東京築地拉麵 (已結業)

一直知道有這餐廳，他們說自己不用味精，這次就去試試！搵位完全唔洗等，入到去有好幾張吉枱無人坐。Waitress 指示我們（兩個）和另一對情侶一起坐。我見餐廳不是太滿座，就向waitress 提議坐另一張枱，結果waitress就用極差的語氣説：「有人訂咗」（一聽就知講大話），之後又有客人離開，見越來越多空位，我又嘗試問問可否轉座，結果一樣被很差的態度回應「有人訂咗」。結果到我走的時候，這些枱都無人坐。如果大家想試試香港最差的服務，不妨試試這餐廳！還有，這餐廳不收信用咭。

路過此地, 一試地庫這拉麵店 環境不差, 地方不算很大, 一眼看盡玻璃隔著的開放式廚房湯不是差的, 味道足, 只是個人喜歡較濃及不是太稀的湯, 未能令我想一口接著一口的吃/喝呢.... 麵條不軟不硬, 不粗不幼, 但非常之多, 根本是一個'大食'人可吃的份量, 吃完是很飽很飽的, 一般女子未必可以整個完成 兩塊肥瘦適中的豚肉, 不過不失, 半隻溏心蛋, 生熟程度剛好, 很許粟米及其他蔬菜, 荀是較多的

今日經過旺角，看一間叫築地的拉麺店，入去試下吧；點知一試就後悔了，嘩！重要改個咁日本的名，D店員又講曬日文吟，但系食品就完全唔得！湯底不正宗，麺又不彈牙！跟深圳的所謂拉麺店賣30人仔的冇分別，不過這裡要HK$65，不會再來了。

行過山東街,突然見到它,又無咩人排隊,行落去試下。主角1: 黑豉油味不算濃郁,似麻油味多些,糖水蛋亦算合格,沒有過熟,吃起來有流心感覺。豚肉份量大,味道煙韧又不會太油,但是一夾起即散開,美中不足,要夾三次先可以吃完整塊肉,肉味有些麻油香。主角2: 有芝士附送,過於細粒,撈混都無咩芝士味,似是擺設多些,沒有實際的芝士味道帶來,一般的豬骨湯,同樣,糖心蛋不俗,豚肉同樣地一夾即散,拉麵可以再灼耐些,過於韧。這份餃子有特別,餃皮沒有坊間的麵粉狀,反而是類似水晶皮,吃起來透明的皮頗煙韧,不錯。但食到最後一餃時,發覺原來餃皮還有麵粉未熟,不過這份9成熟的餃子倒是合我口味,有意思。炸魚鮫肉身新鮮,炸得夠脆,連魚邊身的皮骨亦炸得剛好。

重陽節之假日午餐，在「築地」吃了這碗「黑鬼豚骨湯叉燒拉麵」，這碗麵的黑蒜油及芝麻味不夠濃，香油味道還可以，麵質普通，玉子半熟郤不太流心，唯一可讚的是叉燒，腍度及肉味OK，整體令人失望。店的環境其實不錯，很有日本築地風味，希望食物質素可改進一下。

昨天經過加拿芬廣場睇到多一間拉麵店，上去試下，環境裝修不錯，很有日本風格，地方須然不大但ok，叫了一碗築地醬油黑䐁肉拉麵，糖心蛋，梅子冰，拉麵彈牙湯底又夠熱，糖心蛋是漏黃既，梅子冰又吾係話太酸ok啦，食食下既時候我林起旺角雅蘭中心二期又有一間，兩間相比起旺角就便宜小小，旺角的服務也不錯，由其是當你飲完這杯茶的時候，不駛你講d侍應都會同你加水，麵落枱會問係邊個，之後會放係你前面，平日古行既我，我竟然會俾貼士^_^

見到間係MK樓下既拉麵店..同老公入去試下啦..因為4點令5點..呢度冇咩人WOR..而個廚房係右手邊.. 可以望到成個廚房既運作..D 員工冇野做果時真係企定定嫁..唔多郁嫁係點train出黎嫁?好啦睇下有咩食先啦一人叫左一個拉麵叉燒豬骨湯拉麵好濃郁呀個湯底..油同湯既比例岩岩好叉燒入口即容..呢種感覺真係第一次..真係容得好快呀食過咁多次拉麵...我真係真心覺得呢一間好好味加埋佢香味濃郁既湯底同D拉麵一齊食..真係極品因為老公好鍾意食蒜~ SO... 叫左碟大蒜黎食=0=佢就放入呢個 豬肉醬油拉麵本黎唔食肥膏位既佢..都食哂呀..肥肉位食落完全唔肥..仲好香入口即容既感覺肉質唔UN.. 唔會太林.. 岩岩好~加埋個醬油湯底咸咸地~十分好味

說實在, 本人雖喜愛拉麵, 但近年香港拉麵店連珠炮發的開完一間又一間, 頻密之高真的是試極都試不完.像這家位於旺角的築地拉麵, 其實開業巳有一年多, 不過因為往往都有其他更想試的餐廳或拉麵店, 令它一直留在我的待試列中較低的位置.這天下午正好約了好友在旺角午膳, 朋友任我選餐廳. 左挑右揀之下, 突然想起這家店, 吃個拉麵一人一碗不貴又無手尾, 極之方便. 便約她來試試.來到門口原來是在地庫的, 有點隱蔽. 周末下午2時左右來到, 人不多不用排隊, 食客只坐滿5-6成. 裝潢以大紅色為主, 顏色鮮明, 環境都幾寬敞. 牆上掛滿寫有日本各大有名的拉麵店名字, 看起來滿有風味的. 不過不知怎的, 看到這大紅色加上桌椅的排列, 硬是有種來到味X拉麵的感覺.餐廳的一邊是個十分開揚的厨房, 以大塊玻璃隔著, 店員在內製面煮面一目了然. 比較驚喜的是內裡還放了一大部製麵機, 標榜著用3種不同筋度的北海道麵粉製成麵條. 而店方好像對自家製麵跟湯頭非常自豪, 亳不保留的極盡詳細地列出所有步驟, 單是介紹巳佔去每頁的三分一部份. 看完它的介紹就開始有點期待了.看看拉麵款式有11款之多. 當然少不了有豚骨

多年無見既朋友約出來食飯, 大家為左就岩地段最後選擇左旺角搵食.平日加上時間尚早, 見到此店都唔需要等位就來試下.拉麵熱潮發現好多地方都開左D拉麵店, 當然食物質素都有好有壞.友人叫左個蕃茄牛肉烏冬, 我叫左個豬骨湯拉麵.如果要同豚王比更係比下去, 其實佢味道都算唔錯.豬骨湯底雖然唔算太濃郁, 但味道都算唔錯又唔會太油膩.而豬軟骨夠淋身又入味,最喜歡係佢地既唐心蛋好滑好香覺得此店食物都算比上不足比下有餘, 價錢都算可以接受下次都會再來.

又到星期二上夜課的時候。盤算好到這家新開的拉麵店嘗新，下車後立即前往。位於馬路旁的入口掛了醒目顯眼的招牌，很容易找到。向站崗的侍應示意後，一直往下走，眼前是一個貌似後門的入口。門有點重，用力推開，侍應才施施然安排座位。室內是簡約的港式日本拉麵店裝潢，毫不起眼。一玻璃之隔的廚房，幾位師傅堆在一處，看不出有沒有日本人在其中。不知道為什麼香港人這麼喜歡豬骨湯底。我就覺得太膩了。餐牌翻了又翻，終於點了號稱用高湯、日本的低鹽淡醬油和昆布熬成的黑豚肉拉麵 ($62)。呷一口湯，有點咸，有點油，竟然有點像鳥華的雞湯。湯的份量只是剛好蓋過麵條，有點吝嗇。麵條沒有叫人一試難忘。三塊薄薄的黑豚肉整齊地舖在麵條上。近看好像一塊縮小了的火雞凍肉片，估不到連味道也跟火雞片一樣。感覺有點怪異。瘦豚肉一點油脂也沒有，我喜歡的，可是此肉完全是淡然無味，大打折扣。不知道是否我選擇錯誤，打算給這裡一個機會翻身，下次經過旺角的時候會再來試另一種口味。

當日約了朋友12點半看電影入場前想食返個”早餐” (其實是午餐了)所以就係附近搵左間拉面店吃,就係築地拉面。可能太早去,11:45一入到去冇人,得我地果台.同朋友一向都喜歡食日本野,早前又食過好幾間拉面店,所以試埋呢間比較下。北海道牛油拉面唔…覺得牛油好普通日本牛油既味道係食得出的,比普通的有香味不知道這家拉面店用既係咪唔係日本牛油,定係唔靚既日本牛油我食唔出”日本牛油”既味道…至於拉面.是九洲拉面吧也是面質不太好….可能是吃過某店正宗日本運來既九洲拉面覺得這家的拉面真係比唔上….至於蛋是不錯,幾好味; 叉燒好肥,不太喜歡湯底還可以的,不過味精較重。叉燒拉面呢碗朋友叫既,評價同上面講既一樣...小食-牛舌牛舌不錯,不過剪到好細, 原塊上會好吃點

今日係UA睇戲, 就選左近近地呢間, 佢無得訂位, 好彩我們早到, 後來超多人等位D麵幾彈牙, 叫左1.招牌濃湯叉燒拉麵 2.豬骨豚肉拉麵 3. 醬油豚角拉麵(有扣肉FEEL, 幾好味喎, 件件3角形)4. 餃子 (皮薄, 好味)5. 糖心蛋(又凍又滑, 好味~)正~佢勁多調味料, 好開心成間店有一個缺點, D冷氣唔夠...越食越熱, 好彩無食地獄湯底, 真係坐一陣就出汗了, 要改善

特登黎築地黎潮聖,係一個平日既下午黎到,12點幾,未有咩人,只有一兩檯人幾鐘意呢度既裝潢,皆因好有日本小店FEEL係牆上掛左日本出色既拉麵店,有啲店係中文字既, 有啲店係日文字既有啲都係係香港有分店,耳熟能詳既,咁樣既背景真係幾有特色餐牌上面有好多各式各樣既拉麵點左築地拉麵同富士蘋果汁富士蘋果汁:好少地方有得飲既,仲係原樽上既包裝很吸引, 飲落亦好好飲,好清新,有蘋果微微既澀味,好喝拉麵黎囉~築地拉麵: 食落係唔錯既,湯底算香,拉麵唔夠硬身叉燒肥瘦平均,但唔夠香糖心蛋好食,蛋黃有一半係流心既,一半係硬既

話說尋日，四少爺我自己行完街之後同左 某友人ｋ去mk搵野食，咁友人ｋ就話佢行過黎果陣見到有間叫築地既拉麵好似幾ｏｋ，故鄙人與阿友人ｋ就行左去呢間係 ( 某某人所掘既 ) 地庫(!?...地牢!?... ) 既 (唔知係唔係) 自家製拉麵鋪 到啦 。咁就由於天氣好熱好熱好熱，所以四少爺我一坐低就飲晒成杯水啦，然後先睇餐牌，睇下睇下，’又睇下睇下，經過唔知幾多番既討論，最後本人就叫左個唔記得叫地獄咩之類既拉麵，總之佢牌上係得果個係辣既，而友人ｋ就叫左個唔知咩叉燒拉麵，另外叫多個咩七味炸蠔，咁等啦等啦，等啦等啦，咁因為仲係好熱，所以我又繼續飲水啦，喂，咪住，唔記得頭先飲晒嫁啦喎，" 呀唔該 ~ 先生唔該 ~ " 我對住一個渣住個水壺既男侍應說。他回回頭，我指指杯，然後，他走去另一枱客到問食咩...　ok ... f....f...fine~之後到我回回頭，再叫一叫係我後面果三位自high互傾既侍應，"唔該，可唔可以幫我斟斟水呀" 自high一詞是有理由的，鄙人不作解釋，好，終於有野食，第一樣黎既係果個咩七味炸蠔 "唔該斟斟水丫" 終於有水飲....唔....嗯!!!....um......咩

I am from Japan and living in Hong Kong more than 5 years. I personally a big fun of Ramen and always explore newly opened Ramen shops in Japan when I return to there. In Hong Kong I have tried almost all Japanese style Ramen restaurant in Hong Kong and I should say it is really hard to find the real ones. In fact the real ones (the ones have head brunch in Japan) are usually way overpriced that makes me feel “why should I pay $90 to $100 for Ramen? where I can eat super delicious Ramen at Tokyo