施心畢老撾餐廳

營業中

休息中

施心畢三個字拆開來看就是「施」教、用「心」和學成「畢」業。老闆為了不要讓這種味道失傳，同時帶起自己家鄉的Comfort Food，這家店就決定主打老撾湯粉。餐牌上特別標榜是100%全米湯粉，原來與普通米粉最大的分別在於煙韌程度。(Openrice網上資料)因為在openrice看過餐廳介紹所以就打算跟朋友來嘗一嘗老撾菜，其實也從未接觸過老撾菜，希望可以多嘗試新菜式。餐廳位置中環，可算是方便的位置，只要在中環D出囗，步行至蘇豪扶手電梯下的翡翠商場便可。餐廳設計帶有東南亞風格，餐廳內坐位寬闊，是用以鐵製桌椅，加上落地玻璃，還可以望出街外景色。豬頸肉全米湯粉餐廳標榜100%全米湯粉，當然要點上一個湯粉來嘗一嘗，我倆點了豬頸肉全米湯粉，豬頸肉厚肉爽甜，醃製後更惹味香囗，肥瘦適中，加上各種配菜，擺碟鮮艷，湯頭清甜不含任何添加劑，米粉煙韌不會鬆散軟爛。施心畢豐食拼盤(魚/蝦/雞/豬/米紙卷)魚餅彈牙，蝦餅香脆乾身，網蝦米紙卷炸過後色澤黃金，肉質彈牙。米紙卷蘸上老撾醬汁酸辣惹味，但我還是喜歡另一個微辣的醬汁。是拉差牛油雞翼醬汁帶微辣，雞翼是單骨雞翼，入囗更方便，牛油味香濃，雞翼香脆內嫩。老撾青芒果沙

是拉差牛油雞翼 $48其貌不揚既一份雞翼 但係相當好食 必叫既一份小食!是拉差係咩東東食完我都唔知 不過我覺得呢份雞翼似蜜糖雞多過牛油雞 甜甜地非常入味 而且係用單骨雞翼 口感幾唔錯不過餐牌說好的兩隻辣椒呢 我淨係feel到甜 一啲都唔辣 ><"老撾豬頸肉100%全米湯粉 $78老撾菜食過未? 我就食過 係第一次 xP你問老撾菜即係咩 我會覺得有啲似泰國菜越南菜 但又有自己特色 只係係香港普及度遠不及泰越老撾特色從呢份米粉說起 話說餐廳標榜用全米既米粉 我第一次聽有全米唔全米之分 預期效果係比一般既80%米更彈牙 試落又真係幾有咬口 唔係純gimmick對比起老擿米 我對湯同調味料既味道更加深刻 要形容既話我覺得有啲似越南既香茅偏泰北風 入味之餘又無泰北金麵咁重口味 唔知呢隻係咪就係老撾既味道餸料方面幾足下 好多塊豬頸肉 另有豆卜椰菜絲菇芽菜 幾豐盛 唯一係我一心想叫燒頸肉 食落覺得唔似燒果隻 後來先發覺份米粉從來無個燒字 係小食先有 所以味道清左啲無咁香口P.S. 如果你見大廚個樣有啲臉善 就證明你有睇開美女廚房 皆因呢位老撾王子客串左幾集做評審 XD施心畢豐食拼盆

Happy Friday 又出中環蒲。蒲大館chilling 前更係要賣肚，見到呢間平，又未食過老撾菜，好奇到底係點，於是嚟左食。唔算太肚餓，兩個人只係嗌左一碗牛肉湯米，加個小食拼盆同豬頸肉青木瓜沙律。牛肉湯米有多料。原來唔只牛肉，仲有牛丸、豆卜、草菇、粟米芯、芽菜等配料，真係超級豐富，而且湯底味濃。豬頸肉青木瓜沙律蔬菜款類多，加左汁超開胃，仲有好多續隨子，好清香。烤豬頸肉仲特別軟腍，腍得出奇，但完全無鬆肉粉嘅難食苦味，食到我同我個frd 嘖嘖稱奇。小食拼盆剛剛好各款兩件，啱啱好可以一人一件，全部都咁香脆。老撾網蝦米紙卷同豬米紙卷更特別鬆脆好食 😋我問店阿姐有咩老撾特色飲品，佢話咖啡囉，好多人嗌架。雖然係夜晚，但既然咁有特色，一場嚟到點都飲下啦，於是我要左杯。原來咖啡即時隔漏，杯底已預先加好煉奶，飲時要攪勻。不過我唔知，飲到杯底先知😂😅 不過淨飲齋啡都已經好好飲。咖啡甘醇，味道香淡，夜晚飲都無問題 🤗另外又發現原來見求即係飯，有趣有趣。

今日同朋友去咗大館一日遊， 之後個 Friend 帶我去食老撾菜。 首先叫咗個《老撾青芒果沙律》先， 一上枱已經被佢嘅外表吸引住， 非常美麗， 材料有芒果、青瓜絲、花生碎等做成的， 配上特製醬汁， 味道酸酸甜甜， 帶有少少辣味， 感覺好清新， 好醒胃。 之後叫咗《老撾海鮮100%全米湯粉》& 《老撾豬頸肉100%全米湯粉》做主食。 我好鍾意個海鮮湯粉， 因為湯底又鮮甜又惹味， 材料仲好十足𠻹，有蝦、丸、魷魚同青口等等， 仲有多片蝦片鋪面， 炸得非常香脆， 好味！ 老闆話米粉係用百分百真米粉做的， 所以特別煙韌爽滑。 朋友叫咗豬頸肉湯米， 味道都做得不錯， 尤其是豬頸肉，煮得非常入味， 食落爽口彈牙！ 估唔到老撾菜係咁好食。下次要試埋其他菜式至得。

星期六係中環天梯個邊嘅一棟商業大廈見到下面介紹有間老撾餐廳，印象中無係香港見過或者試過老𢰸菜，好奇之下就上咗去食。老𢰸菜都係似東南亞菜式，泰國、越南菜等等，不過啲菜名就有啲唔同。主菜我地都考慮叫湯粉定飯食好，老𢰸嘅飯叫法就係見求，覺得感覺都幾新鮮，就揀咗個白咖哩雞肉見求（$78）試下，佢有啲似馬來西亞嘅椰漿飯，食到椰汁嘅味道，而且唔辣，而飯係用紅米飯，餸菜除咗有雞肉之外，仲有薯角、茄子同菇等等，個汁加埋唔會太甜，味道幾特別都好好味。因為飯已經係share食，所以都叫咗多啲唔同嘅小食試下。老𢰸小食拼盤（$68），有一啲蝦、豬同魚春卷同埋魚餅，配埋一個酸辣醬，蝦春卷好好食，蝦肉非之多，好爽脆又入味。豬頸肉($48)，呢道係係度最鐘意同最出色既一道菜，好少見豬頸肉係厚切，已經覺得幾特別，食落去更加係入口即溶，雖然豬頸肉真係好少會咁形容，但食過就會知道真係唔誇張，因為真係好鬆軟，而且呢個價錢嚟講份量真係好多。是拉差牛油雞翼($48)，全部都係單骨雞翼嚟，但肉都唔少，食落去甜甜酸酸幾得意。飲品我同朋友就分別叫咗佢地涷同熱既紅茶，味道有啲似thai tea，我個杯叫咗微甜，但飲落去茶香味都好香濃，

同事之前推薦一家老撾餐廳，今日早收工又沒事情做，諗住從來未試過老撾菜，就約了一起去試試上到去可能時間比較早，不是很多人。餐廳好工業風，墻上畫了好多得意的壁畫，估計都是東南亞風看到餐牌，價錢唔算貴，係中環這個地段算良心。全部食物分6種，全米湯粉、老撾見求、老撾沙律、米紙卷、小食同飲品首先上來的兩款小食，老撾手打蝦餅同老撾網狀蝦春卷。蝦餅是我的最愛，肉好結實，吃得出手打的感覺，旁邊的醬汁據老闆介紹是老撾的特色醬汁，口感酸酸，可以中和肉的膩感。雖然我平時吃飯好少用醬，但是覺得這個醬都唔錯另外一個小食是春卷，裡面滿滿都是蝦肉，真是好實惠，同樣配剛剛的酸醬汁，吃完都唔會太滯再上來的系老撾米粉。越南河粉食得多，老撾米粉真係未試過。一碗米粉十分多料，有四五片手掌大的牛肉，還有牛肉丸，配菜，十分抵食。牛肉片可能煮得時間過長，有點老，但是牛肉丸唔錯，非常彈牙，平時我唔係十分中意食牛肉丸，但是這個我仲幾鍾意。而且一碗先$78，夠實惠啦🤤下一個係施心畢豐食拼盤，有魚餅春卷米紙卷，配兩種醬，一個係之前的酸醬，一個係類似芝麻醬。成個小食拼盤最中意炸魚餅，仍然係十分結實的魚肉。蝦春卷重複了，如果有朋友想吃這個可以

今晚友人相約到中環晚飯，大家準時岀現，睇下餐牌樣樣都想食老撾牛肉100%全米湯粉，服務員還問我牛肉要生還是要熟？我選擇了生牛肉，貪其不會過un，另還有很多配料牛肉嫩口，慢慢咬，還滲岀香濃牛肉味老撾燒豬頸肉切成長方形，同平時切到薄薄的略有不同，長方形有d似食叉燒的感覺，但又夾雜著香噴噴的燒烤味是感豐富的老撾網蝦米紙卷，很鬆脆，內𥚃的蝦很新鮮有少少甜的老撾蠔油雞翼老撾芒果黑白糯米飯，大家開心 Share 先荔枝梳打，友人話芳香的荔枝味，很解渴我欣嘗的老撾咖啡，讓熱水浸在咖啡粉，任由它慢慢流落杯中(杯內已有煉奶)幾有夏日 feel

無咁易餓瓜🍈雞湯底老撾米麵！雖然顏色賣相不錯但味道與之前幾款比較，差太遠. 好失望😞. 湯底不夠香濃 只有淡淡椰子味而且浮著白胡椒粒😱. 如果一唔小心咬到胡椒粒，影響味覺同埋口感. 麵又煮唔夠淋，配菜仲得幾粒煮過龍雞粒，粉紅蘿蔔絲同埋芽菜. 始終素菜麵及墨魚麵性價比較高. 或許厨師今日心情唔靚掛？🏆 6/10 💲68蚊跟瓜佬瓜嫂搵食 IG- 無咁易餓瓜————————————————————Tried the Chicken Soup with Laos noodles. A little coconut flavour but not creamy. White peppercorns were floating in the soup. If you are not careful, imagine biting into a peppercorn! What a turnoff! The chicken were over cooked. Quite a disappointment compared to the cuttlefish and vegan soup. Perha

前排睇開美女廚房，都有留意一位評判叫老撾王子，喺網上一search之後，發現原來佢喺中環開咗間餐廳！從未食過老撾菜嘅我，梗係約埋朋友一齊試吓啦～😝第一次食老撾嘅湯麵，發現佢哋都會用上唔少配料。有薄荷葉、辣椒、炸蒜等等。湯底幾清，呢碗扎肉粉就有唔少扎肉同埋魚蛋，撈埋配料食其實味道都幾清新，仲有少少辣辣地嘅感覺～見餐牌有道菜叫「老撾扎肉薄餅」幾新奇，上枱後估唔到都幾有驚喜🤪最底嗰塊係一塊好薄嘅蛋，上面鋪左唔少扎肉同埋青瓜，塊蛋煎得好脆；配埋上面好淋嘅扎肉，所以口感都幾特別🤩不錯👍🏼香葉肉碎太陽見求—喺老撾菜嚟講，見求即係指飯咁解～肉碎炒得惹味，配埋隻煎得啱啱好嘅太陽蛋，撈落啲飯食，味道真係一流！😋而且佢冇泰國菜嗰種重口味，令人食完想再食多一碟呢！口痕嘅我哋仲嗌多左樣小食—老撾網狀蝦春卷🍤呢種春卷同平時越南嗰隻係唔同嘅～越南嗰種係包住啲青瓜、熟蝦嘅配料～而呢種係包住打好嘅蝦膠，炸得香脆唔油膩，完全係外脆內軟～推介👍🏼最後嗌埋個甜品—老撾版嘅芒果糯米飯，不過平時嘅椰汁就變咗做藍色😳 芒果鮮甜，配上軟熟嘅糯米飯，係我永遠最愛嘅甜品😝呢個藍色版真係好吸睛👀以中環嘅餐廳來講，可以以一個平嘅價錢食到大

我本來是少在中環出沒的人但朋友說這家的東西好吃就山長水遠地出來了.南薑香茅梳打薑的味道很重 喜歡薑的人會容易接受.龍眼梳打是青檸的味道 原以為會很奇怪但喝下去又不錯喔.是拉差牛油雞翼一開始看到是辣的可是吃下去卻不覺得辣反而有一點甜甜的雞翼是被炸過的 保持脆脆的而且上面的醬汁也能完全包納了整個雞翼.豐盛小食看到一整個都是炸的 以為會很油但是剛好相反 不油沾了醬更是令味道提升到第二個程次.豬頸肉白見球白咖哩很好吃 比較特別而且很滑順豬頸肉咬下去就是比較爽口而且也是嫩嫩的 不會太乾

老撾菜，你食過未？我哋兩個就真係未食過啦！老撾附近係泰國、柬埔寨、越南等國家，所以飲食文化跟泰國同越南菜好似，同樣用大量蔬菜、魚露同香料，不過辣度較低，比較重視食材嘅原本味道！今日嚟到中環施心畢老撾餐廳，主打老撾湯粉同見求。原來「施心畢」係老撾皇朝嘅姓氏，老闆都係老撾皇朝嘅後代，得我A姐去會下王子先！老撾青芒果沙律清甜青芒果絲配上爽口青瓜粒，底下仲有紅色蘿蔔，顏色鮮豔，賣相非常吸引，加埋甜酸醬汁、辣椒同花生碎，味道同泰式青木瓜沙律差唔多，好開胃。老撾網蝦米紙卷米紙卷晶瑩剔透，裏面仲有炸過嘅網蝦春卷，口感豐富。佢同越南米紙卷唔同，唔點魚露，係用秘製醬汁，點知又幾夾喎！老撾海鮮100%全米湯粉湯底用海鮮熬製，鮮味十足。有蝦、魷魚、魚餅、花枝丸同兩大塊蝦片，非常足料。特別一提嗰米粉係自家製，入口順滑，同平時嘅米粉好大分別，正！紅咖喱豬頸肉見求原來「見求」係飯，而且用上紅米飯，非常健康！紅咖喱比我想像中辣，十分惹味。豬頸肉燒得啱啱好，外皮略脆，裏面仲好Juicy，肉質鮮嫩！配菜嘅茄子、青瓜同薯角，都好好味！

老撾菜是一個比較冷門的菜色，平時食開泰國菜、越南菜，從未試過老撾菜，佢有點似泰國菜，越南菜，不過香料會少一點，有一點點辣。施心畢呢間餐廳並不大間，但枱面都大，可能方便我地叫多小食。米紙卷晶瑩剔透，加上炸過嘅網好蝦春卷，口感豐富豬頸肉燒到外皮有點脆，肉質嫩滑又juicy，而且不會油膩，我食左好多塊餐廳有心意，將雞翼一分為二，方便入味，又方便進食，雞翼好脆、微辣、好惹味。一上菜就見到好豐富配菜，有薯仔、青瓜、蘑菇、番茄仔、雞肉，配上紅咖喱，有點辣，配菜，雞肉吸晒醬汁，好惹味。

想食特色餐廳，中環一定滿足到你，估唔到連老撾菜都有。大廚背景好有趣。店面都幾大，適合一大班人聚會。唔知寮國的風光係點呢？寮國口味都幾啱香港人口味，幾似越南泰國菜。老撾豬頸肉100%全米湯粉($78)有很多配料，有草菇、芽菜、粟米芯，香料也有薄荷葉、黑椒。豬頸肉加了乾蒜粒好香，肉質軟嫩。米粉係唔同d，有種微彈的口感，爽口得黎又有咬口。湯底很不錯，味道豐富，而不只是鹹味。老撾青芒果沙律($68)賣相吸引，青芒果爽口清甜，酸甜味好開胃，仲有車厘茄、菜絲和青瓜，用心里美蘿蔔片墊底，很特別的品種，多纖維，低熱量，有營養，很健康喔。南薑香茅水($17)有陣茶味，喝了感覺好舒服。老撾牛肉100%全米湯粉($78)，牛肉係有質量的，不是一般貨色。老撾炸魚餅($38)魚味十足，少少辣，點埋酸汁食好惹味。龍眼梳打($24)好大杯，有大量龍眼肉，足砰。

今晚同一個好耐冇見嘅舊同事食飯，所以揀左啲特別菜式！食咗老撾菜！可能好多人都未聽過🤣餐具都好古色古香好特別😍我哋八點前到有兩個小食已經賣曬，好受歡迎~叫咗雞肉粉一心諗住佢啲雞肉都係白恰嘅，點知原來呢系好有心思有煮過,而且好入味!而湯底仲要係椰子雞湯底，聽到我哋即刻想試呢個面！只需$68😅香濃嘅椰子味冇將貨就價下佢👍🏼網蝦春卷唔多地方有，薄薄而且又脆嘅皮配上辣汁好惹味!牛油雞翼唔好諗起係越南嗰隻，完全唔同係佢個醬汁同煮法！質地較濕而且有啲香葉味～味道較有特式～呢碟係老撾金條其實係炸牛皮，炸豬皮大家食得多啦！牛皮我真係第一次食啦！炸得好脆而且好薄身，咬落去呢啲聲好嘈，脆到隔離都聽到😂配上一個辣醬好好味而且真係應該冇乜地方可以食到！古色古香的滴滴叻啡

朋友提議來這邊吃 Laos 老撾菜，蠻有特色的呢，想說未試過老撾菜就來挑戰一下～餐廳有大玻璃窗，環境開場，𥦬旁放了餐具醬料和一些盆栽擺設。看看餐牌，主打老撾湯粉 ，亦有見求（即米飯）、沙律、米紙卷和各種小食，食物價錢以在中環的位置來說相當貼地先點了一客是拉差牛油雞翼，炸得香口惹味是拉差醬有一點辣，有一點甜，還帶點蒜香，絕對是這道小食的靈魂～ 做成單骨雞翼方便享用之餘又可讓醬汁更入味由於是老撾湯粉專門店，所以我們就點了兩種不同湯底的湯粉。這個是老撾海鮮100%全米湯粉，上面放滿炸得香脆的蝦片，非常澎湃蝦片底下的藏了很多餸料，說是100%全米湯粉是指米粉沒有加上綠豆粉，就是完完全全的純米粉，吃起來比較煙韌有彈性。而湯底是用海鮮熬製，味道非常清甜。另一碗點了老撾雞肉100%全米湯粉這碗湯底是又白又濃的椰子湯汁，充滿椰香，和雞肉粉很搭！看到 menu 有一款甜品老撾芒果黑白糯米飯，當然要點來試試！賣相很美～溫熱的糯米飯又軟又糯，澆上椰奶，空口吃已經十分香甜，還帶淡淡的咸香芒果超級鮮甜多汁，芒果和糯米飯互相配合，味道非常岀色，推薦！吃完甜點再來一杯幼滑的無糖豆漿充滿豆香，健康又好喝