仰大名既東記，順便比自己懷舊一番。餐廳設計懷舊，牆身八角形加正方形瓷磚，貼有昔日香港懷舊照。重有綠色霓虹燈招牌，綠色摺疊閘門。店唔算好大，採用深啡木質枱同櫈，好似小時候一樣。佢用既餐具都係細個嗰陣既泥黃色膠碗、膠羹，更添風味。墨魚條、豬扒上海粗麵麵條唔算多，但夠滑。豬扒醃得好入味，炸粉薄，香脆可口，咬落去豬扒超級Juicy。墨魚條即制，外脆內層彈牙，兩個餸都正，食完好飽。雞翼、墨丸上海粗麵麵條唔算多，但夠滑。墨丸大粒彈牙，雞翼好食到一個點，炸粉薄，外層香脆可口，內層雞肉超滑嫩多汁，食完好滿足。竹筍（追加）竹筍份量唔少夠爽脆。奶茶香滑茶濃，好飲。

中午在大埔醫肚，剛好途經廣福道「東記上海麵」望一望人不算多就試試喇！👍第一次食到竹筍係合我味道，爽脆可口滿口竹筍獨特味道😋，豬扒炸得酥香肉軟，一點都不鞋口，仲好入味添！上海麵條軟硬適中有粉香。店舖座位坐得舒服食得自在，服務態度不過不失，下次食上海竹筍豬扒麵我適選擇喇！👍😆

有時有朋友問大埔食啲咩好？🤔我都會搭街市嘅東記炸豬扒麵😆 次次去親都要搵位，有時太多人都食唔到🥲今次約咗住大埔嘅朋友再去食，我聽朋友講原來今期開咗間地舖😆Good ar~個裝修充滿大埔的特色，好有風味～食物嘅質素同水準同街市一樣的🥰🔸炸猪扒+菜肉雲吞上海粗麵 $46🔸炸猪扒上海粗麵 $46豬扒🐷炸到金黃色的，係連骨的豬扒，豬扒係醃製過好入味啲炸粉唔厚👍 又做到外層脆口感覺喔😙菜肉雲吞係4粒的，餡料均勻，唔好睇落好似細細碗食落好飽飽的～～🔸淨雞翼 $90除左炸豬扒一定一定要食之外，雞翼都係must eat ar~~所以我地就單點淨食叫左黎食係用左外賣🥡裝住左，so sweet 因為我地真係食唔曬😂原來淨雞翼係有成12隻左右，每隻都大大隻同樣炸到好香口🤤入面嘅肉質係勁嫩滑👍另外跟餐+$12叫左特色梳打飲品，夏天飲爽！

我的兒時回憶👶🏻〰️細個嘅時候爺爺成日帶我去大埔街市熟食區食炸豬排 大個先發現原來係出名既店😝東記依家已經有自己既店啦 相對衛生好多😗今次就同屋企人一齊食 回憶滿滿❣️1️⃣炸豬排➕雪菜肉絲 上海粗面 湘味酸辣湯底 $482️⃣炸豬排➕雪菜肉絲 生麵 腩汁湯底 $473️⃣炸豬排➕榨菜肉絲 米線 腩汁湯底 $484️⃣炸豬排➕牛筋 上海粗面 湘味酸辣湯底 $56以上係我哋既配搭🤣全部都係炸豬排 依然係小時候既碗碟❣️豬排真係炸得好好食 外皮好香脆 豬排都有一定厚度 唔會乾身〰️雪菜肉絲 切得相對會大舊啲 保留返口感 個人覺得上海粗面係最夾🥢酸辣湯底應該係近年先有 辣度固定 中意辣既 可以諗下 幾惹味🌶️

雞翼竹筍肉絲上海粗麵 $464隻好香脆既外層 微微既咸香味肉質保持到嫩滑 大隻多肉好少可見到有竹筍賣既麵鋪竹筍切成條狀 份量都好多肉絲唔會好乾 兩條菜芯 蔥花吊味麵質略微粉左少少炸醬豬扒上海麵 $46炸醬似菜脯+肉碎 微微辣豬扒略嫌成一兩隻手指大既肥膏