施心畢老撾餐廳

營業中

休息中

星期五的晚上，約了和友人相聚。住大西北的筆者實在不熟悉對面海的環境，經友人的推薦，穿街過巷來到這家「施心畢老撾餐廳」。不知是剛開業還是地點較偏僻的關係，即使正值晚巿時段也不過是坐了寥寥數人。不過這樣也好，變相可以和友人大聊特聊。筆者踏足中環的日子少之又少，印象中甲級商業區的消費水平也頗高的。翻開「施心畢」的餐牌一看，菜式價錢大都在40-80元之間，如此親民的定價令筆者很驚喜。雖然未能分清老撾菜和平日所吃的越南菜有何等分別，但反正都是同一地域，就一試當地名菜——米紙卷。包在米紙上的第一層是生菜和青瓜這些菜蔬類，霎眼看下去這幾件卷物都是主綠色，感覺好fresh好健康。米紙卷口感層次豐富。第一口吃到的是青瓜生菜的爽甜，然後是包在中間的米粉，還有主角網蝦春卷的咸脆惹味。蘸上碟邊的醬汁佐食，味道更濃郁。老撾菜果然有意思，這牛油雞翼和筆者吃過的牛油雞翼是截然不同。雞翼入口有一股濃烈的孜然味道，有一刻誤以為是夾了羊肉。炸雞翼配上灑在面上的炸蒜和醬汁，味道甚濃。若愛清淡口味的朋友可能會較抗拒。筆者欣賞餐廳肯花費時間工序把雞翼處理成單骨，令食客進食更方便。筆者點餐時，好奇上網查了什麼是全米米粉。原來全米

聽講中環餐廳都係午餐時間人多，晚餐比較冷清，咁就梗係唔好中午去迫啦。同同事放左工搵下食先。落到中環半山扶手梯，上左去試間老撾菜。本來都唔係好知食咩架，但我諗試下新野冇壞嘅。餐廳在4樓，坐低幾舒服，店員細心咁話我地知邊度係風位，安排左近窗坐。我地兩個女仔叫左牛肉100%米、老撾薄餅、蝦米紙卷、是拉差雞翼同飲品。牛肉米係輕量，湯香麵入味，牛肉比較大塊。飽肚得黎唔漏。薄餅係蛋底，在芽菜扎肉同香料。唔會係滯住，反而幾有早餐感覺。米紙卷隻蝦幾大，秘制醬汁好好食！我最喜歡就係是拉差雞翼，單骨又香脆。都有大概10條，開胃甜酸味，仲有少少辣！

Been a while since we eat at central for dinner so here we came all the way to this small but delicious 😋 restaurant. To be honest, we didn’t have much expectation for this place. But it indeed surprised both of us in various ways. as a coffee lover, I would definitely recommend their coffee which has been filtered and in a cute cup. we ordered two side dishes - the first one was this meat roll, the sauce on the side tasted very special (not something we usually can taste) the second dish was th

好多人都聽過老撾呢個名字，就知道佢係一個東南亞國家，但對佢嘅認識少得可憐。今日黎到呢間食老撾菜嘅餐廳，可以揭開神秘嘅面紗。施心畢係一個老撾姓氏，創辦人更係老撾皇室親信的後裔，而且仲上過美女廚房做嘉賓評判。老撾同泰國菜越南菜相似，但著重食物本身嘅味道，用嘅香料比較少。叫了一份豬頸肉沙律，魚餅，白咖哩豬頸肉見求，仲有是啦差牛油雞翼。豬頸肉沙律只有蔬菜同一個魚露汁，很簡單很清新，其實食沙律就係為了健康，唔需要咁多既調味，只要食材新鮮，一個簡單的魚露汁已經帶出食物本身既甜味。呢度既豬頸肉唔同一般碳燒的切得薄薄，而係厚切，所以口感特別豐富。白咖哩豬頸肉見求，見求唔係求你見下我，其實係飯既意思。白咖哩好特別，比沙嗲王既白咖哩多了一些香料的味道，呢個味道係薄荷？係九層塔？不知道，反正就係好味。裝載住咖哩的碟，係用竹交織織成的，可以滴水不漏，非常神奇。小食的魚餅同是拉差牛油雞翼少少辣，好惹味。魚餅好彈牙，雞翼係單骨，炸得外脆內軟，加上是拉差的味道，正！

中環食晏時間多人就係人都知如果想搵間可以book位既，又會好貴咁岩見到呢間可以book位又唔算好貴就試下新野啦。樓上餐廳黎講都唔算少位，但係大部分都係book左枱既叫左個牛肉米粉其實d料都真係幾足，唔止牛肉，仲有牛丸米粉真係有驚喜係真係好米既米粉，好有味，好鐘意lunch set係包飲品既，我就叫左杯凍檸茶，但係唔知點解怪怪地唔係幾好飲價錢如果無記錯就係around 60-70, 中環黎講我覺得算係咁架喇，至少有得book位，坐得舒服，又唔使趕頭趕命有d餐廳係就算無唔趕時間，但係你都唔好意思坐得耐慢慢食

喺香港咩都有得食，但係老撾菜就真係未試過，今次跟住朋友就專登搭去中環試下。價錢同埋裝潢都幾貼地，坐得都幾舒服。首先叫咗個燒雞肉沙律，雞肉燒得好香，沙律嘅配料同份量亦都好，食落去好清新舒服。我燒豬頸肉份量超級多肉質都幾香唔算太油啲梳打唔會太甜但係佢有兩粒荔枝非常之甜加埋一齊口感唔錯本身想食芒果糯米飯大一最驚賣晒啦，睇嚟真係好受歡迎叫咗個冇蝦米紙卷口感幾特別第一次食米之卷有一啲特色嘅菜係入邊加埋啲肉食口感唔錯唔會油膩唔會肥幾清新春卷都唔錯

中環返工嘅朋友介紹我食施心畢老撾餐廳，井底之蛙嘅我都系第一次食老撾菜。朋友推薦我食牛肉粉($78)，賣相好色彩繽紛。大大塊嘅牛肉唔老唔韌，我仲好鐘意佢個湯底，好濃郁，同朋友share，一啖粉一啖湯，好快就見底，果然冇介紹錯。我食親東南亞嘢食都會叫魚餅($38)，今次都唔例外。魚餅熱辣辣上枱，食落都幾有魚味。我幾鐘意豐盛小食拼盤($88)，可以一次過試哂魚、蝦、雞、豬，拼盤連埋兩種醬料同一籃生菜。春捲外面一層超香口又脆卜蔔，裡面餡料適中，唔會太多太少，雖然系炸嘢但都唔會食到成口油。老闆娘仲教我哋用生菜包住一齊食，果然多一份爽脆口感。蝦餅大大塊，我個人覺得點醬更好食。第一次食老撾沙律，豬頸肉賣哂所以揀咗燒雞肉沙律($68)，估唔到材料咁豐富：燒雞、茄子、青瓜、蕃茄仔、生菜、洋蔥同粟米仔。雞肉外皮燒到脆脆地，肉質嫩滑唔幹，另外茄子都系燒過，幾惹味。野飲我哋試咗青檸梳打($24)同荔枝梳打($24)。青檸梳打有酸酸甜甜嘅青檸配上超夠氣嘅梳打，清新解膩，同雞翼、蝦餅、米紙卷都幾夾。好開心荔枝梳打唔系果只好假嘅荔枝糖味，清清地又有荔枝香，同青檸梳打一樣好夠氣，正！食完濃味嘅嘢食就食返個清淡啲嘅網蝦

美女廚房，食咗先講～記得係鄭中基梁漢文方力申嗰輯先好睇，近期嘅真係無乜興趣。但早前有集講起老撾菜，俾入面嘅後生老闆說話吸引所以收工過黎食下呢款冷門菜式。青芒果沙律。比想像中辣，用上魚露及櫻花蝦配搭，令到青芒絲食落無咁單調，咸咸香香中帶點爽脆口感，十分開胃。肉躁太陽見求飯。可以話肉碎仲多過飯，正。撈勻每啖都有肉碎好滿足。而且用上煮得煙韌嘅紫糙米，健康又好味。太陽蛋半凝半流心為米飯增添不少香味。肉碎好惹味又唔算好老，伴飯一流。素100%全米湯粉配素春卷。朋友因為食素所以點左呢個酸酸辣辣嘅米線，材料都好豐富有茄子／豆卜／冬菇／青瓜等等。試左一啖個湯因為用左青檸調味，酸酸地幾易入口。素春卷炸得熱辣香口，浸一浸湯底更好味。小食拼盤。個拼盤非常大份，有蝦餅／春卷／米紙卷／魚餅／雞及豬肉。非常喜歡沾米紙卷嘅是拉差醬，甜甜地中帶微辣令米紙卷更惹味。蝦餅香脆但油膩左少少，而魚餅就非常好食大大一件啖啖肉夠過癮。龍眼冰/荔枝冰。因為香茅水太好賣已經清晒，所以轉飲呢兩個。味道甜甜地好消暑下火，果肉又大粒爽甜，好飲。有時候就係要去唔同地方食飯行到攰行到肚餓，先發掘到香港嘅唔同地方美食。今次就俾我地發現左老撾菜，

自從上一次試過中環樓上鋪嘅餐廳有過不愉快經驗，今次呢間樓上嘅老撾菜俾到驚喜，大廚亦都係老撾皇族後人，所以味道正宗。呢間施心畢老撾餐廳回頭率可高。.餐廳裝修普通並非賣點，不過野食味道同賣點真係花足心思。.前菜揀咗青芒果沙律 $68沙侓中有唔同嘅蔬菜同香葉絲加埋青芒，廚師將沙侓扭左成半圓，顏色鮮艷，色彩繽紛，而味道酸甜加青芒爽身相當開胃。.炸魚餅 $38兩面煎到微焦香口，魚味濃烈，點住魚露，別有一番鹹香。.網蝦米紙卷 $48賣相似越南嘅米紙紙卷，相對比較淡味，比人小小清新嘅感覺，蝦味突出爽口。.海鮮米粉 $88好大碗其實若非大食的話啱啱好兩個人份量，上面海鮮有海蝦，青口，魷魚 等等，我覺得佢最出色嘅地方係佢嘅湯，無犯到一般東南亞餐廳嘅錯誤，一般東南亞餐廳嘅湯底都好重味精，而喺施心畢呢度我飲咗個湯都冇覺得頸渴，好似係老撾家庭食嘅粉面一樣，海鮮相對來講都新鮮，成碗粉食落去鮮甜可口。.去到最後想叫一碟芒果糯米飯做甜品結果老闆話今日太多生意芒果糯米飯一早賣晒，咁樣唯有等下次啦老撾菜其實無太特別感覺，只係當餐廳比心機煮出最好，客人係會feel到，呢樣就係我地去支持餐廳嘅原因

老撾，地理上係俾越南，泰國，柬埔寨同緬甸包圍住，曾被越南入侵，亦曾為法國殖民地，因此食物都帶有越南風味。依間老撾餐廳由星級廚師Justin Chan主理，試吓係咪咁正先。餐牌上見到100%全米湯粉，非常好奇咩叫做100%全米湯粉，味道同一般米粉有咩分別呢？叫一個牛肉100%全米湯粉試吓先。賣相同越南湯粉好相似，都有芽菜同九層塔，飲一啖湯，好香濃。再試一試個米粉，用全米製成嘅米粉好滑，咬落幾煙韌，食到微微嘅米香，同一般米粉好唔同。配料除咗牛肉之外，仲有牛丸添，成個米粉好豐富，亦好令人回味呀！仲有白咖哩雞肉見求，見求即係飯，用白米，糯米同紫糯米煮成，好有咬口，再加埋少少椰香，我都幾鐘意。雞肉有香茅嘅香氣，唔會煮到太柴，都不錯。米紙卷用上米紙包住生菜同薄荷葉同米粉，仲有炸蝦，一啖咬落去，除咗清脆嘅生菜，仲有香滑嘅米粉，炸到脆卜卜嘅蝦，口感好豐富呀！

第一家寮國菜終於登陸香港比起老撾我還是習慣叫寮國星期五晚上來朝聖一下型男大廚順道懷緬當年我在寮國的日子飲品點了青檸梳打和熱南薑香茅水先點了青芒果沙律作頭盤有別於當地的特辣味道這裡已調較得比較適合港人口味味道有點魚露和蝦醬的味道五味紛陳感覺清新開胃網蝦米紙卷的包功一流餡料厚實豐富極富口感見求是米飯之意但詞源從缺白咖哩豬頸肉見求份量巨大有肉有菜有瓜有薯角有咖哩飯是寮國人常吃的糯米飯香葉肉碎太陽見求香料味突出兩款飯類都有寮國特色也吃得飽肚突然憶起那年在湄公河岸跟我一起談人生的那位年輕僧侶你還好嗎

對於冷門菜式，總有一種好奇心，果種心思思同難以抗拒嘅情懷係好濃厚嘅，所以今日決定約個朋友去中環食一家老撾菜館呢間老撾菜Search過，食物價錢真的算係中環嘅貼地價，而且佢都係屬於近排有點點捧場嘅餐廳！點解？因為「施心畢」係老撾皇朝嘅姓氏，老闆都係老撾皇朝嘅後代，皇族老撾菜！個名好架勢咁呢！其實老撾就在越南泰國隔離，我諗其菜式都近似呢兩個國家但都係點都想見識吓咩叫老撾菜！哈哈！施心畢老撾餐廳位處一商廈「翡翠中心4樓」，一出電梯就喺餐廳，無門面可言，入面更是無過多裝潢設計亦非常簡單，水泥地、不鏽鋼枱、木櫈，但都好大好闊落，環境開揚乾淨！坐得唔會唔舒服！餐牌好簡單，底面兩頁紙睇晒，唔知係味通用餐牌嚟架呢！有老撾見求、老撾粉麵、老撾沙律、老撾小食、老撾甜品、老撾飲品等...價錢是相當貼地，數十元就可以食一個主食了！見啲小食唔貴就點了-是拉差牛油雞翼 $48一客6隻，雞翼用左單骨式既製法，食起黎會方便好多！雞翼以牛油及泰國是拉差辣醬做但出黎效果味道偏向甜甜的，故色澤艷紅，top up架上左香脆既炸蒜，味道互相配合，但入口頗有辣勁，味道好濃郁，食到一種新穎既味道啊。不過愈食愈辣既...真喺越食越辣

今日因為一間餐廳認識左一個東南亞既地方，叫做老撾，食既野介乎泰國與越南之間也，初初入黎既原因，係中環邊行邊睇食咩，就見到呢間施心畢老撾餐廳,因為個名就決定係呢度晚餐啦無睇過任何COMMENT 就入黎,帶比我唔少驚喜,叫左以下幾款食物老撾札肉墨魚100%全米湯粉~配料就有札肉,墨魚丸, 仲有大量芽菜, 100%全米湯粉,感覺同其他米粉比較較為淋身,亦都好吸湯,係唔錯既湯粉選擇白咖哩豬頸肉見求~白咖哩汁調味好好, 除左豬頸肉之外, 仲有茄子日,草菇,豆角.仲有好多件既薯角...有肉次餘,亦都照顧到營養均恆,重點是配上紫米飯, 每1啖都好有口感施心畢豐食拼盤~拼盤真係好豐富,有春卷,魚餅,米紙卷,炸米餅~全部都熱辣辣,配有2款醬汁,1隻酸酸甜甜,另1隻味道較似魚露! 咁多款小食.最欣賞係米紙卷~~盛意推介熱紅奶茶~以為會係一般既港式奶茶, 但原來茶底係唔同既,好有茶香味,味道亦唔會過甜 (嗜甜亦可自行加糖),而且大大杯,好欣賞!題外~米粉上碟既時侯 (店員先動送上1隻吉碗比我地SHARE)....好appretiate 呢種proative 既service

朋友: 今晚去食老撾菜我話: 下？食乜架？老撾喺邊？朋友: 我都未食過。老撾....應該係東南亞啦！就係咁，兩個未去過老撾，唔知老撾喺邊，未食過老撾嘢，唔知自己將會食乜嘅人就嚟到施心畢老撾餐廳。餐廳就喺威靈頓街，半山自動扶梯旁邊，好易揾。上到去先知原來餐廳老闆就係經常喺電視見到嘅型男廚師！因為我見到佢本人喺廚房煮嘢俾客人食呀！睇吓個menu, 原來真係同泰國、越南嘅食物好似。係咁就正喇，我本身都好鐘意食呢兩個國家嘅菜式！我哋叫咗個牛肉米粉、白咖哩雞肉見求，同埋鮮蝦米紙卷。牛肉米粉標榜係100%米造，食落去味道我覺得同平時嘅差不多，不過就較煙韌，朋友就話比平時食開嘅米粉滑。牛肉湯底好甜，有豆蔻、八角、嘅香味，味濃但湯頭清澈。白咖哩雞肉見求，好特別嘅名！原來見求即係飯！成碟飯色彩繽紛，好有睇頭！飯係帶有紫色嘅，唔知係咪混入紫米，食落淡淡的椰香，就咁食都好好食！白咖哩味道好似沙嗲王果種，完全唔辣，又帶有咖哩香味，適合不嗜辣嘅朋友。雞肉煎香過，但完全唔鞋，仍然保持嫩滑！仲有多種不同顏色嘅蔬菜，令成碟飯 生色不少！最特別係配菜之一係炸薯條！食晒真係澱粉質爆錶，但又炸得好香脆，幾好食，令人好難忍口

說實話，其實是我之前是沒有吃過老撾菜，純粹是在中環覓食是被餐廳名吸引了才會找上門，搜尋下老撾鄰近泰國和越南，飲食文化相近。施心畢是老撾皇朝的姓氏，也是老闆祖母的姓氏，他從小從祖母身上學懂烹調老撾菜，連也特意用上施心畢作為餐廳名。餐廳面積算大，桌子之間的空間很足夠，星期六六時多不算太多人，但聽說平日會比較，先預約會較好。老撾青芒果沙律 $68以為會像平常見慣的泰式青芒果沙律，但此老撾青芒果沙律，單是賣相已經有驚喜，青芒果絲下是紅色的蘿蔔，非常鮮豔奪目，再加上辣椒碎及花生碎，配搭味道甜酸的醬汁，的確是一道適合的開胃菜。老撾網蝦米紙卷 $48網皮春卷和米紙卷相信大部分人都吃過，而這道老撾網蝦米紙卷就是兩者結合而成，透薄煙韌的米紙卷包著炸到脆口的網蝦春卷，再加上爽脆青瓜和新鮮生菜，口感豐富。再點上秘製醬汁，更添一分醒神惹味。老撾薄餅 $58老撾薄餅是以米紙卷及雞蛋烤成，上面扎肉、洋蔥和蘿蔔絲等，再淋上花生辣醬及青番茄醬，另撒了一點麻辣葉，口感香脆中夾著洋蔥和蘿蔔絲，又有扎肉的紮實，味道酸中帶辣又有蛋香。老撾牛肉100%全米湯粉 $78老撾湯粉對老闆來說是帶家鄉風味的Comfort Food，這