東京食堂 (已結業)

潮流之後先可以食到慢工出細貨既感覺~之前雜誌同facebook都好多廣告時黎過。。見到排隊龍到街口惟有擇日重試今日心血來潮想食個鰻魚~黎到只係要等3張枱係機會喇!!等大概10分鐘就有枱，坐喺吧枱，可以望住廚師細心準備菜式主要係串燒類為主，我地都叫左京蔥雞肉同燒菠蘿京蔥同雞肉絕對可以話係恰到好處，京蔥唔會好生，入口爽脆，雞肉香口又嫩滑而我至愛既菠蘿亦一啲都唔hea,喺表面有一層焦糖!一咬落去好似有層脆皮咁surprise!!跟住點少得鰻魚!!半條其實0岩0岩夠食!見廚師喺微波爐(！)微微番熱，再喺扒爐輕煎，同一時間同火槍燒到外皮香脆微焦，加粟米伴碟佢既主食好似鰻魚同牛肉壽喜燒都可以做combo(!)即係加廿蚊有珍珠米飯面鼓湯同熱茶咁，珍珠米飯加左飯素喺面，好味!不過俾我見到有單點烏冬都係25蚊~一於試試佢喇果然係good try!!醬油烏冬係先落好濃既醬油汁喺碗底，再加上湯，然後配埋即叫即煮既烏冬同配菜!爽口彈牙!!點解我知咁多?因為我坐喺廚師前面囉見到隔離枱叫既野都好吸引好想試~一定要搵日再黎!!

今日下午去到，是第二次來，人少少等了一陣子，入到去問下四眼侍應哥哥隔離檯的飲品是甚麼卻慘遭黑面、一副不想做生意的態度對待，幸好廚師哥哥的態度拉回一些分數。食物今次比上次快來，可能下雨天入較少吧，時間相對充裕，鰻魚飯維持到品質。這家店我的建議來說是可以一試的！重要的是你需要有時間才來。

炎熱既晚上係出面熱左15分鐘店很細小，只能俾10人坐，要walk in 坐下來冇耐送上，新品試食店裡冷氣不大，叫了飲品柚子氣水栛枝氣水鰻魚+20有飯同湯鰻魚好軟，冇咩骨頭，燒到個鰻魚岩岩好吉列豬扒+20有飯同湯炸得不油，但豬扒不太好吃湯只有一小粒菇同有小許淡大板燒十分大份，非常足料，咸道適中但真的不太好吃，好lim 好痴d菜同粉痴實好失望

雖然過左一段時間，但朗屏人依然對呢一日念念不忘，既係白色情人節，又係朗屏人既生日，將軍澳人返左成日工都肯犧牲休息時間黎呢間我地2個曾經約定過要食到隱世鰻魚飯！ 我諗就算好熟尖沙咀地型既人，都要花d時間先搵到食堂所在，韓國菜林立既金巴利道入面，點估到會有一間個名都甘日本既東京食堂係金巴利道既柯士甸大廈既天井入面丫 當你google map搵到大廈，唔洗懷疑，衝入去啦！夜晚係天井入面睇到食堂燈牌都幾賞心悅目門口既枱上放置左型格十足既卡片店內只得10個位，可能係閒日既7點前去到，所以都唔洗等位，係個到排隊等埋應該都幾辛苦下，天井內比較悶熱 入到去小店內，其中一位老闆比menu我地睇，一睇menu發覺都有唔少選擇，本身志在鰻魚飯既我地就揀左一份鰻魚定食，一份鯖魚定食，大約等左10-15分鐘，兩份定食都接住送上。其實朗屏人同將軍澳人每次都會分開嗌唔同既野share一齊食，盡量可以品嚐到每間食店最好食既幾款菜式，今次都唔例外。先講鯖魚定食，朗屏人因為之前食過好腥既鯖魚所以一直都對佢有d抗拒，不過將軍澳人好似幾鐘意食，我就再度嘗試啦哈哈！先夾少少試第一啖，已經消除左我既疑慮，唔腥，燒得岩岩好，

今晚一人晚餐，在以前傳媒煲得好勁的東京食堂。今次已經不是我第一次幫襯，今次真心有些失望加未必有第二次。我落單時已強調要多飯素，來到得極少，圖中係我要再次問後的結果。最嚇係個碗崩到找不到條邊，隔離桌隻碗亦係有崩，我心想中國製日系碗好貴？我點有心支持小店都冇可能接受一個崩碗飯。中國人有說崩口人忌崩口碗，非崩口人亦忌崩口碗。另外在餐牌上說明加錢定食，包括有飯，湯同茶。我杯茶冇上過。 真心希望小店接受意見改善下。

一年剪一次髮，突然想起食大板燒，立刻上嚟睇睇附近食市，再問問髮型師甚樣去。Bing 到咗!隱藏於大廈裡的小店，找到一個角落位靜靜坐下等大板燒來外表已夠份量裡面的蔬菜和粉醬都很平均，配上紫菜，木魚絲，沙律醬…很懷念這味道吃了一半落肚已飽到吃不下，幸好手袋裡有食物盒，將它包下打道回府，交給兩父子處理

蒲燒鰻魚定食 (半條) HKD 68雖然鋪頭難搵，但價錢十分實惠，而且味道都好好Tim... 條鰻魚燒得好入味，一d都吾腥，再加上佢d魚肉好滑，吾會燒過頭，最重要係骨吾多，但佢完全冇這回事，怕食多骨魚的親❤️可以試試喔😉而壽喜燒套餐都係四十幾蚊，湯汁好濃，而上面有隻半生熟雞蛋，質素相當吾錯喔。

第一次在opening 出食評，咁岩今日約了三個朋友到呢間小食店用餐。東京食堂知道呢間小小食店平日夜晩都幾多人食飯，所以6點幾就黎到。鋪頭座位唔多，三四張木枱，裝修簡單應該係家庭式小經營，睇得出佢地幾有心機去做。位置比較難找，但唔明點解都咁多人特意去搵：〉我同朋友order 左鰻魚飯定食 同 幾樣小食 （炸薯，串燒，烏冬］分享，我地四個人坐bar 枱，眼見二個男廚師不停地煮，心諗佢地做唔做得切，但有一樣嘢值得欣賞，就係呢間店唔會介意將所有食物的全個製作過程比你見到，呢份勇氣香港唔係咁多食店有，(真實）令呢間店加分。鰻魚飯(相後補)同出面食開比較，呢個比較乾身，可能用煎既方法，配合個汁味道唔錯，送飯幾好，由其是飯係用珍珠米，68蚊扺食，可惜朋友唔愛鰻魚，我食埋佢果份，哈哈！另外，朋友勁讚個薯餅，佢叫我一定要介紹，24$$，外脆內軟，味道濃縮，但我食唔到蟹肉，不過忌廉好多，朋友覺得呢個最正。串燒方面，叫左雞亦，翠肉瓜，同牛舌，味道正常，但係即叫即燒，熱騰騰。串燒價錢10-20蚊一串，一串有兩件，唔會好飽，所以我地另外叫多左烏冬。全個dinner 我地每人夾左80蚊左右，呢個價錢係尖沙咀絕對

最近從電視節目及雜誌留意到，尖沙咀有間頗有名氣既日式小店，特意相約友人前來嘗試一番，果然如節目所指般好，沒有令我和同行友人失望。首先叫左既係呢間店鋪有名既鰻魚飯定食，香港甚少有地方食到鰻魚飯，而且要食到高水準既鰻魚飯更為難得，而呢間小店既鰻魚質素好好，冇腥味，食得出係真材實料，加上燒得夠香，配上恰到好處既燒汁，相比外邊某連鎖店的鰻魚飯更是超班，令同行友人都十分滿意，難怪每枱都有人order，值得推介。而大阪燒，如圖所見係十分大份，從賣相可見係非常足料，同行友人經常係香港同日本來往，指出呢間小店既大阪燒同日本正宗既有得比，可見有一定水準。美中不足既係略為大份，罪惡感甚大。而小店服務方面，的確如電視節目所指老闆非常友善健談，年輕女侍應亦相當有禮貌，服務周到，係十分滿意暢快既一餐。不過小店座位數目甚為緊張，的確需要稍有耐性。

落雨，想快手搵間餐廳食飯，知道呢間「東京食堂」出名食饅魚飯就過黎食可能天雨路滑的關係，這店鋪又位處於大廈後巷，店鋪門口外大廈對出處視野範圍內有兩隻蟑螂屍體，還有其他昆蟲，甚為嘔心 而且後巷的坑渠水管外露，店外範圍都是積水和雨水，瀰漫住一陣令人作嘔的污垢難聞氣味其後，入店詢問才知剛客滿，唯有在門外等等吧，誰知又見到一隻不知名的撲翼昆蟲在店外的灰色有圖案模的花盆上飛，連其他等候的食客看見都說了句：「嘩，有隻野係度飛下飛下。」情況極為惡劣 本打算快點吃個飯就離去，誰知等呀等，等足30分鐘。店內客人一味兒看電話，吃飯離奇地慢，害得我心急如焚。店內有2個女員工，和2個男廚師。正當外面風大雨大，做店務的員工可以照顧一下食客，而不是全程在互相閒聊？我想睇一睇Menu，在其中一個女員工身後說了三聲：「唔該～唔該～唔該～」她都只是和旁邊的女員工全神貫注地聊天而聽不到我叫。 之後，我見出面有成排椅子，我問可否開一張讓我坐住等，女員工未聽清楚就話唔可以店外進食，但我只是想坐住等，好，之後佢再話要送外賣，叫我自己開椅子坐。 果度有一排椅子，係一排，唔係一張，仲有其他雜物，濕哂，你叫個客人

特登過來吃個鰻魚飯，不過係有d失望。衛生狀況：透明廚房，但係玻璃好邋遢。見證煮嘅過程，收錢同煮野之間無洗手。餐具當中，我見杯有茶跡。位置：真係比較難搵到，係大廈中間嘅一個位，十分容易錯過。味道：如果追求即燒後有脆嘅感覺，可以唔使來試。因為個鰻魚係偏軟身。雖然有見到用火槍燒，但應該唔係燒我嘅鰻魚⋯⋯吧？味增湯十分稀。服務：兩個男生主理，態度都十分友善。可能亦因為咁，衛生方面較一般。總體來說，如果見唔到製作過程會覺得可以一試。

响網上見到有人推介呢度既鰻魚飯又平又好食所以專登响做運動前走過黎試下坐位唔多 見到有人等緊不過個個都係等卡位 咁我地得兩個人坐吧台就即刻有位吧台隔住塊玻璃（係幾污漕下既）見哂成個廚房入面只有兩個男仔煮野男朋友叫左全份鰻魚飯set 我就叫左大阪燒見到佢地有箱野放响地下 而條鰻魚就係响入面拎出黎既之後就放入微波爐叮 再之後就放上鐵板燒一陣 再用火熗燒......之後就上菜等我男朋友食左一半有多 我既大阪燒都未得其實都見到有個男仔A放左大阪燒响個木板上面 但未放醬（都放左响度成兩分鐘）咁個男仔B係無野做緊既 佢好搞笑地隔一兩分鐘左右先會放一次醬 咁我就問樓面個女仔：我地個大阪燒得未呀？男仔B聽到就指下個爐（佢係企左响度 有時又同人吹下水咁） 咁我地就諗：可能我地果份仲燒緊啦點知 响男仔B既打理下 個大阪燒經歷左 2mins>燒汁(1min)>Mayo(1min)>紫菜(1min)>木魚(1min)原來呢份燒完6分鐘之後先拎出既大阪燒係比我地嫁！！ 最嬲係個男仔B hea我地 但個問題係個玻璃透明嫁嘛 D客見到哂個廚房運作就唔好咁懶懶行啦！

未去到其實係到諗間野應該幾GRAND點知一去到..好似茶記一樣..但仲要比茶記有點兒差之後一坐低一台頭..我就呆左....個玻璃好DIRTY...真係好好好DIRTY之後都唔理喇...照嗌野食...我嗌左個鰻魚炒飯 - 68蚊老實講....個飯係OK既..但好多油.......好多...唔明白佢係落得太多鰻魚汁去炒丫定係真係落得太多油...同埋個鰻魚都幾腥....><之後再嗌左個大阪燒-78蚊呢個好味道....驚喜在佢放左煙肉係面...之後中間係夾住D椰菜..感覺不油膩.....面頭仲有紫菜大阪燒相當厚身....份量都多....建議去食時..可以嗌呢個試下...

今日專登黎搵食!去到沒有想像中的好...-我order左鰻魚炒飯炒飯鰻魚味重既！落左洋蔥粟米去炒...鰻魚汁都好香！但炒得不夠乾身！而且勁多油呀！另外order左個大阪燒!份量好多! 而且入面全部係菜黎既!感覺健康! 同埋唔會好粉!仲有好多紫菜同埋木魚花!哩個好味! 哩度店舖好細間！只有幾個位！而且感覺殘舊！沒有想像中的好...

朋友帶我去呢間都幾偏僻既餐廳食lunch,佢話好好食wo~行入去見到開放式廚房，睇住佢地整可以安心d食我叫左個牛肉壽喜燒$42，牛肉有點油，不過肉質鮮嫩，會有生雞蛋撈埋d汁，味道咸咸地，仲會有茶送埋，飽肚唔錯，但食完會覺得好油。 朋友就叫左半份饅魚飯，我試左一啖，嘩！一定要試！！饅魚唔會腥，淋上饅魚汁，好香！下次要叫一條！！