東京天井食堂

營業中

休息中

晚上，我到了尖沙咀「東京天井食堂 」餐廳需要穿過一條小窄巷才能找到，，主打日本家庭料理，早前米紙有介紹過，我當然不會放過這機會。餐廳有深宵食堂的感覺，裝修和檯椅宣年代的感覺，店內有八個座位，店外就有四個座位，店內有一幅日本風的的風浪壁畫。我點了「黯然銷魚飯」鰻魚是熱燙燙的，香氣撲鼻 ，我急不及待已經喝一口鰻魚，濃郁的蒲燒香味已經充泝我的口腔，鰻魚的肉質比較煙靭，富口感，我覺得店主落了鰻魚汁份量十分適當，能將鰻魚的鮮味帶出之餘，又不會埋沒鰻魚本來的味道，嫩口的鰻魚真係啖啖肉，再將金黃色蛋液同蔥撈埋飯一齊食，真係一流。整體「黯然銷魚飯」性價比值很高，值得再來！

嘗試用另一形容詞嚟介紹呢間日式小店，但左諗右諗🤔，「隱世港版深宵食堂」依然係最貼切。😛 小店位於佐敦近柯士甸路，同老闆Nick傾過計，原來佢哋不知不覺已經經營咗8年😲。阿叔初次嚟幫襯，認真都要睇住個google map📍先確保自己無行錯地方。呢度舖頭細細，坐位10零個左右，由於位置夠隱蔽，加上店內日系裝修設計🏮，真係好似漫畫中嘅深宵食堂咁！係呢度，你未必食到最新矜貴嘅日本食材，但每款食物都會附加老闆嘅誠意同人情味。 🐟黯然銷魚飯 ($78)小店嘅招牌菜之一👍🏽！叉燒換上蒲燒鰻魚，加埋蔥花同埋嚟自日本嘅曉蛋🥚，驟眼睇，賣相都真係幾似黯然銷魂飯架！建議食之前，將蛋汁跟蔥花撈均，一次過連鰻魚、飯放入口，既食到鰻魚嘅甜味，又食到濃郁嘅蛋味同嚟自蔥花嘅清香味，一碗誠意十足、好窩心嘅鰻魚飯就係咁簡單！😋😋😋

呢間餐廳主打日本家庭料理，早前睇到米紙嘅片推介就bookmark咗，今次相約同朋友到訪，原本諗住食佢哋嘅鰻魚，不過見到出咗大閘蟹期間限定餐牌，自己平時勁鍾意食蟹，呢一次都冇失望～大閘蟹粉蟹肉蟹膏甲羅燒配特上和式定食 ($300)一上枱就見到超大份甲羅燒，而且真係填滿晒成個蟹蓋😱 而且食到蟹肉一梳梳嘅質感，撈飯一流🥰 最鍾意係呢到用珍珠米，食落粒粒飽滿，撈飯特別開心🫶🏻炸物炸蟹鉗就不過不失～自家製蟹粉牛肉漢堡配和式定食 ($268)都唔錯，店家除咗係牛肉漢堡上面淋滿蟹粉，仲另外附上一份蟹粉，金黃色嘅蟹粉食落好甘香，滿滿蟹肉嘅鮮味，真心超邪惡😈 漢堡做到好厚身，入面唔會好乾，外面煎到微微燒焦超正🤎定食除咗珍珠米，仲會附有前菜中華沙律同麵豉湯，呢兩樣都正常發揮，但甜品黃豆粉蕨餅幾有驚喜💛 食落好軟糯而且加埋黃豆粉好香～除咗定食，自己都叫咗小食🙌🏻 當中較推介嘅係厚燒牛舌芯($58) ，食落有咬口，牛味出，而且呢到係即叫即燒，食落特別熱辣辣😚 免治雞肉棒($38)仲可以點用日本蛋嘅月見汁，不過略嫌雞味未算好濃郁🐣 到訪當日實在太熱，所以都嗌咗嘢飲，推介大家嗌焦糖菠蘿配菠蘿梳打 ($48) 焦糖

🍲 牛肉壽喜燒定食 Sukiyaki Set🍖 吉列豬扒 Pork Cutlet🍚 貓飯 Bonito Flakes Rice♡ㅡㅡㅡㅡㅡㅡㅡㅡㅡㅡㅡㅡㅡㅡㅡㅡㅡㅡㅡㅡㅡㅡㅡ🚕 地址주소 : 尖沙咀柯士甸路15A柯士甸大廈地下D舖(침사추이 오스틴 로드 15A 오스틴 맨션 D점 )ㅡㅡㅡㅡㅡㅡㅡㅡㅡㅡㅡㅡㅡㅡㅡㅡㅡㅡㅡㅡㅡㅡㅡ💰價錢 가격 :🍲HKD$118 • 🍖HKD$38 • 🍚HKD$38ㅡㅡㅡㅡㅡㅡㅡㅡㅡㅡㅡㅡㅡㅡㅡㅡㅡㅡㅡㅡㅡㅡㅡ♡🍲 스키야키 정식🍖 돈까스🍚 네코맘마

好野多數都係收收埋埋🫢要發現到佢 可能都係需要緣份🙏🏼今次去既呢間食堂 名副其實係大廈既天井位置😲唔行入黎都唔知道 原來入面有間咁地道既日式食堂🥢店舖細細間 可以一眼關七 但亦都因為呢種細令到佢既日式地道風味大增👍🏼彷彿置身日本街頭食店🤩雖然佢店舖細小 但所提供既食物種類亦都唔少唔同既定食 小食都相信可以滿足一番😋➷🪐 黯然銷魚飯黯然銷魚飯係店舖既推薦 咁我地都唔好錯過🤩銷魚飯係鰻魚🐟可以話係開正我地個範🫣叫得黯然 當然唔少得既就係面頭個隻煎蛋🍳係靈魂所在伴隨住甜甜地既鰻魚燒汁 加上蛋汁既蛋黃香😶‍🌫️帶點港式既風味 但又不失鰻魚飯既味道👍🏼值得推介🌟§🪐 牛肉壽喜燒和式定食第一眼最吸精既 竟然係佢中間大大粒橙黃色既蛋黃😍顏色鮮艷 所以會較為突出😆壽喜燒必須要有既蛋黃😋份量都幾多 牛肉同配料都好豐富 到最後又食唔晒😩個人覺得佢壽喜燒汁既味道可以再強啲🤏🏼因為唔係長時間滾住 所以唔怕佢會愈黎愈咸整個定食仲會有前菜 麵豉湯同甜點 你話點食得晒丫🍱§🪐 芝士吉列豬扒吉列豬扒係小食 又係好大塊🫣內裡芝士多到流出黎 仲可以做到拉絲既效果🤩外層炸到金黃脆身 加上入口啖啖芝士🧀️食兩舊飽晒🤰🏻係邪惡 但

喺尖沙咀諗緊食乜嘢，之前就有聽過呢度有間隱世日式食堂，轉入斜路位見到佢有開，即刻入去試吓。入面仲有三張枱去到嘅時候有兩張枱有人位置同空間唔係好多，我同朋友個背囊都要放出去。朋友本身唔係好食鰻魚，但佢冇雪藏嘅味道，半條已經好足夠，冇骨同埋肥美程度足夠，貓飯嘅牛油同醬汁已經為你攪拌好，流心蛋味道較濃，建議混合一起吃係香港少有嘅貓飯。麵豉湯味道較淡。個人好鍾意食呢個牛肉壽喜燒，牛肉唔係好肥，建議蛋黃po喺牛肉嘅面，因為撈晒落去就會食唔到蛋嘅味道，牛肉加蛋黃同埋壽喜燒嘅湯非常配合日本米建議混合壽喜燒湯一起吃。香港人隱世日式食堂

呢間餐廳早幾個月前洗哂板，因為由餐廳環境到出品都好有日本地道風味，不過避過熱潮而家先黎幫襯，位置就隱藏係鬧市中大廈既天井，要費小小力氣先搵到餐廳好有睇日劇入面深宵食堂既感覺，由裝修到檯椅都好有年代感，店內有8個位，店外有4個位，唔早少少過黎就要排隊等位，入面有幅日系風極重既的風浪壁畫食堂主打蒲燒鰻魚同牛肉漢堡，而家仲有期間限定既蟹料理同埋小食飲品，由$100起，配埋定食都係尖沙咀平價水準雙重黯然銷魚飯 | $158黯然銷魂飯既日式變奏版，拎過黎既時候心跳加速，因為見到隻太陽蛋係度擺動佢既身體，當我諗住放好影張相就開餐時就爆咗了雙重鰻魚其實有成3層咁多，每舊汁醬都包實咗嫩口既鰻魚，真係啖啖肉咁好味，再將金黃色蛋液同蔥撈埋飯一齊食牛肉壽喜燒配和式定食 | $128呢度用既牛肉都係高品質，試埋呢款關東風既壽喜燒鍋，鍋入面有海量牛肉片、金菇、洋蔥、雜菌同金蛋黃，牛肉肥瘦適中，火喉剛好有油脂香氣，湯汁微甜有幸福感定食仲包埋麵豉湯、中華沙律、抹茶泡芙同飯，加$20升級成貓飯，貓飯係深夜食堂中為人所知，加咗牛油、鰹魚醬油、海苔絲同木魚片，單食都好有中毒性芝士吉列大豬扒 | $68上檯就有好香既炸物味

今日唔食新餐廳，前身叫東京食堂，現在名字多加兩個字記得第一次幫襯果陣搵左勁耐，在放棄果刻終於找到佢地，當時兩個住屯門既後生仔雖然現在其中一個伙伴少左，但仍然堅持當初既他們跟店主聊天果陣，講起以前open kitchen 裝修，佢話已經係6年前既事今日特別點了最出名牛肉飯同鰻魚飯水準跟以前一樣一絕👍🏻😋😋特別燒菠蘿🍍，下次我一定要叫兩碟仲有可樂餅跟雞軟骨串都好好食店主最尾仲俾我捉左食我既生日蛋糕🎂厚臉皮既我，好開心佢地在香港咁多競爭對手都仍然冇放棄，食物質素都保持住💪🏻💪🏻下次去尖沙咀一定會帶朋友家人捧場新餐廳食既係新鮮感，舊店食既係人情味好餐廳要支撐🙏🏻🙏🏻

呢間舖一向被稱為隱世小店， 去到抬頭就見到個天井，晚上8點去到都係要等位， 等左15分鐘左右終於有位！兩個人有好多都想試， 一次過叫左好多款，食完好滿足！雙重黯然銷魚飯，鰻魚飯隻蛋樣子已經很吸引， 鰻魚肥美但點都會有少少骨，但成件事好好食😋 係加倍鰻魚，方便兩個人一齊分享。吉列芝士豬扒真係有拉絲效果， 雖然肉質比較薄，比較乾身，味道正常，但成件事的確做到拉絲效果！明太子雞翼，一碟兩件，外面皮脆，咬入口多汁， 好好食😋自家製芝士漢堡扒配蔬菜，蔬菜完全係幫助個菜式無咁易食濟， 漢堡扒厚度好夠， 可惜上面塊芝士好似一直都唔係好溶，如果個芝士配合好d 就好完美喇！店內有個靚靚壁畫，飲住懷舊波士汽水，成件事好日系！總括黎講， 我覺得係間有心既小店， 老板同客人又會傾下計，好值得去食😄

有少少慕名而來第一次黎到呢個天井 星期六下晝2點零鐘一行四人walk in即時入座當時店內有另一枱兩位客人小店唔大，接近坐滿 我地有三人叫左鰻魚(半份)$88加配貓飯定食$60另外一人就試牛肉壽喜燒定食$128升級貓飯$20另外叫左忌廉可樂餅$38同明太子$48各一份，每份2件可惜燒菠蘿賣晒，好想試吓我地覺得呢兩個set份量好足，而整體味道就中中挺挺、不過不失，貓飯冇想像中特別，可能期望過高；而味增湯同壽喜燒都咸左啲；兩款小食就熱辣辣香脆幾好食的 小店清靜舒服、天井環境都幾特別，見到店主悠閑坐喺門口張枱，同朋友飲住杯野談笑風生，有遠離繁囂既感覺 如到訪可留意佢地ig營業時間，例如我地食果日有預早公佈只開到4pm

呢間鋪頭真係好隱秘 天井既名改得好岩 真係係柯士甸大廈既天井位小店坐位唔多 今日一人主理 但出品一d都唔求其 仲好快手 自家制芝士牛肉漢堡 （必試之一）$118+$60升級定食漢堡扒好大塊 但完全比芝士覆蓋 牛肉漢堡夠juicy 配埋醬汁食岩岩好 推介升級貓飯 我地原本都對貓飯好好奇 原來係加牛油落飯度 再配埋鰹魚汁同海苔絲 上面再有木魚花 令到珍珠米更香 更有口感 好有趣 定食仲有沙律 味增湯同泡芙 好豐富東京大阪燒 $128勁大塊 見到密麻麻的紫菜 已經流晒口水 新鮮煎起 熱辣辣 入面有好豐富既椰菜 肉片 粟米 好有滿足感 係久違了日本既大阪燒味道 👅 一定會再食見到人地食鰻魚飯同壽喜燒都好吸引 呢間小店真係要好好支持 回頭率極高👍🏼

知道呢間舖頭好細，中午又多人，所以等到過咗中午飯市時間先去。叫咗鰻魚，原來係冇任何嘢配，要另外配飯湯嘅，就叫咗佢哋嘅特色貓飯set，另外就點咗煎蛋漢堡扒飯同埋炸薯餅。可能係太多好精彩嘅食評，好想知其他嘅食評，係咪全部都係食家撰寫，而且寫得好吸引？令到我有好大期望。令到愈來愈唔敢相信OpenRice嘅食評，可能扣50%真實性會易理解啲。食物無論係賣相抑或味道都正常發揮，好多人識嘅餐廳都做價錢到應該差不多。呢度環境就比較迫，相對上價錢方面會唔會有啲唔協調？仲有當日落大雨坐喺入邊都算冇問題，些少悶熱，但係一出到門口就已經比騎樓底嘅水整濕身。值得去試嘅，感受下小店舖頭仔嘅情懷，但就記得要將期望減半，就會感覺開心好多🥳

暫時我覺得係香港最好食既燒鰻魚飯D人成日都話，香港係美食天堂，我自己就反而覺得食種類多，但係唔係美食，就真係要試過知。尖沙咀為香港非常熱鬧又多人既一區，但每次黎到呢區諗食咩都好似有d辛苦咁。而今次去既呢間「東京天井食堂」就位於一個真係唔多起眼的大廈出入口。今次呢個食評已經係我食左第6次之後打，一直都想去推介，但又一直遺忘左食物:蒲燒鰻魚 (全) 午市定食 $128 / 晚市+$40-70升級定食呢個蒲燒鰻魚真係我次次黎都點! 因為出面就算點食，都始終覺得呢暑既最出色!鰻魚經過蒲燒的烹調，外皮酥脆，裡面肉質鮮嫩! 鰻魚原條上，但唔係個d細細條，真係一大條既鰻魚!飯方面就用左珍珠米，珍珠米煮得好好，粒粒分明!呢間小店其實除左出名既蒲燒鰻魚，我重有食過大阪燒都覺得好出色!希望下次有機會再食既可以再寫食評!呢間真係隱世小店!100分推薦!

-為大家介紹呢個隱世小店介紹完就唔隱世了🤣其實幾年前食過前身嘅東京食堂地點雖然隱蔽但幾好feel 好有日本居酒屋feel好鍾意食小店🫂🫂牛肉壽喜燒配和式定食 $128牛肉份量比想像中多！ 而家好嫩滑 好入味壽喜燒汁味道亦好濃郁！撈埋隻日本蛋 真係好好食不過個定食甜品就遜色左少少Tiramisu 糯米糍(?) 口感不好~🥲東京大阪燒 $128呢個真係要推介一定要食好足料 好大份嘅大阪燒好厚實 唔會輕易散開哂好好食des! 餃子雞翼 $48外層煎得好香好脆內層juicy 焦糖燒菠蘿 $28呢個燒菠蘿真係好出色非常juicy嘅菠蘿配埋焦糖 酸酸甜甜咁 好好食東京天井食堂 (尖沙咀)尖沙咀柯士甸路15A柯士甸大廈地下D號舖#東京天井食堂 #天井食堂#food #foodie #cafe #cafehopping #tstcafe #foodblogger#hkcafe #hkcafehopping #尖沙咀 #尖沙咀美食 #尖沙咀食乜好 #尖沙咀eatmug9

約咗朋友嚟尖沙咀食晏，喺網上搵到呢間日式食堂。小店位置比較隱蔽，座落於一幢大廈嘅天井位，但環境非常好 Feel，有種遠離煩囂嘅感覺。餐廳主打日式料理，專賣牛肉漢堡及鰻魚飯，而星期一至五午市更有定食供應，定價非常實惠，不設加一，最平 $52 已有交易，配送珍珠米及味噌湯。點咗全條蒲燒鰻魚 同 牛肉壽喜燒定食，另外再加咗罐汽水 (+$6)。全條蒲燒鰻魚 ($128)：鰻魚原條上，尺寸比我手掌還要長，超大件，面層燒至微焦，而且睇落都幾厚身，誠意十足，賣相討好。馬上一嚐，魚肉肥美有肉感，帶自然魚油甘香，肉質細嫩，軟腍富彈性，入口即溶。面頭嘅醬汁亦調校得啱啱好，入味得嚟又唔搶，鮮甜稠杰，拌飯一流。米飯選用珍珠米，顆粒圓潤飽滿，食落分明有口感，配埋碗熱暖嘅味噌湯，好滿足。另外呢客牛肉壽喜燒定食 ($66)  亦屬水準之作，牛肉鮮香細嫩，肉質帶嚼勁，脂肪分佈平均。戳破蛋黃，把蛋液與壽喜燒汁混和，牛肉好滑溜，同煮至軟腍嘅洋蔥一齊食，甜味同肉味都更加突出，絕對滿足到食肉獸！