普慶餐廳

營業中

休息中

聽聞尼間新開自助餐，今日同幾個朋友一齊去試下。地方好寬敞環境唔錯，一黎就馬上去攞野食，食物種類多，生蠔唔洗等好耐，平時等到發呆都未到，尼道d員工好快手仲好有禮貌。buffet好小見原隻巴馬火腿即切，沙律有羽衣甘藍，其他buffet真係無見過。不過食物既位置就分得好散，好容易會miss左，刺身我都係見人地喺個洞行出黎先知道。另外要提提員工服務真係好好，有禮貌又有笑容，我地有小朋友，應該之前我地訂錯左，但侍應知道馬上拉隔離張枱比我地（小朋友係2歳半），其實我地都唔洗，但佢地都照拉，話等我地舒服d,收碟又快，唔會堆到成枱垃圾，服務同食物都好好，一定要keep落去喔

位於逸東酒店內的自助餐廳Astor格局有別於一般吃buffet的酒店餐廳，摩登鮮明、寬敞舒適，更有梳化位增添休閒感。食物款式眾多，有多個食品區，凍海鮮有三款即開生蠔、龍蝦、麵包蟹和青口等，多款火腿凍盤；刺身必吃拖羅和大大隻牡丹蝦，中式片皮鴨和海南雞飯暖肚亦佳；個人最愛即燒龍蝦，肉質爽彈，新鮮爽口；蛋糕甜品款式甚多！有炒雪糕、窩夫、多種口味蛋糕切餅、新鮮水果，加10多款Movenpick雪糕和芝士拼盤，一定能滿足女生的甜品胃，值得一試

今日去咗個囡老師勁推薦、位於逸東酒店嘅普慶餐廳(The Astor)，又確係煥然一新喎。樓底高，裝修走年青風，令我諗起台灣二十輪之類嘅型格酒店。嘢食多過未裝修前好多，服務生態度又好，只不過我餵完仔食奶先🐶衝去攞嘢食，自然相都唔記得影啦！Any肥，最正莫過於晏時晏晝、三舊水就有生蠔食，我食咗9隻，回本！唔食蠔嘅，老師同另一媽媽嗰時就話有供應movenpick 12隻味好正喎，同埋佢地話夜晚食正啲，有龍蝦、牡丹蝦，不妨去試吓。P.S.記得長者有優惠架！

位於佐敦嘅逸東酒店最近裝修重開餐廳The Astor~雜誌網上連OpenRice 都推介，我一定要試啦😜有生蠔、龍蝦、蟹腳等海鮮~好新鮮😋又有巴馬火腿，仲係即切添，正👍串燒🍡🍢有我喜歡雞翼、雞軟骨但我覺去食放題果D好味D，留返個肚食其他嘢仲好！羊架及燒牛肉雖然我唔食，有食個果話正👍熱盤有燒味、湯、天婦羅、咖哩等都唔錯！甜品方面都多，又有🍫🍬🍰🍮更加估唔到Movenpick雪糕都有咁多款選擇👍(推介士多啤梨雪糕因為果肉多）但🍰🍮🥧🍫我覺得好甜，雖然細細舊但我覺得share食好啲😎飲品方面袪毒水及啤酒任飲，再加一杯餐飲☕️最後要讚下啲員工嘅服務態度超好👍埋單每位$438再加一（平日）～乜信用卡都冇折😆由於太多嘢食，都冇食，會再來食😜😚

訂位一星期，昨晚準時6:30到酒店，帶位給我們坐了酒吧前的枱，好嘈吵，又多人行來行去，又凍，食到無心機，後來換位後好了一點。講真裝修就麻麻地，不過見價錢平就到時一次。自助餐包一杯飲品，還可以飲嘉士伯啤酒，任飲的。第一轉食凍龍蝦，凍海蝦，長腳蟹腳，翡翠螺，和青口，龍蝦吾新鮮，食落口口感好差，翡翠螺仲有好多沙，反而長腳蟹都OK，凍蝦不過不失。等二轉食生蠔，有三個地方的，愛爾蘭，新西蘭，法國的，法國的生蠔有一浸腥味，口感麻麻，還有太細隻了。第三轉食燒烤牛扒和羊扒，沒有什麼特別，可以接受，將扒就比較蘇一點。第四轉食日本菜，有壽司，魚生，天婦羅，燒烤，牡丹蝦刺身比較好，其他都普通。第五轉，飲下湯，食燒味，可以接受。第六轉，食雪糕甜品，雪糕有pancake加格仔餅，還有一些朱古力醬，或者士多啤梨醬加上去，口感咁非常好，還可以食軟雪糕。第六轉又係甜品，不過係食蛋糕，蛋糕大概有八到10個種類，食物都唔錯，甜品師傅試係外國人， 好有水準。整體來講都有六分。

The Astor新開無耐，點可以唔試😏食物款式繁多，冷盤海鮮嘅龍蝦大隻又多膏，仲有即開生蠔添！刺身都有7-8款，最吸引當然係牡丹蝦啦。另外，特別推介Parma ham配truffle honey，味味非常配合，唔會遮左Parma ham嘅咸香，又有松露嘅香氣，再帶少少蜜糖嘅甜，好食呀！熱盤方面，有中、西、日、韓、印度、星馬，當然試唔晒咁多啦，個人就推介燒海鮮，包括帶子同大蝦，廚師每次都唔會燒好多，可以確保食物鮮味，完全唔會overcooked。另外，羊架、天婦羅、燒牛扒都幾好食。餐廳貼心嘅地方係d蓋一路蓋住，見你行到過去先逐個蓋打開俾你夾甜品當然唔可以錯過Movenpick雪糕啦，仲有各種蛋糕同甜點，食到好飽，好滿足呀😋值得一提，依度係唔用膠飲管，好環保呀！好耐無食過有質素嘅自助餐，普慶真係值得推介同再去！

今晚係我同老公結婚週年，一早都唸住去食buffet，網上研究過一輪就決定試下呢間新裝修嘅自助餐餐廳，網上一致好評，見佢價錢都幾抵咁就book位啦…講真食物好唔好就真係各人口味唔同，我同老公都覺得唔錯，食材新鮮，味道好，食完返到屋企都唔會口渴。。。種類就唔算好多，但一般自助餐有嘅佢都有。。。生蠔有3種，每次排隊會俾每種一隻或自己選擇要邊種，生蠔新鮮另外海鮮冷盤仲有龍蝦，翡翠螺，蟹腳，大大隻凍蝦。。。仲有煙三文魚，黑毛豬火腿配哈蜜瓜燒烤有燒大蝦，扇貝，青口，最正係必食燒龍蝦尾。。。刺身有三文魚，油甘魚，八爪魚，帶子，吞拿魚，仲有大大隻牡丹蝦。。。烤羊架，烤雞烤牛呢啲唔小得，仲有澳洲肉眼扒。。。甜品好多款，慕絲蛋糕好食，仲有炒雪糕，movenpick雪糕仲有好多口味。。。最值得讚揚就係佢哋嘅服務態度，全部係全部嘅員工都面帶笑容，收碟快。。。特別要讚揚一位女經理（唔記得問佢貴姓）話說我bb扭計要食奶，由於我係餵母乳，但餐廳育嬰室仲未用得，佢特登開間客房俾我餵bb，仲送埋我幫我拎埋背囊（bb用品都幾重下）上房（真係有啲唔好意思）到最後臨走時去洗手間，有人喺門口嘔（可能飽得滯）職員知道後好快就有清

朋友生完Bb後第一次同佢嚟食自助餐，出嚟傾吓計食吓嘢又可以同Bb玩。揀呢間餐廳係因為兩年前嚟過，聽朋友講原來最近裝修開業個幾月，評價亦唔錯。餐廳座位比較窄，但枱同枱嘅距離大，會比較靜，職員有禮貌有笑容，收碟快，食物款式多，質素亦唔錯，係甜品款式少，但咁抵嘅價錢，性價比已經好高喇。即開生蠔有蘇格蘭，愛爾蘭同法國三款，蠔唔大隻但新鮮，口感較爽口。麵包蟹同青口一般，鮮味不足。涷蝦夠大隻肉質新鮮結實，翡翠螺就隻隻都有沙。燒元貝同大蝦都唔錯，唔會太乾，蛋餅好味。刺身新鮮，有三文魚，八爪魚，吞拿魚，鯛魚，帶子同北寄貝，前菜亦有好多款式，壽司就細細舊又精緻，食多幾件都唔會飽。天婦羅同串燒嘅職員好有禮貌，食物又新鮮，天婦羅嘅炸漿夠薄，外面脆裏面熱，串燒亦唔會燒到乾爭爭。炒蘑菇好香，唔會因為菌類吸油而成口油，燒牛肉好嫩，燉牛面珠好淋，入口鬆軟，我食咗好多件。燒味就麻麻，可能我去拎嘅時候都好晏碟上得好少，職員都無再切新嘅出嚟，反而擺喺隔離嘅牛肉幾香。左上係意大利雲呑，好Creamy，好味。右上係忌廉湯。左下係蘿蔔牛腩，夠淋，味道清清哋。右下係韓式炒粉絲。點心嘅牛肉同燒賣同酒樓差唔多，幾好。即製窩夫烤得好脆

今天家人生日，已提早訂位，並註明需要一個方便輪椅出入的位置。一行四人但到場後，竟然話查唔到有訂位，帶位的女士話，可安排的。(如果她們安排不到的話，我會把手機記錄給她們證明的。)入座後，看到檯上有兩張食物分佈位置的地圖，從這方面看到餐廳很細心。/ 第一轉，先吃生蠔(唔大隻，但很鮮味)，龍蝦(好彈牙)及凍蝦(好大隻，肉質彈牙)，再試日式的，壽司款式不多(不過不失，勝在嚿飯不會硬堀堀)，刺身(有點乾)，炸天婦羅則不錯(粉漿較薄，也很脆口)，燒烤海鮮食品，整體上也不錯，但肉眼沒肉味，甜品方面，大致上也合格有餘。四個人埋單$1927.20(平均每位$481.80)，好抵食!

今晚有個姊妹生日，唸住試吓裝修後嘅自助餐。估唔到好有驚喜。d海鮮有好多款式，有龍蝦、特大牡丹蝦、三款生蠔、帶子刺身.......熟食方面有各國美食、意大利雲吞、特別嘅天婦羅、白露筍、紫色甘筍，都係d比較少用嘅食材。至於甜品方面，都好出色，M字頭嘅雪糕有10幾款味道，而且市面比較少買到！呢間餐廳，我會再嚟！

新開的自助晚餐，種類繁多，無論刺身定肉類都好新鮮，價錢方面係三星級酒店餐廳價錢，但食物質素拍得住五星級的享受，必食的有肉眼扒，龍蝦，生蠔，和即炒 MOVENPICK 炒雪糕 🍦 服務態度超好，同我地傾計，介紹我地有咩好食同講解食物的做法，收碟收得勁快。讚👍真心正！

好耐冇食buffet，同老婆一齊使左呢間最近update 左嘅餐廳，竟然俾都驚喜我地。佢啲嘢食唔會好似五星級咁多選擇，但係重點係佢貴精不貴多。星期日晚唔算太多人，西式嘢整得好好食，見到負責嘅主廚係度打點一切，做得好有心，需要個場入面啲嘢食分開好多個唔同station 要你周圍行，但係好處係唔駛大家逼。海鮮同扒類都係重點推介，點品如果中意外國重口味都會like.我地都會想番去再食，因為咁嘅價錢覺得係值得番兜。

食午餐。因為未去過見食評講到好好。地方大。但每個部門都要排隊和等廚師烹。供應得很少。蠔吧每次3隻。我食到有碎殼。而且很細隻。有次還有變壞的蠔。食物都出得很慢。份量很少。麻麻地。廚師態度不太好。好似去乞今。大大聲問要什麼。唔會再幫襯。有蚊咬了我。食物被人攞曬都無再加啦！食物質素唔值。

新裝修餐廳smart causal ，食品質量高，各員工服務態度好，現在是新開業價錢，值得一試，有法國生蠔，龍蝦，帶子刺身,本人覺得燒大蝦，天婦羅同巴馬火腿好食，甜品都好好

母親節之夜一行六日去嘆buffet, 一入場全新感覺，所有(係所有!) waiters and waitresses 都非常友善有禮貌!! 一讚! 海鲜area, 大大隻開邊龍蝦已經吸引，係有鲜味的，好多酒店(就算有名氣的) 有時質素也很一般。之後去咗日本area, 當中我們一個老頑童非常喜歡日本食物、魚生，食材非常新鮮，前食精緻很多款式，還有我愛的燒牛舌，惹味。一讚! 意大利area有湯、意大利雲吞; 當然有熱盤，燒味區、咖哩區、燒牛肉羊架。。。最要提的是甜品區，多款movenpick ice cream，一個類似炒生果雪糕cointer, 味道非常好。是晚大人細路非常非常滿意滿足。席間有人倒瀉嘢，waiters and waitresses 非常有禮貌去清理。講真，餐廳除了食物質素，員工的態度也很重要!! 希望唔係淨係開業才正斗，要keep住!! 真心推介!!