施心畢老撾餐廳

營業中

休息中

這間是全港唯一正宗老撾菜餐廳，而主廚的祖母是老撾皇族親信，作為後代更習廚藝，更身自監督，達成擁有一間餐廳的夢想👍🏻👍🏻睇得出很用心製作食物。是拉差牛油雞翼 $48蜜糖加牛油味道甜甜地很惹味，好味又抵食，雞翼是單骨，很容易食😋😋😋老撾網蝦米紙卷 $48內裡材料豐富，蝦又大大隻，整得十分入味，食得津津有味！老撾咖啡 $17咖啡很香濃細滑，帶點甜甜的，令到咖啡更加滑，更添美味😋紅奶茶 $17有點像泰式奶茶，帶甜甜的味道，調得很入味👍🏻整體來說，服務員都有友善，服務很好和食物質素都很好👍🏻

成個晚飯最鍾意係白咖喱雞肉見球！😍一上枱見到成個碟裝滿曬飯、餸同汁，一d蕯都冇！真係一d都唔同你慳呀！食第一啖——好味到大聲講左句：「好好味呀！」爭d大聲到成間餐廳都聽到😹🙈。朋友即刻問我有冇咁誇張呀。話你知——一d都唔誇張，你試下就知。第一啖係食個飯，一入口有好香椰汁味，佢值得一讚嘅係d椰汁唔會好甜，剩係將個香味帶出黎。試到個飯酸酸地，好奇之下問左侍應係咪落左醋，佢話原來係d白咖喱汁落左青檸！唔怪得入口咁香、咁好味啦！話佢d餸塞滿成隻碟一d都唔誇張，有草菇、蕃薯、薯仔、茄子、粟米等。真係好鍾意呢個飯呀！😍有我鍾意食嘅蕃薯同薯仔。雖然薯條唔係主菜，但造得一d都唔馬虎。熱辣辣，外皮重脆架！米粉食左兩個：一個豬頸肉粉，一個海鮮粉。豬頸肉粉豬頸肉夠腍又入味，厚薄剛好。有好多芽菜、椰菜、香葉、炸蒜、同胡椒粒重有豆卜。米粉較平時食開果d粗dd，更有口感！海鮮粉一上枱不其然「嘩」左一聲！事關佢有好多大大片嘅蝦片鋪喺米粉上面！畫面好震撼呀！再加埋d海蝦，絕對要相機食先呀！除左蝦重有蝦餅同魷魚仔同蠔豉仔。

呢日同同事去左中環威靈頓街附近做嘢，知呢頭有好多好嘢食，收工就一於去食下未食過嘅老撾菜啦！食完又可以趕得切襯颱風山竹未嚟就返屋企。餐廳裝修頗有異國風情本餐牌入面都有幾多選擇老撾牛肉100%全米湯粉 ($78) - 材料豐富，牛柳片、牛丸、豆卜、芽菜、洋蔥、心里美蘿蔔、金不換、老撾米粉等……牛柳片、牛丸牛味濃，口感爽嫩；牛骨濃底香味濃郁；老撾米粉米味濃，好食！老撾豬頸肉100%全米湯粉 ($78) - 豬頸肉厚切，口感爽嫩，亦以豆卜、芽菜、洋蔥、心里美蘿蔔、金不換作配料；配上濃郁鮮味嘅海鮮湯底，既豐富又好味！老撾燒雞肉卷沙律 ($68) - 賣相吸引，燒雞肉、青瓜、番茄、椰菜、生菜、乾蒜、粟米仔及心里美蘿蔔，食材新鮮，配上用魚露及青檸汁等調製酸酸辣辣嘅鮮味醬汁，爽口鮮味，清新醒胃！老撾網蝦米紙卷 ($48) - 彈性豐富嘅米紙入面包有網蝦、青瓜及米粉，網蝦外面鬆化，蝦肉新鮮，青瓜爽脆，醬汁酸酸辣辣，口感層次豐富味美！熱老撾咖啡 ($17) - 以精美嘅咖啡杯上枱，同越南咖啡一樣都係滴漏咖啡及用煉奶調味。咖啡味道香濃中帶有獨特嘅香味，推介！凍老撾咖啡 ($19) - 口感非常順滑，亦係唔錯

來到一家老撾菜餐廳，餐廳老闆是上過電視的美男廚師。未食已經感興奮，因為可以親身感受一下靚仔廚師嘅廚藝， 仲要係我未食過嘅老撾菜， 超令我和朋友期待。打開餐牌都見到有好多選擇， 今次叫了老撾青芒果沙律、是拉差牛油雞翼、老撾扎肉墨丸100%金米湯粉、 老撾素肉太陽見求，仲有嘆返杯老檛咖啡。味道方面，前菜老撾青芒果沙律，青芒果絲很清新，沙律汁酸酸甜甜，算不錯。是拉差牛油雞翼，做法是單骨雞翼，微香辣，是惹味的。老撾扎肉墨魚丸100%金米湯粉，份量十足，湯甜扎肉同墨魚丸都彈牙。老撾素肉太陽見求，素肉原來是豆腐卜同配上草菇，味道也不過不失。最後嘆返杯老檛咖啡，好香濃的咖啡香，是我喜歡的 滴漏咖啡，茶杯十分漂亮。

平時通常揀食咩，都會先揀食咩國家菜式入手，最常都係泰國菜、日本菜、韓國菜或者越南菜，今次特別d揀左老撾，係咩黎？試過就知係好野。重點係夠平價🤤🤤門口好易搵生牛肉湯粉，一開始以為只係普通野，但係食落有驚喜，呢度既牛丸同街買既唔同，充滿住肉汁，食完會想繼續食，而牛肉片有4大塊，好重牛肉味，睇得出用料係有誠意既。另外，佢既粉面同平時食既唔同，好有口感，下次食都會再叫蝦米卷，入面夾左香葉，味道唔錯炸蝦餅，最緊要係夠彈牙，呢度都唔錯豬頸肉，平時既都係好薄既肉，而呢度好足料，仲好入味，有肉汁，好中意食呢個。辣味雞翼，好特別，但可以再加辣香芒糯米飯，椰香夠，整體夠夾，唔錯現場環境

唔知大家有冇食過老撾菜？😌如果你係熱愛泰國越南風味嘅菜式，甘QT要推介你去試下老撾菜！包你一定歡喜呀😙 其實香港都有地方食到嫁！依一間位於中環由靚仔廚師陳希裕打理，😏個個上過最新一輯美女廚房靚靚囝囝個個呢～佢帶俾大家正宗傳統老撾風味！好味就緊嫁喇，味覺有享受，女士們視覺都有😏 必試佢地嘅湯米粉！米粉100%全米制作有溝其他粉嫁！所以食落會好重香米味，而且口感幼滑，每日限量嫁，手快有手慢無！！QT當日去到餐廳遲左，結果賣晒想食都冇！最後轉食【見求】；即係飯甘解。我食嘅係燒豬頸肉飯，豬頸肉夠晒大份量又爽口，最正係個醬汁😍香茅味撲鼻而來不搶喉，而且食到椰奶嘅香滑！前菜黎d開胃沙律！青芒絲上爽口配以酸酸辣辣👍🏻👍🏻👍🏻即時胃口大開。另外士拉差醬雞翼同樣香脆可口，以單骨形式方便食用！炸得夠香脆而不失去水份，內容係好juicy 嫁！有少少似咕嚕肉味但冇咕嚕肉咁算而且帶少少微辣，食到老公讚不絕口。食咗咁多炸嘢酸野你都清淡米紙卷個平衡返就啱啱好喇！最後必飲老撾熱咖啡又係正！👍🏻👍🏻👍🏻 係咖啡版嘅茶走啊！香滑濃！雖然我平時飲開咖啡咁厚身，奶感都唔重，但偏偏就做唔到重咖啡香味仲好滑口！呢個正正就係煉奶嘅

朋友上網見到呢間老撾菜，聽講係美女廚房某個嘉賓廚師開的，從來都未試過食老撾菜，覺得幾特別。可能太早嚟到嘅關係，都未夠七點鐘，餐廳都未有人，我哋感覺好似包左場咁老撾豬頸肉沙律 $68呢款沙律好特別，比起其他一般的沙律多咗其他款式的菜，而且豬頸肉唔係平常食到一篇片，而係一嚿嚿厚切的豬頸肉，肉質豐富， 10分有咬感是拉差牛油雞翼 $48雞翼炸得好香脆，佢哋一開始已經剪開一半落去炸，方便我哋女仔食海鮮米粉 $88分量大大碗，啱啱好夠兩個人share，入面啲海鮮配料都十足，有幾隻肥美的蝦，另外仲有蝦餅魚餅魷魚圈等等，味道豐富。芒果黑白糯米飯 $38最後當然唔少得芒果糯米飯啦，佢呢隻芒果糯米飯都幾特別，啲汁係藍色的，有濃濃的椰奶味，配上糯米飯， 10分吸引，另外芒果亦都係甜嘅 十分喜愛的一道菜式！總括來講，呢間老撾菜都幾有驚喜，喺中環地區以咁樣嘅價錢，有咁樣嘅質素確係不錯，值得推介

之前都有好多報導講呢間由老撾皇族後裔開既老撾菜的餐廳，開係中環位置都算方便，餐廳設計都有D特色，如果燈光柔和度高D，感覺會更舒服牛肉粉 ＄78呢到出名係用100％全米米粉，所以不得不食～小妹愛牛肉當然要食返個牛肉粉啦！睇落都幾大碗，2個人分再加小食就岩岩好。牛肉好滑而且肉味濃，唔錯唔錯。湯底亦都好濃味而且唔會係味精湯，就算食完都唔口渴。米粉就有少少未煮得透，仲有D硬不過連湯一齊食都幾好味手打蝦餅 ＄48一共有6小件，如果然擺碟靚D好似會吸引好多。菜單寫係手打蝦餅，食落都爽口不過蝦味唔夠勁是拉差牛油雞翼 ＄48雞翼即叫即炸，有8件開邊雞翼，雖然話加了是拉差但一D都唔辣，食唔到辣既都可以一戰總括，小妹好鐘意食湯粉所以應該都會再去食，呢到牛肉粉係小妹今餐覺得最好味既

難得放假之前見到好多人去大館我又湊下熱鬧去行下行完又做我最鐘既做既野就係覓食經過呢到見到呢間野’施心畢’就決定黎食個名好特別我相信野食都會好特別原來呢到食老撾野食 我地叫左個豬頸肉粉一上餐見到真係嘩左一聲好多好大份量湯底味道調得好好唔算好鹹連埋米粉食岩岩好米粉口感比較爽口但又唔會硬身而豬頸肉好厚好足料好似豬扒咁 呢個老撾小食拼盤好抵食唔單止有唔同小食仲有米紙同生菜包住唔同小食再點下酸辣既醬汁好開胃岩哂一班朋友上去share 食東南亞野食我就諗起扎肉同米紙所以就叫左個扎肉米紙卷上碟好靚米紙卷好大件食落好滿足最特別係入面好濃郁既香料味食落有種花香味香草味好清新亦都好特別  我同朋友都不約而同咁揀左荔枝梳打梳打味比較重欲品最底有幾粒荔枝好好食好似食緊’巨峰’荔枝咁

中環搵又平又好味食肆難過登天,今晚去咗間主食都係幾十蚊的越南菜,價錢平過茶記,$17杯滴漏咖啡(午市係免費),平霸全港島!!!!l呢個都唔係重點,重點係杯咖啡真係好香同埋某些菜式唔係一般越南餐廳可以食到令美覺興奮 真心講句自從銅鑼灣"越南蔡"執咗之後,就搵唔到一間似樣啲嘅越南餐廳。 今日比我搵到哩間,好開心🎆但如果主打食裝修就唔好來啦。青芒果沙律配有"心里美Shinrimei Radish"好味又靚靚,現時好少餐廳用。海鮮米粉足哂料,湯底香濃。紅咖哩素菜(見求=飯), 米飯好煙韌,份量十足滴漏咖啡香滑,飲完想再叫多杯,但夜媽媽驚瞓唔著都係忍住唔叫。

係中環想搵間有特色又唔貴又方便既餐廳真係唔多，今日朋友介紹呢間同其他東南亞菜式好似既老撾餐廳，主要以香料、香葉、辣椒、薑、蒜等秘製醬汁煮野食。入到去見佢地裝修設計夠哂簡單，再帶點隨意。而且有邊喺玻璃窗，晏就黎食既話仲可以見到太陽伯伯。先黎佢地既特式梳打飲品，消暑一流~單骨雞翼(蠔油)一d都唔貴既單骨雞翼，食起上黎夠哂方便。入口有小辣，香脆，夠哂惹味。怕辣既朋友都食到嫁呢個豬頸肉沙律，好多配料呀。先講主角豬頸肉肥瘦岩岩好，仲鬼死咁香口。側邊配上豐富既沙律材料，幾好味嫁~呢個米粉同我地平時食到既米粉有D唔同，佢口感比較張，但就好掛湯汁，清甜既蕃茄湯底，仲有可口既角餅蝦餅等等。我地兩個人都要D時間先食得哂....呢個mango sticky rice 真係好有驚喜，呢個sticky rice 同平時食到既有D唔同，口感似飯，有小小紅米，但就十分Q彈。而且芒果夠哂甜，配埋應該係有碟豆既椰汁，真係不得了!!

去中環探朋友順便一齊搵食，搵到呢間施心畢豐拼盤越南餐廳。7點左右上去，食物上得勁快，正！我同朋友都無肉不歡，我哋都好鍾意老撾小食拼盤(HKD68)。蝦同雞米網卷尤其出色，無油益味又唔會「油淋淋」，點埋個酸甜汁就更加惹味。蝦片最好同菜一齊食，會冇咁膩。雖然係食肉獸，但都要食吓菜嘅。老撾青芒果沙律(HKD68)好fresh，亦唔會好酸，清清喉嚨都唔錯。老撾豬頸肉100%全米湯粉(HKD78)嘅豬頸肉滷得好入味，口感幾腍又juicy。海鮮湯底都好正，好鮮甜，平時食麵會飲晒湯嘅我都覺得好正，所以今次都飲晒。老撾芒果黑白糯米飯(HKD38)加咗紫糯米喺入面，仲專登用一種藍色嘅海藻令到棷汁變成藍色，不過味道同平時食嘅一樣，冇變味，芒果都幾甜。我都係咖啡愛好者，試埋老撾咖啡(HKD17)，味道同越南滴漏咖啡好似，杯落咗煉奶底，但呢個價好抵飲。朋友飲熱南薑香茅水(HKD17)，佢覺得幾清香又暖胃，鍾意養生嘅朋友可以試吓。美味指數：8/10抵食指責：7.5/10

平日常常吃越南菜，泰国菜，我又怎少得吃老撾菜，一間平凡又親切的餐廳施心畢老撾餐廳是美女廚房的靚仔老闆開的，今天我，Juno, 一行二人要在這裏吃菜，平日午餐已很多人了!我們叫了兩杯茘枝梳打及先吃了一個蠔油雞翼，這個小吃既香口，又入味，而且因為單骨雞翼很濃味，我們吃到停不了口!我們最喜歡炸得香口的施心畢豐食拼盤，真的很豐盛，有又香又脆的蝦餅，彈牙又爽口的魚餅，米紙卷酸酸辣辣很入味，我最喜歡的還是網蝦米紙卷，口感一流呀!最後我們叫了一客海鮮全米湯粉，蝦又爽口又彈牙，自家制的湯米粉又煙又韌又爽口，加上自家制的清湯，我們全都吃光光了，最重要價錢很合理，我們真的大滿足了!

蒲老蘭條癮又發作,所以誓死都要嚟中環搵間餐廳食個晚飯,輕鬆一下 估唔到中環區都會有間價錢唔算貴嘅東南亞餐館,所以就拱咗上嚟看個究竟,見到裝修好簡單純樸,富有東南亞嘅情懷,地方亦都寬敞,坐得舒服,環境清靜,同附近嘈吵熱鬧嘅蘭桂芳相映成趣。 職員見我同阿肥都猶豫咗一陣叫乜好,就好主動走埋嚟講解佢哋嘅招牌菜同埋餐牌裡面嘅菜式,又有禮貌又細心。但係好可惜,佢話全米湯粉已經賣哂...哎呀我冇口福啦~再聽完佢一番介紹之後,我哋就決定叫以下嘅東東： 是拉差牛油雞翼$48蚊一碟~原來係單骨雞翼嚟,所以食起上嚟超方便,我好鍾意呀呢個雞翼好好味,炸到脆卜卜,面頭個醬汁酸酸甜甜辣辣地,好過癮,幾乎我一個人都可以食哂佢 白咖哩豬頸肉見求$78蚊一碟~第一次見「見球」呢個名,原來見求即係指糯米飯,有白糯米、紫糯米同白飯混合埋一齊,成碟嘢好大份,除咗飯仲有薯仔...好彩係兩個人share一齊食咋,如果唔係真係未必食得哂仲有啲青瓜呀小蕃茄呀磨菇呀做配菜,主要嘅豬頸肉份量亦都多,仲要係厚切嘅添!!!呢度嘅白咖哩汁好香,好特別,同<乜乜王>最出名嗰個係完全唔同㗎,呢個汁好重椰子味,亦都冇咁重味精,值得一

食野唔止係食野(好玄咁)，觀感都好重要！青芒果沙律一上枱，好colourful呀！車厘茄嘅紅、橙、黃、綠、生嘅豆同生嘅紅蘿蔔。生嘅紅蘿蔔未食過，今次第一次食，辣辣地，都幾特別。本身以為有芒果肉食，原來係青芒果絲加青瓜絲。真係要讚下佢d刀功，切得超幼！重有花生碎，硬嘅花生同軟嘅車厘茄加埋爽脆嘅青芒果絲同青瓜絲一齊食口感有趣。米紙卷係我食越南野嘅指定菜式。因個人比較鍾意食扎肉就嗌左扎肉米紙卷。米紙皮好煙韌，平時食開d扎肉都係切到好薄，佢個扎肉切到好厚，重有香葉同紫蘇葉，好香。是拉差牛油雞翼廚師好細心咁將一隻雞翼分開一半，方便進食。是拉差係越南好出名嘅辣醬，原本驚會太辣食唔落但可能溝左牛油，唔覺得辣，反而好似搽左蜜糖咁甜甜地，皮脆肉滑，好似韓式炸雞！忍唔住口食完一嚿又一嚿！