方榮記沙嗲牛肉專家

營業中

休息中

九龍城即將變天，唔知有幾多嘅老店會喺時代洪流中消失，趁有時間就逐一黎重拾舊夢一下。方榮記絕對係on the list要黎，雖然近年質素不如前，咁午餐時間黎食個沙嗲牛河亦無傷大雅，$34嘅海嘯價連茶記都做唔到。落單後5分鐘就上枱，牛肉量驚人，沙嗲汁鹹味較重，有些少辣同食到花生碎，老實講沙嗲香氣就欠奉左一啲，但醬汁撈埋油油嘅炒河粉都算係夾。枱面有自助嘅清茶，剛好可以清下鹹味。除左沙牛，仲有咁多款粉麵飯都係$34，唔怪得午膳時間人頭湧湧，下次要試埋個干炒牛河先得。