東京築地拉麵 (已結業)

數星期前為築地之豚角煮豚骨拉麪寫了一篇食評，令朋友食癮大發。今天朋友終忍不位相約，欲一試築地拉麪之真正風味。今次於午飯時間光顧，奇怪地人客仍然不多，店員招待我們坐在一格卡位，正好隔著玻璃看著廚師料理的一排。翻開餐牌，午餐與上次下午茶的套餐選擇並沒有多大分別，築地仍以其豚骨湯底及醬油湯底為主，分別是選擇配叉燒、豚角煮還是豚軟骨。上次對豚骨湯底評價頗高，朋友二話不說便選了豚骨湯底之叉燒麪；我卻欲試醬油湯底，於是今次選了叉燒醬油拉麪，不知道有沒有驚喜！拉麪約十分鐘送上，與預期一樣，醬油湯底的顏色真的較豚骨湯的深，看下去湯底仍沒有油膩感。那些叉燒是典型的長方型，共四片井井有條地排列在左手邊，幾片竹筍靠上邊放，而那半邊溏心蛋卻靠右手邊，論佈局是挺有心思的，但拉麪的份量仍舊如下午茶一樣的少。我吃拉麪習慣先喝一口湯底，因為湯底永遠是拉麪的精髓所在，第一口的感覺不膩，不算差，待容後再喝。先吃竹筍，仍舊感覺清新。細看那片叉燒，可看出分成三層，瘦肉在下層，中間一層色較白，脂肪較多，上層有點似燻蹄，膠質較重。這叉燒層次分明，口感一流，只是形態略欠點特色(有別家的超目玉叉燒是圓形的)，論叉燒我的評價很高。那隻

每次假日遊旺角總是會經過此店但友人們總是快快手把我拉走！唉！其實很久之前就想試一試這間地下拉麵店 難得最近天氣冷 正好可以下去叫碗暖烘烘拉麵 ！（店內燈光適中 環境滿舒適 一開始就加你分吧） 餐牌內每一種拉麵我都滿有興趣，但其他小食沒太多選擇，加上只屬一試心態，所以也留手沒叫太多，友人只叫一碗豬軟骨拉麵，不討論！特上大盛拉麵：店員推薦 算是足料雜錦麵（第一口湯已經令我再加分 很香很甜 味精落得有點重 但正合我口味 麵較平淡 但每種肉都有驚喜 包括豚角煮、叉燒 所以值得再試。）燒野箘牛舌條：牛舌較普通，反而野箘很香！蘆薈提子梳打冰：解渴，但過於普通。整體評論算是很好，加上店員服務很好 隨傳隨到 十分主動 可能還在晩市的上半場吧 。（冷笑）

事源係同朋友SL睇完戲唔知食咩好, 見到呢度九點半後半價就入黎。時為九點幾接受十點, 但都坐爆曬, 好多人, 証明平真係有市場。坐低左, 勁迫既環境下睇個menu, 其實半價左一個拉面都係around$35-40。而且小食都係半價, 大約$15-30左右既價錢。我同朋友SL叫左個辣拉面, 一個特大拉面, 一個炸蠔。(前提: 本人鐘意食辣, 食得好辣)呢個拉面其實上係一碗好咸既濃湯+煮左好耐既拉面+賣唔出既瘦义燒。個湯可以話無辣味可言 (經過唔太食辣既朋友SL証實: 唔太辣)糖心蛋個糖心硬曬仲硬過我塊頭。朋友SL既特大豬骨拉面, 一個字, 咸。呢個炸蠔, D蠔勁粉, 比出面放題既仲要差Waiter見到多人都唔會行多幾步, 仲係度傾計, 態度又唔好。雖然, 良心說話, 每人$50真係好平, 但呢種劣食, 我唔認為我會再黎第二次。

I had chasiu ramen (62hkd), gyoza (30hkd), and a can of Orion beer (22) + 10% service charge. Total 125hkd.The bad stuff.Gyoza. Soggy skin. Burnt on the button. Horrible presentation. Not worth the money.The ramen. Actually for 62hkd I think it's alright. Noodles were wavy and plain. The Menma was ok. There were spring onion and alfalfa on it which was also ok. No egg but that's ok as well.What I liked. The chasiu. Really thin slices and when I got it I was very skeptical but it actually works.

之前多次路過此店，已經很想一試下午茶時段的拉麪套餐，今日終於可以去試試。該店位處地庫，今天是閒日，時間正值五時半，六時前下午茶時段一般客人不多，於是挑了一張近角落的四人枱坐下，環境不算光，頗有氣氛。看看餐牌，下午茶時段是星期一至五下午2:30至6:00，拉麪精選款式不算很多，大多圍繞豚角煮、豚軟骨、叉燒等拉麪，連一杯熱飲綠茶或汽水或特色凍飲。相信本店的招牌菜定是豚骨湯底，故選了豚角煮豚骨拉麪餐，配上日本綠茶。不消數分鐘，綠茶先上，是茶包泡的。那碗拉麪上抬時覺得份量出奇地少，但三十多元的下午茶餐亦不能太有要求了！拉麪佈局算是美觀，有栗米粒、三塊竹荀、一件豚肉、麪卻很少，湯底是奶白的。先吃竹筍，味道清新帶甜不錯；再喝一匙白湯，完全沒有一點油感，味道不淡又不太濃，恰到好處，好嘢！跟著試拉麪，顏色帶黃，相信是自家製的，質感很爽彈牙，個人又是十分喜歡。吃到一半，發覺桌上有一極品黑胡椒粉，這是我的最愛，於是灑了一點入湯底，其實落胡椒反而有點蓋過了湯底的原味，下次不落胡椒更好，吃日本麪的靈魂總是要品嘗原汁原味的湯底！由於湯底太妙，很快將全部湯喝下，卻並無任何喝味精的口喝感，可見湯底工夫一流、真材實料

今日夜晚試咗個黑蒜拉麵，朋友叫咗個豬軟骨拉麵。黑蒜拉麵個賣相好麻麻，好似落咗啲石油落碗面到，最大問題係無香味。面正常，但好大陣鹼水味，食完之後覺得佢都落得幾多味精，因為幾口渴。仲有好騎呢的服務員，我地叫完面，佢停咗四五秒企響度唔知做咩，之後先至問仲有冇野要。佢中途無端端拎個碗過嚟，又唔出聲，有淨係攞一個。。。。。好奇怪。。。我地又無叫小食。。。店內可以透過玻璃見到廚房，但係見唔到人煮野食嘅情況，啲人喺裏面都談天說地，我相信老細一定唔响舖裡。最後 ，比完錢，基本禮貌講聲多謝都無。。。仲有佢個冷氣唔知做咩。。會發出嘈音，唔大聲但滋擾。。

好友聚會，但未有預先想好吃什麼，到旺角才暫時決定，好友因抱恙在身，必須吃熱食，最後選了此家拉麵店此店標榜七輪自家製麵，沒有細看menu，點了首頁推介的濃厚豚骨湯系列，各人一款 黑鬼濃厚豚骨湯拉麵我點的是黑鬼湯，即是黑蒜油湯，湯底黑漆漆，有點像墨汁，嗅到很香的蒜味，可是吃下卻沒有丁點蒜味，需後加生蒜粒才有濃烈的蒜味，豬骨味一般未有"濃厚"的感覺，自家製的麵麵質軟硬度適中(很怕太硬的麵，好似未煮熟的感覺)，但沒有想像自家應有的彈牙口感，溏心蛋則未夠流心，如再流心一點會更好，唯一讚賞的是叉燒，肥瘦得宜，軟腍帶有肉味，不錯，但一夾即散，可能厚一點便沒有這問題 赤神濃厚豚骨湯拉麵赤神，即是辣醬油，試了一啖湯底，不太辣，我覺得辣度剛好，但好友說如再辣一點會更好 黃金濃厚豚骨湯拉麵以我估計，是我們的原味湯底，因好友太餓了，已急不及待吃，所以沒有拍照另外，好友在等待我時點了一客燒野菌牛舌條一向只對鹽燒牛舌情有獨鐘的我，感覺只是一般，牛舌切絲跟野菌一起炒，牛舌有點韌，味道一般，反而野菌吸收了醬汁的味道更為吸引整體只屬一般，但價錢不算貴，而且人不多，吃完也沒有催促結帳的意思，如果要談天說地選個可以坐久一點

從來無諗過，原來幾十蚊可以食到個咁好嘅拉麵下午茶上個星期有朋友去過尖咀分店食過，話佢拉麵不錯，今日放假閒逛見到，就忍唔住入去試一試！估唔到，佢有多款下午茶套餐可供選擇，由＄３４至＄３８，抵喎！我揀咗嘅係叉燒醬油拉麵＄３６，加＄６沖繩島黑皮竹蔗冰雖然份量不多，不過味道、質素一啲都唔差～只係叉燒有點太乾了，所以ＵＮ咗啲…至於拉麵，係我最愛嘅麵質，夠彈性！而且仲寫係自家製麵，ＮＩＣＥ～另外要講嘅係個湯底，佢嘅醬油湯並不濃，剛好～而且雖然望落好似有啲油響面，不過食落完全唔覺油膩！ＧＯＯＤ～而杯冰，唔覺得有咩特別，不過味道不錯，甜甜哋，啱我口味～

被公司派返汕頭公幹，一早八點半出發，即日來回，返到香港晚上八點半，足足12個鐘，很累很肚餓，去了旺角東京築地食了一個黑蒜油拉麫，湯底好黑，似墨汁多啲，少了蒜香味。麫質比較硬，但都好味。食完有番energy，開心。

補返個評語先^^環境：十分舒適，同朋友傾計食啲野好好。因為該晚客唔多，店內音樂亦唔影響用餐情緒。服務：侍應唔會成日專登行過，又唔似得有啲餐廳明明冇咩客都得閒又睇下你食完未想趕人走咁。抵讚食物：其實唔太記得叫左咩拉麵，因為真係有點強差人意。湯底味淡略油，麵質一般般；豬軟骨唔錯，但吹住冷氣較易變冷會見到表面開始有點膠質同出油，不過都係好正常的；吉列炸蠔唔覺腥，仲覺得好脆口。雖然蠔粒比較碎，但仍然好正！牛舌唔會有怪味仲林地，有牛舌嘅口感又唔難咬，真係一絕呀！鍾意牛舌嘅朋友真係要試下。整體黎講算唔錯，但如果朋友仔對麵質好有要求就唔建議太大期望去試。小食就真係過得去喔～最後唔好意思，朋友仔同自己個樣都擺埋出黎。我發現我果晚冇問朋友攞返每一張啲相，抱歉抱歉！

陪朋友去完金都攞左d單張,落完order 我地攞左張出黎睇,個4眼Waiter 冇禮貌都不得了,一黎就直接放碗拉面上我地睇緊張單章到,我:我有張紙係到喎佢"幫"我拎返起碗野(已經整污糟左張野),唔好意思都冇聲,真係勁冇禮貌,食左陣問我地有冇野加,last order,我地加個吉列蠔佢話:下,冇嗱?一樣咋?我真係第一次聽,茶餐廳都冇咁差態度啦下嘛!!!!我地仲食緊,佢地開始執野,推晒d枱泊埋黎,又放定枱布係我地隔離,個清潔亞姐仲坐係隔離枱望住我地,完全係趕客,黑蒜油拉麵-湯唔夠味,好似公仔面味精粉...失敗!                 麵底,我平時會叫淋D,好在冇,唔係....                只可以話蛋係唔錯,咁樣服務態度就算勁好食都要諗下,何況你唔係!!!買拉麵送一肚氣 (唔洗coupon,就咁walk in就得)

這不是第一次光顧，但就是第一次晚飯時間光顧；今次點了一個黑油豚骨拉麵、餃子、吉列蠔、沖繩啤酒。主角@拉麵~軟硬度適中不過最好係麵送上時先翻一翻，將碗面的麵條翻到碗底之後同朋友閒聊一分鐘才開動，這樣所有麵條就完美！至於另一靈魂~豚骨湯~香、滑，不會太濃剛好加點生蒜更鮮！尚算保持水準！配角@吉列蠔、餃子，沒什特別或者可以考慮換供應商！啤酒冷藏不夠失敗！整體感覺~只可點麵其他可免，而且食物應熱不熱，應冷不冷！

今晚同老公睇完戲，經過見倒一個十分吸引嘅名字~東京築地 ！哦……原來係食拉麵，一定要試！ 我們分別叫咗兩個拉……老公叫北海道叉燒拉麵，我就叫咗赤神豚骨湯拉麵，我仲另外叫咗吉列廣島蠔、以及一杯和歌山紀洲梅子冰！首先講下我碗赤神豚骨湯拉麵，麵質爽口but…… 湯底極淡， 話明“赤神”應該係辣嘅，但係完全同辣字扯唔上關係……淡口！！   我跟手即試下老公碗麵嘅湯底，依然淡口！失望……吉列廣島蠔無蠔味，但粉醬又ok喎……不算厚！晚最令我安慰就係杯和歌山紀洲梅子冰，有梅味……酸得來開胃、醒神！like ar!   

5:50PM去到Waitress話俾我地聽下午茶到6點~叫左個SET~包一杯野飲~Waitress話同平時散叫拉麵個配菜同下午茶唔同會少D~上菜都算快~野飲轉左梅子冰同柚子冰~都OK~餃子外脆內軟如果D肉唔好咁淋有D咬口會仲好食~個薰蛋都好夠味唔錯~整體上下次可以再黎食~

同個friend睇完電影，經過一間築地拉麵，听完服務員推介后，我哋叫左兩個下午茶一個豬軟骨拉麵同一個叉燒拉麵，→味道幾好→叉烧拉麵湯底好濃，叉烧得一塊太少，肥廋刚刚好。→豬軟骨拉麵鸡湯好清。→不過份量太少所以再叫多咗D小食，炒牛舌條同炸鱼鲛，小食超抵食，每碟小食都係半價，十幾蚊就有一碟，→牛舌條超正…賣相吾靚，但十分之好味，牛舌條條都好入味→炸魚鲛…就外脆入軟，鱼鲛又吾腥，炸得啱啱好。一定會再幫襯