東京天井食堂

營業中

休息中

東京之旅未起行，先去了尖沙咀的東京天井食堂午餐。黯然銷魚飯 - 被其名吸引，原來是燒鰻魚飯。鰻魚厚肉，皮燒得香，鋪上微甜醬汁，甜而不膩；還有蛋黃呈橙黃色的煎蛋，充滿蛋香；再加上蔥花作點綴提升香氣，非常惹味，令人食不停口。天井牛丼 - 牛肉少肥，滿滿的鋪在飯上，足料。肉味濃郁，拌以又腍又甜的洋蔥及蛋黃，送飯一流，簡單而美味。丼飯惹味，不住的一口接一口的吃，不消一會便食畢，其實可免費添飯，適合大胃口人仕。在天井食丼飯，別有一番風味。

繁忙嘅尖沙咀鬧市多人多車，今日嘅餐廳就喺柯士甸道一個隱蔽嘅天井地下，老實說一開始我跟Google Map去搵餐廳嘅地址都不好找，走了很多冤枉路，最後才發覺原來經過很多次，餐廳原來就在附近，讓我在食評末段，簡單介紹吓點樣行去最方便。餐廳嘅裝修都係行日式食堂風格，店面不算很大，每次只能夠容納10多位客人，好彩我地今日七點就到唔洗排隊。黯然鰻魚飯$118，呢個係港式叉燒飯同日式鰻魚飯嘅Crossover，鰻魚厚肉而且燒得焦香，則無諗過可以同蔥油咁夾，雖然睇落食材都非常簡單，但完全係白飯小偷。每次去居酒屋都會想食一串月見雞肉棒$36，因為雞肉棒裡面有粒粒雞軟骨，口感好豐富。而店家亦標榜用新紀元雞，安全食品等級可以放心生食。每次去日本最想乜嘢街頭小食? 一定係日式可樂餅$38，蟹肉配以忌廉餡料，外酥內嫩！雖然呢間餐廳嘅食物定價都唔平但勝在白飯任添！可以食到飽為止啊～附上餐廳最大特色！就係天井之下，夜晚過嚟食晚飯有夠特別。當初我喺柯士甸道一直都搵唔到餐廳嘅門面，原來柯士甸道大廈15A係喺一個鐵閘入面！大家一定要認住上面嗰張相就好轉入去啦！

呢間餐廳地理位置真係隱世，因為佢喺係柯士甸大廈同嘉華大廈入面！如果就咁係大街係見唔到的～佢exactly就係呢個大廈既天井位，店如其名😛餐廳係小店，鋪頭連埋老闆都只係有三個職員～職員既態度都好友善餐牌都有唔少選擇，有飯餐亦有串燒簡～我地點左兩個主食同一個小食鰻魚炒飯鰻魚雖然係切粒，但份量不少，每啖都有鰻魚，而且食唔到有骨，炒飯仲有粟米、紫菜、蔥花一齊炒，個人覺得好有獲氣同好香口👍🏻牛肉壽喜燒配和式定食牛肉好靚，唔係好肥/太瘦果種，而且煮得好入味，仲有好多菇類同洋蔥，好香👍🏻仲有綠茶泡芙、中華沙律、麵豉湯，好豐富🥰焦糖菠蘿燒菠蘿好juicy，面頭燒左一層薄薄既焦糖，酸酸甜甜👍🏻

地方身處於尖沙咀嘅一條後巷，老實說，係有少少隱蔽我哋要好似去咗旅行咁，用map 搵一搵呢度嘅午市定食都有幾多選擇，當中會包珍珠米及味噌湯 🍲🐖 芝士吉列豬扒飯($68）豬扒厚切，炸粉唔會太厚；入面有拉絲嘅芝士，香脆多肉汁👍🏻食幾啖已經覺得好滿足！🐟 黯然銷魚飯（$78）鰻魚嘅醬汁甜甜地，燒到魚肉表面少少脆，下面稔身；太陽蛋蛋黃橙黃色，係香濃嘅日本蛋味🫰🏻夾埋蔥花送飯一流！飲埋個麵豉湯暖笠笠，正

香港樓宇世一設計 竟然諗到喺天井下面開間餐廳勁有特色 聽同事講平時放工之後基本都要排個幾鐘今日揀咗晚餐時段一營業即刻走過嚟試下❣️牛肉壽喜燒配 和式定食 $128 • 升級貓飯+$20滿滿嘅牛肉 壽喜燒湯好清甜 牛肉吸晒湯嘅精華 好淋身仲有洋蔥同野菌做配料 洋蔥軟腍到一夾就爛 啱晒我呢啲平時我怕生洋蔥味道嘅人貓飯係日本係街知巷聞嘅家庭料理 睇過<深夜食堂>嘅一定聽過將牛油加入珍珠米融化 再加入適量嘅鰹魚醬油同紫菜碎 最後刨上木魚花 連埋壽喜燒上面個蛋黃一齊撈埋嚟食 好似食煨飯咁軟綿綿未食過嘅真係要試試佢❣️黯然銷魚飯 $118大家都話銷魚飯係必點item 今次淺嘗嗌左normal size 鰻魚面頭怖滿鰻魚汁令立立勁吸引 鰻魚相當柔軟 醬汁甜而不膩 撈埋流心蛋一齊食 越食越後悔冇嗌到double size❣️日式唐揚雞 $68估唔到都幾大份 每舊都大大粒😆咬落肉汁超多 絕對唔會乾爭爭 雖然油炸過都唔會好油 外脆內軟完美呈現

小店位置極隱蔽，座位數目亦不多大概可容納十數人，然而午餐時段客人絡繹不絕，建議預留時間等候。餃子雞翼 ($48)• 雞皮部分處理得單薄香脆，梗梗包裹著內裡飽滿的餡料。咬下去充滿着一股雞肉的油香味和韮菜的味道。薄燒鰻魚 (半, $88) + 和式定食 ($40)• 升級和式定食會得到珍珠飯、味噌湯、前菜和甜點，質素不過不失。• 鰻魚肉燒得非常香腍，充斥惹味醬油而同時又不會喧賓奪主；皮的配份則保持應有的嫩滑程度，配合白飯已經相當滋味。

想試呢間舖頭好耐🤩🤩終於有機會啦不過佢個位有少少難搵好易MISS左棟大廈環境好有特式，有室內室外位置本來我地想食可樂餅、明太子雞翼但個爐壞左整唔到😔😔唔知係咪咁就送左溫泉蛋俾我地呢😛😛💛雙重黯然銷魚飯🎏🍳果然無叫錯呢個飯呀有兩份厚厚嘅鰻魚食落去熱辣辣啖啖肉🤩🤩🤩再撈埋隻蛋同啲蔥完美嘅配搭呀🤤🤤🤤💛烤豚肉車厘茄🐷🍅燒到出黎熱辣辣香噴噴豚肉有少少厚度又唔會好韌加埋車厘茄好清新👍🏻👍🏻👍🏻💛手作免治雞肉棒配蛋黃汁🐓免治雞肉棒入面有雞軟骨粒粒配埋蛋黃汁又係好夾😋😋😋💛柚子梳打🍋柚子份量啱啱好，加埋梳打唔會太甜☺️☺️☺️杯野飲只係用到一半梳打佢會俾埋剩低個半樽梳打你不過如果加埋個味就會淡左啦😛😛😛

是日下午到尖沙咀覓食，曾經於網上媒體看過有一間隱世日式食堂，今日決定一訪。食堂隱身於柯士甸大廈中間，正正於天井下方，難怪命名為天井食堂。店舖坐位不多，感覺像日本小街道中的小店，有種深夜食堂氛圍，別有一番風味。餐牌有日式主食、串燒及炸物。黯然燒魚飯: 食神中的黯然銷魂飯，其中一主角叉燒換成燒鰻魚，鰻魚厚肉，皮帶微脆燒得焦香，鰻魚的燒汁調味剛好，帶輕微甜味。煎蛋非常漂亮，店家標榜使用日本新紀元蛋，橙黃色的蛋黃相當誘人，帶些少燶邊，是個人最喜歡的煎蛋狀態，蛋黃很香濃，撈飯很好吃。蔥是畫龍點睛，為整體加添了香氣。愈簡單的食材愈顯功架，這碗飯相當高質。烤豚肉車厘茄: 上菜時店員特意提醒要小心，內𥚃非常熱會爆汁。外面豚肉簡單以鹽及黑椒調味，咬下一刻確實爆汁，車厘茄的很香亦夠甜，平衝了惹味的鹽味豚肉，亦帶有炭香，是個人喜歡的口味。燒雞中翼: 吃串燒總愛點雞中翼，雞翼大大隻，同樣簡單以鹽調味，加點檸檬汁加點清新感。外皮燒得香脆，調味亦適中，不錯。是日天氣很冷，老闆主動提供暖水，很是窩心。食物雖然簡單但質素很高，吃時感受到老闆對食材及岀品的一份堅持。店家隱身於天井下更有一種隱世食堂之感，很有風味，價錢亦

平日黎食午餐，嗌左個鰻魚飯，燒得好香，無骨，好厚身，啖啖肉，肉質都好好，係香港數一數二好食既鰻魚😋想食無咁濃既話可以叫佢少汁～另外，我朋友叫左個牛肉飯，味道好有日本住家feel，食得出係靚牛肉，個汁好好食。最重要係價錢好抵，只係$48有成個定食，有珍珠飯，有味噌湯。小店係天井入面，個感覺幾特別，唔似係商場或者普通餐廳入面食野咁悶。又唔會話好嘈，係可以同朋友一邊食一邊傾下計既地方。下次會再黎試下佢其他野食👍🏻👍🏻CP 值真心高

午市套餐非常抵食飲品學生唔洗加錢！仲有波子汽水可選 不過我去個陣已經賣晒 就叫左冰紅茶🥺-呢個午肉壽喜燒都只係60蚊有找 仲有野飲😭係尖沙咀竟然有啲咁佛心既食肆 真係誇張更誇張既係佢竟然白飯任裝！！！😱小癲女仔食一碗就夠 大食既男仔都唔驚唔夠飽不過排堂食就耐左小小都等左半個鐘 因為比較少位 外賣就唔洗咁耐喇！-壽喜燒鍋 89.73/100✨Sukiyaki要有既野都有味又唔會太濃或太淡 剛剛好的牛肉唔係個種咬到牙齦炎都未咬到既屎牛 非常可以👍🏻已成飯堂 會經常去幫襯

牛肉壽喜燒 $54汽水 +$6吉列炸蠔1件 +$11甜點（糯米糍）+$5同事以前在柯士甸路附近中學讀書，曾推薦這間位於巷仔的民間小店。經過同事多次推介，終於有機會到訪。選擇壽喜燒的原因是因為得知這裡做法有別於日本店鋪。與其叫壽喜燒，它更偏向於汁煮牛肉，醬汁不算多，帶微微甜味，牛肉煮得有點過老，不過份量頗多，生蛋的蛋黃味不重，純只為帶來嫩滑口感。配菜反而比牛肉出色，醬汁滲入蘑菇洋蔥之中，用來送飯最適合不過了。至於炸蠔，雖然外層炸粉少厚，但由於即叫即炸，所以外脆內嫩，而且附上迷你椰菜花沙拉，整體油膩感不重，沙律醬於我有點多，不喜歡的可以走醬。當日甜點為Tiramisu 糯米糍，它比較像朱古力糯米糍，沒什麼特別，可以不試。這間小店味道正常，但由於地理位置特別，不妨可以一試，體驗於巷仔享受食物的一刻。

冇試過食鰻魚會係有咁多骨，啖啖都有...帶骨吞又唔得，想扯出來又難，真係搞唔掂。跟住個牛肉壽喜燒勁鹹，你個牛肉幾好食都冇用，彌補唔到，真係太鹹...食完飲左半樽水都係覺得鹹

〰️經常有人排隊等位，所以位置唔算難搵😂週末等20分鐘就坐到室內。店家白飯任添，岩哂大食嘅你🥰 記得Follow埋ig，有一份甜品送，當日係抹茶蕨餅🤩〰️🌟吉列芝士豬排 $58評分: 4.5/5一上枱熱辣辣，芝士多到湧緊出黎🤤呢度即叫即炸，炸粉絕對唔厚😌平時會咬走炸皮嘅我食哂落肚，呢個期間限定好有驚喜👍🏻Menu上只當係小食，網上唔多人留意。小食價錢仲有成4-5大舊，勁抵食🫶🏼必試〰️🌟牛肉壽喜燒 配和式定食 $128評分: 4/5醬汁經過特別調配，壽喜燒唔會似坊間咁甜😉肥牛肉質嫩滑，金菇、甜洋蔥、蘿蔔等配菜腍身入味，撈埋生蛋黃，分分鐘食哂成碗飯～〰️環境: 4/5服務: 3.5/5地點: 3/5〰️

依間餐廳選擇類近日式家庭料理，比較精致和簡約，但位置比較難搵，係街道進入一所大廈先發覺係天井位置，店名名符其實，但附近亦有唔少人食煙，所以安排左入內坐。🍚🥩🥬 照燒雞扒附野菜雞扒上鋪咗照燒汁同紫菜絲，雞肉嫩滑多汁，份量仲多過啲白飯，好彩白飯可以任加，配菜係椰菜、青瓜、紅蘿蔔等切絲再同日本菇炒埋，顏色豐富又健康有盈，加上照燒汁味道就更鮮甜。🍚🐟 黯然銷魚飯賣相同暗然銷魂飯相似，除左澳門醬汁嘅慢唔同必要既蔥，最重要當然係雞蛋，佢地用左新紀元•曉蛋，蛋黃顏色份外鮮橙，做到蛋白熟、蛋黃生既荷包蛋。鰻魚份量仲多過珍珠米，魚肉扒又厚實，而醬汁味道冇太大特色。🍗 明太子雞翼雞翼尖中間釀左一個球狀既明太子肉丸，食落有啲魚子既鮮味同少少辣，唔知點樣釀入去而外表又完整呢。🍮 是日甜點最後上既係松露朱古力糯米糍，咬開薄薄煙韌既糯米皮，入面餡料係香滑既朱古力味忌廉，香味濃郁。

週末的日子，我們都喜歡尋找一些隱蔽的美食。這是我們就來到位於尖沙咀附近的東京天井食堂。這一間餐廳的位置比較隱，大家可以留意大街上的指示牌。餐廳很有日式格調，部局和裝潢都跟日本的餐廳很相似。我們二人點了蒲燒鰻魚半條配和式定食，天井牛丼配日本溏心蛋和一杯熱情果梳打。蒲燒鰻魚半條配和式定食，雖然只是半條，但一上菜的時候，看得岀分量都很足夠。鰻魚很厚身，魚油香味足，蒲燒的醬汁也調配得很好，甜度適中。 加40元可配和式定食，有日本珍珠米，味噌湯前菜和甜點。 珍珠米的米香味濃，配上鰻魚一起食的非常好吃！ 味噌湯和中華沙律也很有地道的日本風味～另一個是天井牛丼，一上菜已經可以看到滿滿的牛肉和日本蛋。攪拌一起後進食非常美味，蛋黃香味和牛肉的香味非常配搭。另一方面這間餐廳可以免費添飯，如果我不夠吃的話可以向店員要多些飯～他們都很親切！另加的日本溏心蛋，切開的時候看到很漂亮的蛋黃溏心顏色，吃下去蛋白相當有口感，再加上流心的蛋黃，非常美味而且價錢便宜值得大家試一試！最後是熱情果梳打，熱情果香味濃烈，再加上原支的梳打水，非常抵飲！