東京食堂 (已結業)

位於尖沙咀既東京食堂所在既位置比較隱蔽要搵到佢都要花D時間，大概就喺三角公廁附近，第一次去既朋友就可能要靠手機定位幫幫手嘞。由於唔近馬路同埋置比較隱蔽所以周圍既環境都幾寧靜，想安安靜靜食個飯都係一個唔錯既選擇。今次我就叫左呢個蒲燒鰻魚(半)，賣相同埋個味道都一樣相當唔錯。鰻魚肉非常嫩滑入口即化同埋冇乜骨，可以大啖大啖咁食，配合埋鰻魚醬汁簡直係冇得頂。至於飯方面用左日本珍珠米，夠曬爽口。除此之外重附有味增湯一碗。蒲燒鰻魚可以揀半份/全份($68/$108)以呢個價可以食到咁好食既蒲燒鰻魚絕對係相當超值

一兩年曾經光顧過東京食堂，礙於很少到尖沙咀覓食，竟在這麼久之後才再次到訪。由美麗華往瑪莎方向一直行到街尾，有一拉麵小店，旁邊有個小巷，進去後就會看到東京食堂。是次挑選了半份鰻魚飯。鰻魚醬汁質地濃稠，醬油中帶點味醂的甜味，鰻魚魚肉夠滑，厚度適中，不會太膩，細食女仔叫半份很剛好。白飯用上珍珠米，上面撒上飯素頗為滋味，如可添上鰻魚醬汁味道會更好！麵豉湯少有加上香菇，整體不太鹹，不錯！在尖沙咀lunch$68食到饅魚飯，相當抵食！

如果唔係朋友帶我，我都唔識去尖沙咀呢一間咁隱蔽嘅串燒店，大概位置喺三角公廁附近，韓國街後面一直行，叫做柯士甸大廈的入邊，真係幾難搵，但真係想去嘅話搵人帶下或者GPS都應該搵到，網上都幾多人介紹呢間小店。佢的串燒是必點的，我地點左翠玉瓜和京蔥雞串等，都燒得唔會太乾身幾juicy, 而且價錢又唔貴，一個唔覺意會叫多咗😋👍佢嘅串燒固然做得出色，但我最推介嘅係佢嘅蒲燒鰻魚，原條鰻魚上，即叫即燒，掃滿濃濃鰻魚汁，啖啖肉口感超嫰滑，真係同日本食嘅差唔多，最啱我呢個鰻魚控👍😋不過我覺得晚市價錢有少少貴，$108只有鰻魚，仲要另外加＄20先至有得升級爲定食，網上好似話lunch黎食會抵啲。另外佢嘅大阪燒都唔錯，材料豐富，中間有蔬菜和煙肉，不過可能較厚身嘅關係，我略嫌煎得唔係好夠脆和香口，不過份量就好足夠。如果下次再黎我應該會為咗佢嘅鰻魚再嚟食多次環境：5/10服務：6/10 價錢：7/10 食物質素： 9/10整體：7/10

最近朋友介紹了間餐廳食鰻魚飯。今日在尖沙咀附近行街，就過去食！點知行行下，地圖顯示食店的位置，但見不到東京食堂。原來要穿入大廈個門先見到，好彩最後都找到。我點了蒲燒鰻魚飯（半）和荔枝紅茶。荔枝紅茶我點了少冰，職員很貼心幫我少甜。半條蒲燒鰻魚，配味噌湯及珍珠米。鰻魚經烤過後再淋上蒲燒醬汁，吃來帶少少微甜，層次分明，不會感覺油膩。魚肉的肉質軟嫩，有入口溶化的口感，配合熱騰騰的珍珠米一起吃，有種溫暖的感覺。

是日女友自私食-⠀今日女朋友撇甩咗呀叔去左同fd自私食鰻魚飯好野就佢食晒食評就照樣係呀叔打 叫佢講多幾句點解咁好食佢又話詞窮公平咩！？公平咩！？ 唉⠀以下內容轉述至一隻豬：鰻魚飯真係好好味應該係朕食過最好食嘅鰻魚飯嚟完全值得encore再encore⠀而朕平時就唔食大板燒但依塊餅令到朕另眼相看塊野真係好好好大一塊！啲菜好爽 燒雞扒個味整得好好 送飯一流⠀呀叔已經盡量轉述同修飾了皆因佢大部分嘅評語都只係好味同好好味不過佢講到話係最好食嘅鰻魚飯 搞到呀叔都想去試下⠀鰻魚飯$88燒雞扒$98大板燒$38⠀Ps 女朋友話我之前影嘅相都好核突 以後影相都係交比專業嘅佢喎

今日路過發現呢間隱世小店，門面平實，望下menu，原來係日式料理小店，所以就試下啦~~ 要了一個親子丼‧雞 lunch set, 配有味噌湯+熱茶。賣相及餐具都好有家庭式料理既感覺~~先試味噌湯，加左蔥，唔會好咸好濃味，係比較清既味噌湯。親子丼雞蛋好滑，半生熟的，雞肉嫩滑，煮得剛好。PS: 今日比較早黎，lunch時段比較多人，因為店舖比較細，店舖門外有好多人等位或者買外賣。買外賣有似有discount。

上次去是2016年底，今次點了同樣的鹽燒鯖魚配定食，非常美味，水準很好。價格亦很合理，每人大概70至80港元。市面上大多有做燒魚的餐廳的燒鯖魚都有點腥，這間不會，確實美味。不過昨晚天氣很凍，定食配的湯凍得很快。鯖魚燒得很好吃，叫人食過返尋味，配了檸檬汁更是畫龍點睛。

今日約咗個超耐冇見嘅朋友食Lunch，叫佢搵食咩，佢就搵咗呢間“東京食堂”～ 因為佢之前都同朋友去過就，拉埋我去食。呢間餐廳有D難搵，可能因為我同我Friend 都係路痴，佢又唔記得上次點行，我地由唔餓都行到餓～我朋友超快叫咗蒲燒鰻魚半份（可以揀半份/全份），加$20就會變定食（包珍珠米同味增湯各一碗），唔包野飲（氣水、特飲等）只會有普通熱茶。我就唔太好鰻魚所以就叫了味增豚肉定食，我地仲叫咗1 串雞軟骨同蟹肉忌廉薯餅，少少地試下味。我叫嘅味增豚肉定食份量都算大，都好多汁但就冇咩味增味，用D汁送飯食都唔錯嘅，唔會話太咸。而我朋友就話D鰻魚幾肥美都幾好食，小食方面雞軟骨同蟹肉忌廉薯餅就正正常常，冇咩特別～不過講真呢個價錢仲要星期六係尖沙咀食到呢種日式Lunch 定食已經好好，性價比都幾高!!

在大廈天井內的一間食店。裝潢帶有日本風格，主要售賣日本和風定食，串燒，小食等。想食吃得健康，所以叫了一個炒野菜+定食。——————味道很好，而且菜即叫即炒，十分新鮮，除了菜外，還有不少菇菌類在內。上面還有一些日本木魚絲，增加口感和日本風味。我還加了20元的定食，有飯有湯。飯是珍珠米，加了小小量日本飯素，神來之筆，增加了珍珠米的整體味道，飯素由芝麻，紫菜粒組成，十分欣賞。湯是味噌湯，裹面有一至兩塊菇，和數粒蔥花，湯很熱，很暖胃，配合飯同菜一起，美味！—————性價比高，野菜定食好，下次會再來試 全條鰻魚飯

之前叫過兩次外賣，上次去食，滿座，店鋪細細，大概坐到8個人。今日剛好有兩個位店舖位置不好找，如果不是在附近上班，也很難發現這間食店。野菜雞扒定食$48，野菜有椰菜加金菇，雞扒外皮煎得很脆，但味道偏淡。鰻魚炒飯$68，同事話饅魚唔腥，好味。我們分別加了$4轉為特飲，蜂蜜檸檬及檸檬紅茶。由於店舖細小，通風系統不是太好，所以怕油煙味的，最好叫外賣。

由於係閒日 所以我地唔洗等位舖頭一眼睇晒 只有大概6-8個座位菜單都好間單 5個套餐 小量小食同飲品老闆服務好好 十分有禮貌而且好細心會解釋返有乜餐點 大概要等幾耐咁我同朋友每人叫左一個鰻魚飯鰻魚味道肥美 配上香濃醬汁 令人食指大動珍珠米香軟 配上肥美鰻魚 令人感覺好滿足我另外加左一個蟹肉可樂餅剛炸好就上菜 食落一啲都唔油膩食落有蟹味 外皮都好香脆 如果唔係怕肥 我一定會食多幾舊如果各位去食飯 要有心理準備嗰度坐得唔算好舒服因為地方真係唔大 午餐時間都要等好耐但鰻魚真係做得好食因為同時間唔會有好多客人 所以質素相對都比其他餐廳

琴晚同朋友慶生 但我地都係學生妹無乜錢 又唔想食得頹 就黎左呢間望落野食幾吸引價錢又$100樓下既隱世小店間鋪好細間 燈光柔和 而且開放式廚房設計 見到廚師煮野夠企理 令我食得好安心我地點左一個饅魚定食同泡菜炒飯原來係鐵板燒燒過同出面就咁用火槍燒過既饅魚係唔同啲 價錢其實差唔多但係就好食好多 同埋個貌相好岩我地啲港女影相 而個泡菜炒飯就無乜特別 但好夠味 下次會想試第二個炒飯食完飯我地坐左係到傾計 都坐左好耐老闆都無趕我地走 好岩兩個人慢慢食 吹下水

估唔到為左呢間嘢，我會寫第一篇食評，亦係劣食食評。一入黎坐低見門面都唔錯，之前經過都有人排隊，應該對食物都有d要求。我本身都鐘意食鯖魚，所以叫左個鯖魚飯。見到個廚係後生仔黎，覺得後生可畏。點知處理食物的方法真係好方便，竟然係拎條鯖魚去叮果下已經心知不妙。整好拎出黎，d飯都整得靚靚仔，但係主菜鯖魚就﹐成陣雪藏味，好似食緊叮飯咁，但係係貴價叮飯。本身話送湯，最後又不了了之。其實湯同飯都係陪襯，最緊要主菜都要整得好，貪方便，整得咁求其，最後咪令人失望。原本諗住下次食鰻魚飯，依家真係冇下次。

因在 openrice 看了文章- 糧尾打氣！10間$100以下抵食鰻魚飯 而留番到這間店鋪！我們是為鰻魚來來的！點了大阪燒，全條鰻魚定食， 和燒蜜糖雞翼。這是大阪燒， 現整的，好吃，十分足料原條鰻魚定食！ 有湯有白飯。上枱時香味撲鼻吃一口現燒的鰻魚 再吃一口飯。 鰻魚肉質是比較結實的，而且上面有很多鰻魚汁大滿足啊。順帶一提，店舖晚上六時才開，當天我未到6時已到達， 見店員忙於準備。 但他們也說可先進店裡坐坐，很快便準備完畢

跟朋友說了要去這家店很多次了，終於吃到了，無令我失望，分別點了一個鯖魚定食同半件鰻魚定食！鯖魚有分燒汁同鹽燒，我所選的是鹽燒，味道剛剛好，不會太鹹，單吃也可。鰻魚就比想像中大件，幾惹味。它們的梳打是用了泰國的梳打水，猛少有的。