東京食堂 (已結業)

位於尖沙咀既東京食堂所在既位置比較隱蔽要搵到佢都要花D時間，大概就喺三角公廁附近，第一次去既朋友就可能要靠手機定位幫幫手嘞。由於唔近馬路同埋置比較隱蔽所以周圍既環境都幾寧靜，想安安靜靜食個飯都係一個唔錯既選擇。今次我就叫左呢個蒲燒鰻魚(半)，賣相同埋個味道都一樣相當唔錯。鰻魚肉非常嫩滑入口即化同埋冇乜骨，可以大啖大啖咁食，配合埋鰻魚醬汁簡直係冇得頂。至於飯方面用左日本珍珠米，夠曬爽口。除此之外重附有味增湯一碗。蒲燒鰻魚可以揀半份/全份($68/$108)以呢個價可以食到咁好食既蒲燒鰻魚絕對係相當超值