東京築地拉麵 (已結業)

早上十一時許, 人也不多只有兩三檯客, 店員也是說同一番說話, 沒有豬骨湯底, 只有番茄湯底及醬油湯底, 真無奈……與一般的拉麵的麵有所不同, 說是自家製拉麵, 當品嚐了這自家製拉麵後, 感覺麵也很爽口及彈牙, 但硬了一些, 醬油湯底惹味非常, 湯底味道濃郁, 但不太想多喝.豚角煮醬油拉麵豚角(豬肉)很肥, 瘦肉比較韌, 個人不喜歡, 麵也很爽口及彈牙, 但硬了一點, 醬油湯底惹味非常, 湯底味道濃郁, 但不太想多喝. 怎可能把湯喝光, 見倒那感謝兩個字信州豬軟骨豬軟骨比想像中好, 軟骨軟硬得宜, 醬味稍重. 可能這豬軟骨放於拉麵及湯底更出色.

今日路經旺角, 當然要一嚐我的心水推介"築地拉麵"啦, 自從上次一試難忘唷~ 今次叫了必吃糖心蛋, 有一向的水準, 味道香濃, 蛋黃剛剛好, 簡直係必吃推介. 我叫了叉燒拉麵, 拉麵係自家做的, 有一定的水準, (因為係開放式廚房, 今次我仲睇到佢製麵添, 好彩)朋友叫你海鮮蕃茄拉麵, 味道尚可, 不過佢試過都話係我的叉燒拉麵啲當然啦, 我一向係這兒的粉絲. 當然唔會選錯啦.我地仲叫了小食, 燒野菌牛舌條 同 糖心蛋(真係必食架)飲品叫了XX牌(唔可以賣廣告唷~) 富士蘋果汁 (這個是日本黎貨架, 我在city’super見過, 唔係咁多地方有得飲)店內播著日本的音樂, 日式的裝修, 加上坐我地隔離的係日本人, 好似去咗日本地道的麵店咁. 超贊.我會再去, 也會推介比朋友

這天下午爸爸來找我吃午餐, 因為很久沒有跟他吃日本拉麵了, 而我也很想試試這家每天只要湯底賣完就關店的築地, 所以就跑進去了~一人一碗豚骨湯叉燒拉麵, 拉麵上桌, 湯底的木魚香已經撲算而來, 其實我是不吃魚的, 所以初初有點"難受", 但我仍然覺得湯底很好很香~ 爸爸更喜歡得最後把湯都全喝掉呢~~~!麵質有硬度, 很爽有口感. 叉燒一夾起就散開, 但不像坊間很多拉麵店那塊叉燒像吃紙皮似的... 所以反而很喜歡這軟軟的口感.但最最喜歡的, 就是碗裡那半隻糖心蛋!!! 那個像糖漿質感的蛋黃真的很好很好吃~~~~~!!! 就算只為了這半隻蛋, 我也會再來~~~~~~!

其實本人對拉麵沒什麼意見，因為我不好拉麵。今天是來說這家店的蛋。(這樣子不中肯啦，其實這家麵的叉燒雖然偏肥，但入口即化，不錯的。我不怕吃肥，所以還好。)太好吃，因此我忍不住把照片弄這美美的，哈哈哈。其實我這個人不太喜歡吃蛋，但這個蛋我實在是喜歡得不得了。那個蛋黃並不是液狀的，就像是糖漿一樣，可以拉絲的質地，有濃濃的蛋味。雖然味道很濃但不鹹，超好吃的。(不過事後就很渴，我想還是有味精吧。不過算吧，現在你出外吃飯，哪有沒有下味精的店呢。)啊，還有，這家店沒什麼人光顧，因此不用排隊。這是另一個好處，哈。

上星期到朗x坊shoping完, 攰攰地, 見到對面大大個招牌, 所以就去咗一試...因為我真正目的係休息吓 , 所以我只係叫了杯野飲同小食, hea吓我叫你一杯梅子特飲 (其實我忘了真實的名) 飲品賣相都幾ok, 有一粒鮮梅子在上面, 我一粒食咗, 超酸, 但好正.飲落好清新..不過我覺得夏天飲會正好多.至於小食, 我叫了一客蛟子, 賣相一般, 但食落好好食, 超多肉汁, 所以先黎openrice一贊.

新年後，一直都好忙....當日同老公行開旺角，想為疲憊嘅心靈打打氣....原本想去火山石食，但係岩岩行到朗豪妨見到對面有築地拉麵大大個廣告牌...問完老公想唔想試下就即刻上OPENRICE睇下食評，見到佢都有幾多個GOOD喎，加上唔駛等位就即管去試試....對於食要求唔多高嘅我，叫左碗麻辣拉麵....點知食左一啖就已經唔多想食.....而老公果碗牛油湯底嘅就普普通通啦....佢都唔覺得好食，但起碼無我果碗咁難食....懶左好耐嘅我，開左個ACC咁多年都無打過一篇食評....但係今次真係忍唔住隔左咁耐都要打番，就係因為每次睇番喱張相，我都會諗起果日食得幾唔開心嘅一餐晚飯.....明明係想為心靈打打氣，點知食完走果時個人仲灰.............P.S.個糖心蛋係OK嘅

晚上7:15到達, 唔駛等位. 餐廳好細, 枱與枱之間好迫,但都尚算可接受. 男友就唔太喜歡.我地叫左一碗人氣No.1嘅豚骨湯义燒拉麵同豬軟骨拉麵, 加小食, 炸魚鮫.豚骨湯义燒拉麵: 湯底偏油, 义燒肥瘦適中,味道唔錯.豬軟骨拉麵: 湯底又係偏油, 豬軟骨好好味**由於拉麵自稱係自家製, 麵質確係唔同, 幾有咬口, 唔係太淋.炸魚鮫 : 外脆內軟, 炸得好香口, 好好味.服務都唔錯.

上次黎食過拉麵, 心養養想再黎, 所以今次就拉同事一齊黎再食過今次我叫黑豚肉拉麵, 黑豚肉好有鮮肉味, 麵又爽口, 我連湯也飲晒真係食幾多次都唔厭, 超好味!!我極力推介.朋友就話我跨張, 佢叫了個紅紅的"東京岩醬擔擔麵" , 我就怕怕了, 因為我唔食辣的, 不過我朋友話唔係好辣, 加上有好香濃的麻醬味, 好似好吸引咁.朋友話我無介紹錯, 話下次黎佢都會再黎食.不過, 我係唔會變心啲, 我支持我這個黑豚肉拉麵.另外, 這裡仲有富士蘋果汁賣添, 好少地方有得賣架, 我當然試吓啦~

放工友人楂車車落旺角，正正泊係築地門口，鬼死咁肚餓諗住呢間有拉麵和刺身，點知原來冇，有點失望呢度座位好迫，一d 都唔好坐今日食左日本黑䐁肉築地拉麵：肉質唔肥，麵質ok ，咪偏咸豚角醬油拉麵：老公話幾好，我食左一粒䐁角半肥瘦覺得好好味燒野菌牛舌條：牛舌太熟至於拉麵都ok, 拉麵麵質彈牙，但湯底偏咸湯夠味但偏咸

提起食拉麪，一定會提議去豚x，MxxT的。對，這兩間我都未食過而又好有興趣試的。但是夜我們都在旺角，太遠了，友人知道有間拉麪店在金舖旁，於是乎就帶我們來。我叫了一碗最普通的叉燒拉麪。叉焼用的是肥瘦肉的一款，麫都頗彈牙，湯都夠香濃。不過朋友說都是豚x的較好。但用價錢相較之下，這裡都不俗的。

下午到旺角行街街, 行到4:00, , 攰攰地, 但又唔可以食咁飽, (因為夜晚book咗位食放題, 又未夠鐘), 所以便到了附近的拉麵店, 食一個拉麵.休息吓先.由門口至店內的裝飾, 都很有日本風味,而且還有開放式廚房添, 睇住大廚即叫即製, 信心大增.店員好有禮貌, 坐低無耐, 剛剛撞正佢地佢製麵, 好似表演咁.好得意..因為唔可以食咁飽, 所以我只叫了一碗拉麵, , 食落麵質爽口, 湯味鮮甜, (應該無落味精), 仲有半隻唐心蛋, 整體好好味, 如果唔係要留肚, 我會再試其他小食值得推介, 我會再黎幫親!

天氣好凍食D熱騰騰暖吓個胃最好不過，但因為新年好多地方都無開，咁啱行到嚟呢間見到無人等位，就一於試吓。落到去，估唔到地方係咁細，雖然係唔洗等位，但係就要同人搭枱。我叫咗人氣嘅黑豚肉拉麵，朋友要蕃茄湯牛肉拉麵，只係兩碗拉麵就等咗差唔多成半個鐘，但呢半個鐘實在好痛苦，原因唔係肚餓，而係佢所播嘅日文歌好難聽，就連同我地搭枱嘅外國人都係咁講，我本身都會聽日文歌，但佢果晚果D實在......... 可能係我地唔識欣賞。唔單止D音樂，唔知係冷氣槽定係咩機器，一直發出嘅聲音實在令人煩擾，而且空氣又不流通，oh my god !!! 所以D食物嚟到都無興緻影相，總知我個款D湯底唔夠濃味，D黑豚肉幾厚身，粉嫩嘅顏色好吸引，因為侍應話係要半生熟咁先好食，但我就覺得一般果種好食D，我要落D放喺旁邊嘅黑胡椒先至好食少少，反而朋友果個蕃茄湯就幾正，又係落D黑胡椒仲惹味。呢間嘢D味道我俾咗4分，除咗係黑胡椒幫到手之外，D麵都值得加許。服務就中規中矩，雖然睇落好似唔夠人手，不過D侍應都好爽手。

早幾日出開去九龍城影相, 咁影相都要食野架! 順路出到旺角, 咁就緊係o係附近搵個地方落腳啦, 唯有求其就手啦, o係附近見到開算新新地既拉面店. 其實都唔會諗住好好食架啦, 不過可以過一下拉麵癮囉! 我地三人行叫左以下三款面.1號) 日本黑豚肉拉面 - 肉+湯底都幾好, 好平均, 不錯的!4號) 豚肉醬油拉面 - 朋友話似一丁面湯底... 哩個失敗!8號) 豚角豬骨拉面 - 湯底都幾好, 舊肉係D肥瘦肥既豬肉, 但D肉有D "鞋", 哩個一般.佢地自稱d拉面係自家製, 講真麵食落又真係幾好食既, 仲要係我鐘意既粗麵! 同埋我信佢係自家製既, 因為望到廚房有人整緊麵. 如果買番黎裝飾扮整麵既, 咁我真係冇話可說啦總括黎講1號既日本黑豚肉拉面最好, 但點都唔及豚王好食既... 不過就唔洗排隊就可以o係旺角過倒拉麵癮都算係咁啦~~哈哈!

某日行過旺角街頭，見到”築地”二字，以為係壽司、刺身舖，點知原來係拉麵館，便胆粗粗地走入去試吓。一室鮮紅色椅子，很搶眼，牆上則掛滿很多”日本拉麵名店”嘅名字，當中，我只係識”博多一風堂”，哈哈，一來，係漢字，二來，一風堂係香港都算名店呀。打開餐牌，第一版介紹東京築地，第二版都係介紹東京築地，不過係佢哋舖頭，東京築地拉麵，第三版介紹七輪製麵，第四版介紹五輪煮湯，恕我愚昧，我真的不懂什麼是七輪製麵，什麼是五輪煮湯，睇完佢嘅介紹，都唔覺有什麼特別，個人認為都係一些卓頭、花招吧了。第五版，就係人氣No.1嘅豚骨湯义燒拉麵，二話不說，就叫了一客；再掀，除了豚骨湯，仲有醬油湯、岩漿 (辣湯)和蕃茄湯。不一會，一碗豚骨湯义燒拉麵就擺在眼前，主要食材有半隻溏心蛋、三塊义燒、荀、蔥花等等；湯呈奶白色，油份唔算多。先呷一口湯，味淡，尚有少許肉味，亦都好膠，但稱不上好湯底，是否真的經過13小時嘅五輪大法來熬製就不得而知啦。再食一口麵，唔夠彈牙，質素非常一般，舖頭稱自家製麵，眼見有個開放式廚房，擺咗一台製麵機，雖然冇開 (因為已經係夜晚10:30)，但係相信都係自製麵條，及後，舖頭高層見我拍照，更向我解釋製麵

我唔係非常愛好拉麵. 尋日路綞同bf去試下.一入去, 好似canteen, 款式得幾樣, 但唔好俾佢嚇倒. 有真材實料佢先阿膽咁做. 入到去已聞到好香的豬骨湯味. 我叫豬軟骨, honey叩叉燒拉麵, 兩者都好入味. 我覺得連d蔥都好好味, 好清甜. 價錢只比味x拉麵貴幾元, 又冇加一, 平過家樂地庳的那間, 真係不錯.