161
7
5
港鐵中環站 D2 出口, 步行約7分鐘 繼續閱讀
電話號碼
21170788
營業時間
今日營業
11:30 - 22:00
星期一至六
11:30 - 22:00
星期日
17:30 - 22:00
公眾假期
17:30 - 22:00
公眾假期前夕
11:30 - 22:00
付款方式
AE 現金 支付寶
座位數目
100
其他資料
網上訂座
Wi-Fi
自帶酒水
電話訂座
賞訂座積分
室外座位
電視播放
當面支付
有關獎賞計劃
食評 (179)
等級4 2018-11-03
380 瀏覽
在香港,亞洲菜餐廳開到成巷成市,想吃日本、韓國、台灣、泰國、越南、印尼菜,總有一間在左右,但老撾菜一次都未試過。今晚,終於有機會去一間老撾餐廳,吃了一頓晚餐,感受是驚喜的。由於食物的價錢不算貴,每款大約四、五十元,所以點了很多菜式,有老撾牛肉100%全米湯粉、老撾扎肉墨魚100%全米湯粉、老撾炸魚餅、豬肉炸春卷、老撾網蝦米紙卷、老撾青芒果沙律、是拉差牛油雞翼、老撾燒豬頸肉和老撾凍咖啡。老撾牛肉100%全米湯粉-米粉可以用超正來形容,相當細滑,富米香,而湯底味道具層次,味道有點似越南湯粉,但它多了一份薄荷葉的清香,味道更正,牛肉和牛丸的分量也足夠。老撾扎肉墨魚100%全米湯粉-湯底和牛肉湯粉一樣,墨丸真材實料,而扎肉厚身大塊。老撾炸魚餅-味道帶微辣,魚肉撈上其他香料炸成,香口味美。豬肉炸春卷-網紋脆皮香化,豬肉餡料足,配上醬汁,更添滋味。老撾網蝦米紙卷-米紙包著生菜、青瓜絲和炸蝦,感覺清新。老撾青芒果沙律-與泰式的木瓜沙律味道相似,是不錯的餐前開胃小食。是拉差牛油雞翼-以單骨雞翼製作,雖然說是是拉差,但不算辣,反且牛油味更突出,十分惹味。老撾燒豬頸肉-豬頸肉入口鬆化,富豬味。老撾凍咖啡-味道較甘,飲完一口有咖啡回香。 繼續閱讀
(以上食評乃用戶個人意見 , 並不代表OpenRice之觀點。)
說實話,其實是我之前是沒有吃過老撾菜,純粹是在中環覓食是被餐廳名吸引了才會找上門,搜尋下老撾鄰近泰國和越南,飲食文化相近。施心畢是老撾皇朝的姓氏,也是老闆祖母的姓氏,他從小從祖母身上學懂烹調老撾菜,連也特意用上施心畢作為餐廳名。餐廳面積算大,桌子之間的空間很足夠,星期六六時多不算太多人,但聽說平日會比較,先預約會較好。老撾青芒果沙律 $68以為會像平常見慣的泰式青芒果沙律,但此老撾青芒果沙律,單是賣相已經有驚喜,青芒果絲下是紅色的蘿蔔,非常鮮豔奪目,再加上辣椒碎及花生碎,配搭味道甜酸的醬汁,的確是一道適合的開胃菜。老撾網蝦米紙卷 $48網皮春卷和米紙卷相信大部分人都吃過,而這道老撾網蝦米紙卷就是兩者結合而成,透薄煙韌的米紙卷包著炸到脆口的網蝦春卷,再加上爽脆青瓜和新鮮生菜,口感豐富。再點上秘製醬汁,更添一分醒神惹味。老撾薄餅 $58老撾薄餅是以米紙卷及雞蛋烤成,上面扎肉、洋蔥和蘿蔔絲等,再淋上花生辣醬及青番茄醬,另撒了一點麻辣葉,口感香脆中夾著洋蔥和蘿蔔絲,又有扎肉的紮實,味道酸中帶辣又有蛋香。老撾牛肉100%全米湯粉 $78老撾湯粉對老闆來說是帶家鄉風味的Comfort Food,這個湯底用的香料不算多,特別在選用比黑豆蔻更有鮮味的綠豆蔻,再加上八角和肉桂熬煮而成,味道清甜,而且湯底煲好後會隔油,牛丸口感紮實爽彈,調味不會太鹹,牛肉取牛柳片而捨肥牛片,牛肉味一樣夠但更健康。這裡的米粉特別在是不另加綠豆粉的全米粉,口感比平常在香港吃到的米粉更煙韌爽滑有彈性。青檸可樂 $24用上新鮮青檸,當然夠酸爽。龍眼梳打 $24真的只有龍眼肉和梳打水,所以味道較淡不會很甜,怕甜的我覺得可接受。整體來說,食物頗有特色,味道亦算不錯,環境也讓人感到輕鬆自在,價錢合作,值得試試。 繼續閱讀
(以上食評乃用戶個人意見 , 並不代表OpenRice之觀點。)
等級4 2018-10-11
626 瀏覽
一直都好鍾意食泰國菜同越南菜,因為香料多夠惹味嘛, 但老撾菜我就真係第一次食,當初想嚟,第一印象就係嗰杯老撾咖啡, 因為隻杯好靚囉😅。餐廳位於中環,但價錢卻很親民,可以想像平日lunch應該坐無虛席囉!我地因為唔熟路,所以行到有點熱,所以就先點一杯南薑香茅梳打, 南薑香茅都有溫胃驅寒幫助消化嘅作用,飲完應該開胃哂可以食多啲啦😝😝😝。餐牌其實好多選擇, 風味菜式跟越南有啲相近, 於是我地就先回一碗老撾牛肉100%全米湯粉。湯米粉賣相唔錯,個湯底好鮮甜但唔濃味👍。牛肉半生熟,肉質實在唔會太削😍。而個米粉呢就係成碗粉嘅精髓,因為老闆係用左100%全米做,所以粉條質地結實爽口帶點煙韌,同一般米粉好唔同,我幾鍾意😋😋😋。今晚我同朋友兩個人嚟,而且朋友比較細食所以我都唔敢叫太多野食😅,小食只點了老撾士拉差牛油雞翼,我初時以為佢係似越南嘅牛油雞翼,仲驚太炸太油朋友會驚左添,點知原來佢其實比較似蜜糖雞翼,開半更方便食,蜜糖香甜但雞翼又帶士拉差嘅辣味,好開胃,我覺得我自己已經可以KO一碟啦😝。朋友想食咖哩,所以佢點了紅咖哩🐖頸肉見求,用左紅米飯,健康得嚟亦增加飯嘅煙韌度, 老闆娘話當地人鍾意用手抓飯, 所以飯會比較結實同黏糯,而且微涼唔會熱辣辣🤗。豬頸肉切成粗條狀,爽口彈牙,配上辣辣的紅咖哩汁,非常好下飯😋😋😋。廚師為左令大家營養滿分,還特意加了蔬菜拌碟,一碟就有齊哂大家想食嘅野👍!最後我地一人一杯老撾咖啡其實我夜晚好少會飲咖啡,怕太醒神😜,不過呢杯老撾咖啡☕,濃郁咖啡味加香甜煉奶,我可唔可以當佢係甜品呢🤔🤭😝,不過我下次一定要食芒果糯米飯囉! 繼續閱讀
(以上食評乃用戶個人意見 , 並不代表OpenRice之觀點。)
等級4 2018-10-09
539 瀏覽
雖然沒有去過老撾,亦都唔太認識當地美食,只知道老撾喺越南、泰國附近,飲食文化應該有點相似。最近睇報章有名廚Justin Chan介紹美食,得知他本身經營老撾食店,一向中意試新野既我當然要黎試吓香港少有的老撾菜。餐廳位於中環至半山長電梯旁邊幾就腳~先點一份施心畢豐盛拼盤,有炸魚餅、春卷、網蝦、米紙卷、炸墨魚條。呢份拼盤每樣兩件,兩口子分享就最好不過,當中最鍾意係炸魚餅,軟軟的帶點紅咖哩香味。其他炸物都夠哂香脆~白咖喱豬頸肉見求見求係飯既意思,由白飯、白糯米、紫糯米煮成,有質感~爽彈既豬頸肉配上白咖哩,椰奶香非常惹味。仲有豆角、薯角、小粟米、車厘茄,配菜顏色鮮豔。老撾牛肉100%全米湯粉平時食既米粉米既成份極少,大多係粟米澱粉。而老撾既米粉大多係100%全米成份,黎呢度當然都要試吓啦~全米米粉比較幼滑,帶米香有咬勁。驟眼睇湯底有點似泰國既船麵,但無船麵咁濃味反而較清甜,忍唔住飲左幾口都無口乾,證明真材實料無落味精~ 而米粉亦相當入味配料方面亦非常豐富,除主角牛肉片、牛丸,仲有紅心蘿蔔絲、芽菜、洋蔥,好足料試埋老撾咖啡,杯底加入左煉奶,味道香醇濃厚。 繼續閱讀
(以上食評乃用戶個人意見 , 並不代表OpenRice之觀點。)
等級4 2018-10-08
400 瀏覽
係香港呢個美食天堂, 咩多國菜東南亞菜都有齊, 老撾菜又真係未聽過未食過wor. 今次我就帶蝦子餅去試新野。一去到就發現個裝修真係好熱帶地區feel。 有d似新加坡。用左碗麵做logo呀。 餐廳既家具都印有呢個logo. 應該食麵出名d。 因為餐廳位於中環, 專做寫字樓生意。我地特登係星期日既7點幾去食, 避開人潮。是拉差牛油雞翼單骨雞翼加左蜜糖, 咬落香氣四溢, 加上炸蒜脆卜卜既口感, 令人食指大動。 $48蚊一份既雞翼可以食到全新既口味, 正。老撾100%全米雞肉湯粉 $68餐廳共有4款秘製湯底配搭不同既湯粉。 呢碗米粉用左椰子雞做湯底, 椰香十足, 湯底濃郁, 有掛麵既效果。 因為湯粉用100%米漿製造, 米味比較強, 食落好滿足。 我係椰子喜好者, 呢個湯底令我清哂成碗麵。 另外, 蝦子餅好鍾意食蛋, 佢要左全熟蛋。 已經夜晚了, 我地試唔到出名既老撾咖啡, 怕訓唔著。 蝦子餅就叫左杯凍奶茶。 茶香十分濃, 飲落十分順喉。 凍南薑香芧水南薑帶有少許薑辣 配合清幽既新鮮香芧, 十分match. 繼續閱讀
(以上食評乃用戶個人意見 , 並不代表OpenRice之觀點。)