旺角海鮮菜館

營業中

休息中

因為要準備搬家，所以很夜才吃晚餐，得知這𥚃有宵夜時間，由九點十五分開始，便來到吃晚餐。想不到這麼晚，還是人山人海，好彩有張二人枱可以坐下來。選了白胡椒粉絲蟹套餐$698。包兩小食、蜆、雞粥。小食要了韮菜花和海蜇頭。韮菜花很嫩，沒有渣，只有爽脆和清甜。海蜇頭爽口而不靭，帶點嚼勁。兩個小食只需配上辣椒豉油，味道更佳。油鹽水蜆，蜆肉沒有沙，油鹽水內有大量韮王，帶起了蜆肉的鮮甜，而湯頭味道適中，配得上是正宗的油鹽水蜆。白胡椒粉絲蟹煲，用砂鍋裝著，熱騰騰的鍋蓋打開時，嗅到一股白胡椒的香味，蟹件被粉絲覆蓋著，粉絲吸收了白胡椒和蟹肉的味道，變得更加美味，第一時間就吃完粉絲先。白胡椒的味道令到蟹肉更加鮮甜，很快連蟹肉都清除埋。最後來到是兩碗雞粥，粥底很綿，而雞件亦非常之有雞味，吃完雞粥，到已經覺得飽了。想不到店員，最後還送上兩碗紅豆沙，雖然是送的，不過味道質素都很好，用甜品作為今晚完美的結局，就最合適不過。

見出咗糧所以決定食好啲，所以OpenRice搵左呢間旺角海鮮菜館。見到有個套餐夜晚915後，就有個扺食既套餐，所以決定等到9點3後去試吓呢間鋪頭，不得不讚門口有好多新鮮海鮮，而且環境都幾舒服。佢有三個餐，龍蝦，瀨尿蝦同蟹，價錢分別係398，598同698。決定食貴少少嘅698！揀咗薑蔥炒蟹，白灼魷魚，豬脷，豉椒炒蜆同埋鴨河。其實佢有好多選擇，詳情可以參考返張圖。首先講左前菜，白灼魷魚同白灼豬脷先，要講既係好新鮮，魷魚有鮮味，而且好爽口，又唔會咬唔爛，前菜一流！白灼豬脷亦值得一讚，食落去好易入口，而且好咬口！跟住就黎左豉椒炒蜆，呢個炒蜆係我食過最好食，第一佢好入味，第二啲蜆完全冇沙，食得出係有洗乾淨，第三每一隻都係好新鮮大隻，啲殼開曬，如果有飯應該一流！之後終於到重點，薑蔥炒蟹！一上枱已經好香，夠晒鑊氣。隻蟹好大隻，啖啖肉，好鮮甜，啲蟹好入味，又多膏，基本上全程冇停過不斷讚佢好食，兩個都不停食，極力推介大家一定要點呢個！大家可以參考下呢個蟹腳，啖啖肉，又入味！最後黎左鴨河，一開頭覺得鴨沖冇乜特別，原來係因為啲鴨油未撈到落個河粉到，所以一開頭覺得一啲淡，但係食完蟹之後，鴨油開始滲入湯，變得

之前經過見到宵夜有特價海鮮套餐有蟹，瀨尿蝦，龍蝦揀門口有幾個大魚缸，放住d瀨尿蝦好大隻今晚上完堂就黎試下入到去，環境似以前舊式靚嘅酒樓，好熱鬧甫坐低就有小食花生，沾上淮鹽，香脆可口套餐3選1，揀咗蟹套餐2款小菜揀咗粉腸同海蜇頭海蜇頭食落驚喜！好爽口！再黎豉椒炒蜆上台熱辣辣，好有穫氣蜆肉大粒，而且味道啱啱好，唔會太咸，好食！揀咗泥猛粥,估唔到一人一碗每碗真係有一條泥猛！好足料最後就上今日嘅主角 ：避風塘炒蟹上到嚟見到鑊氣十足 ，d炸蒜熱辣辣又香脆 撥開就見到完整嘅一隻大蟹 ，即刻攞隻蟹鉗黎食蟹鉗大到佔碟嘅將近 一半，份量十足肉質彈牙，食落鮮甜，食得出隻蟹非常新鮮，有 驚喜 另外有部長姐姐態度親切，見佢滿場飛同食客傾計，好有人情味嘅感覺 推介一班人黎食，可以試到多d嘢！

經常落金魚街買水草買用品，總會經過哩間海鮮菜館，最吸引我係門口寫住米芝蓮三隻字，朋友話想試吓，就帶咗我落去試吓哩間標榜米芝蓮嘅餐廳.我坐近門口，睇住D好大隻嘅瀨尿蝦好生猛噤游黎游去，好enjoy! 再望望環境，裝修得唔錯，感覺高尚.點咗個波士頓龍蝦套餐，豉椒炒蜆，白灼海蜇頭同鮮魷魚，燒鴨河粉.豉椒炒蜆最緊要蜆夠新鮮同芡汁好味，芡汁帶甜，微辣，味道係我中意嘅回憶味道，超讚！早年係尖東返工，有間茶檔極惹味豉椒排骨飯，就係哩個芡汁味，令我當時一個星期幫襯2~3餐，哩個芡汁令回憶反哂黎，懷念喲！白灼海蜇頭極之爽口，鮮魷魚介哂花，好靓，當然，兩款前菜都要點小小辣豉油先好味.波士頓龍蝦用上大量黑胡椒同粉絲，粉絲吸收哂黑胡椒味，極辛辣，中意食黑胡椒一定中意！龍蝦肉新鮮彈牙，味道同黑胡椒都幾夾，滿意.講到哩到，D生猛瀨尿蝦又係眼前遊黎遊去，好吸晴.最驚喜係碗燒鴨河粉，平時食D河粉總係好厚身好糊口，哩碗河粉切得比較幼身，河粉本身較薄，口感極佳，係我中意嘅口感，燒鴨肉嫩，湯底清甜，極有避風塘風味，單係食哩碗河粉己經滿足！唔記得叫佢多蔥添！其實我好怕去D什麼五星級，什麼米芝蓮，或者D名人推介嘅餐廳，經常中伏

旺角很多海鮮美食,但未必到到坐得舒服在旺角逛完街想坐得比較舒服就來這間海鮮菜館。這裏價錢很公道而且食物質素好。一個套餐只是300幾蚊，但已有大大份的海鮮餐喇。龍蝦粉絲煲，粉絲滿滿的黑椒香，味道也十分黑椒，而龍蝦很甜而且有咬勁，是新鮮的哦！炒蜆的蜆子肉很飽滿，肉質結實，蒜香味夠濃套餐還有兩款海鮮小碟可選擇魷魚非常爽口，再點埋餐廳提供的辣豉油就夠晒風味啦!最後還有燒鵝河粉，河粉滑，湯底清，燒鵝夠新鮮。吃完套餐真的捧腹而回。很滿足!龍蝦啖啖肉而且有咬口蜆肉夠肥美,蒜味勁香魷魚爽口一定要點辣豉油食海蜇大大的條河粉超滑燒鵝肉質實的的餐廳坐得舒服

今日和朋友來到她推介很久的海鮮菜舘，他們乍看隻是尋常小菜館，但這家裝修帶點八十年代風味的海鮮小店實在是不試便走寶的滄海遺珠。聽朋友說這家菜館大廚經驗老到，曾是米芝蓮二星中菜館御寶軒的廚師，聽到也知道不得不試。我們看中了九時十五分後的消夜時段，消夜時段二至三人套餐有蟹$698、瀨尿蝦$598、龍蝦$398再配搭【旺角六小福】- 白灼六選二，炒蜆三選一同埋粥/粉/麵三選一，光是價錢也很吸引很超值。先說說我們點了的菜式，美國波士頓龍蝦（白胡椒粉絲煲），白灼深海魷魚、白灼海蜇頭、避風塘炒蜆，最後是沙田滑雞粥。白灼深海魷魚和白灼海蜇頭這是套餐的海鮮前菜，白灼深海魷魚看上去沒有花巧，口感一流，爽口彈牙，而海蜇不是一般的酒樓食到的海蜇絲，他們是用粗切，晶瑩剔透，鮮味十足，可以一提的是海鮮本身沒有調味，所以吃的都是本身的鮮味。避風塘炒蜆蜆肉很大隻，全開口而且沒有沙，避風塘炒蜆的重點當然是做到香、辣、惹味，蜆肉再配合金蒜和鮮辣椒非常惹味，是十分不錯的前菜。美國波士頓龍蝦店員推介白胡椒粉絲煲，這個菜式實在令人非常有驚喜，煲蓋一打開，便是撲鼻的白胡椒香味，胡椒味完全的附在粉絲和龍蝦上，龍蝦肉非常鮮甜，龍蝦肉

在旺角找吃的，差不多九點半，見到這個旺角海鮮菜館，還是很多人在吃飯，還有海鮮餐，很吸引啊！看到這個「旺角夜宵磨超值套餐」性價比很高，價錢由$398起。看看魚缸裏的海鮮，生猛又大隻，決定來個$398龍蝦粉絲煲套餐，還可以選兩款小吃，一款蜆，一款粥或粉麵。坐下先喝口茶，選了鐵觀音，超好喝的，甘香無比！看看裡面的茶葉，都是原片大茶葉，不省成本的一壺好茶！旁邊的食客在興祝生日，我也以茶代酒敬他一杯，氣氛太好了！兩份白灼小吃，份量少一點，像潮州打冷的食物。小食1 : 白灼鮮魷魚新鮮爽口，自家製作的辣椒豉油很香，吃著微辣的魷魚，滑中帶爽。小食2: 白灼海蜇頭麻油味超香，涼拌過的海蜇頭分外好吃，海蜇頭很大顆，吃著很爽口。白灼小吃淺嚐了，真的開胃了，好戲原來在後頭。龍蝦粉絲煲，滿滿的一大盤，粉絲多得可以當兩碗粉吃。把龍蝦反過來，在熱鍋煎一下，海鮮香滿溢。大大隻龍蝦肥厚肉多，鮮甜美味，還有龍蝦肉汁在殼内。粉絲量多之餘，在鍋內煎得香香的，夠乾身，微辣的避風塘炒法，很惹味！油鹽水浸蜆，喜歡他用湯煮，可以中和龍蝦煲的濃味。而且可以把湯也喝下去，一點也不浪費，像多了一個湯喝。 因為蜆肉新鮮，煮出的湯也特別鮮甜，

聽朋友說，旺角有間餐廳是米芝蓮星級廚師主理，它的宵夜海鮮套餐十分出名，於是專程前去一試。餐廳佔地不大，枱椅擺得頗密。友人是蟹痴，於是點了個越南大青蟹套餐 （$698），另有兩款自選白灼小食；炒蜆或浸蜆；以及炒麵/粥/湯河。最先送上的是白灼小食。 點了白灼韮菜及白灼海蜇頭。 韮菜不會煮得過老，加上爽脆的海哲頭，作為餐前小食也不錯。豉椒炒蜆豉椒炒蜆炒得有鑊氣，蜆肉也算飽滿，。豉油皇炒麵本來點泥鯭粥，但侍應卻說所有粥已經估清，所以改點豉油炒麵。炒麵味道濃郁，麵條不算乾身，但油份偏多。黑胡椒越南大青蟹越南大青蟹隱沒左黑朝椒中，味道不太辣。上蟹肉沒有散開，肉質頗結實，頗新鮮，份量也算多。最後還有綠豆沙，用來降降火也不錯。餐廳座位不多，就算預約了枱，也要有等位的預備。

男人收夜，我趁空檔去旺角做treatment ，再約男人下班後到旺角吃宵夜。因為想吃海鮮，到了最近的旺角海鮮菜館。看到這個夜消磨超值套餐，看著很吸引，較少吃瀨尿蝦，所以點了$598那套餐。職員先送上辣椒豉油和花生，花生少少鹹、多多脆，令人欲罷不能。白灼海蜇頭海蜇頭口感爽脆好咬，本身已淋上了豉油熟油已有點味，加上辣椒豉油更覺香辣美味。白灼鮮魷魚魷魚夠鮮嫩，口感軟稔中帶彈性，一樣淋上了豉油熟油，嗜辣者真的不要錯過辣椒豉油。豉椒炒靚蜆豉椒汁不會太多太稠，惹味的同時不太嗆，沒有蓋過蜆的鮮味。蜆亦算大隻，而且粒粒又飽滿又鮮甜。椒鹽特大泰國瀨尿蝦一上桌已經很香，兩隻瀨尿蝦的確大隻。瀨尿蝦夠多肉，入口啖啖肉，肉質鮮嫩爽彈有咬感，味道夠鮮又帶點點椒鹽香，不會太鹹，好味道。豉油王炒麵麵炒得夠乾身亦不會太硬，油份含量可接受，配上韮王、蔥、洋蔥、芽菜，上面還灑有芝麻，夠香夠好味。炒麵再配上這個又香又惹味的辣椒醬，絕對是錦上添花。這餐吃得很滿足，見到其他點蟹或龍蝦餐，有些有粉絲底，應該更飽。

今日同朋友來旺角海鮮菜館食宵夜，入到去裝橫比較中式感覺，九點幾都仲好多人，可能因為佢有個宵夜套餐。我哋叫咗賴尿蝦，小食就要左豬肚鮮魷魚加油鹽水浸蜆同要個雞粥。豬肚同鮮魷魚黎先細細碟比較淡味，係食新鮮既味道鮮魷魚口感亦都爽脆。油鹽水浸蜆好香，啲蜆亦都夠大粒，而且食得出好新鮮。椒鹽賴尿蝦大大隻，調味亦都令到佢香噴噴，好惹味，但係仍然都係食到佢嘅鮮甜味，而且肉質又夠實淨，一流👍🏻👍🏻最後雞粥都幾好味，唔錯唔錯👍🏻👍🏻

今晚ot... 無意中發現到呢度有間CP值好高嘅地方😍本身晚市價值較高，但宵夜呢個價值極親民😋白灼鮮魷魚❤️超爽口彈牙，雖然只係白灼，但仍然食到鮮味，點上少少指天椒豉油以經好好味👍油鹽水浸蜆❤️蜆大大隻，好鮮甜😍😍完全唔會有沙，仲有粉絲添，吸哂蜆嘅精華~ 豉油皇炒麵❤️有鑊氣，唔會太過乾身，濕度岩岩好。 內有大量韭菜芽菜葱，增添香味同口感，好出色👍避風塘瀨尿蝦❤️主角嚟喇😍特大泰國瀨尿蝦，完全唔黏殼，真係好大隻好多肉，肉質彈牙。避風塘夠重口味夠辣👍

今晚同朋友行完街，佢話有次同公司同事嚟過呢間食海鮮都幾好，仲係米芝蓮班底主理，今次我要佢帶我去試吓！原來呢度有啲消夜套餐都幾抵食，價錢有分三種，$398嘅龍蝦，煮法有黑白胡椒粉絲煲、上湯或芝士焗，$598嘅瀨尿蝦，煮法有避風塘、椒鹽、油鹽水浸同白灼，$698嘅蟹，煮法有避風塘、黑白胡椒粉絲煲同薑葱炒，之後再配其他食物，其實都幾抵食！小食六選二，我哋揀咗白灼韮菜花同豬粉腸，無諗到韮菜花完全唔老！豬粉腸亦做得好好，完全無苦味，只係點豉油食已經好美味！我哋叫咗龍蝦餐，用咗黑白胡椒粉絲煲嘅煮法，上枱嘅時候好香嘅胡椒味，龍蝦好新鮮好爽口，粉絲係煮到入晒味，每啖都有微辣感覺都幾過癮！龍蝦鉗真係好大好厚肉，肉質亦好鮮甜！真心覺得超級正同抵食！呢個避風塘炒蜆係非一般嘅做法！平時食係乾，但呢度係濕炒亦有另一種風味！雖然間中都一兩隻有少少沙，但我哋都覺得係好正常嘅！再配埋個雞粥，真係好滿足呀！粥底本身煲到好棉，加埋雞一齊煲，啖粥食落變咗好甜嘅味道！另外仲叫咗兩碗胡椒豬肚雞湯，見佢48蚊又唔算太貴！估唔到好好飲呀！湯底有好濃嘅胡椒味，又唔會太辣！豬肚唔會有苦味，真心欣賞佢地處理豬內臟嘅方法！最後送上紅豆沙為

今日同老公好想食海鮮 但又身處旺角, 又唔想走去三聖呀鯉魚門咁呀... 就search 下邊度有蟹食, 原來旺角都有。其實搵過下 都知佢地貴咖喇... 不過心底又引唔住佢寫住黑胡椒蟹 同雞粥.. 咁就貴都黎食一次啦。不過黎到又比個白胡椒粉絲蟹煲個粉絲 吸引住, 所以叫佢。個蟹係好似個瓦煲咁大隻, 肉質軟 唔算好實好好肉, 爭少少, 粉絲就入曬胡椒味不過唔算濃, 亦唔夠辣, $598 黎講算 普通。啫啫通菜煲就好好食, 有肉碎同蝦乾, 夠惹味但唔咸,就算食到尾都好適中。另外的雞粥一人份量, 上枱時明顯見到一匙羹雞油, 搞好就食, 一入口 真係嘩左一聲, 好入味, 好正! 雞件好滑, 粥底稀左D, 但超香嘅雞味,果然係叫得上沙田雞粥。最後嘅豉油皇炒麵於真係不叫也罷!! 炒到出黎D 麵超硬, 又唔香, 偏甜。硬到完全都唔想食, 食唔到, 好似未熟咁。 總結黎講全場都係遊客, 味道中規中矩。但價錢是旺角區又係遊客的話, 除左隻蟹之外 都算合理。

我本人叫燒鴨可兩碗+芝士龍蝦十炒蜆我等半鐘未來當時問佢職員答我煮我食品之後等一等比見到我隔離桌子客人最後坐了我佢吃緊最後職員最後隔離吃完我一碟未來問佢幾久我答不好意思剛剛唔見了張單我覺得非常極差好過份我以後唱衰佢茶廳

朋友推介旺角海鮮菜舘，原因是這裏的主廚，曾是米之蓮二星中菜餐廳的大廚，所以特來光顧。樓面地方不多，但內有乾坤，VIP大房可供多人用餐，也有六人卡座。VIP 房間卡位雅座友人想吃瀨尿蝦，所以選了有瀨尿蝦的 $598消夜套餐。避風塘瀨尿蝦瀨尿蝦新鮮大隻，肉厚帶膏，海鮮前題要新鮮，亂煮也是贏！要是落在大廚手上，上等佳餚也！這個避風瀨尿蝦，料頭豐富，莞茜、金蒜、大蔥、辣椒、薑片都不缺，惹味得很；大蔥不旦沒有辛辣味，反而輕帶點甜味，夠鑊氣，很出色！豉椒炒靚蜆蜆肉肥厚，剛剛熟保持鮮嫩，豉椒油惹味。白灼韮菜花看得出的嫩，每條都青翠無比，明顯切掉所有較老硬的部份，那怕只是白灼，都毫不遜色。白灼海蜇頭平日食到的海蜇頭大多是涼菜，這個有點特別，入口是暖和的。對我來說是個新嚐試，味道亦較平日的涼菜海蜇清淡。 😋豉油皇炒麵有鑊氣的炒麵，上枱還是熱哄哄的，豉油分怖平均，麵條軟硬適中。不知不覺清碟了。甜品紅豆沙完整的晚餐，總不能沒有甜品，紅豆沙也是一個不錯的安排，謝謝餐廳的免費甜品。海鮮餐作宵夜，感覺富貴 👍😍😍 米芝連大廚也沒有叫人失望。👏👏