東京食堂 (已結業)

之前聽朋友介紹個東京食堂今日咁岩出開點沙嘴就一於過嚟試吓啦地理位置係有少少難搵嘅因為要轉入去 唔係馬路旁既鋪頭好有日本嘅氣息 真係以為自己去咗日本嘅餐廳咁 開放式廚房可以望到一邊師傅整緊料理蒲燒鰻魚飯 有半條鰻魚 我食就覺得份量啱啱好 如果係鰻魚發燒友既朋友可以叫原條鰻魚鰻魚燒得好香 一d腥味都無 亦都無骨旁邊既粟米仲要係牛油粟米黎！好香！出面好多餐廳既面豉湯都好咸 反而呢到既唔會 入面仲有d豆腐粒tim！第一次食餃子雞翼 原來係將雞翼去骨 再將餃子饀料加入雞翼做饀 拎去炸一炸 外脆內軟 一定要試！荔枝紅茶都不錯 唔會好甜 如果再凍d就好了整體黎講都唔錯 會再幫襯！

成日睇日劇睇到人食饅魚飯 una don!!睇到流曬口水所以就openrice下睇下邊到有得食啦點知係尖沙咀就有好方便行完街就可以食!! yohoooo!!!門面好有日本小店既風味!入到黎咩都唔諗就叫左饅魚飯, 我驚食唔曬, 叫左半條饅魚即叫即整, 所以要等一等熱辣辣上左檯啦有麵鼓湯 同埋麻醬豆腐沙律睇緊都好想食!!麵鼓湯 唔係行貨, 入面有好多菇, 麻醬豆腐 都好開胃饅魚好肥, 一咬落去d魚油出曬黎,墊底既粟米都用牛油煮過, 好香男士可以叫原條饅魚, 送飯一流呀!!

每次去一些小店都會感受到那種熱情，真誠和衝勁。反比那些連鎖名店刻板的印象來得輕鬆自然。隱世小店往往不是大張旗鼓，要是質量好，那怕沒人知曉。今晚來了一間小店主打日本食物，有點似居酒屋，如不是友人帶路，行過了也不知。友人極力推介鰻魚飯，心想在香港好難找到一間真正做得好，既然介紹了，試一下又無防。賣相已給予信心。醬汁味道純正，調味四平八穩，不會過濃，恰到好處。鰻魚肉質嫰滑，比較薄身，煎過後鰻魚帶點焦香，油脂出眾且不油膩。飯粒黏黏實實有口感。雖然地點有點難找，但論質素和價錢真係好吸引，值得推介。

當天大約晚上6:30到達店鋪，現場可見店鋪不大，所以我和朋友二人到達時，店內的位咁岩坐晒，所以店員問我地坐唔坐外面。由於當時天氣炎熱，我和朋友選擇等待，而店員好搞笑咁話”我好欣賞你地既耐性”，之後更攞櫈比我地坐住等。👍👍坐左一陣我同朋友發覺唔對路，因為見到店內的客人枱上都無食物，一睇先知原來6點先開第二場，所以我地決定坐外面食。😂等待食物期間，店員見我地太熱，仲送左兩杯凍茶比我地，等我地消下暑🤤我地嗌左半條蒲燒鰻魚+鹽燒鯖魚+兩碗飯🐟🍚1️⃣蒲燒鰻魚鰻魚好肥美，一開始見只需$88半條，便覺得份量一定好少，點知一上枱發現份量同外面過百元既有得比👍鰻魚汁甜甜地，下飯一流，令人食指大動。2️⃣鹽燒鯖魚份量都係好大，而且鯖魚皮燒得好香脆，魚亦肥美，食落啖啖肉。唯一要挑剔就係鹽落得唔太平均，有時會食倒一堆鹽巴，比較咸🙈不過整體係好食既👍

前幾日喺尖沙咀附近做完嘢，就周圍去搵嘢食。聽朋友推介，嚟咗呢間比較隱蔽嘅日本餐廳。佢嘅地點比較難搵，要通過大廈嘅入口通道先至會見到，如果唔係有朋友教我行都未必識得去。佢呢度嘅地方比較細，可能大概坐到十個人左右。我去嘅時候大概兩點幾，但係都仲有啲客人。坐左一陣就發現佢哋大部分都係熟客，因為佢哋同店員傾計傾得好開心，令我覺得好warm。我叫咗個蒲燒鰻魚飯($72)，佢係一個餐嚟嘅，就有半條鰻魚、一大碗飯再加麵豉湯。我唔算係細食嘅 女仔，所以呢個份量對我嚟講啱啱好。佢條鰻魚都好肥美，好好食，唔會好乾，燒得幾好。啲汁都好香甜，整體都令我好滿意。另外，加配嘅粟米粒都好有牛油香味。因為天氣比較熱，我之後仲叫咗杯芒果紅茶($16)。 店員好有心，最初佢攞咗第一杯出嚟嘅時候，佢覺得顏色有啲淡，擔心味道都會好淡，所以特登沖咗另一杯畀我，覺得好窩心。 其實幾好飲嘢，佢有好清新嘅芒果香甜，夏天飲非常之適合。總括嚟講，呢度係幾值得再去嘅，因為佢嘅價錢同食物質素成正比，覺得好抵食，而且店員嘅服務態度非常之好，待人有禮，十分親切，令餐廳有一種賓至如歸嘅感覺，難怪佢哋地點唔算方便但都有咁多熟客一去再去。

這間小店是我原本去隔離間茶餐廳先發現到，如果唔係一直唔知道有這間日本小店存在，之後幾日後就去咗搵這間小店醫肚，叫咗兩個定食一個東京牛肉一個壽喜燒牛肉，兩款都好好味覺得師傅很用心，另外再叫隻雞翼餃子好入味好多汁呀！正再叫埋芒果紅茶同荔枝紅茶真的好滿足！

對於喜歡瓹窿瓹罅搵好嘢食的老饕們來說，隱秘就是有它的吸引力，因為它們不靠人流、缺少生客、唔就腳……不過這類小店能夠生存，就是有實力的象徵，它們總有讓食客趨之若鶩的底蘊。好似今日途經尖沙咀，就令我想起這間位於柯士甸路三角路口附近，有點隱秘的小店，其招牌菜鰻魚飯，許多識途老饕都愛幫襯。蒲燒鰻魚分開一尾或半尾份量，再點選定食套餐，包埋珍珠米造的白飯，味噌湯、凍豆腐和茶，可飽肚。 採用日本苗種植的鰻魚蒲燒至金黃，厚身得來皮脆肉滑，鰻魚蘸上專用燒汁，有頂級肥叉燒的肉質，又有魚鮮味！拌碟的還有粟米和車厘茄，一啖鰻魚肉、一啖珍珠米飯，其味無窮，連幼小的鰻魚骨都食埋。飲品我點選了熱情果梳打，採用特別夠泡的勝獅梳打水，倒入杯內混和熱情果糖漿，一氣呵成，佐配鰻魚飯也是不錯的選擇。

有好幾個朋友食過說這間好食。於是有一天朋友陪我練習完後肚餓，我決定來試下。位置比較難找，而且地方狹小、座位不多。幸好我們早到，不然就要排隊。起初以為鯖魚$58咁抵，原來喺就咁一條魚，唔包飯。要加$20才會有定食（即是飯和麵鼓湯）。 鰻魚都一樣要加$20做定食。這種額外加錢配搭是因爲星期六日的關係嗎？店員很好人。他見到我用雙腳夾住把長直傘（由於座位真的比較窄），於是乎他主動過來向我提出幫我搵地方擺。我們叫賣單時佢仲主動拿回把傘給我。人又好，記性都超好！ 回到食物的正題，我選了鹽燒鯖魚。鯖魚皮燒得很香脆！鹽巴將魚的鮮味提升到另一個層次！而且啖啖都是肉！ 魚的香氣和脂肪滲透味蕾。不論多疲勞都被這美味化為烏有！不過我有點傷心的是沒有白蘿蔔泥呢。 最奇怪兼唔似日系和食的地方就是鰻魚飯的配菜。好端端的做咩加粟米和蕃茄？？？正常鰻魚飯最多咪加玉子。由於我只是偷了朋友一舊魚食。沒有食到這些配菜，夾不夾我不能作評論。不過平反一句，佢個鰻魚係好好食的。醬汁怡到好處，而且魚又好大份！雖然就唔似正統和食，但理論還理論，作為港式日系料理其實是超棒的！絕對會來encore!

自從看過深夜食堂，對居酒屋有種憧憬，幻想有一天，我也會找到這種充滿人情味的小店，讓我有每天都去光顧的期待。大學年代特別喜歡去日本，至愛百貨公司的B1層，有永遠都逛不完的食物。有次其他人在出發去機場前作最後血拼，我卻在便當攤檔之間來來回回，拿不定主意吃甚麼。最後，滿心歡喜地拿著兩袋食物，搭車，通過安全檢查，直至安坐在飛機上。吃完毫無印象的飛機餐，在膠袋裡拿出我的私伙食物。打開包得整齊的牛油紙，露出兩大條漂亮的鰻魚，引在不少羡慕的目光。多年來，在哥的耳濡目染下，我也不自覺地愛上了這美食。這幾年在香港搜羅美食，當中亦試了不少鰻魚飯。由連鎖日式餐廳，到經典的三河屋都去了，這次被友人的照片引來東京食堂。未有位，先坐在外面，點杯飲杯。烏雲密佈，天色灰暗，坐在簷蓬下，觀察一下眾生相，也是一種娛樂。荔枝綠茶，本是杯普通不過的飲品，卻因為店員的一句「太甜或太淡都可以同我講，我幫你調」。即使被他窩心的服務弄得心裡甜甜的，還是覺得荔枝綠茶的甜度剛好。就在滂沱大雨到來之前，被安排入位，暗自感激幸運之神的眷顧。蒲燒鰻魚飯有原條和半條。雖然吸引，但鰻魚的卡路里不容小覷，還是節制地點了半條。鰻魚定食，用小盤子端上來

終於星期六可以放下假，約埋自己fd 出去聚下傾下計啦。我都幾鐘意周圍搵下啲小店，今次出下城去尖沙咀揀左間日本野試下。聽講日本習俗入面鰻魚好似係用黎消暑😂近排天氣又咁熱東京食堂主打既係鰻魚料理，咁當然一定要去叫黎試下啦！order 完好快就已經有得食，鰻魚飯條鰻魚係原條送上架，好夠長度。 配埋個鰻魚汁食落當然好夾啦，唔會好肥膩。一啖鰻魚一啖飯，一碗白飯勁快就俾我消滅左，以百幾蚊可以食到原條厚肉鰻魚其實都真係幾抵食。除左個主打既鰻魚飯之外，我朋友都想叫d 小食試下。個日突然想食極邪惡既炸野，吉列炸蝦少少地唔會好月巴😍。 炸蝦同沙律醬勁match，食落熱辣辣，隻蝦好爽口唔霉，個層麵包糠又唔會好厚。同朋友share 你一隻我一隻就冇哂😀

太耐冇食鰻魚飯，見到日本旅遊節目即係心癮起。香港普遍鰻魚飯都好貴二百起跳，難得搵到間唔貴百零蚊就有原條鰻魚食。話說我同友人約左係餐廳等，但餐廳都幾隱蔽，後尾老闆話我地知其實有個隱蔽嘅招牌😂😂😂真係盲左睇唔到😂原條蒲燒鰻魚飯：想講條鰻魚勁大條😽，呢個價錢黎講幾高質，一d都唔腥配上滿滿嘅鰻魚汁勁岩撈飯😛！平時唔鐘意食飯但呢個加左紫菜碎好好送飯🤤蟹肉忌廉薯餅：一咬開就湧出熱辣辣嘅忌廉😍，蟹肉唔係好食得出，不過以呢個價錢黎講都不錯，有種去番日本食可樂餅嘅感覺🤔 梳打岩曬夏天飲，唔會太甜剛好

如果不是朋友介紹這家食店，相信我每次途經柯士甸路，都會忽略這個很難察覺的地方。其實食店不算難找，不過當您途經的時候，必須細心留意才會見到入口。食店的地方不算太大， 店內大概是可以坐下6至10人左右， 所以店外也多加三張枱。餐牌食物貴精不貴多，主要有一品料理、燒餅、食事、飲品，價錢相宜。【蒲燒鰻魚定食】前菜有芥辣八爪魚、味噌湯，主食有鰻魚珍珠飯，鰻魚味道濃郁，入口即溶，非常可口，以這個價錢，性價比相當高。雖然食店細小，但食物質素的確不錯，明白現時租金高昂，從事食肆行業十分不易，能遇到用心製作的食店，難能可貴，值得支持。

如果唔係朋友帶路，我真係唔知道呢條巷條入面有間咁好食既日本料理😍 我地一行四人，叫左豚肉定食，鰻魚定食，牛肉定食🍱同埋大阪燒 。每一個定食都放得好靚，好整齊。個鰻魚太正喇，分量好大，隻碟都裝唔哂，而且燒得好好，又好Juice， 咬落去係會感覺到好彈牙，而且係厚切架，食得飽飽又滿足😋😋😋服務員啲態度勁好，我地唔小心倒瀉左野飲，佢地不停話唔緊要唔緊要，仲係咪問我地怕唔怕，仲好到拎左條新毛巾比我朋友抹，走既時候仲不停叫我地小心啲，好細心呀😍😍成餐飯個感覺都好好，值得推薦👍🏻🕺🏻

之前在日本食過當地既鰻魚飯之後，果種味道仍在我腦海中猶有餘悸好想係香港都食到呢個味道今日就去左朋友極力推介的小店，佢話呢間既鰻魚飯好好食，鐘意食鰻魚飯既我當然唔會錯過啦可以睇到師傅的整個製作過程證明係即叫即整熱情果梳打服務員好好呀話如果啲冰溶左令杯野無咩味可以話佢知，佢可以加多少少熱情果汁俾我小店就是有這個好處，完全無架子的主角出場了未食已經滿足了我的嗅覺，蒲燒的燒汁已經慢慢傳達我的嗅覺視覺都唔駛我多講，見到已經想食了講返味道先，燒汁一啲都唔膩而且鰻魚質感好嫩滑，又無幼骨大大啖咁食都無問題重點係完全無腥味係香港食到呢個質素真係好滿足呀米飯上面有啲漬物，增加左珍珠米的味道，但一啲都唔咸，反而幾好食喎見到餐牌有個貓飯覺得好好奇，一問之下，原來是這樣的，下次可以試試

夏日炎炎 但仍然不能阻擋小妹四處覓食小店位置隱秘小妹差點便錯過了 幸好我眼利才能找到隱世食堂小店內座位不多 連戶外只有約20個座位環境裝潢簡單 座位比較窄小妹點了愛友人推介的饅魚定食平日只需$68 已連湯 不用加一而且還附上配茶 栗米粒 可以增加口感實在是性價比十分高之選平日起碼要$108再加一才能食到饅魚燒得香 微熱 油脂香濃 沒有碎骨入口質感細滑以這個價錢可以算是非常高質非常吸引唯一缺點是冷氣有點不足點個蜂蜜梳打$24 喝過後暑氣全消