普慶餐廳

營業中

休息中

今日男友帶我黎食好野話有好多龍蝦、蟹腳、生蠔仼食。。。聽到都流晒口水🤤我地6:20pm就到左但餐廳各攤檔6:30pm先開始比人選食物呢10分鐘感覺特別漫長！！餐廳面積好大我地先繞場一周睇下有乜好食感覺款款都想試下😍一到6:30pm我地即刻去左刺身壽司區拎魚生同牡丹蝦食魚生有三文魚、吞拿魚、章魚、帶子、油甘魚五款選擇不過數牡丹蝦感覺最特別，又夠大隻，食落都幾鮮甜😋不過d魚生有d有筋位，咬唔爛，比較不討好。然後我地又拎左好多龍蝦、大蝦、蟹腳食。龍蝦d肉都幾彈食，有d仲有膏，但龍蝦腳既箝更滑更鮮味。d蝦好大隻，係海蝦黎，都好鮮甜彈牙而蟹腳d肉有d粗粗地，唔夠鮮甜，第二間酒店自助餐更好食，有d失望😞生蠔係好細粒，根本係bb蠔黎😅而且要排隊，興致缺缺⋯⋯平時我地最愛既生蠔同蟹腳係呢度都吸引唔到我地😣反而麵包蟹個蟹蓋幾好味，但真係要睇運氣，睇下有冇咁岩見到先有得食。天婦羅既野食係即炸算唔錯。燒物區就有d普通，而且燒蝦既蝦肉有d霉，唔係好掂。西餐區d野食普通得黎又唔好食🤢印度區d食物就幾夠味都唔錯中餐區燒腩仔就好脆幾夠味😋飲品只提供一杯檸茶、檸水、奶茶等。。唔夠野飲唯有飲水總括而言餐廳食物種類好多，

網上見新裝修既自助餐，款式多又差不多價錢，所以都去試下。尼間餐廳都 full full 地喎⋯生蠔- 紐西蘭、愛爾蘭、法國。即開好新鮮，法國比較好味反而蜆就變得冇咩味龍蝦、長腳蟹、青口- 龍蝦彈口又有膏，正喎⋯⋯刺身 - 牡丹蝦就比較出色，獨立柸裝住又大隻蝦餃、燒賣、潮洲粉果-我就覺得個皮比較厚，麻麻地冷面- 細細碟，不過冇咩味鮑魚人參煲雞湯- 有參味有雞味，算 ok 既龍蝦喇沙- 唔要面改左要菜，少少辣咖哩薄餅-咖哩辣得黎又幾好味羊架-好 juice甜品- 我覺得麻麻地，青檸凍，酸得黎有些苦雪糕、水果- 雪糕款式多，仲有軟雪糕；蜜瓜冇咩味，唔甜仲有好多野食⋯天婦羅、串燒、壽司、台灣面、燒味、海南雞飯⋯好多熱食，款式真係好多

呢間buffet今年先開，以前呢個位係宴會廳黎ge!黎過呢度飲，食物質素麻麻，所以朋友約食飯都唔抱有期望，點知咁有驚喜！入到去燈光偏暗，燈打落去食物度，顯得更吸睛！500幾蚊一位，buffet黎講唔算特別好貴！但呢度直頭係好抵！好多款式！每樣食一舊都會飽到上心口！例如平時得西冷排俾你揀，呢度又有肉眼又有虎頭俾你揀！講下d冷盤先，食左生蠔、龍蝦、刺身，三樣都好新鮮，特別係龍蝦，膏超甜，肉同膏的層次好好，唔會特別滯！而生蠔都新鮮，仲有3款唔同生蠔tim! 刺身係厚切的，所以唔會食太多！熱葷有齊印度、中式、西式，勁多款揀！欣賞印度有青瓜乳酪醬，好好味！中式我就鍾意食點心，有蝦餃燒賣牛肉球！西式就有意大利雲吞，羊架都係我首選！

見到網上，某雜誌推廣，得知呢度炒得熱騰騰，多款美食，當然吸引住我嘅眼睛。唔諗☝🏻平日價每位六舊水都要比😎食咗先講🤤那那林book位先，點知都要book 到十日後，🤔洗唔洗咁Full先~~滿心期待時晨終於到喇💃🏻行個圈先😙真係好多款式喎😍環境都幾舒服我最喜歡嘅生蠔，有三款選擇，每次只可取三隻(呢part 有嘢講呀🤬，容後再談)牡丹蝦超新鮮肥美，要讚波士頓龍蝦夠彈牙，尚算可以青口，藍青口，大蜆無味，各試兩隻，收檔😑沙律及冷盤款式都算多熱盆都好多選擇，我尤其欣賞Masala雞，重茴香，丁香味，好有印度feel👍🏻 多款麵包，芝士都有提供佢嘅Candy corner款式都唔少㗎😍甜品製作精緻，細細份，唔會嘥野👍🏻🎉我最愛Movenpick🎉☝🏻好喇！😑講返我啲生蠔，去相👇🏻😤你睇! 成何體統!👆🏻👆🏻👆🏻每次每人只可以攞三隻，都已經嘥時間。啲蠔細隻都不在話下，唔新鮮都算，使唔使臭呀~~我最期待而又最失望🤦🏻‍♀️嘅~~生蠔BB😩跟住嗰兩日腸胃炎，多謝🤑$370吖，今餐合共$970，所以👋🏻👋🏻Forever!

聽聞有個新場食自助餐唔錯，於是相約朋友一齊去試試，當晚食物種類真的很多很吸引，最可惜冷氣唔知係唔夠定係要保持25度，整晚都係熱住食唔夠舒適！ 講番食物，最吸引就食海鮮非常新鮮，肉質夠爽唔梅，蠔有不同國家品種有蠔鮮味，天婦羅新鮮熱辣辣，但數量很小，燒味師傅態度非常親切，乂燒同燒肉有水準，燒牛扒就一般冇咩肉味，蛋糕味道就真係一般冇咩特式同特別味道。場內服務員可能是實習生，中場就不斷問餐飲點什麼，場內的確有位外籍大廚行嚟行去。整體食物是種類繁多，新鮮，但服務態度就普通，設施就建議要有一個舒適涼爽環境才能享受到這些美食，總括新場有驚喜。

如果你係戰鬥格，係超級大胃王，食極唔飽嗰隻，呢度真心推介你試下！講下啲回本嘅先，海鮮有三款蠔、長腳蟹⋯刺身有帶子、牡丹蝦⋯牛扒又有幾款、仲有羊架⋯即燒嘅日式串燒，牛舌、甜薯、雞翼⋯串燒真係好好食👍🏻，甜品我最鍾意佢嘅炒雪榚同Tiramisu⋯全部都好食😬真係好多好多種類，真係冇可能試曬啲嘢，飽到肚都爆🤪如果係情侶就唔推喇，因為環境比較街坊，要浪漫就唔好揀呢度！但係如果係一班朋友大聲講大聲笑，呢度就啱曬喇！

星期三趁生日和老公食lunch buffet，6月尾友人曾經食過dinner buffet，而且覺得食物及服務都好，心想一定不會中伏。當日被安排在甜品區旁邊4人枱，因為當日有雨及潮濕，侍應特別走過來抹乾頭頂上出風口的水珠，食物區分散在不同位置，對於疏導人流是很好。首先到中式燒味區，只有雞鴨4款放在一隻一呎左右的碟上，就連普通的叉燒也沒有😑西式美食區用上staub的碢具盛載食物，但所有食物全部冚蓋，要提著厚重的煲蓋同時又要拿著食物碟...很辛苦😑天婦羅及串燒區的食物經常空缺😑由於看見輪候生蠔每次大約有10人在排隊，所以差不多2點才叫老公代取，見佢回到座位時一肚火，原來在排隊輪候生蠔時，見開蠔師傅自動給予每人4隻生蠔，但到佢時剛好換上另一個開蠔師傅，而且只有2隻生蠔，老公便說之前每人也有4隻，開蠔師傅答要客人開口要4隻才會有，老公便說他完全沒有聽到之前有人出聲😑最後我到甜品區取陳皮紅豆沙，味道及口感完全唔係紅豆沙...不倫不類😑Movenpick雪糕係整個lunch buffet我最期待，當我要求要3球楓糖合桃雪糕時，甜品肥姐竟然(刮一下)當1球，前後總共刮咗3下就放在碗俾我...乸西到呢

地方比之前大, 但有很小蠅飛到我們枱上,可能是地庫, 我們坐在一角, 冷氣不平均。最反感說是生蠔, 以前在2樓是自己選擇, 現在是排隊等分配。排了很久才拿到三隻營養不良, 如同腳皮般的生蠔。我向分配出來的廚師反映, 生蠔跟腳皮一樣, 要求更換。廚房回覆說不能, 要食有質量的生蠔就去其他餐廳。感覺以前2樓的自助餐比現在好。食物款是多了龍蝦及一些。但環境, 廚師比我感覺都沒有之前好。不過要讚揚服務我們的帶眼鏡服務員, 很有禮貌, 加水, 收碟都很快手。地庫比較2樓是大面積, 但沒有在酒店的感覺, 以前2樓比較舒服。如果大家可以食十隻龍蝦, 可以一試。我就不會再去, 因為價錢環境都比較朗豪坊間酒店差。

無意中撞咗入嚟呢間四月才開幕的「普慶餐廳」。溫馨提示：正價$548/位、60歳或以上$388/位🎉🎉🎉😍自助餐一向不是我杯茶、今晚竟然食得特別多！環境、服務都唔錯！👍🏻其實海鮮及其他食材亦不差、只可惜部份負責食物的員工態度有啲問題、表現得不情不願、好似被迫做呢份工咁! 「台式牛肉麵」牛筋、蘿蔔味道都唔錯、可惜啲麵竟然係生既、咬唔落口、感覺hea 住煮理！😳餐廳大堂的服務反而值得一讚！每位員工都帶有笑容、有禮貌又勤力收污糟碗碟！👍🏻😘有幾樣野掛住食唔記得影👇🏻Prime rib叻沙紅豆沙朱古力夾餅😋😋😋有好多幾樣想食、 但已經飽到上頸👇🏻👇🏻👇🏻印度咖哩串燒物炸物下次再嚟有策略性的進食、揀精選的！龍蝦、大蝦和魚生三檔絕對已值回票價！👍🏻😍😍😍

5月尾朋友移民加拿大, 一行八人去左間位於佐敦新裝修重開的自助餐, 好有驚喜, 係近年食過的自助餐覺得最正的一間, 環境唔錯, 所以7月自己生日, 都決定去返呢間自助餐慶祝, 雖然已經第二次食, 但仍然食得好開心, 因為有我至愛生蠔, 每天供應三款, 今次就有法國, 愛爾蘭, 南非, 三款都係細細隻, 味道可以, 個人比較喜歡法國, 所以後尾都主攻法國生蠔, 食物種類真係好多, 但時間有限, 肚就得一個, 根本食唔切咁多野, 唯有集中食自己的喜好-冷盤, 刺身不錯, 推介大家: 牡丹蝦, 師傅剥好殼放在底部放滿冰的杯中, 大大隻, 啖啖肉, 忍唔住都食左四五隻, 凍海鮮有鮮味, 唔會淡口, 有龍蝦, 長腳蟹, 青口, 藍青口, 海蝦, 翡翠螺, 另外蕃薯天婦羅好甜, 燒龍蝦尾正, 不過要等師傅慢慢燒, 肉眼都唔錯, 平時少飲湯的我, 今次都試了兩款, 南瓜湯及蕃茄忌廉湯, 好飲到呢, 可惜真係太飽, 唔可以再飲, 甜品好多款, 好甜品的一定喜歡, 仲有MOVENPICK雪糕, 其他食物都好好味, 從食物質素同擺設, 可見餐廳的用心服務, 真係值得一讚, 下次再食自助餐, 呢間必定係我首

友人C嘅介紹下剛好有心情食自助餐, 已經有一段時間沒有食自助餐了, 正如介紹一樣餐廳面積大, 座位相當多, 雖然最初打電話來時話FULLY BOOKED但留名作WAITING LIST果然到時到侯電話到, 位置唔算差但太座嫌冷氣太大, 待應亦給予轉位, 沒有絲毫面色, 態度友善,食物是應有盡有, 質素是中間少少偏上, 海鮮類以即開生蠔作招徠, 一碟有三隻,三隻不同來源地的生蠔任君品嚐, 其他海鮮類都係一般見開嗰D, 烚蝦相當大隻, 醃三文魚都有兩三款, 日式刺身櫃都有些特別少少嘅野就係牡丹蝦一隻一隻用杯裝飾好, 呢個較有諗頭, 而再行兩步會見有燒海鮮/五花腩,菠蘿的燒烤區, 攞來食過但只是一般, 再隔離是天婦羅炸物專區, 新觧即炸的炸物一定程度都算達到某個水平, 但礙於原材料不會是太頂尖的質量, 7折收貨吧, 麵包區的麵包一般只有外籍人士會幫襯,因為一般香港人會感覺在自助餐食麵包好蝕底, 但我是個不折不扣嘅包癡, 寧可扣起其他食物的份量好歹也會試一兩件麵包, 以酒店的西式麵包來說這裡的麵包都做得有板有眼不妨一試, 湯類一中(燉湯)一西(南瓜忌廉湯), 各有特色,由於吃罷燒牛肉後，胃容量

新開的酒店自助餐，環境不錯，空間感滿意，菜式選擇多，行一轉睇晒所有食物都要花時間。👍👍👍特別欣賞這裡的總廚，經常出嚟檢視所有菜式，對客人亦笑容滿面，願意主動同客人打招呼，這個服務態度非常好。👍👍👍最欣賞這裏所有蝦的出品，就算凍食龍蝦，解凍程度都非常好，唔會有好冰鮮的感覺，至於刺身的蝦，都係比較大隻及新鮮。當然最後要讚的是甜品，選擇多，出品亦比較有特色，賣相一流！一定會再次光顧。🤣🤣🤣🤣🤣

今日黎食 lunch buffet ,果然無失望。生蠔任食，雖然唔係好大隻，不過都滿足到我。每人限拎2隻，唔知係咪lunch 既關係，所以唔洗點排隊就可以不停拎☺️味道都新鮮而食物種類都好多選擇，韓日中西樣樣齊。韓國有人蔘鮑魚雞湯，韓國煎餅，韓國粉絲，韓國炒年糕等等。日本刺身，壽司，天婦羅，串燒，凍食等等。有燒羊架，咖喱，點心，湯面。甜品部都好多選擇，真係樣樣有驚喜。環境都算唔錯，都坐等好舒服。侍應服務態度都好好。

難得平日有日假期，去左佐敦翻新左既The Astor, 午餐只需兩百幾蚊，集合左幾個不同國家既特別菜式，最重要係竟然午餐都有三個國家既生蠔，係三個國家！！真心抵食！下次一定要黎試下晚餐！

有朋友推介呢間新開的餐廳食buffet, 話CP值高，一於約埋班friends去試下先！一入去餐廳，嘩左一聲！好大好靚好多野食呀！出去攞左好多轉野食，每次都差啲搵唔返自己張枱我地星期二夜晚去食，估唔到都幾full，但好彩攞野食都唔使點排隊，食物refill得幾快！讚！講到食物真係有驚喜！即開生蠔好鮮甜，仲有大大隻龍蝦，虎蝦，超大鮮甜蟹腳，刺身（有帶子，三文魚，吞拿魚，油甘魚，八爪魚，北寄貝），Parma ham，西冷牛扒，羊扒，串燒，甜品，蛋糕，Movenpick雪糕，pancake，waffle，等等等等多到不能盡錄！真係超抵食，侍應及廚師服務態度都好好，一定會再來！