普慶餐廳

營業中

休息中

Boxing Day自助餐聖誕節又點少得自助餐呢，今年揀左逸東酒店既lunch buffet，每位$428，因為聖誕節既緣故所以加左價，平日一至五午餐係$328，星期六日就係$395，會抵好多㗎👍🏼第一次黎呢度好有驚喜，裝飾同一般酒店自助餐餐廳好唔同，呢度係屬於美式裝修，場地好大好闊，食物分開喺唔同既區域，唔會全部集中喺一邊，方便到全場既座位都可以拎到食物😋食物方面有好多選擇，頭盤仲有生蠔！不過要排隊拎，即場開蠔，每人限拎兩隻，想食多啲就要排多幾轉啦。熱食方面中菜同西菜都好齊，仲有印度咖哩🥨🧀🥩🥙🌮🥗🍗🍛🥘🍲仲有呀，仲有呀，又點會少得日本魚生呢，呢度仲有天婦羅🍤 (十分推介)！總括黎講非常滿意，以平日價$328黎計，絕對值得再黎食多次🤗🤗🤗

聖誕節係普天同慶的日子 ，一家大細就揀咗boxing day 去佐敦逸東酒店食lunch buffet，其實心中很疑惑其食物水準🤔？舊區酒店外貌多年沒太大改變，原來內部近年進行了大裝修，完全裝修得非常年輕化，很有現代氣色，而且自助餐嘅食物種類繁多， 海鮮有即開嘅紐西蘭生蠔、小龍蝦、蟹、青口、大蝦……，最欣賞佢哋的羊架同火雞幼嫩又滑大家一定要食日式炸天婦羅燒蝦爽、燒菠蘿甜，甜品窩夫現制， 雪糕係名牌Movenpick，平時吃個單球都要45元，哈哈！ 簡直可以回本🤭🤭。酒店新一代擁有超強環保意識值得一讚，佢地用咗搪瓷餐具和新興不銹鋼飲管員工服務友善又年青嘩嘩！真的要再約朋友去吃自助晚餐。

聖誕節要食聖誕大餐慶祝一下。但礙於聖誕期間一定好多人，好迫，即使氣氛幾好都變得令人好忟憎。。。所以提早食聖誕大餐呀!由於並沒有打算食完聖誕大餐之後要去影燈飾，或者行街街，所以沒有揀選尖沙咀、銅鑼灣。呢間酒店，地點唔算太方便， 但可能地段問題，令到食物性價比相對提高了!!忘記了呢隻係燒豬髀，定燒牛扒。。。太多食物，所以沒有吃到，有少少可惜呢。。。食咗燒羊架，好好味，燒得好香，如果嫌太生，大廚可以幫你略略再燒熟少少， 調味料corner，多過12款嘅醬汁及調味，非常有誠意!聖誕火雞正常嘅少少"鞋"身， 應節就食一食生蠔有三款不同地區嘅生蠔，現場即開，長期有條小小嘅隊伍排隊，不過大約5至10分鐘都會攞到，每人每次攞三隻長腳蟹肉質鮮甜，又多肉龍蝦三款唔同嘅龍蝦，有兩款已配以特製醬汁，另一款是什麼都沒有的冰鎮龍蝦。三款不同嘅感覺燒海鮮系列很多選擇，大廚現場即燒健康水一款係detox water，另一款係蝶豆花。有驚喜! 有別於一般酒店提供免費果汁。感覺很清新，又唔會搶去或者影響其他食物嘅味道!日式凍小食擺相很精緻，味道也不錯甜品區很多選擇，質素算中上由於掛住食嘅關係，好多都冇影到。。。雪糕係mo

早前決定要搵間自助餐提早食聖誕大餐，最後經多個選擇後選擇了這間。六點半食到九點半，時間十分充足。肉類有雞，羊，牛，豬，只有豬無食，雞有點老，牛和羊夠嫩，可以一食。食物區分散，所以原諒小弟不依次順，甜品有唔少選擇，雖然小弟唔多食，不過手製雪糕唔錯。燒味部有海南雞，不過可以不食，燒腩仔還可，叉燒一般，胃唔大可以全部放棄。壽司當然唔食，主食刺身啦，三文魚夠肥，吞拿魚唔錯，油甘魚番本，喜歡帶子的可以一試，小弟就主攻三種魚。一早都知生蠔要排隊，所以見意一開始排，試下三隻生蠔邊隻好食d，今次三種都偏咸，不過清潔細心無碎殼，一次拿三隻，小弟就各要一隻，因為各有各風味，等下都值的。龍蝦唔駛排，所以隨時食得，龍蝦肉夠爽，有膏，有點沙律醬會開胃點，一樣回本食。面包蟹多次去都無蟹蓋，放棄。燒和蒸海鮮無食，因為專心食冷盤。當中仲有唔少熟食，小弟所無食，大家就量力而為，而天婦羅，小弟都是主攻蝦天婦羅。不得不提，今次自助餐中的調味料數多，多種食物都有唔少調味料選擇，如天婦羅有咖哩鹽。雖然食物原味十分重要，但試食多種調味都有唔少新感受。今次晚餐三歲以下免費，連同朋友四大一B，連加一收$2794，都算物有所值。

普慶餐廳經個番新之後 成日都係網到見到話有好多野食 無奈自己無錢無得試 難得今次有朋友帶我去試。哩間餐廳整個感覺,環境都好好 好舒服 服務員收盤速度快 而且有禮貌 食物質素ok la 我仲影左好多section嘅相 想同大家分享下 啲嘢食應有盡有 我本身平時對生豪都麻麻地 怕唔新鮮唔乾淨 但哩到有廚師即埸幫你刷乾淨 睇住佢清潔完 突別放心食 我本身係一個sushi 愛好者 見到咁多刺身同壽司叫人點忍？所以我都自己拎左碟比自己另外值得讚嘅係 佢地啲薄餅 有好多款唔同嘅咖哩、野食配撘 味道唔錯最後已經食唔落其他甜品 但係試左佢地啲雪糕都幾好食。

老婆生日，朋友介紹前往。竟沒有任何信用卡優惠，見到朋友推介，如此價錢該不會失望吧！怎料⋯ 卡位設計，坐在裏面的難以取食，坐下來前往取至愛一一生蠔，但一整晚也長長人龍，已大打折扣了。細看下，只兩瘦弱女職員負責，怪不得了如此效率，如此價錢也不供應滿足客人，任食？綽頭？但見質素也差，吃不到也不可惜。試其他熟食吧，但有性價比較高的一一缺貨，供應不足，二、三百之酒店貨色，失望。最後吃甜品，也未曾見過提不起胃口的「甜品專區」太「專」了，老婆及女兒甜品肚也不感興趣。好歹也選了兩款「炒雪糕」及「甜薄餅」，質素亦不敢恭維，「炒雪糕」不成型，「甜薄餅」變「厚餅」，敷衍了事，可否聘請較專業人士來烹調？到最後結賬，職員才問對食品意見，說可補上早質素不均之「羊架」，因兩次取來差別甚大，惟已结賬，吃不下了，且也不再抱期望，沒下次了，只是令老婆生日失望了😞

家姐同朋友試過晚餐話唔錯，就帶埋我地黎試下個lunch buffet 係咪都甘正先講地點，位於彌敦道旁，位置方便，不過入口比較難揾，聽家姐講上次佢揾左都幾耐先揾到，不過今次有佢帶住，就無問題啦講下食物先，食物種類繁多，有埋蒸海鮮tim!!蒸海鮮個大蜆超級鮮甜其他熱盤有好多種咖哩、燒味、牛扒、羊架，而冷盤有parma ham、沙律、雪糕、甜品etc ，最推介既係羊架，蒸海鮮既大蜆，雪糕同甜品！甜品種類唔算多，但每一款都好好食！雪糕係movenpick，有十款，我同師傅講想試哂佢！師傅就二話不說就叫我拎隻大碟俾佢好正！我之後見到有人用細碟將雪糕整到成座山甘，點埋蠟燭慶生，仲開心！

今次輪到靚女同事同我慶祝生日，選址位於佐敦逸東酒店嘅「The Astor」。皆因之前見到唔少關於呢間餐廳嘅buffet廣告推介，賣點係即開生蠔及豐富海鮮。食物款式多樣化之餘，價錢合理，又有新穎靚靚裝修，這麼看起來是不是很誘人呢？！是晚我倆懷著一顆期待的❤️走進餐廳，環顧四周，才發覺裝修格局是挺普通的茶室，大部分牆身以及地板均以瓷磚砌成。酒店打通了上兩層後，營造出空間感、超高樓底的氣派。Buffet 已經開始，人客稀少，估唔到我倆嘅坐位會被安排係偏辟區😦嘅卡座，餐桌上嘅杯杯碟碟唔係崩掉殘舊，就係大排檔餐具😣，感覺更低檔次！唔係吖嘛😤畀成6舊水一位㗎，坐係茶餐室食buffet？！即時向侍應生反映，有禮貌的他反問我哋想坐邊度，話會盡量安排的。我哋當然希望坐係餐廳較開揚嘅中間位置啦🤔，影相都靚啲。雖然最後都有安排到一個較好嘅座位，但真係唔多明白🙄點解要留空咁多無人坐嘅中間位囉😒⋯⋯地方大，活動範圍也大，卻跟鄰桌太相近。嘢食多，美食款式真多，卻嫌桌子真細小。食物分開擺放係唔同嘅區域，花多眼亂下，反而會令客人錯過某些美食啊😐海鮮區「龍蝦迷」當然第一時間去捧波士頓龍蝦場啦！龍蝦size唔算大隻，蝦膏亦

已經係第三次光顧lunch時段，剛裝修好時黎食仲有長腳蟹供應，之後兩次黎都改了，只在晚市供應。食物大致上都幾好，咁既價錢有即開生蠔真係唔錯，中湯好飲，麵檔幾好，天婦羅串燒雞軟骨都👍🏻👍🏻冷盤凍蝦第一次黎食時係好好食，但唔知點解一次比一次差，面包蟹建議不要再出，燒蝦燒栗米燒得比較干，沙律無左藜麥😢，甜品蛋糕得一款好食，不過好在有m牌雪糕加窩夫搭救，但希望日後再有進步！值得一提是所有員工服務態度都很好耐無試過遇到咁好既服務員，係難得既！有個哥哥會送小禮物比小朋友，又會傾下計，黎親都好開心😃

上次來過上一層的food court食飯，發現這裡裝修以後的普慶餐廳都有幾多人，食物也看似不錯，家人便提議趁著有時間來食一餐！坐下以後發現檯上有張透明膠片地圖，是餐廳不同食物分在不同的區，但一間餐廳為甚麼要用地圖？是因為這裡的設計有比較多柱位，也把食物分得很散，所以需要地圖來帶領客人到不同區取食物。有好有不好吧，客人坐在某食物區旁邊就可以很方便地取這區的食物，但如要取其他食物則要走到很遠，食物並不集中，所以無論客人坐在哪裡，整體來說取食物都有一定的距離，因為總有食物比較近，有食物位置很遠。雖然食物分散，但掃視一下食物的種類也有很多，新鮮，可惜沒有長腳蟹我們座位附近有一個很吸引的counter，是即燒的食物，主要是海鮮等，未開始食香味已經令我們餓得咕咕聲 由於地理限制關係，沒有影太多食物counter的相片，較多影我取的食物。剛開始食當然取一些冷盤吧。冷盤種類繁多，沙律菜新鮮，有幾款醬汁供客人選擇；cold cuts普通，特別salami肥肉多；藍青口小隻的，肉質新鮮。蟹方面我對麵包蟹興趣不大，就沒有取了。再來冷盤，雖然cold cuts麻麻，我還是想配上沙律菜一起吃帶點鹹味。這裡也有供

今次呢個食評我將會打一段文字就算因為我真係第一次揸住部手機去影一個圈都影咗成十分鐘，我淨係可以post十二張相所以我好多都係組合相，細到我自己都唔記得呢啲係乜，咁我就憑我嘅記憶寫，啲相post出嚟畀你自己慢慢睇啦首先食生蠔，有法國同愛爾蘭，好老實佢啲質素好參差，時大時細，有肥有瘦，有甜有爽有creamy有爽，真係撞手神，每次攞兩隻，人少可以攞四隻刺身超基本，三文魚，吞拿魚，八爪魚，希靈魚同埋甜蝦，但甜蝦係未剝殼嘅，每次堅持淨係畀兩隻，有啲煩。大量嘅日本小碟，好靚但你會揀唔落手， 因為啲食材好普通好cheap ，有刺身飯，有壽司有天婦羅，正正常常普普通通有燒烤，燒大蝦 有中式點心，有牛肉，粉果，糯米雞 我太鐘意牛肉，蒸粉果了有麵檔 ，極度多嘅咖哩， 燒牛肉，羊架，燒雜菜，飲品任飲，好多甜品，中菜也唔差，有燒味部 ，西湯中湯，芝士冷盤，凍海鮮有麵包蟹，但個樣唔多討好有凍蝦，有煙三文魚，prama ham, cold cut不得不提佢有一個蒸海鮮，有蒸海蝦同蒸大蜆大蜆平時都要幾廿蚊斤，係正嘅甜品款式好多，又有movenpick雪糕，班戟，糖果，朱古力，曲奇餅，軟雪糕都有總括而言，佢假期收38

昨日往此酒店食中午自助餐,之前知道有任飲汽水。到達才被通知只可任飲忌廉和橙汁汽水,可樂系列要另加約40元才可飲。此酒店自助午餐已較其他酒店貴,仲要多加錢才可飲可樂,計埋加一要接近400元...見它當日客人都只有一半左右不無原因,已第三次幫襯，見其食物質素不斷縮皮,真為酒店難過,花咁多錢裝修但未見客量增反跌...當日即切牛肉及燒羊架有筋,魚生款不多且不吸引,燒烤區沒有以往吃過嘅扇貝，令人失望。全場只剩天婦羅區較吸引,但怎會為此吃其自助餐呢？

喺openrice睇人地嘅食評睇得多，今日終於的起心肝建立左個帳號，目的係同大家開心share下啲好味既餐廳。第一篇食評我就獻俾位於最近新裝修完既Eaton酒店入面既The Astor👏🏻聽聞食bufffet最回本既一定係海鮮區，小龍蝦就見得多，好似一個手掌咁大既波士頓龍蝦就比較少見，重要係食落去夠曬彈牙同鮮甜，呢隻龍蝦已經為左餐buffet加左唔小分。食完龍蝦就緊係去排一排隔離既生蠔啦，原來有一位師傅主力開蠔，另一位就用流水同掃逐隻咁沖走啲蠔殼，成件事好細心阿，是晚有呢三款蠔，雖然size比較細，但係都好有海水味同鮮甜既。原來除左凍龍蝦，仲有即燒龍蝦，見師傅燒到咁上下就加埋蒜蓉，香噴噴，好難唔好味喎，之後諗住再戰，點知發現變左做燒帶子同燒大蝦，一樣夠曬鮮味，後尾發現燒海鮮應該有rotation呢個安排又幾聰明，客人無咁易食厭又可以試多幾款海鮮黎到刺身區，最吸引我既係帶子同原隻牡丹蝦，目測一粒帶子都有五蚊咁大，牡丹蝦放喺杯仔入面，可以打卡like。刺身區仲有唔少款式既壽司，後期仲新加左海膽小卷，因為掛住食無影到，但係海膽無腥味夠creamy同甜。日式前菜區，款式都算多，用唔同小碟裝住，

Lunch breakfast :環境餐廳分別有八個區域方便人流取餐. （1）海鮮及沙律區：有多款海鮮生蠔供應值得一題生蠔是即開的沙律亦都有多款提供.（2）海鮮及燒烤區：有蒸海鮮燒🦐扇貝燒菠蘿都可以一試. （3）刺身及壽司區：有多款壽司🍣刺身方便略嫌唔夠凍. （4）天婦羅及串燒區：依個區域係本人最滿意所有天婦羅及串燒都做得10好味😋😋尤其係沙鑽天婦羅以廚師亦介紹調味方法給顧客最好的食法👍🏻 （5）亞洲印度風味區：有多款印度風味食物味道亦都唔錯 （6）西式美食區：🐑架做得水準之上👍🏻至於牛牛方面比較失色/牛肉本身是靚貨識/但由於煮得太熟關係所以唔好食🙅‍♂️希望餐廳會跟進. (7)甜品專區：E個區域做得十分之好員工細心處理各人需要.雪糕.芝士.甜品.生果全部都🈵️意👍🏻👍🏻👍🏻 （8）中式燒味區：咁多個區域最要改進就係佢完全吾掂🤦🏼‍♂️🤦🏼‍♂️🤦🏼‍♂️(整體意見餐廳質素唔錯員工有禮本人亦希望再次蒞臨）😋😋😋😋😋

媽媽生日，也有一段時間沒有食buffet了，酒店裝修後重開朋友食過覺得不錯，給兩老看這間酒店的食評相片，他們也有興趣於是就訂位，長者收費較平，值得一讚！6:20pm已經到達亦可以先入座，6:30pm才正式開始，有時間先行一圈及拍照，餐廳不算多座位、燈光比較暗，食物置放分佈於餐廳不同地方，不會集中於某個位置！海鮮冷盤區，肉質鮮甜也很嫩、不會很賁，有點驚喜有即開生蠔，很多人排隊拎！日式食物區熱食區：有很多選擇，有肉有菜又有海鮮有即燒海鮮，特別又幾好食甜品區：甜品種類不太多，但朱古力水準唔錯，Movenpick雪糕有很多口味仲有軟雪糕同炒雪糕添