東京天井食堂

營業中

休息中

今日晏晝係尖沙咀附近做嘢，放lunch嗰陣同事介紹左我嚟柯士甸路附近食lunch! 餐廳位置較隱蔽，要留心啲搵到。今日lunch time嚟到啲set多好抵食，支持！餐廳裝修好有日本風格，牆畫好靚。牛肉壽喜燒 $68午市套餐送配珍珠米飯同味噌湯，而且免加一，好抵食！壽喜燒賣相好好，面頭有隻生蛋黃。依款壽喜燒味道偏鹹，唔同出面嘅偏甜啲，我覺得咁樣反而冇咁膩。牛肉分量好多，吸滿壽喜燒汁，味道香濃。珍珠米粒粒爆滿，黏黏地～天井漢堡扒 $98漢堡扒即叫即煎，香噴噴。漢堡扒好juicy，肉味香濃，仲充滿油香。醬汁鹹鹹地，作點調味，唔會cover 漢堡扒嘅味道。伴碟仲有粟米同西蘭花。加配是日甜品 +$5今日供應芒果大福，大福外皮煙韌，雪糕creamy~可口可樂 +$8是日果味冰紅茶 +$8今日供應桃味🍑冰紅茶，好fresh，好清爽。

//📍尖沙嘴隱世日式飯堂 — 東京天井食堂🍱🇯🇵今次黎到尖沙嘴好隱蔽嘅日式飯堂食晚飯～😋餐廳位置隱藏喺大廈嘅天井之下，真係要用心少少先搵得到🙈店鋪位置唔多，裝修好有日本深宵飯堂嘅感覺🤭而且老闆都好nice好用心！❣️🫶🏼𝙒𝙝𝙖𝙩 𝙙𝙞𝙙 𝙄 𝙚𝙖𝙩 ??? (´ε｀ )🥢🐂🍚牛肉壽喜燒配和式定食 $128 （升級貓飯+$20）呢個壽喜燒套餐好豐富🥰有滿滿嘅蔬菜、金菇、牛肉，同埋橙黃色嘅日本蛋喺中間😍另外套餐仲有附前菜同甜品🤣今次就有糖心蛋同埋泡芙～仲有一碗麵豉湯👍🏼我仲加錢試咗個「貓飯」🐱🍚我覺得好特別，通常都係日本小店先會有🤤貓飯就係日本白米底下加入牛油🧈再撈埋鰹魚醬油、海苔絲同木魚片😋好值得推薦！🍱黯然銷魚飯 $118呢個飯真係好有驚喜！😍🫶🏼冇諗過個蒲燒鰻魚可以整得咁好食！又冇魚骨🤤而且個蛋煎得勁靚，係用日本新紀元曉蛋🥚煎蛋，鰻魚，蔥花撈埋碗飯一齊食真係好正！🥹 （店家仲提供無限添飯，超級好！）🍚🍑水蜜桃梳打 $28正常發揮嘅梳打～🤣個人覺得蜜桃味可以再濃啲！溝咗梳打水之後有啲淡～整體覺得呢間小店好用心經營🥰每一道菜都覺得好溫暖，而且真係好好食🫶🏼用嘅食材都好高質！大家經過尖沙嘴/

第二次嚟呢間隱世嘅日式食堂🇯🇵今次終於冇蕩失路🤣因為真係好隱蔽㗎🙈1. 雙重黯然銷魚飯 $158呢個真係必試😋有雙倍份量嘅鰻魚，配上煎到啱啱好嘅太陽蛋🍳成個飯嘅精華在於照燒汁，醬汁甜而不膩，連同蛋汁拌勻每粒米，真係想添飯🤤2. 蒲燒鰻魚天井貓飯定食（半條）$88 + $60半條鰻魚都好大件！面層燒至微焦，魚肉入口即溶✨今次再嚟最主要係想試貓飯！如果大家有睇過深夜食堂就一定聽過貓飯🤪將牛油、鰹魚醬油同飯拌勻，最後灑上紫菜碎、木魚花，估唔到呢個組合咁夾🍱🫶🏻

話說喺附近返咗一年工，已經食晏食到悶曬，忽然就諗起幾年前食過一間隱世日式食堂，坐落於一棟舊式大廈嘅天井入面外面完全冇招牌亦都冇指示。今次帶埋同事一齊嚟食，原本想食招牌嘅鰻魚飯，但呢幾日天氣凍最後決定食個壽喜燒暖吓個肚。由於老闆一個人經營，所以有時等候時間可能比較耐少少，大家要有心理準備。等咗大概15分鐘熱辣辣嘅壽喜燒就放到面前，除咗牛肉之外仲有一啲菇類同蔬菜，加上大大嘅溫泉蛋，已經等唔切同事將啲汁撈落啲白飯度食，食落果然有日式小食堂嘅風味。喺滿足地食晒成碗白飯之後再飲埋碗麵豉湯，走嘅時候飽到有少少驚，下晝開會會眼瞓😆

今日朝早我行過呢間食堂，心諗點解唔走去試下佢地嘅手藝咩？先講講牛肉壽喜燒定食，真係食到我霎時間變粉絲！牛肉嘅嫩滑，湯汁嘅香甜完美地拌埋一齊，啖啖肉都好食到跳起嚟！蔬菜滲透咗佢嗰股甜味，仲有滑滑蛋增添咗一份滋味，想唔食多碗白飯都難！🤩黯然銷魚飯亦都唔遑多讓，啲燒魚外皮香脆，內裏魚肉又嫩又有彈性，層層魚汁唔係普通嘅惹味，配飯簡直一流！荷包蛋燶得岩岩好，一睇就知係心機作品，睇住黃澄澄蛋黃流出嚟嘅畫面，我差啲冇咽到口水！🥚至於芝麻手羽先，聞落去都覺得滿街芝麻香，一啖落去，外皮脆口內裏肉汁四溢，實在係炸得啱晒口味，梗係同啤酒最夾啦！推介比任何鐘意酒少少嘅你，盞茶之間嘅好伴侶！🍻總結，呢間平民食堂帶俾我一個正嘅下午好時光。出品質素同係大餐廳有得媲美，但價錢卻平易近人得多。如果睇完我呢篇食評仲未心郁郁想捧場，咁真係講到我啲口水白流啦！下次再去，一定會重溫今次嘅驚喜，再發掘下有咩新發現！👍🏼

之前都有喺網上留意到東京天井食堂，冇錯真系一座大廈天井下面，小店嘅鰻魚飯頗為有名，聽朋友介紹完就黎到試試，一路食感覺到老闆嘅用心❤️✿ 雞皮包餃子 $48雞皮包餃子系日本人頗中意嘅一道菜式，亦吾系間間日式餐廳都有，雞皮被煎至香脆可口，裡面餃子肉質結實🥟同雞皮呢個組合好夾。✿ 手作免治雞肉棒配蛋黃汁 $38手作免治雞肉棒果然同一般免治雞肉棒吾同，肉質比起一般日本餐廳更結實，食到一粒粒雞軟骨粒🐔拌以蛋黃汁更美味🧡✿ 黯然銷魚飯 $118黯然銷魂飯就食得多，黯然銷魚飯真系第一次食啊🤣有蔥花、煎蛋、鰻魚、飯，鰻魚沾滿鰻魚汁🤎口感軟稔，欣賞佢完全冇魚骨👍🏼煎蛋原來系新紀元曉蛋使用，蛋香味濃郁🥚同蔥花、日本醬油撈勻充滿日式風味。✿ 牛肉壽喜燒配和式定食 $128牛肉壽喜燒牛肉油脂豐富🐮醬汁香甜，搭配冬菇、金菇等日式野菜，野菜吸收壽喜燒汁味道層次更提升。麵豉湯吾會話太鹹，溏心蛋蛋香明顯🧡

唔會令人失望嘅鰻魚飯.小店位於尖沙咀的一角，冇華麗的裝潢但帶有日本深宵食堂的感覺好耐之前嚟過，鰻魚飯的味道一試難忘😋😋.事隔一段時間再訪，感覺完全冇變！蒲燒鰻魚外脆內暖，夠厚身而且完全冇骨。一啖飯再配上一啖鰻魚，甜而不膩，絕對係prefect~~.牛肉壽喜燒牛肉嘅份量偏多，吸滿壽喜燒湯嘅精華！湯不太咸又不太甜，冇搶到牛肉嘅味道，配合得剛剛好！.雞皮餃子雞皮處理得好好，煎炸過程已經將油分完全迫晒出嚟，入口完全冇油膩感！讚！值得再訪的隱世小店

今天原本想去兩餸飯，誰知兩間兩餸飯想有很多學生排隊，無謂跟學生爭飯食，行入一條小巷，發現了一間隱世日本小店。周圍環境有點暗。叫了鰻魚炒飯，價格便宜，只需$78. 天氣寒冷，適合配上一碗熱騰騰的味噌湯和炒飯。鰻魚炒飯有多種材料，口感豐富，炒得幾香。

呢間係尖沙咀嘅隱世小店，個位超得意要穿過條長走廊，入去一個天井嘅位置，好似行咗入去日本咁🎑餐廳成個佈置同埋格局都非常之有日本風味，嘢食都係一等一嘅好食！每次去到去到尖沙咀，人少少諗唔到食咩就會食呢間🥰所以今次應該係再再再再再訪先啱😂依間真係一間好有溫度嘅小店，老闆都係超級nice~嘢食完全感受到煮嘅人嘅用心！☺️✨雙重黯然銷魚飯 $158👍🏻👍🏻👍🏻呢個係有雙倍嘅鰻魚份量，因為個蒲燒鰻魚真係好好食🤩燒得剛剛好，超級香口，加埋大大隻流心嘅太陽蛋，同埋啲蔥花點綴，色香味俱全！最緊要白飯任添🤣咁好食嘅鰻魚可以送兩碗飯！✨牛肉壽喜燒配和式定食 $128👍🏻👍🏻👍🏻壽喜燒甜甜嘅醬汁加埋隻生雞蛋，連洋蔥同野菌煮，超級好送飯！仲有味噌湯、前菜、甜品😋嗰日嘅前菜係糖心蛋，紅豆大福，大福要讚，超級煙韌！佢嘅午市都係超級抵食！食物依然高質，價錢仲要再平啲🥹如果喺附近返工我一定日日食！！！

尋找呢間小店，有少少難度，經過門口好幾次，都找不到它，最后由一個入囗，經過一條小巷才到達，小店係响天井裡面，店舖唔大，裡面有三、四張小檯，好有日本街頭小店感覺。今日遲咗食晏，所以唔多人，叫咗兩個定食同小吃。蒲燒鰻魚飯定食，鰻魚燒得好香，魚上淋滿醬汁，加上好多蔥花同雞蛋配上珍珠米飯（雞蛋要加配）,令我回味無窮😋因為鰻魚係我至愛🥰東京牛肉定食（已配有日本蛋），牛肉用洋蔥和醬汁煮成，味道同口感都唔錯，配蛋同飯吃，非常滋味。仲有一個味噌湯，夠熱，好味！蒜香雜菌炒野菜，椰菜好爽脆，加埋其他雜菜和木魚片 ，將整個菜鮮味提升。仲有煎餃子，雖然係好普通一樣嘢，但佢外皮少少脆，但保留到好多肉汁，值得一贊👍

今日試左間係天井O既隱世日式小店.望望個裝修, 係有日式FEEL, 有深夜食堂FEEL.門口寫住免費添飯, 咁就唔怕唔夠飽.見到入面宣傳貓飯. 咁就試下貓飯啦嗌左個手製芝士牛肉漢堡扒SET, 再加貓飯個SET 有沙律有味噌湯有扒有貓飯有黑糖大福蟹籽青瓜沙律幾清新, 味噌湯就正常發揮個漢堡扒厚厚地,口感幾好, 唔會韌, 加埋芝士, 個口感仲豐富而貓飯個味道咁特別, 第一次試牛油豉油撈飯, 有埋D 木魚片同紫菜, 口感更有層次另外一樣就係天井牛丼, 有隻蛋黃係面夠哂搶眼就咁食D 牛肉有D咸, 不過撈埋蛋汁同飯食就O岩O岩好再EXTRA 嗌左個芝士吉烈豬扒, 炸到脆卜卜, 小小拉絲流心O既感覺是正正的店員送左碟OFF MENU O既燒雞骨腸比我地試味個皮脆脆地, 有肉汁, 亦是好食的. 唔知下次黎到會唔會有得嗌呢?

話說今日行過尖沙咀，見倒人行左入喱條後行. 八掛行入去望下. 發現左喱間天井食堂，就bookmark 左佢🙊 今日終於可以食倒喇. ☺️蛋黃漢堡丼係超厚身既漢堡扒， 估計約2-3cm 厚, 咬落充滿肉汁. 好juicy 呀😝 切開個流心蛋， 撈埋d 飯一齊食， 好creamy🥰黯然銷魚飯店舖NO.1 緊係要試下佢啦🧡 其實佢係鰻魚飯黎既. 鰻魚咬落口感彈牙，燒得啱啱好. 表皮掛滿燒汁. 個汁甜甜咸咸咁， 好惹味😆芝士吉烈豬扒新鮮滾熱辣炸起既吉豬，夾起已經見倒炸粉與豬扒中間超多芝士. 拉晒絲咁。 要趁熱食喇😋依家只要follow 社交平台就會有呢個甜品送， 冰冰涼涼咁。 幾好食嫁☺️

尖沙咀有多餐廳.但好多都係連鎖或遊客店.有時候一個人想簡單食真係唔知食咩好.於是就去Bookmark已久既隱世店.因為真係要搵一搵😂 (帖尾有教學)餐廳位置隱藏係鬧市中大廈既天井之下.係聯威餐廳隔離.由柯士甸路行到一個不起眼既大廈入口.抬頭見到鐵閘上張貼既”天井食堂”穿過少暗既入口廊眼前別有洞天.天井之下的餐廳就在眼前😮.➿牛肉壽喜燒配和式定食想暖胃就叫左牛肉壽喜燒定食.因為無做research 之後先發現出名係手打漢堡國鰻魚飯😂但見到壽喜燒煮好後用上日本新紀元曉蛋.蛋香甘甜濃厚配牛肉好食. 重有菇.洋蔥.雜菌等定食有麵豉湯.中華沙律.同飯.見到深夜食堂中著名ge貓飯. 加$20升🤣係一個肥仔飯.日本白米底下加入牛油.白飯既餘溫令🧈融化.再拌鰹魚醬油.海苔絲同木魚片.一放入口係樸實窩心.推介大家試貓飯➿ 餃子雞翼 原本唔知會咁飽又加左個餃子雞翼.比想像中大件.入面餡料飽滿.雞皮處理得單薄香脆.口感好好.食埋甜品更加飽🤡 聽講午市套餐會更加優惠如果想試多幾款不妨去試一試或者夜晚同朋友一齊去食.餐廳會有季節限定料理🦀--➿餃子雞翼 ʜᴋᴅ 𝟺𝟾➿牛肉壽喜燒配和式定食 ʜᴋᴅ 𝟷𝟸𝟾--(.

餐廳要穿過一條巷，一個唔留意就會錯過入口，真•隱世，餐廳係喺兩幢大廈之間嘅天井，有種日本深夜食堂嘅感覺，餐廳除咗主食之外，仲有串燒同小食，我由幾年前疫情已經開始幫襯，係一間值得回頭嘅餐廳—————————————————————🍴 牛肉壽喜燒配和式定食 ($128) 牛肉嘅份量好多，壽喜燒汁比較濃，和式定食包括有飯、味噌湯、前菜、甜品，我另外升級咗貓飯，貓飯係將牛油放入珍珠米飯，仲有鰹魚醬油、海苔絲、木魚，牛油嘅味道好香濃，感覺唔錯，但唔係特別到一定要試，好奇嘅朋友都可以一試~😋 美味指數: 8/10—————————————————————🍴 自家製玉子牛肉漢堡 ($128) 牛肉漢堡每日限量10個，漢堡肉汁juicy，醬汁好濃，上面嘅煎蛋係流心，蛋味濃，建議配白飯食😋 美味指數: 8.5/10

🤩懶人免拆🦀️勁量大閘蟹膏·肉和式料理🇯🇵 牛舌爽彈 連炒椰菜都好有驚喜😍拉➡️睇menu🐭 米奇老豬Vol. 410 🐷［東京天井食堂］上年夏天第一次去試食都幾熱今次入秋之後去 舒服好多 😍最近再次獲邀去試新出嘅3⃣️款蟹料理🦀️大家記住抓住大閘蟹嘅尾巴快d去食啊😋.🐖🐖《大閘蟹粉蟹肉蟹膏甲羅燒 特上和式定食》🐖🐖 🛑8.6/10🛑💰$300💰甲羅燒蟹味超濃 🦀️有好多膏d蟹肉已經預先人手拆好曬🤤連個蟹鉗都起左殼 海水味鹹香重定食嘅珍珠米有𡁻口撈埋d蟹醬真心一流 😍炸蟹棒炸衣薄脆 口感似魚蛋好彈牙不過唔覺有蟹味/蟹肉🥹和菓子甜餅餡料似蓮蓉 皮微脆甜到連老豬都頂唔順😂.🐖🐖《大閘蟹粉 拌 巑崎烏冬》🐖🐖 🛑8.2/10🛑💰$238💰本身以為呢個都係日式嘅味道點知呢個加左d蟹醋調味之後竟然有京滬菜嘅感覺😯烏冬幾彈牙 🦷美中不足係拌醬過於稀身有d似蟹嘅蛋花湯 （？）私心許願烏冬可以更乾身比客人直接加隻生蛋撈入個蟹醬到 🤭可能更滑溜 更凸顯蟹味～.🐖🐖《雜菌炒野菜》🐖🐖 🛑8.5/10🛑💰$88💰用黑椒、鰹魚片調味 唔油膩反而提鮮惹味 超開胃😋西蘭花、粟米仔好脆身炒椰菜爽甜得來無草青味 🥬.🐖🐖《燒牛舌