施心畢老撾餐廳

營業中

休息中

朋友介紹中環施心畢店主是有老撾皇族血統，跟過米芝蓮大廚學廚，餐廳名施心畢是以店主祖母的姓氏英文譯名改成，令我感覺非常有興趣。今日有時間，與先生一齊來到傳奇一樣的施心畢，餐廳裝修清雅，地方闊落。餐廳有兩款menu，regular及vegetarian，regular menu。侍㒣非常熱情，介紹了老撾海鮮粉，老撾豬頸肉全米湯粉，全熟牛肉粉，老撾青芒果沙律等。我們要了侍㒣推介的老撾豬頸肉沙律$68沙律內有非常美麗的粉紅色的心裡美，及車厘茄，生菜絲，青瓜粒，粟米粒，豆角粒，南瓜粒及炸蒜蓉。豬頸肉顔色帶啡色，非常吸引，切得很大件，入口帶香及口感夠爽，非常正。全熟牛肉粉$78。面上有紅椒及一條條的心裡美，顔色鮮艷吸引，還有牛丸，豆腐卜，炸蒜蓉，香葉，芽菜...等，少𣎴了主角牛肉及米粉。牛肉有少少𡁻口，有牛肉味，湯底帶㸃清甜，與米粉同食，味道不錯哦。是拉差牛油雞翼$48。是拉差牛油雞翼顔色金金黃黃，真是非常吸引，面上有少少炸蒜蓉，外脆內軟滑多汁，帶微辣及非常好味。最後要了2個飲品荔枝梳打$24。龍眼梳打$24。兩個梳打飲品都帶著梳打味及帶少少甜，我喜歡荔枝梳打有荔枝味及味道甜一點。

食厭了中日台韓食物？不妨走入中環，走到施心畢餐廳，一嚐老撾菜。小店非常寛闊，坐位非常舒適。原本想點老撾芒果黑白糯米飯，店員告知今日剛好售罊，非常可惜。看來要吃老撾甜品，還需要點運氣呢。小食的價錢相宜，故我們點了數款的小食。是拉差牛油雞翼雞翼以一字骨方式處理，進食時更方便。一碟小食中有八隻一字骨雞翼，足以兩至三人分享。雞翼上枱時還是熱辣辣，即叫即炸。其外層非常香脆，入口絕不油膩。其調味非常惹味，帶有少許甜味，而且不會好辣。老撾網狀蝦春卷店家炸物都非常出色，春卷炸得脆卜卜，入面釀有蝦肉，蝦味十足。老撾扎肉米紙吃了不少的炸物，吃點清淡點的小食。米紙的材料不會好花巧，簡單之餘不失美味。加埋店家秘製醬汁，簡直無得輸。老撾海鮮100%全米湯粉老撾粉有四種口味，我就選了海鮮。雖然是海鮮粉，但海鮮部份就不多，有蝦及魷魚圈。但其他的配料則相當豐富！有魚卜、墨丸、芽菜⋯⋯而且個湯底超鮮味！湯粉吸盡了湯底的精華，而米粉口感煙靭，好好味呀。加上大大碗的份量，一個食畢整碗真係會好飽。放在米湯粉上的脆片，單吃的話，味道較為單調，若放湯再吃，吸一吸湯的味道，更為美味。初嚐老撾菜，感覺與東南亞菜式很相似，不過這裹價錢

今日朋友約了我食生日飯，由於今日在中環工作嘅緣故，所以都揀返呢一區😸原來老闆係上過美女廚房，怪唔得知咁熟面口啦😝睇睇餐牌先。。。雖然七點半嚟到呢間餐廳，但有好多食物已經售罄🤷🏻‍♀️😅先黎一碟牛油雞翼，餐牌上有兩隻辣椒🌶️🌶️但其實唔係好辣。。。覺得個汁仲有啲甜，但值得一提嘅係，係單骨雞翼。再黎一碟春卷，春卷皮做得好薄然後我哋叫咗兩碗湯粉一碗係豬頸肉湯粉一碗係扎肉墨魚湯粉賣相幾靚，味道一般。普通不是十分出色。。。總括，這間餐廳是比較舊式的越南餐廳，但製作用心，都有70分💪🏻👍🏻

中環食野真係好貴，今日閒逛完就找左呢間價錢大眾化既餐廳試下，老撾菜都係第一次聽🙊。呢度裝修簡單，輕輕播住音樂，有種好寧靜既感覺。侍應同廚房夾埋得兩個人，但上菜速度都算正常，佩服。本身都好鍾意睇美女廚房，原來呢度係其中一個廚師開@@✨好彩都有好多唔辣既野食，飯類白咖哩都係唔辣的。✨先黎杯檸樂降下溫先～～～✨老撾雞肉100%全米粉（$68): 係我最愛既椰子湯底！！超興奮！！椰子味雖然唔係好濃果種，但係我好鍾意個湯底酸酸地，又有香茅，九層塔既香味，真係好特別好開胃😍😍😍😍。✨本身唔係話好偏好米粉呢樣野，但係佢呢個米粉ge 質感同平時食既有d 唔同。佢係帶d 煙韌同埋特別彈口，索埋個湯底勁正，唔通就係100%全米既分別？配埋爽口既芽菜食更正～✨我對個雞既評價都幾高，個雞係勁入味同惹味👍超好食✨老撾蠔油雞翼（$48): 呢個雞翼輕輕炸過，再沾滿蠔油，上面微微脆都幾香口，但又唔算好熱氣。 蠔油就唔係平時我地屋企食到果隻味，大概就係咸既醬汁，個人覺得咸味重左d~不過男友話唔覺～仲好鍾意。✨老撾網蝦米紙卷（$48）： 比平時食到既米紙卷大舊，個蝦包住網狀既脆脆，口感非常鬆化，呢個配搭幾香口幾得意。

有個朋友係中環返工推介我哋食呢個老撾菜佢話平時午餐超多人食所以我哋夜晚收工嚟試吓從來都未食過老撾菜好想知道究竟老撾菜係點嘅呢有睇美女廚房嘅話就一定認得呢個人我叫咗杯香茅薑水味道好特別叫咗碗海鮮粉原來係勁大碗㗎個湯鮮味十足小食叫咗雞翼係用蠔油汁煮嘅同出邊食嗰啲好唔同叫咗個白咖喱雞見球佢哋上菜嘅碟都好特別啲飯係紫米飯撈埋八咖喱係超好食嘅仲有個蝦嘅米紙卷嘢食唔貴叫咗咁多嘢食都只係三百幾蚊咋仲好有特色我覺得一生人點都要是一次老撾菜

好友特意跑來中環找我食飯，太耐無見，有點感動耶。 叫我跟佢去覓食，話美女廚房評判之一在中環有間餐廳食老撾菜，聽落又特別那今晚餐廳就食呢間。中環租金出名貴，而餐廳位於大廈內已見怪不怪。餐廳簡單但帶有特色，一入餐廳就見到靚仔老闆的招牌相。而老撾菜又有咩特色呢，睇睇餐牌是拉差牛油雞翼已細心處理左既雞翼十分方便進食，帶甜脆口而味道美味的小食。白咖喱豬頸肉見求白咖哩豬頸肉見求，看到顏色十分美麗，又紅又綠又黃又白，每色也齊，又做到均衡飲食，除了豬頸肉很香口，更覺得餐廳十分細心每款蔬菜份量不多但款式十分滿滿，除了飯另配有薯角十分驚喜，簡直是色香味俱全，比起別家的白咖哩更勝一籌老撾咖啡我還下了半包糖，原來底層放了練奶一攪才知道，咖啡味很香濃入口很滑溜糯米芒果飯最後也點了甜品，糯米飯跟剛才白咖喱豬頸肉見求是一樣，沒有特別甜，而芒果也算是甜美。在中環這價格可以享受這樣的美味晚餐已很滿足。

去完東南亞地方返到黎香港好想食返個種味道，所以特登黎到中環呢間施心畢撾餐廳食泰越風味！環境大，好有東南亞feel，坐得舒服！老撾燒豬頸肉 $48超超超好食呀仲係好厚切架，啖啖肉好有口感，唔會燒得好乾，係我食過最好食既豬頸肉！老撾炸魚餅 $38/5塊魚餅炸得唔會太油，夠入味，肉質彈牙老撾牛肉100%全米湯粉 $78呢碗米粉不得了，好正宗既味道，麵質唔會太硬唔會太軟，爽口彈牙，牛肉唔會鞋口，好嫩滑，湯底十分夠味更十分野味，呢碗全米湯粉十分出色老撾網蝦米紙卷 $48內裡既炸蝦好大舊，香料味唔會太重更唔會遮哂個蝦味，好岩我口味黎到甜品，緊係唔少得老撾芒果黑糯米飯啦！$38黑糯米飯唔會太硬身又唔會太過濕，好煙煙銀銀，芒果唔會酸，十分甜，食完真係夠哂滿足啦下一次可以再黎試下其他未食過既小食先

早排 睇美女廚房 見到除左秋生外仲有一集請左Justin廚師原來係開老撾餐廳所以上網search下 有咩好食我對青芒果沙律 同 100 %全米湯粉 最感興趣打聽左 原來 中環開的而且地點都好方便中環D2出口行 5 mins就ok入面都好多人 (張相係我食完影) 睇餐牌 見到想食的因為出面 d米粉/線好多都mix左其他粉但我真係想食個全米湯粉呢個係燒豬頸肉唔太多醃料味反而食到啖啖肉 因為出面好多豬頸肉都會整到好乾而呢個就無呢個問題 而且仲有個汁俾你點咁就唔怕無味la老撾蠔油雞翼佢地係單骨雞翼來的食時好方便 而且肉同骨都好易分開老撾網狀蝦春捲佢地用米紙捲包上菜時建議要快d食因為米紙 好易風乾轉硬入面有蝦 仲有米粉絲好豐富口感 再配埋個醬炸魚餅感覺有 泰國味道是拉差牛油雞翼呢個係其中一個招牌菜式雖然我唔食辣 但我單吃雞翼係唔辣的而且好香牛油味所以呢part就要靠我hubby去描述la佢話落左是拉差醬 係好味好多個味道好match唔會因為辣而搶走個牛油味老撾青芒果沙律呢個係我其中一個最後好多時食泰野 都會叫青芒果/青木瓜 沙律好多時都會好辣 even叫少少辣但呢個我無mention要少辣但做我

朋友要求試新菜，經過一番搜尋下選中這間老撾菜，一定未試過！店名十分特別，google了一下，說施心畢是老撾藉店主祖母姓氏，開店純因爲懷念祖母及傳承老撾飲食文化。如此有心食店，實在值得試一試！店內環境比較平民化，而且價錢亦十分親民，於名店林立的中環實在很難得朋友點了老撾牛肉全米湯粉（$78），先試湯底，清甜有牛味，最特別是米粉，與平日食到的質地完全不一樣，極之彈牙煙韌，食落吸滿湯，讚！我點了白咖喱豬頸肉見求（$78），見求於老撾意思即米飯，店方用上紅米飯、黑糯米，配上厚燒豬頸肉，加上蔬菜如南瓜、青瓜、生豆角、茄子等，十分大堆頭。白咖哩汁不辣，少少甜，送飯令人食不停口小食點了豐食併盤（$88），有米紙卷、炸春捲、魚餅等，米紙卷有酸辣醬汁點，食落極之清新，配上生菜亦減輕了油膩感，讚！再點了是拉差醬牛油雞翼（$48），店方細心弄成單骨，方便食用，牛油味較淡，但甜甜的再加上花生碎，十分可口可惜甜品糯米飯已售罄，下次一定要試！

返工經過IFC的天橋，收到呢間餐廳的宣傳單張，所以同朋友就決定一試。其實餐廳嘅環境比較普通，並非走優雅路線！可能剛新開，晚餐都不是太滿座，岩哂怕等位的朋友！ 它的餐牌就只得四頁，好有D 食材仲要因爲lunch time已賣哂，無得叫了！ （所以我估lunch hour，呢間餐廳好受歡迎，搞到我都決定約同事另外lunch time黎食）老撾燒豬頸肉完全高於預期水準，燒得剛剛好、又入味！豬扒好厚肉，有質感，又唔會太硬！同朋友都勁讚老撾海鮮金湯米，它的脆餅原來係由米整成的，同平時我地街食的不同，會較脆及香口！海鮮係足料的，有蝦、有魷魚、有墨魚丸、有蝦餅！老撾燒雞肉卷沙津，比預期中大份+ 賣相100分！ 用黎打於一流！一眼睇哂有咩材料，無花無假，撈埋一齊食，不同口感不同fresh度，是拉差雞翼，本身見到有辣椒圖案我怕怕，但朋友好堅持食呢款口味，一落枱，已經聞到有辣味，但食落居然唔辣，酸酸甜甜咁！大愛因爲呢款雞翼好少有得食，強推！ 必須要食！老撾網蝦米紙卷，嚟到越南餐廳一定要食米紙卷試一試佢嘅水準，呢個米紙卷絕對唔會令你失望，入口係感受到多重口感，絕對值得食。兩個人係中環食晚飯，居然係呢個價錢絕

剛到客戶公司開會，直落數小時會議，人都呆呆地。開完會，差不多都到晚膳時間，同事話不如吃完才回家吧。上網找了附近的食店，見到這間老撾菜，幾特別，又大獲好評，便即管一試。上來後，佈置有D簡約，有D越南風味。在餐牌上有特別提及施心畢的由來，原來是老撾皇族後代，又幾特別。坐下看餐牌，又發現有趣事，他們的飯叫見球，如無圖片，真是唔知是什麼來。我們二人叫了豬頸肉紅咖哩見球、海鮮湯米粉、素菜米紙卷和是拉差牛油雞翼。飲品方面，我叫了特別的老撾咖啡，同事叫了龍眼梳打冰。先來的是咖啡，是滴漏咖啡，好似越南咖啡，好正，係我至愛。再來是紅咖哩飯和湯米粉。飯有好多配菜及用上三色米，好健康，D豬頸肉好冧，飯配上咖哩，好好味，有少許辣。嗰米粉好多料，抵食，再看回餐牌才知道，米粉是自家制造，100%用米做成，又幾健康咁。跟住來的是米紙，好清新，好有薄荷香味，喜歡吃薄荷的一定會喜歡。最後來的是雞翼，抵讃的是，佢哋做成單骨雞翼，容易進食，可以保持儀態。雞翼如空口吃，會偏咸，配上米粉或飯剛好。雞翼炸得鬆脆，個人感覺有D似韓式炸雞。

受朋友的邀請, 一同去嘗試一下在香港少有的老撾餐廳。這一間餐廳名為「施心畢老撾餐廳」, 位於中環威靈頓街附近, 就離中環中心不遠的一棟商業中心裡。走進餐廳裡, 少了一些東南亞的味道, 反而覺得很有格調和玩味感, 有點像走進一個室內大排檔的地方, 而且四處有類似粉筆畫的壁畫和海報。那些壁畫望落去都是一些與老撾有關的圖案, 有時間大家不妨可以欣賞和研究一下。老撾是東南亞的一個國家, 是泰國的鄰國, 所以食物方面與泰國菜有點相近。這裡的餐牌都是圖文並茂, 不用太擔心自己會叫錯食物。而且這間餐廳的侍應都是懂得說廣東話, 有咩唔明白或要求都可以隨時與侍應提出, 不怕有溝通問題。雖然這餐廳位於中環旺區, 又是冷門菜式, 但價錢卻十分親民, 沒有中環蘇豪區的貴價。食物方面, 今晚我和朋友都吃了不少款式。首先來個招牌的青芒果沙律, 青芒果絲加上沙律汁的酸令人非常開胃, 而且加入無花果和蓄茄仔, 顏色鮮艷, 是夏日色彩的代表。老撾小食拼盤, 有魚餅、春卷和網蝦等等的小食。有趣的是拼盤會附上一盤沙律菜, 可能是為了讓食客可以用菜包住食物來吃, 減少油膩的感覺, 很貼心的安排。老撾蝦片, 本來我是幾期待的,

作為一個喜歡食好西的人，一定會時常八卦香港有乜嘢特別嘅嘢食。最近就喺OpenRice上面發現，喺中環有一間餐廳好特別，菜式非常冷門，食老撾菜。我知道老撾應該位於泰國的附近，所以我原先估計老撾菜的菜色應該跟泰國菜有點大同小異。無論如何，咁冷門的菜式都值得我和朋友去試一試。這間老撾菜餐廳名亦好特別叫「施心畢」，我唔知道施心畢究竟係一個地方名定還是係一個人名呢？反正我沒有深究下去，食物最重要。施心畢就坐落喺中環的一座商業大廈內，要上樓先食到。一出電梯便很容易見到私心的霓虹燈招牌。一坐低打開餐牌主要有四頁，三頁是食物，一頁是飲品，雖然菜式選擇不算多，但有少少意外的是這類的老撾菜式並不是真的與泰國菜很相似。雖然你也會看到蝦餅、豬頸肉、牛油雞翼等等的食物，但老撾菜的煮法卻完全不一樣，連味道也不太相同。這是老撾蝦片。他與我們平時吃到的泰國蝦片或印尼蝦片的口感上有些不同。平時吃到的蝦片是鬆脆的，而這類的哈片口感上卻有些像米通一樣的，非常特別，脆得黎又帶少少硬度。而且蝦片的伴碟是用乾辣椒和花生襯托的，那些乾辣椒是經過油炸，完全不能辣。這個是老撾小食拼盤，有魚餅、網蝦、春卷和一盤沙律菜。這些小吃拼盤就有點

同事farewell lunch，大家又唔想食得太hea，但又想搵啲價錢合理，於是搵咗依間標籤住「老撾菜」既餐廳。其實當日有成11個人，叫咗好多野食，但地方問題，唔可能周圍行，逐個影唔晒。我地有人叫咗「老撾海鮮100%全米湯粉」、「白咖哩雞肉見求」等等.......我就叫咗「老撾豬肉碎太陽見求」再加「老撾咖啡」。首先，個太陽非常吸引，睇落去已經好有蛋味。豬肉碎同泰式有少少分別，依度係睇得出用人手剁出黎，有大有細。啲見求好健康，睇落係紫米飯。總括，食落去香料味道不太重，味道好好！！至於杯咖啡，絕對的南洋咖啡，加煉奶，好滑，咖啡味好濃，好得！午餐本身已經包埋杯熱飲，加少少錢可以轉凍飲或者特飲。

Got here 1300 on a Saturday. Five tables of customers. One chef one waitress. The poor girl was totally overwhelmed. She had to run in and out of the kitchen for all the tasks. She spent 15min doing a big takeaway order. There was no one at the door to wait the table. There was no one to hand out the menu. There was no one to get the bill. A table of two girls- no one talked to them for 20min after they walked in. Food was actually good. I had a beef noodle and it was full of favor. Note to mana