旺角海鮮菜館

營業中

休息中

旺角這一間海鮮餐廳，環境幾舒適，又食到大排牌的風味，不錯!避風塘炒蟹食海鮮當然唔少得食蟹，呢隻蟹好大隻!!香蒜炒得脆卜卜，好入味蒸沙巴龍躉蒸得剛剛好，魚肉幼嫩，帶出魚的鮮味炒蟶子王配煎米餅—推介!我地好幾隻蟶子皇，連埋豉椒，三色椒等一齊炒，啖啖肉!! 另外，蟶子皇下有煎米餅，浸入了蟶子的精華菠蘿炒咕嚕肉豬肉鮮甜，不是雪藏貨，而菠蘿是新鮮菠蘿一品帶子鮮蝦炒飯炒飯夠哂乾身，帶子和鮮蝦都是大大粒，夠足料，個個爭住食

今次慶祝母親大人生日，一行七個人...搵下地方舒服又好食嘅小菜地方！上網訂左呢間旺角海鮮店9:15分入坐原來有套餐抵好多wo😂所以叫左兩個龍蝦$398同埋蟹$598餐前菜海蜇頭好好食，記得點埋佢個自製辣醬食！好野味！豬肚就一般...中間選擇只有蜆，如果有更多選擇就好！所以我地叫咗個避風塘同豉椒炒蜆....自製辣醬加埋呢啲味覺越來越辣龍蝦份量比較少，但係好入味！呢碟野非常熱氣，但係用嚟送飯唔錯！泥猛粥..原先係叫燒鴨河㗎！竟然冇晒....但係啲粥都幾好食...佢套餐係跟兩碗！呢個炒麵唔乾，我自己都食咗半碟

食過最難食嘅豬排飯,豬排又燶又乾,薄到以為係炸面粉,當冇咗48蚊好過。令我要去問過店員呢幾塊係咩,心諗係吾係炸面粉飯定廚師吾知咩係豬排。最後只好當食白飯算。。。。只希望吾好有人再中招

見到咁多好評，專登去一試佢個宵夜餐。晚上9時15分到達，可能係閒日關係，沒有太多人，很快就送上鐵觀音同花生。點了蟹餐，這個價錢算是實惠。先來前菜，白灼魷魚及海蜇頭，兩者皆係熱上，份量不少及口感爽脆，但味道偏淡，只有少許麻油香，需要點豉油提味。之後來越南大青蟹，選了薑蔥炒，不知是否蟹種問題，肉質偏散及淋，薑蔥味道亦偏淡，不算有鑊氣，作為主打是有點失望，可能選避風塘會好一點。跟住係油鹽水浸蜆，蜆細，超重胡椒味，怕辣的人不要點，這道菜沒有什麼特別。最後係豉油黃炒面，味道ok，份量亦足夠兩人用。總結，味道普通，但價錢實惠，侍應招呼殷勤，作為宵夜都可以一試。

放工睇完戲已經九點幾, 經過見到呢間菜館門外有個menu, 推出左宵夜套餐, 有海鮮食, 價錢亦明碼實價, 於是我地就入去一試!雖然已經九點多, 但餐廳內幾乎座無虛席。待應先送上前茶同埋熱茶揀左個越南大青蟹套餐, 自選四款煮法: 避風塘、黑胡椒、白胡椒粉絲煲、薑蔥炒, 我地揀左避風塘炒蟹, 炸蒜幾乎埋沒了整隻蟹, 隻蟹都幾大隻, 單睇隻蟹鉗都知啦~ 而且幾厚肉, 炒得好有穫氣, 好惹味。至於自選小食都以最簡單既白灼煮法去煮。白灼魷魚頭 – 口感很爽, 不過就冇味, 要點少少豉油白灼海蜇頭 – 熱食海蜇, 口感比起魷魚更爽, 酸味味, 很開胃, 係一個唔錯既前菜炒蜆, 自選三款煮法: 避風塘、油鹽水浸、豉椒揀左以”豉椒”炒, 同樣很有穫氣,每隻蜆都幾大隻, 而且冇沙, 不過就唔見有豉椒, 冇咩豉椒味, 反而食到微辣。燒鴨河才是最大驚喜!!! 湯底很清甜, 燒鴨唔洗點醬都已經很正, 原汁原味燒鴨河, 畫上完美句號。呢個套餐唔包野飲, 亦冇糖水供應, 但呢個價錢, 可以食到咁大隻蟹, 確實唔係周圍都食到。

突然間好想食海鮮，我哋三個人就見到有一間門面裝修好華麗嘅《旺角海鮮菜館》，見到餐牌有「宵夜套餐」，即刻入去試吓。餐廳職員安排咗好寬敞嘅位置俾我哋，環境好舒適優雅，高尚而且有氣派，隨即侍應開了一壺茶同埋餐前小吃-「花生」俾我哋，仲有我最愛嘅「辣椒豉油」，職員非常體貼。旺角「夜消磨超值套餐」可以自由配搭食物，當中有三個套餐選擇，而且餐廳非常彈性體貼，為了切合唔同嘅客人口味，因此烹調方法可以自由選擇。我哋就揀選左「黑胡椒美國波士頓龍蝦粉絲煲」+「旺角六小福當中的白灼鮮豬脷同埋白灼鮮魷魚」+「招牌市招炒靚蜆」+「經典燒鴨河」，相當超值嘅$398套餐。「白灼鮮豬脷」細細碟估唔到份量非常多，每一件都有厚度，食落去好香濃嘅豬味道，點小小辣椒豉油一齊食，更加滋味。「白灼鮮魷魚」同樣地一碟都有十幾件，切成三角形嘅形狀，咬落去非常爽口，好新鮮嘅味道。「黑胡椒美國波士頓龍蝦粉絲煲」遠處已經聞到好香嘅黑胡椒味道，用瓦煲上可以保存溫度，而且可以食出鮮味。驟眼睇已經見到多件已拆件嘅龍蝦，每一件都好大隻，而且龍蝦肉非常肥美，咬落去彈牙，粉絲更非常入味，冇得頂。「招牌鼓椒炒靚蜆」鼓椒味道好香濃，每一隻蜆都有蜆肉黐住，

小時候，最愛跟爸媽吃泥鯭粥作宵夜。沒想到偶爾發現的這間餐館就有得吃!!店外就能看到池水清澈的養魚池，內裡的海鮮非常新鮮，旁邊還放有養著蟹的箱子。所有食材非常新鮮，來到當然要試試店家推薦的宵夜海鮮套餐!!!我選擇的是避風塘炒蟹套餐(可自選烹調方法:另有薑蔥、黑胡椒、白胡椒)，約600元，看起來好像比較貴，不過看過套餐內容就會發現其實相當合理。套餐內的海鮮都可以選擇烹調方法，選出個人最喜好的味道~~不計花生，前菜就有六款(旺角六小福)以供選擇，可以選當中的兩款，我就選了白灼海蜇頭和豬肚。海蜇超爽口，豬肚好入味，兩款都很不錯，不過豬肚涼了會比較不好味，建議上桌快進食完。再來的是蜆，我選的是油鹽水浸蜆，大大隻的蜆，每隻都飽滿鮮甜，湯內還有粉絲，吸收了蜆的精華，非常好食~~~套餐的重點要上桌了!!!!!超大一盤避風塘炒蟹!!!!除了作料的大量蒜米，蟹都同樣非常大!!!因為油泡烹煮的關係，會很熱，食時要很小心~~蟹肉非常厚，每啖都很實在的感覺，店家有把蟹殼先處理過，食起來很容易~~~最後來一碗泥鯭粥~~~份量不少哦~!!!已經每碗內都有很多魚，看起來有一條了吧？魚頭魚尾一碗內找全~~可以吃得出魚的

這陣子跟他都忙得不可開交，平日的晚飯都變成了宵夜，遲吃晚餐往往成為致肥的元兇，平日我倆的遲來晚餐都吃得清清淡淡。今天口癮大發，來個大解放，約了他和好友，一起來吃了一頓美味的海鮮宵夜。這兒的宵夜套餐的價錢都頗實惠，味道非常好，值得推介!菜館提供宵夜套餐，9:15pm 後有供應。套餐有三款選擇，蟹 ($598)、瀨尿蝦 ($428) 和龍蝦 ($398)。每款套餐中除了上述的主打海鮮外，還有兩款小碟頭盤、炒蜆和一款飯、麵或粥。我們三人共點了一個蟹套餐，另加一碟炒菜和每人一隻蟶子皇。避風塘炒蟹越南大青蟹可選擇以避風塘、黑胡椒或薑蔥炒，或可選白胡椒粉絲蟹煲。避風塘炒蟹炒得很夠鑊氣，辣度爆錶，嚐辣人士必點。雖然調味很濃，但仍能吃到蟹肉的鮮甜。大青蟹啖啖肉，三人分享剛剛好。頭盤套餐可從「旺角六小福」中選擇兩款小碟頭盤。六小福包括有豬肚、豬利、粉腸、韭菜花、魷魚和海蜇頭。海蜇頭非常爽口，吃得「索索」聲，加上麻油香，食感一流。平時甚少吃韭菜花，因不特別愛好韭菜，但這次吃韭菜花讓我徹徹底底地愛上這種蔬菜。韭菜花跟韭菜的味道不一樣，韭菜花的味道有種突出的鮮甜味，難以從其他蔬菜上找到。韭菜花的口感脆嫩，加上

行經呢間旺角海鮮菜館好多次👻，舊式門檻裝修食中菜令人自不然諗起經典同pro🤔～不過人少食中菜好難叫菜，難得今轉比隊長B發現佢地出左個超特惠2-3人宵夜海鮮餐😳😳，簡直係福音！即刻仆到去lol😝😝😝～～ 睇餐牌覺得唔算太多但其實每碟都幾大份😍，絕對夠有突～----------------------介紹下先，呢個宵夜餐係套餐黎既😋，睇你想食龍蝦、賴尿蝦定蟹，每款都有唔同煮法，好堅😻！簡好個main 就可以揀埋前菜、蜆同粉麵飯😼～ 前菜有好可愛嘅六小福🍥～揀兩小福就可以點佢地嘅秘製蒜油同辣椒油食🌶～蒜油真很香，白灼尤魚用既係水尤，非常爽脆，辣椒油吊味更好👍～海哲頭就更加脆而且好吸到啲蒜油～正👅！ 豉椒炒蜆同平時食到嘅不同👹，唔係一味的咸味，而係落左豆瓣醬後有甜甜地的味道，超級肥美同惹味👍👍👍！無沙之餘仲100%開，相信喺出面食過蜆的都會覺得好難得😌！ 招牌豉油皇炒麵當然唔野少🤗，有聲有色，乾得黎好香又夠色，仲有好多配料卻唔咸～原來一碟看似係簡單野嘅都有學問😎！ 最後萬眾期待的特大泰國避風塘瀨尿蝦🦐黎啦！叫完先有啲懷疑係咪應該白灼試鮮味，點知呢碟瀨尿蝦唔單止有避風塘香蒜香口的味道🙆

上網搵宵夜食，搵到黎旺角海鮮菜館。一入門口見到好多新鮮海鮮。而每晚 9：15pm 後有優惠套餐，蟹加兩小碟加大大碟蜆加炒麵，五百蚊有找，份量好大，夠四位食。不過我地兩公婆夜晚冇腳，食唔晒咪打包唔好哂老闆娘好細心會安排出餸時間同次序。例如會安排較啖味既小碟出先，之後到蜆，先到濃味既白胡椒蟹煲，最後就炒麵。小碟熱辣辣，試過豬脷豬粉腸等，都非常夠林同味道。蜆同蟹都煮到剛剛熟，可見師傅好有功力油溫時間都控制得好好。調味亦冇過咸同食唔到多味精，中菜黎講好少有炒麵夠乾身，唯獨係有少少過分油膩。另外亦試過佢既鴨米，湯底好濃鴨味，絕不求其，真係好似食拉麵咁連成碗湯都飲晒完全感覺到餐廳用心出品，侍應亦不停換碟，加上老闆娘非常親切既招呼，非常推薦呢間餐廳比大家。

🍴有過江龍米芝蓮二星大廚親自主理 唔係唔試呀😍⁉️ 店內裝潢設計不錯，有點懷舊的高級菜館感覺。甫坐下，店員便送上兩大碟辣椒豉油和一碟香脆花生。 菜壺也非常特式呢！ 九時多入座，剛好可以點選🔖旺角夜消磨超值套餐，套餐有幾款，每款都很吸引，最後我們還是對炒蟹比較有興趣。 🦀避風塘炒越南大青蟹🌶（$598） 煮法可選：避風塘/黑胡椒/白胡椒粉絲煲/薑蔥炒👅 超大碟😍味道媲美其他頂尖辣蟹店😋 大青蟹用了先炸後炒的煮法，肉質能夠保持鮮嫩可口嘅味道，配埋避風塘碎碎又香又惹味！ 因為太好味嘅關係，我地已經不顧儀態地用手吃，餐廳設備完善，除了提供紙巾外，還有濕紙巾和茶給我們吃完蟹後清理雙手。 🍱旺角六小福（六選二） 🐷白灼鮮粉腸 🦑白灼海蜇頭 粉腸同海蜇頭都好乾淨，完全無腥味，入口新鮮爽脆👍🏻輕輕沾上豉油味道非常好！ 🐚豉椒炒招牌靚蜆🌿 煮法除了有豉椒炒外，還有避風塘和油聯水浸，勝在多元選擇，迎合各人口味！ 😜蜆肉厚肉大隻 鮮甜無沙👏🏻，豉椒味記調味得宜，好吃！ 🍲懷舊泥猛粥🐟

星期五晚同朋友慶生日，朋友想食小菜，揀咗呢間旺角海鮮菜館。當晚我哋比較早吃，相對比較少客，招呼好好，又不時替我哋加添熱水。我哋由 6:30 坐到 9:30 都無趕客。我哋兩個女人仔叫咗上湯龍蝦，豉椒蟶子米粉底同菜蘭啫啫煲都夠食，菜牌小菜類比較少選擇，如果可以多些其他肉類可以吸引更多客源。

夜晚係旺角食消夜，天氣開始有啲清涼，想食啲亂位嘅嘢，喺花園街嘅後一條街食屎林立，最後揀咗呢度。打開餐牌真係好豐富，不過已經食飽左啦，淨係想食碗粥。叫咗一碗雞粥，份量都夠三個人，本來對雞粥都沒有太大期望，畢竟呢度還是吃海鮮出名的。但係上菜的時候，一陣濃厚的雞香隨之飄來，嘩，迫不急待加上胡椒粉，立即試吓個粥底先。粥的口感非常的綿，雖然份量看起來不是很多，裡面都有幾多雞件，而且冇雪藏嘅味道，整體來說很不錯！食到最後，侍應走過來派卡片，原來都有幾間分店喎。

今日放工同朋友去旺角行街，一直都知洗衣街呢邊有好多野食，但好少過呢邊，經過就入左嚟呢間中菜館。一入到去見到有好多海鮮，即叫即整，裝修亦有傳統中式菜館既感覺，坐位都好舒服。坐底會問我地飲咩茶，可以揀鐵觀音/普洱，我地揀左鐵觀音。枱面有花生同辣椒豉油碟俾我地沾海鮮食。佢有個宵夜套餐，可以揀瀨尿蝦，龍蝦或者大青蟹，最後我地揀左蟹。避風塘炒大青蟹。有成隻蟹既份量，炸蒜既量好多，蓋過左隻蟹，食完都仲有好多，好夠味。蟹好新鮮，多肉，唔會得個殻。殼都唔會厚，咬都咬得開，蟹蓋都有大大舊膏。蟹鉗會預先幫我地夾碎，另外員工見碟滿殻會即時幫我地換，好貼心。白灼鮮魷魚/韮菜花。淋左小小麻油同豉油，即使白灼都夠味又唔會好咸，麻油令佢多左份香味。鮮魷魚都夠淋，咬落爽口。油鹽水浸蜆。蜆既份量都幾多，有成大碗滿。入邊有粉絲、芫莤、菜、蔥同辣椒，胡椒味好重，有小小辣味，食落同蜆好配，亦令粉絲好入味。蜆都幾新鮮，唔會有沙。豉油皇炒麵。用左蔥、芽菜、洋蔥去炒。有傳統港式既味道，炒得好入味。炒麵會會痴埋一舊食落亦唔會太油。

今晚朋友約食消夜，其實旺角太子一帶有好多選擇，唔明白點解佢叫我去呢一間。。不過食完覺得好驚喜，聽講大廚曾經係米之蓮餐廳工作過，每道菜水準十分之高，又坐得舒服，絕對好適合聚下舊同傾吓計。一去到店員已經好詳細咁樣同我地介紹左個Menu有乜嘢好食，最後我哋揀咗消夜套餐。旺角夜消磨消夜套餐龍蝦餐$398+六小福（任選兩樣） ＋招牌炒蜆＋炒麵/粥白灼豬肚加鮮魷魚前菜兩小碟，非常精緻，小小的一碟，配上辣椒豉油作為消夜嘅開始。避風塘炒蜆原先我們點的是避風塘炒蜆，不過到了宵夜時間加上幾日長假期之後，剛好賣完了，結果改為豉油王炒蝦。不過，豉油王炒蝦絕對沒有令人失望，每隻蝦早已挑腸，先用油泡非常脆口，然後炒至乾身，可原隻蝦連殼進食，鑊氣十足。白胡椒龍蝦粉絲煲龍蝦雖然份量唔係好大，但係以兩三人份嘅消夜來講，已經非常足夠。老闆推介白胡椒烹調方法，非常惹味，一上枱已經好香，個人覺得白胡椒比黑胡椒更好吃，香濃卻鮮味，跟龍蝦味道很配，每啖肉都有白胡椒的辛辣味。特別欣賞粉絲非常入味，除咗充滿白胡椒嘅香味，已爆香的香茅亦都係一個亮點，令味道同香氣添了多份層次。不過呢間餐廳嘅枱數唔算多，有幾張圓形嘅大枱所以都適合一大班人