東京天井食堂

營業中

休息中

尋找呢間小店，有少少難度，經過門口好幾次，都找不到它，最后由一個入囗，經過一條小巷才到達，小店係响天井裡面，店舖唔大，裡面有三、四張小檯，好有日本街頭小店感覺。今日遲咗食晏，所以唔多人，叫咗兩個定食同小吃。蒲燒鰻魚飯定食，鰻魚燒得好香，魚上淋滿醬汁，加上好多蔥花同雞蛋配上珍珠米飯（雞蛋要加配）,令我回味無窮😋因為鰻魚係我至愛🥰東京牛肉定食（已配有日本蛋），牛肉用洋蔥和醬汁煮成，味道同口感都唔錯，配蛋同飯吃，非常滋味。仲有一個味噌湯，夠熱，好味！蒜香雜菌炒野菜，椰菜好爽脆，加埋其他雜菜和木魚片 ，將整個菜鮮味提升。仲有煎餃子，雖然係好普通一樣嘢，但佢外皮少少脆，但保留到好多肉汁，值得一贊👍