星海薈﹒譽宴

營業中

休息中

「足三両」令你聯想起什麼？ 漢堡包？⋯ 這個「足三両」其實是紅燒煲仔翅。今次來到這家位於沙田石門的萬怡酒店，裡面有一家中菜館 - 譽宴.星海薈，最近推出多款推廣優惠菜式，當中有「足三両」的紅燒煲仔翅、蠔皇原隻花膠扒、招牌白胡椒蟹等，均以震撼價推出。另外沙田分店還有免費晚飯菜式三選一，凡於晚市時段惠顧正價小菜一款，每枱（兩位以上）可免費選取一款特選小菜。紅燒煲仔翅（HK$188)👍👍👍👍👍原價$388一煲，現以震撼價$188便可以吃到「足三両」的紅燒煲仔翅。魚翅以煲仔上，令溫度得以保持，吃到最後還是熱騰騰的。一梳梳的魚翅份量十足，要用筷子「一住住」夾起，連同下面爽脆的銀芽和濃稠的高湯，再添少許浙醋，多種層次和口感，令味道更豐富。蜜燒黑豚肉（HK$168)👍👍👍👍用了黑豚肉做的叉燒，肥瘦適中，肉味濃厚，肉質鬆軟，甘香又不膩。秘製蜜汁帶有微微的焦香，蜜味令叉燒更吸引。家常海參豆腐煲（HK$168)👍👍👍👍👍這個煲仔菜有海參，紅燒豆腐和小棠菜。海參份量也不少，入口爽彈，配上香濃醬汁和你紅燒豆腐，整個配搭既健康又有營養。清蒸海虎杉斑仔（FOC)👍👍👍👍👍這條大概一斤重的海虎杉斑仔，原價$298，

這晚同屋企人黎呢度食晚飯.呢度環境舒適,可能樓底高,不似一般酒樓環境很嘈雜,枱與枱之間有一段距離,不會坐得很迫夾,因此可以安靜地舒舒服服吃一頓晚餐...呢度d套餐幾吸引,我地一行5人選了一份4人餐龍蝦鮑魚宴...蒜蓉蒸開邊本地龍蝦(每位半隻)(金菇粉絲底)呢個餸蒜蓉味很重,龍蝦不算細隻,味道唔錯,肉質爽甜,侍應更提我們把碟上鼓油淋在龍蝦上,會更味美,真是值得一讚...原盅黑蒜燉螺頭雞湯(每位一盅)D湯真材實料,絕冇花假,味道濃郁,好飲..古法蒸金花龍躉斑條班蒸得恰到好處,好滑,唔錯...蠔皇南非鮑魚伴天白菇(每位一隻)最令人欣賞是鮑魚汁,調教得恰到好處,不會水汪汪或太傑.鮑魚沾上鮑魚汁非常美味.墊底的是一堆日本豆苗,亞仔本來唔喜歡吃菜,但沾著鮑魚汁吃的話,日本豆苗變得美味了,因此令他今餐破格地吃了不少...啫啫唐生菜呢個菜有D辣,配上魚干,很惹味..紅燒脆皮原隻乳鴿(每位一隻)乳鴿皮脆肉香, 食得好滋味...海皇炒飯炒飯很出色,乾身不油膩,D飯粒粒分明..蒸黑糖馬拉糕唔錯的甜品, 香噴噴, 軟綿綿...呢度食物質素唔錯,冇味精,份量亦足夠.今晚上菜很慢,食完1個菜要等一段時間才上第二個

阿媽話街市唔係成日有大隻嘅蟹，但又好想食.....朋友推介嚟呢間酒店裏面嘅食肆，果然大隻兼抵食。招牌白胡椒蟹，阿媽目測大概斤半重，蟹肉又厚又多，隻蟹鉗大都呢！仲話話呢個份量嘅係如果街市有得賣都要二百幾$300 ，而且唔係時時有，都未計煮嘅心機同水電煤。而家$468唔使自己煮唔使自己洗，！話時話，鐵板上枱，侍應再喺蟹面淋上胡椒汁，即時椒香撲鼻，聞一聞真係格外醒神呀！胡椒香同辣逼入蟹肉，微辣的香氣更加突顯蟹肉嘅鮮甜，個種味覺衝擊好正！胡椒平衡左蟹嘅寒性，呢個配搭幾好喎！清蒸虎杉班足足有一斤重，我同阿媽兩個食就啱啱好，條魚蒸到啱啱好，條魚仲擺得非常生猛。豉油都沾到魚鮮，未食望下魚眼就知新鮮。甜甜蜜蜜嘅拔絲菠蘿咕嚕肉都係朋友推介，拔絲嘅做法令咕嚕更脆。外脆內軟有焦糖香味，新鮮多汁嘅菠蘿同咕嚕肉，一濃一淡，絕對唔會咁易食滯。我好鍾意食金銀蛋浸菠菜，呢度又煮得幾好。欣賞呢間食肆用嘅都新鮮靚料，上湯浸住靚皮蛋咸蛋同菠菜，索哂味，湯頭都好飲。呢間的確係同系列較高質嘅分店，無論服務、食物、整潔度都比其他分店更好。金屬感同幾何線條配合、優雅華麗水晶燈、沿路走來嘅酒店範圍，係有鼓尊貴氣派。

石門實在太多食肆，眾多之中揀咗呢間中菜，同媽媽撐枱腳...食餐好嘅。必食：「紅燒煲仔翅」店員即時在面前明火煮滾，份量好多，重點係魚翅大大片好足料，入口啖啖都係翅，超正。「三鮮海皇什菜煲」都係熱辣辣咁滾住上枱，大大隻海蝦好爽口，帶子新鮮😍夠哂份量。「士多啤梨脆蝦球」呢個配搭原來都好夾，甜甜酸酸好醒胃，唔洗成日都係配菠蘿咁悶。「清蒸虎杉斑」烹調時間控制得好好，唔會太熟，肉質好嫩滑，啖啖肉，新鮮👍🏻餐廳環境非常好舒適，有服務，有質數，媽媽都大讚滿意👍🏻

我哋耐唔耐會去沙田區食嘢，都有留意到石門近年開咗呢間新嘅酒店。知道入面有一間譽宴係食中式小菜，都有朋友講過話幾好食，環境唔錯，始終係酒店入邊，我諗質素都應該唔會差。嗰日就同屋企人去咗試吓個晚餐，網上見到佢個白胡椒蟹套餐好吸引。我哋點左蟹同埋一個孖寶餐，重點左一個燒味叉燒。一上碟見到肉蟹非常大隻！好足料，真係好驚嘆😱白胡椒炒蟹，味道香濃，辣味剛好，蟹之鮮味冇畀白胡椒奪去，非常之配合。得出係好新鮮而且蟹蓋都有膏，我哋太耐冇食蟹，一食真係覺得停唔到口。蟹鉗非常大隻好厚肉。另外金銀蛋浸時蔬有啲湯濕下口，冇咁沉悶，而且金銀蛋做得幾好，啲蛋白大大粒好有咬口。蜜汁叉燒都非常Juicy，表面好香甜脆口。要一提嘅就係呢個龍蝦雞煲，一次過滿足晒兩個願望，又有龍蝦又有雞。最後仲送上一人一件桂花糕，圓滿結束當天嘅晚餐。

疫情關係已經成大半年冇去過澳門🥺澳門就係我另一個家，好朋友都在澳門👯‍♀️每次過去都會帶我去揾不同新美食🥰最愛葡國菜同砂鍋翅偶然的機會發覺星海薈最近都出左紅燒煲仔翅(足三兩) 😍為左呢個翅一於就book位去食晚餐🥳主角煲仔翅當然要叫一人一煲先可以滿足到我地啦😋同煲咁大的翅未食已經覺得好療癒😎脆皮燒腩仔亦係必點之一脆卜卜的皮🤗士多啤梨🍓脆蝦球🍤甜甜地的汁送飯一流仲有就係超足料的三鮮海皇雜菜煲🥦🥬🦐🐙兩個食到超飽，大滿足💕

想係石門搵間舒服嘅中菜食下，上網search到呢間譽宴評分唔錯，試下先～環境舒適，坐位闊落，岩哂三五知己一齊吹水～好多選擇～招牌白胡椒蟹好多人推介，不如朋友唔食得蟹，唯有下次再黎試過～薑蔥龍蝦雞煲（配 金銀蛋浸時蔬 $268)香濃嘅雞煲，超級惹味～雞件隻隻都多肉，唔係啲劣質雞煲骨多過肉個啲～成日都覺得雞煲個醬汁好正，原來配埋龍蝦係咁夾，好有新意～至於個菜，大碟夾抵食～豆苗當造，懷疑一碟唔止有一斤，四個人都夠人xdd蜜汁黑豚肉（168)如果你中意半肥瘦叉燒，你一定唔可以錯過呢間嘅呢道餸～選用上燒得均勻，熱辣辣配上暖暖嘅蜜汁，即刻再叫多左碗飯～清蒸虎衫斑（$256)酒樓食蒸魚永遠無得輸～呢條石斑大概一斤重，蒸嘅時間岩岩好，肉質爽～蒸魚控必食～黑蒜雞湯（$98)叫呢個湯係因為見到好多人都叫，就貪得意試下～依家興食黑蒜，可以抗氧化，女士至愛～最後，贈送杞子桂花糕埋齋～好舒服好抵食的中菜，讚～另，店員相當有禮貌，食得好舒服～

食物水準 中上點心都做得唔錯,中菜類都夠火侯地點近石門站,行七分鐘,位於酒店內,其中一層入面係租左比佢地點算就腳,食物水準中上,服務一般,價錢中上點心飲茶蟹籽燒賣皇,水晶豆苗餃,鮮蝦腐皮卷白胡椒濃雞湯灌湯餃,脆網肉鬆腸粉鮮番茄濃湯浸菜苗茶位30蚊位,另收一碟20蚊咸酸菜先上熱水比你洗杯碗,再上一碟咸酸菜(要收費)環境唔錯,客人既間隔分得好開,唔會好迫所有食物即點煮,大約等10-15分鐘後上菜脆網肉鬆腸粉,中間係鬆脆既炸網狀脆肉鬆食起黎口感豐富,平時食既好大分別幾好食,36蚊一碟算抵食,皮身夠薄蟹籽燒賣皇四粒,唔會蒸得太濕身包得幾飽滿,鮮肉餡有彈性,肉味偏淡水晶豆苗餃,皮略為厚身,餡料飽滿豆苗細嫩,蝦肉餡爽身,鮮甜多汁上湯浸豆苗,嫩滑無渣,鮮味爽脆腐皮蝦卷,煎得夠脆,出奇地無油好清爽蝦肉餡厚身有1CM左右,香口脆身好滋味賣相又夠靚,幾好食既小吃食到最後白胡椒濃雞湯灌湯餃濃郁既白胡椒湯估唔到可以咁配搭灌湯餃,其實即係湯上加一隻大餃子大餃子包住豐富既餡料雞肉,冬菇等配料胡椒湯仲有件雞肉,好嫩滑我會覺得湯好飲,大餃就唔算好好食係個賣相大隻夠搶眼

疫情又嚴重咗啦😕。想飲茶食得放心。為食妹👧🏻鍾意走去石門。去萬怡酒店入面1樓嘅*星海薈*就最放心。店員會遞上一大盤出煙嘅滾水俾你洗碗🥢。Yeah✌🏻我地食🉐️好安❤️。飲茶必點蝦餃。蝦爽口又彈牙。脆網肉鬆腸粉～晶瑩剔透。味道幾得意。小小脆口又有肉鬆香。不錯🤪。鮮蝦腐皮卷～啖啖蝦肉好足料。嘻嘻😛真係好鬼鍾意食香口嘢。心形金錢肚～我真係第一次見係心形😍食落好鬼淋。誇張dd講。冇牙都食到😆。

早幾個月疫情最嚴重既時候黎staycation試左呢間中菜 一直念念不忘話想試其他點心 終於抽到時間再黎幫襯 今次放假帶埋屋企人黎食 .呢間平日茶市價錢都幾合理 星期一至五午市點心 小點$25中點$31大點$36特點$41.▪️香芒鹹水角（中）平時食既鹹水角係炸過既 呢個係無炸過既之餘 個皮仲加上芒果一齊整 整到個皮有點煙UN 好似食緊糯米糍咁既feel😜 餡料裏面都有芒果粒粒.▪️脆網肉鬆腸粉（大）唔知有無人好似我咁中意食肉鬆 肉鬆加腸粉就無新意 但加上脆網(即係炸粉脆醬) 又好好食wor 外軟內脆仲加埋肉鬆香味 .▪️水晶豆苗餃（特）呢個水晶餃 除左豆苗 仲加埋蝦落去食 個人覺得同蝦餃有點似 除左多左菜苗味 下次叫兩者選其一就算🙈.▪️鮮蝦長春卷（大）好似今日叫左好多蝦食 樣樣野都有蝦 不過長春卷係整得幾好既 春卷除左夠長之外 仲有蘿蔔絲等配合 感覺唔會咁熱氣 .▪️冬筍鮮蝦餃（特）and 豉汁蒸鳳爪（中）蝦餃皮薄蝦肉粒粒幾多 如果冬筍再多啲就perfect 鳳爪足料 唔會有d咩豆卜芋頭擺底 成碟都係鳳爪 .幾中意呢間酒樓坐位比較闊落 (可能地點相對唔就腳) 又無咁嘈 價錢仲同出面差唔多

今日放假約了一位在沙田石門工作的朋友吃午餐，朋友介紹一間她常幫襯的食堂，原來是一間有品味，地方寬敞， 坐位闊落，價錢合理的酒樓「譽宴·星海薈」，位置在萬怡酒店1樓，石門站一出約行3分鐘就到，十分方便。因疫情期間酒樓提供熱水及夾子給客人消毒，非常貼心及令客人安心。早，午及下午茶的點心同茶位按不同時段有不同收費，今天是平日午市小點$25、中點$31、大點$36及特點$41，午市茶位$15，另有加一服務費。「蟹籽燒賣皇」大點，燒賣大大粒，入口脆爽，餡料是每隻大蝦及豬肉和蝦膠，材料十足，水準甚高。「北菇蟹柳棉花雞」大點，魚肉浸透湯汁，雞肉滑溜，蟹柳也很香口，這個點心也不錯。「蠔皇鮮竹卷」中點， 腐皮有微微脆口， 內裡包著香濃豬肉餡料，非常美味，我也很喜歡。「脆網肉崧腸粉」大點，我是第一次吃這樣的腸粉，腸粉皮很滑有米香，內裡脆卜卜，再加上肉崧的鹹香很特別，不妨一試。「蟹粉小籠包」$28/個， 皮薄餡靚，入口爆出湯吸收了蟹粉的鮮甜精華，啖啖蟹粉，十分滋味，值得再吃。「香煎豆沙軟餅」中點，這甜品煎得兩邊很脆皮，加上芝麻更香口， 咬開後吃到糯米皮的煙韌，豆沙也不算太甜， 這也是討人喜歡的甜品， 大家也

又黎到我既飯堂喇~~真係食極都覺得咁好食, 唔會厭架, 哈哈每次都有唔同既優惠, 好吸引又抵食~~個場又大又闊落, 坐得好舒服~~朋友超鍾意係呢道食飯晚市餐牌~~海鮮精選推介....除左散叫之外, 仲有套餐揀呢...呢個龍蝦飽魚套餐好似好正咁先黎個餐前小食~係酸菜黎, 食完好開胃黑蒜雞湯 $98/位黑蒜雞湯味道濃郁, 真材實料冇味精黑蒜有高營養價值, 加埋雞一齊煲非常之補, 又可以增進免疫力~好適合冬天同抗疫下飲!!拔絲菠蘿咕嚕肉 $148呢個餸堅係必食!!! 好味到一個點丫一上枱賣相已經好靚~餐廳製作非常認真, 用上新鮮菠蘿黎整呢個餸~新鮮菠蘿果然係唔同D, 好鮮甜, 同罐頭完全冇得比!!咕嚕肉外皮炸得好脆口, 肉質鮮嫩又彈牙, 超好味丫!!!係我食過最好味既菠蘿咕嚕肉丫蒜子上湯浸豆苗 $148呢個季節豆苗當造, 而家食就食適合~~幼嫩既豆苗配清甜既上湯, yummy薑蔥龍蝦滑雞煲 $238薑蔥炒夠晒惹味!!!雖然龍蝦唔大隻, 但好新鮮, 而且肉質都算厚, 可以食到啖啖爽口彈牙既龍蝦肉~~雞肉就好嫩滑JUICY真材實料既龍蝦~~最後仲送桂花糕做甜品~真係大滿足丫!!!想食得好又坐得舒

環境：👍👍👍👍服務：⭐️⭐️⭐️⭐️⭐️味道：😍😍😍😍😍影相：📸📸📸📸📸Encore:98%📝進入前要度體溫 ➖➖➖➖➖➖➖➖➖➖➖➖➖➖➖今日係肥🐏中同嘅結婚大日子作為昔日老死，當然要出席佢嘅婚禮同幫下手啦😂婚宴位於石門嘅一間酒樓而我就一大早同佢係附近嘅「譽宴」飲個早茶食飽飽先開始開工💪.🔸蟹粉小籠包 $28小籠包就食得多，最近轉軚食蟹粉小籠包😂可能因為正值大閘蟹旺季大多餐廳都推出左「蟹」嘅款式🙈蟹粉小籠包嘅Size如同灌湯小籠包般咁大隻皮薄餡多，輕輕一咬，湯汁係口中爆開肉餡嫩滑帶陣陣蟹肉鮮香，真係吾錯👍.🔸冬荀鮮蝦餃 $36蝦餃，係每間茶樓最受歡迎嘅點心💕晶瑩剔透又煙韌嘅餃皮內餡係爽口彈牙嘅鮮蝦肉加上冬荀嘅爽脆，值得推薦🙆‍♀️.🔸時令腊腸卷 $26好Cute Cute嘅一個點心柔軟富彈性嘅饅頭包住強烈肉汁嘅腊腸.🔸鮮茄濃湯浸菜苗 $50菜苗吸收哂高湯嘅精華口感脆嫩清香仲有芹菜，蕃茄仔，菌菇做配菜添🥰.🔸香茜叉燒腸粉 $31腸粉，間間茶樓都會有但吾係間間都整得好食呢個腸粉，係幾高質腸粉皮超薄，口感軟糯滑嫩裡面係大量嘅叉燒叉燒係偏瘦的，食落去肉香十足，吾會成口油加上香茜嘅提味，大讚😋.🔸香煎豆沙

太耐冇飲茶食點心，要嘆返個午茶先至得😜今次叫左午茶($15)*2、餐前小食($20)、蟹粉小籠包($28)*2、家鄉眉豆茶果($26)、脆網肉崧腸粉($31)、鮮蝦長春卷($31)、豉汁蒸鳳爪($26)職員先提供一大鍋熱水畀你消毒餐具，夠晒乾淨衛生👍🏻水滾茶靚☕餐前小食：鹹酸菜，夠開胃蟹粉小籠包：都算幾大隻，皮夠薄但又唔會一夾就穿，手工做得唔錯👍🏻先點一點個醋黎食，一咬開個小籠包就爆汁，而且D肉都幾JUICY，食落有D蟹粉味散發出黎，超正😍脆網肉崧腸粉：腸粉皮夠滑，而裡面仲係幾脆身下唔會淋晒，口感唔錯😋肉崧份量都唔少，幾香口家鄉眉豆茶果：估唔到呢個點心個賣相又幾靚😍外皮軟淋又夠煙韌，食落唔會癡牙，而內裡餡料都幾飽滿，甜甜地幾香滑下😄豉汁蒸鳳爪：煮得夠淋夠入味，醬汁方面唔會太過鹹，幾好食😋鮮蝦長春卷：春卷好脆身唔油膩，裡面蝦肉都幾多同新鮮，上菜時配埋沙律醬點黎食😋大合照🤩本身呢到有做婚禮晚宴，所以裡面環境都幾靚同幾闊落😍加一後連埋茶芥前菜埋單$242，味道水準有返咁上下，而且出菜都算幾快👍🏻P.S.：留意返以上價錢為平日午茶，如果假日同其他時段食會有所不同補MENU