影片
更多
2011-10-08
23 瀏覽
某日行過旺角街頭，見到”築地”二字，以為係壽司、刺身舖，點知原來係拉麵館，便胆粗粗地走入去試吓。一室鮮紅色椅子，很搶眼，牆上則掛滿很多”日本拉麵名店”嘅名字，當中，我只係識”博多一風堂”，哈哈，一來，係漢字，二來，一風堂係香港都算名店呀。打開餐牌，第一版介紹東京築地，第二版都係介紹東京築地，不過係佢哋舖頭，東京築地拉麵，第三版介紹七輪製麵，第四版介紹五輪煮湯，恕我愚昧，我真的不懂什麼是七輪製麵，什麼是五輪煮湯，睇完佢嘅介紹，都唔覺有什麼特別，個人認為都係一些卓頭、花招吧了。第五版，就係人氣No.1嘅豚骨湯义燒拉麵，二話不說，就叫了一客；再掀，除了豚骨湯，仲有醬油湯、岩漿 (辣湯)和蕃茄湯。不一會，一碗豚骨湯义燒拉麵就擺在眼前，主要食材有半隻溏心蛋、三塊义燒、荀、蔥花等等；湯呈奶白色，油份唔算多。先呷一口湯，味淡，尚有少許肉味，亦都好膠，但稱不上好湯底，是否真的經過13小時嘅五輪大法來熬製就不得而知啦。再食一口麵，唔夠彈牙，質素非常一般，舖頭稱自家製麵，眼見有個開放式廚房，擺咗一台製麵機，雖然冇開 (因為已經係夜晚10:30)，但係相信都係自製麵條，及後，舖頭高層見我拍照，更向我解釋製麵
一室鮮紅色椅子，很搶眼，牆上則掛滿很多”日本拉麵名店”嘅名字，當中，我只係識”博多一風堂”，哈哈，一來，係漢字，二來，一風堂係香港都算名店呀。
打開餐牌，第一版介紹東京築地，第二版都係介紹東京築地，不過係佢哋舖頭，東京築地拉麵，第三版介紹七輪製麵，第四版介紹五輪煮湯，恕我愚昧，我真的不懂什麼是七輪製麵，什麼是五輪煮湯，睇完佢嘅介紹，都唔覺有什麼特別，個人認為都係一些卓頭、花招吧了。
第五版，就係人氣No.1嘅豚骨湯义燒拉麵，二話不說，就叫了一客；再掀，除了豚骨湯，仲有醬油湯、岩漿 (辣湯)和蕃茄湯。不一會，一碗豚骨湯义燒拉麵就擺在眼前，主要食材有半隻溏心蛋、三塊义燒、荀、蔥花等等；湯呈奶白色，油份唔算多。
先呷一口湯，味淡，尚有少許肉味，亦都好膠，但稱不上好湯底，是否真的經過13小時嘅五輪大法來熬製就不得而知啦。再食一口麵，唔夠彈牙，質素非常一般，舖頭稱自家製麵，眼見有個開放式廚房，擺咗一台製麵機，雖然冇開 (因為已經係夜晚10:30)，但係相信都係自製麵條，及後，舖頭高層見我拍照，更向我解釋製麵過程，並謂製好的麵，都會存放係雪柜內，兩日內必會食用，確保新鮮，相信佢所言非虛。
至於义燒，肥瘦適中，亦夠味道，本應不錯，只可惜一夾即散，非用匙羹搯上來食不可，有點令人失望；溏心蛋反而帶來驚喜，蛋黃的確溏心，半流質狀態，味道不鹹不淡，唔錯。雖然質素一般，但亦食哂成碗麵，更把湯喝乾，咦，原來湯碗嘅底，係有玄機，當你連湯都飲埋後，就會見到”感謝”兩個字，作為舖頭對客人嘅無言感激，頗有心思。
同高層講開，原來佢哋係開舖前，專程派人去咗東京築地嘅井上拉麵拜師，整個製麵過程都係師承井上，只可惜公司與井上係專利權上未能達成共識，所以未能用井上嘅名義經營，只好用東京築地嘅牌頭營運。張貼
