影片
更多
2018-09-24
4123 瀏覽
喺openrice睇人地嘅食評睇得多，今日終於的起心肝建立左個帳號，目的係同大家開心share下啲好味既餐廳。第一篇食評我就獻俾位於最近新裝修完既Eaton酒店入面既The Astor👏🏻聽聞食bufffet最回本既一定係海鮮區，小龍蝦就見得多，好似一個手掌咁大既波士頓龍蝦就比較少見，重要係食落去夠曬彈牙同鮮甜，呢隻龍蝦已經為左餐buffet加左唔小分。食完龍蝦就緊係去排一排隔離既生蠔啦，原來有一位師傅主力開蠔，另一位就用流水同掃逐隻咁沖走啲蠔殼，成件事好細心阿，是晚有呢三款蠔，雖然size比較細，但係都好有海水味同鮮甜既。原來除左凍龍蝦，仲有即燒龍蝦，見師傅燒到咁上下就加埋蒜蓉，香噴噴，好難唔好味喎，之後諗住再戰，點知發現變左做燒帶子同燒大蝦，一樣夠曬鮮味，後尾發現燒海鮮應該有rotation呢個安排又幾聰明，客人無咁易食厭又可以試多幾款海鮮黎到刺身區，最吸引我既係帶子同原隻牡丹蝦，目測一粒帶子都有五蚊咁大，牡丹蝦放喺杯仔入面，可以打卡like。刺身區仲有唔少款式既壽司，後期仲新加左海膽小卷，因為掛住食無影到，但係海膽無腥味夠creamy同甜。日式前菜區，款式都算多，用唔同小碟裝住，
目的係同大家開心share下啲好味既餐廳。
第一篇食評我就獻俾位於最近新裝修完既Eaton酒店入面既The Astor👏🏻
聽聞食bufffet最回本既一定係海鮮區，小龍蝦就見得多，好似一個手掌咁大既波士頓龍蝦就比較少見，重要係食落去夠曬彈牙同鮮甜，呢隻龍蝦已經為左餐buffet加左唔小分。
食完龍蝦就緊係去排一排隔離既生蠔啦，原來有一位師傅主力開蠔，另一位就用流水同掃逐隻咁沖走啲蠔殼，成件事好細心阿，是晚有呢三款蠔，雖然size比較細，但係都好有海水味同鮮甜既。
原來除左凍龍蝦，仲有即燒龍蝦，見師傅燒到咁上下就加埋蒜蓉，香噴噴，好難唔好味喎，之後諗住再戰，點知發現變左做燒帶子同燒大蝦，一樣夠曬鮮味，後尾發現燒海鮮應該有rotation呢個安排又幾聰明，客人無咁易食厭又可以試多幾款海鮮
黎到刺身區，最吸引我既係帶子同原隻牡丹蝦，目測一粒帶子都有五蚊咁大，牡丹蝦放喺杯仔入面，可以打卡like。
刺身區仲有唔少款式既壽司，後期仲新加左海膽小卷，因為掛住食無影到，但係海膽無腥味夠creamy同甜。
日式前菜區，款式都算多，用唔同小碟裝住，presentation幾靚
刺身對面係天婦羅同串燒區，見兩位師傅都密密整無停手，雖然望落分量唔多，但係咁樣反而可以保持食物新鮮度，串燒熱辣辣
食Buffet唔少得既粉麵區，呢度除左有清湯同喇沙湯底揀，竟然仲有台灣牛肉麵。
咁少見梗係要試試，麵底似係淋小小既蝦子麵，牛肉同牛筋都煮得好夠淋，湯底甜甜辣辣咁，雖然無台灣咁正宗，但係食完都唔會失望既。
熟食其實仲有好多選擇，肉食區有燒羊架，牛扒，附近推薦即燒蘆筍，夠juicy同新鮮，普遍buffet有既東南亞野食例如咖哩，印度薄餅都有，仲有中菜區既燒味，點心呢啲大路野就唔多介紹喇，不過每樣試小小都已經飽飽地。
但係女仔係永遠有第二個胃留俾甜品架嘛，巡視下甜品區先😊
一大排movenpick雪糕向我揮手阿，叫左個法式薄餅加一球楓糖合桃同焦糖燉蛋味雪糕，呢個配搭實在邪惡。
除左雪糕仲有好多甜品可以揀，味道不過不失啦🙈有進步空間，個人至愛cream brûlée 面頭焦糖夠曬脆，下面好滑同夠蛋香同奶味
發現有個特別啲既甜品：炒雪葩，聽朋友試食完話味道酸酸甜甜，都唔錯
炒雪葩隔離係朱古力區，即刻雙眼發光，試左下面既whisky酒心朱古力，一開頭無咩料到，之後愈食愈有酒味。後期仲新加左啲綠茶味朱古力，唔會太甜同有淡淡綠茶味。
食埋甜品就心滿意足咁走人，呢個dinner buffet人均五百零，性價比都算高，
所以決定十一月帶埋母親大人黎慶祝佢生日，希望餐廳可以保持住個水準。
張貼
