方榮記沙嗲牛肉專家

營業中

休息中

下午五點多入場等吃火鍋，先叫一碗牛丸河及牛雜麵試水準，不俗有驚喜。正場叫了沙嗲鍋底手切牛肉田雞花枝片鵝腸鱔片等等，手切牛肉正常貨色沒有特別驚喜收$288，其他全部感覺不太新鮮，尤其鱔片最令人失望，上枱幾片黑萌萌烏卒卒類似樹皮嘅東西煮熟後咬落口乾柴一樣(可惜忘記拍照)，其他都是全部從冰櫃攞出嚟，花枝片直情真係一嚿嚿冰嚟嘅，冰都未溶。午市及粉面CP值遠高於晚市火鍋，但晚市他們還是生意不絶，老闆真有一手！總結，推介午市及粉麵！

聞名已久，就諗住去試吓，但無論食物同招呼都令人失望！本人喜辣，他們給的辣椒豉油連一隻辣椒都無，見佢成盆辣椒豉油放喺枱度，咪裝多啲辣椒囉！點知俾個男侍應見到，佢即時鬧我之餘仲一手搶咗我碗辣椒豉油，話唔可以自己攞，要辣椒就俾錢叫碟，仲即時將我碗啲辣椒倒返落個盆度，佢止舉唔單止超無禮貌，仲好唔衛生！完全超岀我想像！既然您話可以叫辣椒，咁咪收返我錢囉，做乜倒返落個盆度啫，咁好唔衛生㗎大佬！好算！既然嚟到食嘢都係求開心，我唔同佢計！但係話佢哋最岀名嘅手切牛肉，點解會係碎上，無一舊成塊或片狀，玩邊科？韭菜餃鹹咗少少，但還可接受；魚皮餃滾了滾差不多爛哂；啲雲吞就好鬼鹹食唔落！墨魚丸粉多，其他丸都算ok掛！個沙嗲湯底開始都唔錯，不過加咗兩次水已經無乜味！（係喎！點解佢哋唔係加湯嘅）既然岀得500蚊一個我無必要嚟呢度食，岀街食嘢最緊要開心，俾錢仲要受氣就免啦！岀面300蚊好過佢，最低限度人哋啲侍應無佢哋咁惡咁無禮貌！只止一次，無第二次！

九龍城食肆林立，午市更大把選擇，講到沙嗲牛肉，一定係哩間方榮記莫屬，午餐簡直經濟實惠，哩個價錢絕對令你有過大的要求。當然一定唔係最好味，但哩個價錢絕對對得住質素，最重要係沙嗲汁，味道剛好，我覺得配白飯其實比麵更出色。牛肉都唔錯。經開九龍城絕對一試。

講起沙嗲湯底邊壚，冇人唔識佢，想試好耐啦😽，呢度比較舊式，好有傳統風味👆🏻沙嗲湯底香港人最鐘意碌下碌下，幾熱都咁話！遠近馳名沙嗲湯，香得黎又唔會辣，好惹味👆🏻手切牛肉 極品牛肉王😻黎個真。沙嗲肥牛煲，牛肉鮮啊，就算滾落左都唔會👆🏻吊桶😻呢個吊桶超大隻，數量亦都唔少，仲好新鮮，唔似係擺咗好多日👆🏻魚標😼好少有得食，碌一碌咬落去索索聲👆🏻珊瑚蚌😻呢個超抵讚，份量又多又好味😋，平時其他打邊爐得幾條，呢度係一大碟，鍾意食蚌類一定要叫👆🏻炸魚皮😼呢個特色炸魚皮同其他唔同，佢係連骨炸，相對來講會硬啲同脆d...⚠️非進食時記得帶口罩⚠️除左口罩再消毒雙手💸.消費. $244 （每人）🈵.回頭率. 8.8/ 10

香港地道食品越來越少，租金高企，人力流失，唔希望地道嘅食品消失，方榮記沙嗲牛湯底出色，實在沒有餐廳可以取代，雖然湯底少少較油，但湯底非常惹味，加上手切本地肥牛，本地肥牛肉質有質感，牛肉味強烈，有返咁上下厚度，真係不得了，象拔蚌厚切有口感，我多數用作刺身食，魚卜我致愛，可能多數人覺得有魚腥味，但加上沙嗲湯底，完全蓋過腥味，魚卜養顏，補充骨膠原，生蠔不算大隻，但夠實淨，桂花蚌份量不少，爽甜，我較喜歡貝類及蚌類食品。

九龍城方榮記咁出名 聽就聽得多 一路都未真正幫襯過🫣今日難得想試吓地道野 同屋企人去左方榮記食招牌沙嗲麵&牛雜河😋😋1️⃣沙嗲麵 $70牛肉係偏細舊🥲 湯底好濃稠 好濃郁嘅花生醬味 亦都好多花生碎 👍🏻 招牌大光麵 唔太彈牙 但唔太油膩還好☺️ 2️⃣牛雜河~$35 (唔太記得）（走咗腸）🔸上枱果吓就覺得啲牛雜好靚！ 又有擺盤 😂仲配幾片生菜😂每款牛雜都有2-3件大大件👍🏻 🔸金錢肚唔係毛巾肚👍🏻🔸個人好鍾意食牛肺 牛肺大大件 🤓🔸重點！河粉係偏厚身少少幼身少少 煮得岩岩好！ 唔會爛 有咬口🤩食完一碗好想再食！總結 個人認為 沙嗲牛肉麵太滯 啲肉碎濕濕唔係太滿足 🫤仲要貴牛雜河成倍！ 反觀牛雜河性價比高！ 唔洗40蚊食到高質牛雜河 好抵！🫶🏻

方榮記(11/6) 星期六 下午5點左右特式：呢間火鍋店係九龍城應該無人唔識，佢既沙嗲湯底應該都遠近馳名，火鍋料種類又多又新鮮又有特色。食物：沙嗲湯底 - 佢講湯底都應該好出名，鍾意打邊爐嘅朋友都應該唔會未聽過，我食過幾次，次次都keep到，每一次都係咁濃，用嚟打邊爐真係fit晒，我仲見過有人食到無乜湯，佢直頭換過一個鍋底俾佢而唔係加水，值得一讚。火鍋配料- 今次叫左手切牛/柏葉芯/珊瑚蚌/黃鱔/牛脷/豬腰。手切牛-今次食d牛好瘦，所以有點un，但肉味係有既。柏葉芯-好特別，又爽口，又掛汁，好襯個沙嗲湯底。珊瑚蚌-好新鮮又唔腥，推介之一。黃鱔-都係好新鮮，爽口又無骨，仲要唔貴，平時如果要自己整好麻煩，所以都推介。牛脷-普通貨色冇特別。豬腰-我本人好鍾意食豬腰，加上都係自己處理麻煩，所以都推介大家試。飲品 - 正常啤酒汽水，冇乜特別好介紹。環境：餐廳環境正常，但就唔好預會好好坐，但勝左有feel，因為有好多港產片都係呢度取景，另外建議如果食晚市既話要早d去，夜左真係好多人，到時會好嘈。服務：服務態度正常，早去既話d職員會多d時間招呼下你，如果係爆場個時就唔好指有d咩服務。價錢：人均3~4

沙嗲牛麵在線上已成熱話，今日pass by Kowloon City, 梗係要行去侯王道的方榮記試下，入店大概11:30 am, 剛剛開門營業，人流當然不多，店内打辦如一般hot pot 店，陋單装飾，杯、筷、匙羹放在枱上。🌠沙嗲牛肉飯$34👎牛肉cover 晒整隻碟，飯底夠熱有幾條菜芯，但扁老，牛肉有少許醃過濃，輕微鬆肉粉味，牛肉味則欠奉，唔係好好味，沙嗲味冇乜。🌠焯菜全走$18👍菜芯焯得啱啱好，食到菜的甜味，嫩口不老，very good 👍🌠雙丸湯$50份量足夠，墨丸5粒和豬肚丸4粒，生菜墊底，湯底鮮甜，肉丸味道和別的舖頭差多，吃過一次，知道便算了。整體上印象一般，食物質素唔係咁outstanding, 沙嗲牛肉有点失望因為有期望。

🔴終於唔落雨啦🌧咁就post返啲同今日天氣一樣熱辣辣嘅嘢食啦ദ്ദി^._.^)之前去九龍城本身係想食泰國嘢😆不過路途中經過咗方榮記🤭抵受唔住誘惑就走咗入去坐低😆🟠今次依然都係嗌沙嗲湯🍲拼蕃茄湯🍅🟡配料分別係炸魚皮，黑柏葉，手切牛肉，雲吞，豬腰，胡椒豬肚丸🫧🟢炸魚皮必嗌🥳係有脆骨嘅炸魚皮✨🔵手切牛肉都係必嗌🐂肉味夠濃份量不錯🫧🟣其他配料都不錯的✨覺得方榮記入面如果係見到想試都可以一試🤭因為應該都唔會好難食🤣有一定質素⚫️另外我嗌嗰個胡椒豬肚丸我係第一次見🤭好似冇喺其他地方見過咁🤣不過可能係我孤陋寡聞🤣但係食落好搞笑🤣係真係有胡椒豬肚湯嘅味尤其係好似真係食到豬肚陣味😂

平時好少機會去九龍城，但𓃟食完沙嗲牛肉麵唔夠喉，夜晚拉左我去方榮記打邊爐。順便同大家分享下第一次去嘅感受。方榮記原來已經有六十幾年歷史，最出名嘅莫過於佢嘅沙嗲湯底。湯底濃厚稠身，沙嗲連同花生嘅味道非常突出，仲有一粒粒花生碎！相信食開濃味嘅朋友會好鐘意。（我會一開始留起一碗湯，等之後加水時調和用。）另外網上見好多人推薦帶骨炸魚皮，好可惜當日賣哂未能一試。最後我同𓃟叫左墨魚丸($38)、魚皮餃($38)、韭菜餃($38)、響鈴($38)、豬頸肉($58)、伊麵($15)、細時菜($25)。雖然唔係大魚大肉，但食得好滿足，亦有啲油膩感。埋單計埋湯底($60)同醬介($16)，總共$359連加一。個人認為響鈴吸湯入味一定要叫，但令我意想不到嘅係原來韭菜餃都幾夾沙嗲湯。食到最後落埋個伊麵岩岩好，至於點解唔叫大光麵？因為隻𓃟想食囉。不過伊麵都唔差嘅，我當沾麵咁食咋。P.S. 食完過幾日我又嚟買左兩個淨沙嗲湯底返去俾屋企人試下($250/1 好似係)，老人家都幾鐘意但覺得鹹左少少。建議如果想自己調味可以買佢哋一樽樽嘅沙嗲醬。

放假出城搵野食專程去試試方榮記2/3點🤫好似好誇張但都幾多人呢個鐘數幫襯架邊爐檯頭有個爐頭好似一人小鍋咁幾特別懷舊野唔少得當然係佢個🔆沙嗲湯底香濃湯底 開始食好好味😋好重花生🥜香但係耐左味道偏咸🔆水餃🥟大大隻皮薄餡靚🔆手打墨魚滑呢個略嫌普通唔夠爽口🔆炸魚皮即炸有骨魚皮嘩 正呀喂頭幾轉索哂啲沙嗲湯底停唔到口🔆黑豬肉薄薄地 滑嫩好食🔆魚片都算鮮味 大小剛好🔆新鮮時菜 細好似唔係叫左好多但係慢慢食落都好飽本身想點多個麵或烏冬實在搞唔掂下次有機會 都會想試埋佢個沙嗲牛肉麵未試過 呢個配搭好似都係爭咁啲

見到咁多明星推介去試吓！點知超難食！冇下次！沙嗲湯底得個咸字！冇辣味冇沙嗲味！一坐低攞咗盤生菜嚟，原來要俾錢嘅！不過冇問你要唔要！$300碟牛肉，同食柴皮冇分別九龍城周圍咁多打邊爐嘅材料買，佢都可以買到啲咁難食嘅！唔通真要食$2500碟嘅牛肉王先得炸魚皮腥到唔恨鵝腸已經拿到剩返塊皮炸魚片頭又咸又硬墨魚滑好腥，吾新鮮點解D星會勁推介呢？！響鈴已經淋曬！啤酒吾凍嘩簡直係打邊爐最差嘅體驗！千其唔好去！616都好食過佢多多聲！

睇完上網人哋講幾好食，之後再睇埋蔡瀾介紹，唔知係唔係希望越大失望越大，沙嗲湯底完全唔掂淡而無味只有少少花生味，喺YouTube見到蔡瀾碟牛肉勁正，但係我叫果碟完全兩回事仲要收得$4xx一碟，其實我本人覺得食火鍋最重要係個湯底同牛肉，所以好失望，啲牛自己去街市買嗰啲仲好過佢，全晚最好食都係得個碟魚皮，其他真心非常一般，求其一間火鍋店都好過佢，仲話係老字號，可能以前真係好食，但係而家係一間本人只有一星嘅火鍋店，食完一定唔會返轉頭。😓

有得出去食飯當然想食好啲! 朋友仔介紹一間係九龍城傳統打邊爐，沙嗲湯底好出色! 今晚放低減肥齊齊去試下❤🔸️沙嗲湯底- 基本上餐廳內每一台都是沙爹湯底，沙爹底用料充足，一上桌已經超級香! 湯底較濃稠，可以係食材上掛汁! 🔸️肉類: 手切牛肉、羊肉片、手打墨魚滑、水魷、雲吞- 羊肉諗唔到同沙爹很配合，手切牛肉同墨魚滑普通，水魷價錢相宜份量充足，可點! 另外因為湯汁濃味，雲吞食落有點過鹹，下次可不叫🔸️菜類: 響鈴、豆腐、蔬菜籃- 響鈴一碟有八塊，豆腐份量亦充足。另外一上台就配有一個蔬菜籃（會收費，但平收），蔬菜籃內有通菜生菜，菜類絕對足夠!🔸️ 主食: 公仔面- 必食推薦! 沙嗲配公仔麵無得輸，濃郁的湯底配上公仔麵絕配!2人食價錢: 750hkd左右🔸️5星⭐評分好食指數:⭐⭐⭐⭐整體份量:⭐⭐⭐⭐性價比:⭐⭐⭐⭐打卡度:⭐餐廳環境:⭐⭐⭐*不得不提服務很貼心! 因為餐廳內冷氣超大，夏天衫入去好凍，店員好努力找個暖位置，仲幫我set板擋風，大力讚!✅一班人好有feel✅人情味傳統港式餐廳

沙嗲牛肉公仔麵$70.講起食沙嗲牛肉公仔麵有一間一定要去朝聖一下嗰間就係方榮記，佢嘅沙嗲牛肉公仔麵係唔係食牛肉，唔係，係咪食公仔麵，都唔係，而係佢個湯底，沙嗲嘅味道，沙嗲嘅濃郁，沙嗲嘅香氣，佢真係冇得輸，但同時佢真係好油😅.牛肉當然唔會係出邊茶餐廳嗰啲啦，30幾蚊一個餐有包有蛋有麵有牛肉，呢一度係高級少少嘅，但都淨係少少咋，唔係好多😆.麵都係正常嗰啲麵，但係唔會煮到好淋😀.CP值及夠飽同其他沙嗲牛肉麵比較真係好貴.翻啅掛住個湯底我會去😂😂.舊相