192
91
52
餐廳: 東京築地拉麵
資訊:

為鼓勵食肆透過提供食物份量選擇和採取減少廚餘措施,與顧客共同從源頭減少廚餘,環境保護署推出了「咪嘥嘢食店」計劃,參與食肆如符合評核準則將獲「咪嘥嘢食店」認可資格和獲發「咪嘥嘢食店」的標誌及標貼,以供張貼於店舖內和宣傳,供顧客識別。此計劃全年均接受申請,申請費用全免。

詳情可瀏覽:http://www.foodwisehk.gov.hk/zh-hk/food-wise-Eateries.php

港鐵旺角站 E1 出口, 港鐵旺角東站 B 出口 繼續閱讀
所有分店 (3)
電話號碼
26259200
營業時間
今日營業
11:30 - 23:00
星期一至日
11:30 - 23:00
付款方式
Visa Master AlipayHK 支付寶 現金
其他資料
Wi-Fi
酒精飲品
支持減塑 詳細介紹
加一服務費
當面支付
食評 (370)
等級3 2020-05-26
0 瀏覽
今晚約咗朋友食飯,近近地就喺旺角一個極度方便嘅餐廳食日本拉麵,佢哋旺角地鐵站唔夠2分鐘路程,其實真係好方便大家,由其收工都已經7:00,講緊聽朝仲要返工.(生活迫人啊)好,講返啲嘢食先.濃口雞白湯拉麵講真,個湯底真係好濃厚,作為一個女仔,三片肉加埋拉麵其實份量啱啱好。但係我對面咪男士就可能未必夠飽~ 不過味道的確唔錯,拉麵有得叫佢調整軟硬度, 就返自己嘅口味. 個雞肉好滑, 不錯。日式滑蛋吉列豚肉丼肉類嘅份量呢個就真係多咗好多啦,不過吉列嘅部份呢可以再激烈啲! 即係脆多少少,我本人就鍾意食啲脆口啲嘅嘢! 份量都幾大份,醬汁比較少, 啱返我個朋友口味,佢最討厭就係啲汁浸住啲飯。 飲品方面,我哋叫咗兩杯梳打水, 其實我本身都想試吓提子梳打冰,不過佢個梅子冰有啲特別,喺其他地方都少見,所以我就試吓.我會話提子冰嘅口味係適合大眾, 特別係小朋友,嗰陣典型嘅提子味,其實真係好好味!梅子冰酸酸甜甜嘅嘢比較開胃~ 繼續閱讀
(以上食評乃用戶個人意見 , 並不代表OpenRice之觀點。)
等級3 2020-05-26
0 瀏覽
東京築地拉麵位於雅蘭中心地庫,門口設於山東街。 餐廳做足防疫措施,入門口要先量體溫,亦提供洗手液,座位與座位之間亦裝有隔板,食客都可以食得放心。今晚一行2人叫左2個主食、1個小食同2杯特飲😆 味自慢煮叉燒拉麵🍜,有2大件慢煮角切叉燒,肥瘦適中相當入味,慢煮後應該仲有輕輕燒過,表面有少少輕焦加添香氣,幼身拉麵軟度正合我口味,掛湯力強👍🏻爐端厚燒鰻魚丼 🥇哩個鰻魚丼有成半條厚切鰻魚,食完真心勁滿足呀!而且鰻魚已經起左骨,唔會每一口都會要挑骨,爐燒鰻魚火喉十足,啖啖肉好滋味😋日式煎餃子 🥟一客5隻,皮薄煎得香脆,作為小食前菜就非常好👍🏻兩杯特飲甜度適中,梅子酸酸甜甜好開胃,可以一試。 繼續閱讀
(以上食評乃用戶個人意見 , 並不代表OpenRice之觀點。)
等級3 2020-05-23
42 瀏覽
今日嚟到位於旺角雅蘭中心地庫嘅東京築地拉麵落到地庫估唔到佢嘅裝修都幾靚同埋幾闊落即使加咗版隔開,都唔會覺得好逼夾枱同椅擺得好闊落同以往去開嘅拉麵店好唔同坐得好舒服呢間餐廳除咗拉麵之外,仲主打沾麵同丼飯價錢都非常之合理呢個味自慢叉燒拉麵湯底係豬骨濃湯除咗叉燒之外仲會有半邊糖心蛋叉燒大嚿得嘅驚人叉燒嘅肉同肥膏好似層層疊咁夾住食落口香油溶化另外叫咗個爐端厚燒鰻魚丼上菜嘅時候好靚咁用個蓋蓋好個飯一打開嘅時候就聞到浸浸嘅鰻魚香味鰻魚吸收晒鰻魚汁,相當入味用白飯配撘鰻魚加鰻魚汁入口好味日式煎餃子🥟賣相亦都唔錯仲保存左好多肉汁喺餃子入邊飲品就叫咗日式柚子冰同埋蘆薈提子梳打冰兩杯都唔會過甜同埋唔會有色素糖水味如果想坐得舒舒服服咁食餐飯呢度絕對係一個好嘅推介 繼續閱讀
(以上食評乃用戶個人意見 , 並不代表OpenRice之觀點。)
等級3 2020-05-22
45 瀏覽
去開旺角行街,晚餐想食日本野但又唔想食得太貴,所以今日就嚟咗呢間日式餐廳食飯。近排天氣實在太熱啦,就唔係好想食咁多熱辣辣嘅拉麵,好彩餐廳都有其他飯類選擇。入邊地方唔算大,但啲座位都幾寛敞,我哋一行兩人叫咗個純情豚肉生薑燒丼、築地大盛牛丼同埋個蒜味牛柳粒。-純情豚肉生薑燒丼唔知道個豚肉有幾純情啦😂原來係用咗岩手縣嘅純情豬,食落味道又真係唔錯喎,豚肉肥瘦適中,生薑味道幾入味,好食。-築地大盛牛丼牛肉片係和風嘅味道,配埋洋蔥一齊食,好襯。飯上嘅半熟蛋有流心嘅感覺,而且醬油味好入味。雖然都係大路嘢,但整體都不錯。-蒜味牛柳粒牛柳粒肉質軟稔,加上脆炸蒜粒同埋芝麻,層次豐富。-飲品方面,我哋點左蘆薈提子梳打冰同埋和歌山紀洲梅子梳打冰。提子梳打嘅漸變色好吸引,仲有粒粒果肉喺入邊,口感豐富。梅子梳打冰飲落好有梅味,上面仲有一粒梅子作點綴,賣相吸引。 繼續閱讀
(以上食評乃用戶個人意見 , 並不代表OpenRice之觀點。)
等級3 2020-05-21
44 瀏覽
好耐無食拉麵,所以今日同朋友去左旺角食!環境都唔錯,藍調裝修好令!佢除左有拉麵,仲有沾麵。於是我同朋友就一人叫一個拉麵同一個沾麵share。我地叫左黃金濃厚豚骨湯叉燒拉麵。佢流心蛋好正,個湯都幾濃郁,叉燒都好淋又唔係好多肥肉,而麵都幾彈牙!我地叫左個枝豆,其實都無話好唔好食,佢用d鹽醃點都ok!朋友叫左個蜂蜜綠茶,食d比較膩既野解滯一流!沾麵性價比超級高,有時食個沾麵都要100蚊以上但呢個魚介沾麵都只係88蚊。佢d湯超熱辣辣,睇相見到佢係好滾,所以用黎沾麵好正。我食左半個鍾d湯都仲幾暖(因為佢系用石頭鍋裝住d湯)。你見佢d叉燒好肥美,但完全唔係成舊肥肉,同埋好軟超級好食。佢d麵條同拉麵有d唔同,係大條d既,一樣好彈牙,唔會太軟或者太淋! 繼續閱讀
(以上食評乃用戶個人意見 , 並不代表OpenRice之觀點。)