施心畢老撾餐廳

營業中

休息中

中環-施心畢老撾餐廳: 牛肉米粉（hk$78),香葉肉碎太陽見求（$78）, 是拉差牛油雞翼（$48），網蝦米紙卷（$48），芒果黑白糯米飯（$38），+10%第一次食老撾菜！感覺似係越泰變奏版。好難得係中環搵到啲咁嘅價錢又唔錯既東南亞菜。牛肉米足料又好食,有牛肉片、牛丸、芽菜、豆卜等，牛肉嫩滑，湯底清甜不油膩，配上100%全米粉，又真係同平時食開嘅質感有點不同，較爽滑，富彈性及米香。見求原來即係飯，仲係白飯+兩色糯米飯，幾特別，肉碎似泰式但大粒好多，辣勁頗足！加埋隻蛋很好下飯，而且我很喜歡它配搭的多種雜菜，烤得剛好，顏色漂亮又好味。-另外見小食價錢都幾吸引所以點埋是拉差雞翼，單骨雞翼方便食，甜甜地。想點網蝦但又想點米紙卷所以點了網蝦米紙卷🤣🤣點知有勁多米粉，好飽...另因為唔知見求係糯米飯所以又點左芒果糯米飯，最後加埋食左好多糯米.....再飽d。可惜的是芒果可能唔當造，唔係好甜。覺得呢度主食做得比較出色！PS 呢度的滴漏咖啡杯好靚—------------•

今日我去咗中環整嘢，然後落咗去威靈頓街食嘢充電，由於太攰嘅關係，我求其諗住食個茶木就算，但喺等lift其間俾我發現呢間餐廳，餐廳名叫“施心畢老撾餐廳”...於是改變主意，就去咗四樓！入到去餐廳環境唔錯，老闆娘見到我地即放刻上前招呼我地，好親和！我地睇完餐牌，好快就諗到叫乜！首先嚟個“是拉差牛油雞翼”, 呢個我個人覺得必點推介，雞翼雖然有醬包住，但內裡仍然好脆身，而且食落唔覺得好熱氣嘅感覺！之後我點咗個施心畢豐食拼盤，兩個人份量好足，另外，點咗個海鮮全米湯粉同豬頸肉白見球做主菜，海鮮湯粉嘅湯底好惹味，而且食完冇好口渴嘅感覺，唔重味精！至抵食好味推介就係豬頸肉白見球，即係白咖哩豬頸肉飯，個汁好好味，又特別，唔會太鹹，唔同平時連鎖店嗰隻味，而且配紅米飯，夠健康！最後本來想試個芒果糯米飯，可惜冇哂，下次嚟要再點下！

相比泰國菜和越南菜想必大家都未必可以常常吃到老撾菜當然老撾也是貼著緬甸泰國越南那一帶的啦所以愛好南洋風味的我怎麼可能錯過呢？位於中環的施心畢施心畢是老撾皇朝的姓氏也是老闆祖母的姓氏他從小從祖母身上學懂烹調老撾菜連也特意用上施心畢作為餐廳名餐廳的裝潢設計走簡約的工業風位置相當寬敞舒適menu的種類繁多而且還有設計給素食者享用的餐點喔！因為我不是Vegetarian所以我要的是regular menu餐單上的價位比起外面的都還要來的正常老撾札肉米紙卷 $48透薄煙韌的米紙卷扎肉再加上爽脆青瓜和新鮮生菜口感豐富再沾上秘製醬汁更添一分醒神惹味老撾蠔油雞翼 $48我要給他滿滿一百分雞翼炸到脆脆的裹上蠔油現在想到都想流口水施心畢豬肉炸春捲 $38一個字超香der～搭配爽脆口感的生菜解掉多餘的油膩感最後還有我最愛的肉碎煎蛋飯

未去過老撾亦未食過老撾菜，今日就去呢到揭開神秘面紗！首先裝修比較簡潔，枱同椅都有越南當地餐廳既影子～位置寬敞舒適菜單上有唔少選擇，前菜正餐小食飲品都兼顧到左《凍奶茶》$19呢到既奶茶茶味香醇較重，口感絲滑右《荔枝梳打》$24有幾粒原粒荔枝，比我想像中清，本來以為會好甜，梳打味比荔枝味更出前《是拉差牛油雞翼》後《燒豬頸肉》《是拉差牛油雞翼》$48雖然佢叫牛油雞翼，但係佢黎到個樣似蜜糖雞翼多啲😛 全部雞翼都開左一半，所以好方便食～ 外皮炸得香脆，加上微甜既汁，都幾開胃《燒豬頸肉》$48肉質厚實，表面有淡淡蜜糖味，加上炸蒜又甜又脆《香葉肉碎太陽見球》 $78唔講真係唔知見球其實係飯🍚 餐廳好貼心咁用左紅米，健康多了！望落似台灣肉躁飯，但其實食落又唔係，唔多汁偏乾身，但肉碎入味～《扎肉墨丸粉》 $78呢個個湯底比較特別，偏向清甜，但又食到香料味！扎肉結實，墨丸彈牙粉有啲似米粉，但比米粉粗小小，有咬口啲👍

2人行中環揾食～食D特别D先雖然舖仔細細係4/F～但胃食嘅人㸃都揾到～店仔可以容納十幾張枱菜單選擇唔算多但勝在有特式老撾豬頸肉100%全米湯粉～湯底有香料、香葉、芽菜、椰菜絲、指天椒、炸蒜、豬頸肉、米粉～湯底食落同泰式好唔一樣～一邊食一邊有香料香味好有特色～燒豬頸肉好入味肉質鮮嫩～老撾雞肉100%全米湯粉～椰汁湯底配香葉、椰菜絲、芽菜、指天椒、炸蒜、雞肉、米粉～湯底食落好香椰香配雞肉味道好夾午餐跟餐送熱飲～簡咗老撾咖啡比起越南咖啡冇咁苦～加煉奶滑D一齊飲帶有甜味易入口紅奶茶味道偏淡～都係港式奶茶比較好飲

適逢萬聖節，梗係要去蘭貴坊撞下鬼，但撞鬼之前，我地選擇醫飽個肚先，安心上路，於是我地黎到呢間施心畢老撾餐廳。一聽個名就知係食老撾菜！泰國越南菜就食得多，係佢地隔離既寮國，老撾菜就未試過，所以一聽到個名就決定今晚揀佢。小店簡約，但桌子夠大，坐得適舒。這晚人客不多，佔了一張四人枱。老撾札肉墨丸100%全米湯粉施心畢湯粉最大既特點，係以100%全米整成，比普通米粉煙韌，夾起米粉不易斷開，湯底清甜，比泰國菜越南菜用的香料較少，很健康的感覺。札肉和墨丸也彈牙，整碗份量不少，我地就share食再另嗌小食。是拉差牛油雞翼是日最愛是拉差牛油雞翼。是拉差名字很特別，所以特登上網搜尋是什麼，原來是拉差是泰國的一個地方，是拉差辣椒醬最初是泰國餐館用在海鮮菜餚上，其後，被美國加州大量生產並廣泛流傳使用。雞翼充滿牛油香味，再加上是拉差，雖然說是辣椒醬，但甜味居多，酸甜少辣既味道，外面惹味內裡嫩滑，令人不自覺食完一件又一件。施心畢更將雞翼切開成為單骨，食落方便好多，岩晒我們這些淑女。網蝦春卷網狀的春卷皮炸至金黃，食落去比平常春卷皮更穌更脆，入面蝦肉彈牙，分量足夠，邪惡感與滿足感兼備。施心畢豐盛拼盤豐盛拼盤款式多，

我不嬲鐘意食米粉，朋友介紹我呢間餐廳話d米粉好香好好味，昨日去開中環開會一於試下。首先叫左個小食拼盤，有幾款不同的春卷，夠香脆，有紙米卷，無咁熱氣我較鐘意，味道較淡要點醬汁一齊食，魚餅好香魚味夠彈牙，仲有特色蝦片，拼盤就係好在咩都可以試曬。主菜點丄個豬頸肉咖哩飯，豬頸肉入口爽身，味道夠入味，咖哩夠濃烈好香我最期待的米粉來了，牛肉米粉除左牛肉仲有牛丸，濃底好重香料好濃郁，米粉係00%米造真係寧舒香，口感條條分明，真係好好味，平時細食的我竟然可以食曬一大碗，就知我真係好鐘意呢，下次來中環開會一定要再來。

在友人帶領下第一次吃老撾菜。餐廳位於中環，來客絡繹不絕，四位店員不停地來來回回，忙碌非常。素聞老撾人喜食糯米，所以這個太陽蛋飯，不僅僅是白米，還有糯米在裡面。餐廳將飯盛在一種叫做“迪普考”的竹編小飯簍裡上桌。配上碎肉，是一種頗具老撾民族特色的萊肴。將魚肉、豬肉、雞肉、牛肉等剁細，拌以香菜、魚露等多種作料製成，味道鮮美獨特。這家餐廳的100%全米米粉的湯汁很鮮美，配上一些爽口而不太幹的豬頸肉，再加豆芽和配菜，味道極佳。感覺整體飲食受泰餐影響較大，但比泰餐清淡些。

泰國菜，日本菜，韓國菜，越南菜都有食过，想食吓啲新嘢，咁啱有個同事前幾日係中環食個一間叫施心畢嘅老撾菜，叫我可以去食吓，於是放工約埋太太係地鉄站等，然後慢慢拍住拖行去間歺聽到。去到歺聽門口，嗰侍應好熱情地招待我倆坐係一個好靜嘅角落。又俾埋歺牌又介紹有啲乜嘢好食，睇咗個歺牌一陣，叫左一個施心畢特色素菜米纸卷，一個老撾蠔油雞翼同埋老撾燒豬頸肉，加多個頭盤係老撾青芒果沙律，重有兩杯飲料，係無糖豆漿同凍青檸可樂。先來过老撾青芒果沙律先，芒果絲切得非常幼，配埋青瓜粒同番茄仔加埋嗰特別沙律汁，特別清新，味道有少少棘，好開胃，跟住係嗰特色素菜米紙卷，米纸特別薄，沾少少自家制醬汁，好正。蠔油雞翼和燒豬頸肉都跟住來，豬頸肉好香，外脆内軟，加埋嗰汁，勁好味，雞翼比嗰師傅炸得好脆，出蠔油味好濃，真係停唔到口，下次要再食吓其他不同嘅餸先。

約左friend去蘭桂芳happy hour，嚮附近搵隨便間餐廳食飽後再直落，經過翡翠中心見到有間施心畢老撾餐廳，見未食過咪試吓囉。我未去過老撾，不知當地情況，但餐廳格局很平實，有著一份簡樸感覺。見老闆極力推介紙米卷，一口氣點了鮮蝦及札肉兩種口味，外層煙韌，咬落爽口兼有陣陣簿荷淡香，很清新士拉差蜜糖雞翼好好味，而且餐廳先將中翼開邊後才處理，細件左方便一眾女士;同時亦讓內層更容易入味。呢碟紅咖哩雞見球，份量十足，如果冇男士在場一定食唔晒。可能是order少辣的關係，就算平時不吃辣，也會被淡淡咖喱香吸引。豬頸肉沙津跟熟口熟面的沙律不一樣，我想這是地道特色吧! 沒有了沙律醬，換來原味樸實。最後，叫左碗材料豐富的海鮮粉，我最印象深的是它的湯底，鮮味濃郁，正!

每次跟朋友gathering來來去去多數係烚吓烚吓、放題或buffet、鋸扒、星泰越食品......循環無限loop....，因為咁大家專誠搜羅一下無食過的美食，最終我地揀左食老撾菜。菜式、食材方便，感覺有點像泰國菜，也有點像越南菜，可能是跟地理位置有關吧! 一向有吃泰國菜的我，當然容易接受及欣賞啦!👉豐盛小食拼盤 ---包含六種小食蝦片/蝦/豬/素春卷/魚餅/米紙卷，很豐富呢!👉海鮮粉 ---有齊大蝦、青口、魷魚、蝦片及豆卜，材料吸引又夠大碗。最特別的是湯底，跟平時吃的不一樣，很惹味。👉紅咖哩雞見球 ---有不同辣度可揀，不吃辣的可選白咖喱。紅米飯單食會有點硬身，淋上少辣紅咖哩汁卻是十分煙韌，入口啖啖咖哩香，很醒胃!👉蝦米紙米卷 ---簿簿一層半透粉皮，包著生菜、蝦條及米粉，很爽口，不論冷暖熱食都一樣可口，正!

成日行街食飯唔係老銅就油尖旺，你唔悶我都悶啦，友人今日就sd左個post比我，話去食老撾皇帝餐喎！係咁既，呢間餐廳既老闆Justin係老撾皇族既親信既後代，耳濡目染下，老闆細個就學識點煮老撾菜。老撾，姐係寮國，係緬甸同越南附近，係一個佛教國家，之前比法國佔領過，係法國殖民地黎。（補充反，老撾，bno or特區護照都要簽證的，但去中環就唔洗既）我地搭lift上到黎翡翠中心既4樓，見到個門口個waiting area好colourful，餐廳內部用左不銹鋼既枱，同木既櫈，係香港既餐廳就比較小呢d配搭，好似置身於異國咁。菜式方面，就著重於香料既味道，冇泰國果d咁濃烈，會温和d咁話，咁我地就一於try try佢。餐牌都幾多選擇，我地叫左幾樣，包括: 施心畢豬肉炸春卷($38)Sisombath Netted Pork Spring Roll用咗網狀春卷皮，口感比普通春卷皮更脆，值得一讚嘅係，個面炸得好乾身，一d都唔油！而入面既餡料係豬肉碎，咸咸地都幾好味。點返酸辣醬，包埋生菜食，一脆一軟，非常balance。是拉差牛油雞翼($48)Sriracha Butter Chicken Wings雞翼

在香港，亞洲菜餐廳開到成巷成市，想吃日本、韓國、台灣、泰國、越南、印尼菜，總有一間在左右，但老撾菜一次都未試過。今晚，終於有機會去一間老撾餐廳，吃了一頓晚餐，感受是驚喜的。由於食物的價錢不算貴，每款大約四、五十元，所以點了很多菜式，有老撾牛肉100%全米湯粉、老撾扎肉墨魚100%全米湯粉、老撾炸魚餅、豬肉炸春卷、老撾網蝦米紙卷、老撾青芒果沙律、是拉差牛油雞翼、老撾燒豬頸肉和老撾凍咖啡。老撾牛肉100%全米湯粉－米粉可以用超正來形容，相當細滑，富米香，而湯底味道具層次，味道有點似越南湯粉，但它多了一份薄荷葉的清香，味道更正，牛肉和牛丸的分量也足夠。老撾扎肉墨魚100%全米湯粉－湯底和牛肉湯粉一樣，墨丸真材實料，而扎肉厚身大塊。老撾炸魚餅－味道帶微辣，魚肉撈上其他香料炸成，香口味美。豬肉炸春卷－網紋脆皮香化，豬肉餡料足，配上醬汁，更添滋味。老撾網蝦米紙卷－米紙包著生菜、青瓜絲和炸蝦，感覺清新。老撾青芒果沙律－與泰式的木瓜沙律味道相似，是不錯的餐前開胃小食。是拉差牛油雞翼－以單骨雞翼製作，雖然說是是拉差，但不算辣，反且牛油味更突出，十分惹味。老撾燒豬頸肉－豬頸肉入口鬆化，富豬味。老撾凍咖啡－

食親東南亞嘢食都會叫魚餅($38)，熱辣辣上枱，食落都幾有魚味。我幾鐘意豐盛小食拼盤($88)，可以一次過試哂魚、蝦、雞、豬，拼盤連埋兩種醬料同一籃生菜。春捲外面一層超香口又脆卜卜，裡面餡料適中，唔會太多太少，雖然係炸嘢但都唔會食到成口油。老闆娘仲教我哋用生菜包住一齊食，果然多一份爽脆口感。蝦餅大大塊，我個人覺得點醬更好食。第一次食老撾沙律，豬頸肉賣哂所以揀咗燒雞肉沙律($68)，估唔到材料咁豐富：燒雞、茄子、青瓜、蕃茄仔、生菜、洋蔥同粟米仔。雞肉外皮燒到脆脆地，肉質嫩滑唔乾，另外茄子都係燒過，幾惹味。青檸梳打($24)有酸酸甜甜嘅青檸配上超多氣嘅梳打，清新解膩，同雞翼、蝦餅、米紙卷都幾夾。另外仲有叫到龍眼梳打（$28），入面真係有龍眼肉！好有特色嫁！食東南亞菜當然要試牛肉粉（$78）啦，個湯既味道好濃，而牛肉都好嫩滑，份量都好足，值得一讚！最後我地食左芒果黑糯米（$38）做甜品，口感好好，黑糯米煮得岩岩好，椰汁味好香濃，我地都好中意呀。

未去過老撾，也要試下老撾菜，這是我食完施心畢老撾餐廳之後要同朋友講的話。原來施心畢是老撾皇朝的姓氏，也是創辦人祖母的姓氏，食材選用上等好料，除左有東南亞風味的特色，更注重了健康的元素，釆用100%全米湯粉，五谷紅米飯。餐牌上好多樣野都想試，但無奈當晚好多菜式沽清。不過主食冇令我們失望。白咖哩豬頸肉見求。名字很特別，「見求」系咩呢？即系飯！好特別，五谷紅米飯，非常健康！白咖哩唔辣，十分惹味。豬頸肉燒得啱啱好，外皮脆，肉質juicy!薯角好脆！保你食完，返尋味！海鮮100%全米湯粉，份量大碗，湯底清甜！好足料吖！米湯Q彈！十分抵贊！特色大大塊米鍋巴，很香脆！勁鐘意佢地的香料同薄荷葉的配搭！好有特色！綱狀蝦春卷，酥脆的口感，一食就令人愛上，點上附上的酸辣汁，盡顯東南亞風味。米紙卷豐富而飽滿，細細米粉的口感系Q彈爽滑，一口咬落去，好彈！炸蝦香脆，下次來都一定會再食呢個小食！