施心畢老撾餐廳

營業中

休息中

係openrice見到老撾菜覺得幾特別，而且又好似好多好評咁，所以就決定一試，點知就完全中伏。其實黎到見到都無咩客已經覺得有d奇怪，夜晚7點都可以得果1台客。咁唔理啦，諗住人少少靜靜地食個飯都幾好呀，當包場。叫左碗牛肉全米湯粉，非常大碗，但個湯底完全無味。d米粉食得出係超級市場最cheap果種米粉，咬落口感極差，感覺超鞋，同樣地又係無味。牛肉係好多既，不過無味又鞋。諗住枱面有d調味料可以落下，竟然倒唔出。諗住食唔落都飲杯野呀，竟然連杯青檸梳打都無咩味，好似溝左水咁。最經典係後來我見到有人叫左杯招牌奶茶，咁岩佢個水機又擺係出面，我睇住佢加水落杯奶茶度。最後好似無食過野咁就離開左，真心未食過一餐咁差既飯。

諗左好耐，究竟老撾喺邊呢？老撾其實係一個國家嚟嘅，咁國家當然有個國家的特別菜式啦，唔知係咪因為同泰國馬來西亞嗰啲都近，所以老撾菜某程度上同泰國菜都幾似。見到佢個餐牌成大張相都係老撾湯粉，當然要是返一碗啦！個湯底好特別，又未去到泰國船面嗰種咁濃，但係聽得來又有啲甜味，最重要係佢個面河粉嘅棉質非常彈牙，好似食緊蒟蒻粉絲咁，好好味！肉類處理得非常唔錯，呢個豬頸肉就咁用肉眼都睇得出佢有幾咁油脂分明，而且唔會熟到好老，超原軟！另外叫咗個我最鍾意食嘅辣肉碎炒飯加隻煎蛋，佢個飯竟然係糯米啊！而且頭先都講過肉類處理得唔錯，所以肉碎嘅質感都係好軟熟，辣味唔會太勁啱啱好～相對地呢個牛油雞翼比較奇怪，因為叫咗辣味，所以感覺上佢似係辣雞翼多過牛油雞翼，如果牛油味再重啲就好啦。叫咗個紅奶茶，佢嘅感覺就係好似泰式奶茶但係冇咗煉奶嘅味道，唔會太甜，襯返佢個糯米飯食成件事好夾，亦都可以沖走嗰種飽滯感。

第一次吃老撾菜，也是第一次吃稱作見求的老撾飯。紅咖喱素菜見求，有一大堆蔬菜，雖然都是普通的材料，但好看之餘，伴咖喱亦好吃。紅咖喱帶酸，幾開胃。飯很黏，帶煙韌，像糯米飯。要是配上椰漿和芒果，就變成甜品了。紅奶茶不錯，茶夠濃。服務亦不俗，店員有禮。上菜時，不小心把匙羹掉進友人的飲品中，店員立即給友人的換了另一杯。在中環吃到連加一都不過$80的午餐，坐得舒適又不會被催促還枱，算是物有所值。下次可以試米粉。

朋友約食老撾菜，打左個突，好多年前去過旅行，對食過啲咩真係無咩印象，所以覺得應該無咩好野食先係，點知今日都俾左幾新鮮既感覺我，不錯不錯！先黎個隨 lunch 附送既老撾咖啡，超甜，同越南咖啡差唔多味，好似食緊咖啡糖咁，都香既，但係用鍊奶真係太甜。 南薑香芧水反而有少少太淡味，只有少少薑味。朋友叫既老撾雞肉100%全米湯粉，佢話好好味，我試左一啖湯，幾特別竟然係有少少酸味，好有椰香味，好開胃。我叫左個紅咖哩雞肉見求，其實係紅米飯咁解，雞有雞味，都好足料，食完飽到嘔，抵食！紅咖哩其實似蕃茄汁味，少少辣，食唔出咩咖哩味，不過味道是 ok 的。奇怪係佢有啲薯塊係度，好搞笑好特別，唔太夾，不過幾有新鮮感丫。 朋友叫既白咖哩佢話味道都可以，不過都係食唔出咖哩味，不過老撾菜我地識條鐵咩，可能咁就係佢地既特色呢～總括黎講，大件夾抵食又有新鮮感，不錯。

老撾菜，真系未食過，什麼泰國，越南，緬甸，都好熟悉了，朋友今天約我去中環食老撾菜，聽到都開心，又有新意思，唔洗我諗。原來昵間野老細系明星，晤怪得岩岩見到個身影咁熟悉，好似在電視上見過...哈哈飲杯野先，香茅冰+凍奶茶，潤潤喉龍，開始今天的美食之旅。今天向老撾出發，未去過也要了解下人地食咩。白咖哩雞見求，好特別的名字，見求即系老撾的飯，呢度系用左紅米一齊整，好健康，白咖哩非常特別，晤辣，但有一種獨特的香味，撈飯食勁好味。另一個系白咖哩豬頸肉見求豬頸肉燒得好爽，好入味，有一d胡椒在上面調味，配菜方面睇得又食得。網蝦米子卷絕對要食同出面d米紙卷不同，佢d米粉系熱辣辣，好新鮮的，仲要好大卷，極有口感，咬落去的時候包住菜同粉皮，好爽脆！口感層次十分豐富。點上特制的麻醬，好昧到一個點。食到中間，見到有類似九層塔的香料葉，好特別！肚已經飽，但嘴仲想食。我地又叫左個小食拼盤，有魚餅，蝦餅，米紙卷，春卷又分素春卷，豬肉春卷，蝦春卷，超級豐富，可以試到很多種小食，另外配有生菜，可以將春卷包住食，另有一番風味！

第一次食老撾菜 我諗應該係同泰國菜、越南菜差唔多 所以都好期待🌟老撾海鮮100%全米湯粉 $88賣相同越南粉差唔多 都係有啲香葉喺面頭 有芽菜、九層塔、薄荷葉 粉方面雖然唔知點解要強調100%全米湯粉 不過食落同平時嘅米粉真係有唔同 煙韌有彈性 唔會一夾就散 仲有陣陣米香味 而配料都好豐富 有蝦、青口、豆卜、魷魚、蝦片 不過湯底就覺得比較淡🌟是拉差牛油雞翼 $48呢度嘅牛油雞翼係單骨雞翼 所以食落去都比較方便 呢度嘅牛油雞翼同越南牛油雞翼好唔同 帶有一啲甜 所以比較似蜜糖牛油雞翼 不過食落唔會好膩 好想瘋狂咁食🌟施心畢豐盛拼盤 $88有蝦片、春卷、米紙卷、魚餅 蝦餅就當日賣晒 試唔到 蝦片淋左 湯粉嗰啲好食好多 春卷入邊應該係菜 可以中和下清新下 米紙卷脹卜卜 入邊好多餡 加埋個汁食 好清新嘅感覺🌟龍眼梳打荔枝梳打$25有果肉 有四粒 龍眼個杯仲要多兩粒😂 兩杯都唔太甜 幾好飲

自從當全職媽媽後 好耐無在中環出沒了 是日與老公辦完正事 拍拖食個午餐再返去先店子在茶木果邊 不難找 餐飲- 無糖豆漿 OK係真心純潔淡薄的味道 比百福山水那些無糖豆漿要淡得多 愛甜愛味道人士就不建議了餐飲- 老撾咖啡店員上餐時有提過有奶 但老公掛住講野無攪拌過直飲 到底才發現奶 佢話個咖啡味係好香既 真實味道有待大家探索是拉差牛油雞翼 $48 賣相係幾吸引 弄成單骨亦容易食 是拉差醬 味道帶點醬油甚或又帶甜 都幾開胃得意喎 但外皮太漿 有點像濕了水的咕嚕肉 可惜可惜施心畢豐食拼盤 $88 有魚餅/ 蝦片/ 蝦/ 豬/ 素春卷/ 米紙卷 還備有生菜解油解膩 蝦片厚度剛好 有點像米餅但又有蝦香 春卷外皮淋左少少 但內餡好食既 中上啦 魚餅都算彈牙 加埋醬汁即時加分 米紙卷好爽口清新 拼盤整體表現理想老撾雞肉100%全米湯粉 $68雞肉皮香肉嫩 唔係無味雞件 全米湯粉好好味 粗於米粉幼於米線 入口彈牙帶米香 同個椰香湯底好夾 加埋豆卜 芽菜等 口感又更有層次老撾牛肉100%全米湯粉 $78湯底較雞那個清 帶著陣陣牛香 老公話各有特色店子都算多選擇 食物有特色 會再來既

I had been here about 2.5 months ago. It was my second visit and it was so full during lunch hour on Friday! Luckily I had reserved a table the previous night. I ordered the Laos Chicken Soup which was 椰子雞湯 again, as it was quite good the last time I came. The soup smelt and tasted quite good of coconut, like last time. It was so delicious that I finished most of the soup, Last time I was really thirsty after eating but I was less thirsty this time. Maybe they had reduced their MSG?The chicken,

今天朋友介紹我來到中環這家名字十分有趣的餐廳，這家聽起來有點冷門的老撾菜餐廳，就在威靈頓街，它們的店名叫「Sisombath」中文又叫「施心畢」。老撾鄰近泰國和越南，飲食文化相近。這店看似平平無奇，背後原來來頭不少，之後在看到報導才知道施心畢是老撾皇族的姓氏，老闆祖母是末代老撾皇族的親信，而老闆是從小從祖母身上學懂烹調老撾菜。餐廳位處一商廈，一出電梯便是餐廳，入內裝修設計簡單樸實，感覺6點粗獷味。店內有大量玻璃窗，採光十足，位置相當寬敞舒適。今次我們和朋友點了的菜包括主食是，紅咖哩豬頸肉見求($78)，老撾海鮮100%全米湯粉($88)，小食有，老撾網蝦米紙卷($48)，最後還有是拉差牛油雞翼($48)先來的是小食是拉差牛油雞翼，是拉差，一個大家熟悉的辣椒醬名字。吃越南牛肉粉，很多人都會下一點調味，提升惹味。但這次是拉差配上牛油蜜糖後，雞翼香脆可口，雞翼切開半邊食起來也很方便，牛油蜜糖香甜帶點是拉差的微辣，十分惹味。之後的是老撾網蝦米紙卷，這是我第一次試網蝦米紙卷，透薄米紙包剛炸好的香脆網蝦，配以清爽蔬菜，大量米粉，羅勒葉，等等。賣相色彩繽紛，五味紛陳，令人食慾大增，感覺清新，非常開胃

前排好多FRD都去越南,我都唔知點解咁HIT,D飛好平咩?咁又引下引下令到我好想食越南野, 搵搵下睇到呢間老撾?!?!!心諗:應該都係越南D FRD? 不妨一吃啵~點左個青芒果沙律,泰式一向都係木瓜,老撾係芒果,有特色!白痴到仲以為係下面粉紅色就係D芒果.....原來味道冇泰式咁火辣,反而食到小清新味道~南薑香茅水較為清淡,大大杯當解下渴~是拉差牛油雞翼- 好重牛油香味!單骨炸到好脆,上面灑上香蒜,視為下酒菜不錯吃!白咖哩豬頸肉見求-一黎到嘩左一聲,因為冇諗過咁多配料~豬頸肉較瘦,比較似豬扒,而旁邊D黃色一粒粒(係咪叫小米)好夾白咖哩汁,不過個人好鍾意白咖哩的我覺得汁多D會仲正,另外汁方面帶酸,應該係老撾特有調味吧!春卷用左網紙去炸,好香脆熱辣辣,,最遲上枱但最快俾我地清哂嘅一碟,冇夾菜比較合適,今晚蔬菜夠多了

如果喜歡越南菜, 又想要 d 新鮮感, 那你一定要來施心畢老撾餐廳。先要讚是它的親切感, 這是來自老闆娘的熱情招待。她會用心介紹食物, 傳遞對食物的珍惜, 老闊的用心製作, 也在食物裡顯示出來。我們先點了一個老撾青芒果沙律, 它的優勝處是汁不會過鹹, 爽口的不只青姜果, 還有青瓜, 青豆和首次見的生蘿蔔, 呈白與粉紅的片狀, 味道先是清澀, 繼而清甜, 特別! 接著是施心畢豐食拼盤, 當中包括魚餅, 蝦片, 蝦春卷, 豬春卷, 素春卷和米紙卷。魚餅彈牙, 蝦片重蝦味, 鬆脆。 每款春卷外皮不同, 皮脆, 餡鮮, 夾著生菜食, 好吃! 要提及是它自家製醬汁, 花生醬加入了香料, 很得意! 然後是老撾薄餅, 必食推介。薄餅有紅椒, 豬肉碎, 扎肉, 香葉, 蝦干碎, 青芒果絲, 花生碎, 芽菜 , 醬是自製麻醬。皮是超薄, 有蛋在面, 可口又充滿驚喜的外表與味道。最後是芒果黑白糯米飯, 暖暖的糯米飯, 清清的椰汁及花生碎, 配上鮮甜芒果, 很有越式風味。我們還點了杯老撾咖啡, 香濃的沖漏咖啡, 值得一試😋

星期六晚上約朋友飯聚，朋友建議去中環食，看了看餐廳的餐牌，大多都價錢偏貴，突然在威靈頓街見到有一間老撾餐廳，價錢合理，食物選款多，本著一試無妨的心態入去。老實說，老撾菜的第一印像有點似泰國菜和越南菜，都是湯粉、米紙卷、炸魚餅、炸蝦餅、沙律等......最後叫左兩碗湯米 (牛肉湯米和墨魚扎肉湯米)、青芒果沙律、炸魚餅、燒豬頸肉、士拉差牛油雞翼、豬肉春卷等。全部食物當中，最有特色的是湯米，它的湯底用上了一些香料，包括薄荷葉，令味道層次豐富而突出，米粉可以講「好有米粉味」，這並不是誇張，米粉入口順滑，食吃有一陣米香味，是筆墨難以形容。另外，士拉差牛油雞翼亦值得推薦，牛油味香濃，而餐廳將雞翼以單骨製作，食起黎更入味、更方便。餐廳的炸物都很惹味，魚餅、燒豬頸肉、豬肉春卷全部都整得好好味，而且各款的價錢只不過是四十多元，咁平可以叫多幾款食。食吃今次老撾菜，印象很深刻，覺得它結合了泰國和越南菜的特色，而擁有屬於自己的味道，去開中環可以再去多一次。

最近和一位朋友分享吃特色菜的趣聞，原來我們都有各自未嚐過的菜，我未吃過新疆菜，她未吃過老撾菜，今次我帶她吃老撾菜，下次她帶我嚐新疆菜。朋友起初以為施心畢老撾餐廳價格不菲，因為是皇族後裔在中環所開設的罕有菜，不免和菜式價錢掛勾可能，但當她一看餐牌，她以想不到價錢如此貼地，說下次可以帶家人來品嚐老撾菜。朋友對是拉差牛油雞翼深感興趣，她好奇「是拉差」究竟是甚麼來的，我解說是拉差其實是香甜辣椒醬，煮東南亞通常都會使用。雞翼外皮炸香脆，揉合牛油，香蒜和香甜辣椒醬的滋味，甜甜辣辣很過癮，就算吃上一整碟也不會膩，一口接一口吃過不停。飽滿的老撾炸魚餅吃起來驚為天人，炸魚餅的時候外層酥香，裡面充滿嫩嫩又緊實的魚肉。單吃炸魚餅已嚐到它的鮮味，當我們沾上餐廳特製醬汁，微微酸甜，更加對炸魚餅愛不釋口。我叫朋友放心吃這裡的白咖哩，不會辣的，她會心一笑點了白咖哩雞肉見求配老撾式太陽蛋。白咖哩雞肉見求搭配金黃香脆的薯角，繽紛奪目的雜菜，賣相十足。朋友嚐一口白咖哩，白咖哩夾帶清香的椰汁風味，雞肉以香茅提味，皮脆肉嫩，附著滿滿咖哩汁，充滿香氣，同時襯托雞肉的肉質，一改朋友對咖哩的觀感。米飯是朋友喜歡的糯米飯，咬感豐富，

今次揀錯地方比🐯，原來老撾係一個國家，仲以為係越南某個地方😩😩😩的確以中環地段 午餐都唔超過$100 係好經濟實惠老撾菜唔係唔好食，只係唔岩個人口味。牛肉全米米粉當然唔係越南菜口味啦，不過又無麥特別，所有味道正正常常咁。紅咖哩雞肉見求$78 老撾菜的咖哩原來係酸酸甜甜，唔會有辣味。(餐牌上面有一隻辣椒🌶️)飯係好大碟，有好多薯角，菜雞扒好乾淨淨，又黐牙，唔通係老撾特色?所有配菜都好食，不過湊埋一齊就怪怪，融合唔到

就是還行吧，一般般水平，我覺得不知道為什麼評價那麼好，但是不難吃，就都可以吃，但啊沒有說得那麼好吃，如果再去我應該不會去了，有個荔枝蘇打水還可以，別的真的沒啥有印象了，可能本人也不喜歡吃越南啊老wo菜，所以