新記雞粥 (筲箕灣道) (裝修中)

新記雞粥係元朗好出名，好耐歷史，黎到筲箕灣開舖梗係要幫襯下啦！加上佢啲價錢唔貴，所以成日都好多人！先先黎左個餐前小食，海蜇燻蹄醃製同雪凍左，所以食落好爽口，入味，但又唔會好咸，係肥左少少姐。海蜇辣辣地，點埋個辣醬食更正！西芹炒帶子帶子爽口，無縮水！西芹亦唔會稔晒，有咬口。用左蒜蓉去炒，好香蒜蓉味！椒鹽海中蝦似乎係即炸即炒！因為啲蝦好脆口，內裡都係熱辣辣，唔係剩係炒熱個邊。椒鹽蒜味好香！味道一流！用黎送飯都好正！大大只，又爽口，Yummy!楊州炒飯，只係需要$42炸！炒飯粒粒分明，又蛋香，又有生菜同蔥花香！仲有好多只原只爽口既蝦！呢個飯炒得唔錯！呢度價錢實惠，幾十蚊就食到好好食既送菜！今次無食到雞粥，下次要食返先得！

新記係筲箕灣都開左段時間，還是有很多人過去食，尤其係午餐，我地可以每人叫餐，除了粥/飯外，我地可多叫小食，如炒粉、腸粉、清菜等等，然後大家一齊分享，頓時十分豐富！午餐約$45-55不等，仲包飲品！楊州炒飯：突然很想吃，味道不過不失，份量偏小炸大腸皮脆肉嫩，好好食！+$8配菜，比較清甜，份量都有幾條架雞粥是店中皇牌，香濃雞油味突出，粥底是軟綿綿，雞肉非常入味！外表晶瑩剔透，不過不是很簿，裡面的蝦好大隻架炒都普通大家都覺得好抵食，下次也可以再來！

今天約了人在筲箕灣, 但早了整個小時到達。 正在想現時有空檔，倒不如先吃個brunch。 這時剛見不遠處有"元朗老字號新記雞粥"。 便走去試一下。 那時早上十時多, 還有些座位。 看看菜牌, 原來也有不少選擇, 早餐也有中式和西式。見其自稱老字號雞粥, 其粥底應該不錯, 所以便點了"生滾及第粥"配"炸倆"。 加$2/$3便有杯熱/凍飲, 很化算, 便加點了一杯熱奶茶。粥以砂鍋盛載, 份量真不少 粥裏有豬潤丶粉腸丶痩肉片和豬肉丸, 粥面洒上葱花。 粥底很錦滑, 味道偏淡。 粥料亦多, 最好吃的是豬潤和粉腸, 新鮮兼没有一點腥羶味。 炸倆內的"油炸鬼"很脆口, 但包着"油炸鬼"的腸粉是凍的。 可能如果是熱着包上的話, "油炸鬼"會被水氣弄濕而不脆了。熱奶茶不過不失, 帶有茶味。

紅雨晚上，難得一支公晚飯，諗諗計要將頹飯昇華得一啲都唔頹。想起元朗又新街名店「新記雞粥」在筲箕灣道近天悅開了分店，十多年前在新界居住時常去的宵夜勝地，馬上就兜上東區走廊，直奔筲箕灣重溫舊夢。在下戒飯粥已八年半，馳名煲仔粥生滾粥無福消受，但就依然點了當年的新記宵夜三寶：貴妃雞(叫例牌唔叫粥)、炸大腸和豉油王炒麵，雞依然係咁滑咁有雞味；炸大腸脆卜卜香噴噴全無異味；炒麵略略唔夠熱但個豉油王咁多年冇失拖。百三蚊換黎嘅滿足感比三百蚊一餐還要大，當然邪惡度亦係好高，不過我亦對自己keep磅能力信心十足，間中放肆一餐實在冇乜所謂。

之前食過一次雞粥唔錯，今晩再食。雞粥賣相當然冇相咁靚。但味道唔錯。D雞都好嫰。叫咗腐乳通菜。炒得唔錯。夠味。$39。仲有豉椒魚腩。都好滑，唔腥。啖啖肉。$44 幾好。D位係迫，但可接受。服務真系有待改善。地下有D雞骨垃圾好污糟，都唔掃下。碟菜黎到又唔俾碗。水要叫佢先斟，冇加一就冇所謂啦。但之後想再叫佢斟水時，扮睇唔到你。只見個阿姐挨住櫃檯食緊提子。今晩客唔多，有空檯。所以唔係人手唔夠或唔得閒，明顯係 hea。一個人就冇乜所謂。同家人朋友食飯的話就唔好了。

趁星期日放假同老公媽媽，表弟一家六口食個晚飯，之後去睇演唱會，所以就相約近黃昏五點零就去食野，諗左好耐終於醒起成日想試呢間雞粥同小菜，所以由表弟一家揾位， 仲可以避開人潮添，因為逢星期六日門口都企滿人等位。揾定位發現原來還未過下午茶時段，所以快快叫個超厚西多士+配炸雞亦。好yummy真係好厚身，外表金黃微脆，內裡還有粗粒花生醬，更香更有口感，牛油蜜糖好香甜，無得輸實在大滿足。生炸雞亦好皮脆肉嫩多juicy呀魚腩豬潤砂煲粥粥頭帶米香又綿密，用鮮豬潤生滾食時夠嫩滑帶粉，而且有明目抗衰老非常有效用。貴妃雞粥雞肉夠晒惹味兼鹹香，配上綿綿粥品，好味！銀芽豉油王炒麵夠鑊氣，色澤夠深，十分彈牙！酥炸尤魚鬚香口野夠粗身，咬落彈牙但好鬆軟，熱辣辣。好正，好耐無食過咁新鮮同咁粗大條尤魚鬚。. 揚洲炒飯簡簡單單但味道最直接，粒粒炒飯，材料足，熱辣辣炒得夠均勻，火腿虾仁香蔥。

午餐唔知食咩好突然想試下呢間成日經過粥店。由於主打雞粥，當然要試下啦。午餐一個雞粥，小食加熱飲$55凍飲加$3小食有腸粉，炒面炒米粉梗係揀蝦抵d啦！粥唔錯，用小鍋上。雞好咸🤦🏻‍♀️最伏係個蝦腸....個腸粉好硬肯定唔係即整粥係可以既，下次可以試下粥..腸粉就.....免啦

又黎筲箕灣搵食 今次搵左間粥店 呢間野裝修好新淨 野食各樣野都好企理 新記主打食粥 但茶餐廳炒粉麵都有得選擇今次我就試下佢個招牌貴妃雞粥佢係用一個沙鍋咁上 非常特別 呢鍋粥充滿曬貴妃雞既精華 面頭係有小小雞油 但唔會覺得好油膩 岩岩好 雞既肉質好鮮嫩 雞件份量都好十足 剩係食個粥做dinner都夠我覺得呢間野比大部份茶餐廳抵 仲有野食種類多 味道唔錯 可以搵日再黎多次

今日病病地，聽日講附近有間元朗粥品幾好食，就一於去試下7點到都去到，都幾多人，等左10分鐘就有位，不過環境上的確比較迫呢到全部都係生滾煲仔粥，款式都好多，而且有得自選配料👍除了粥品，點少得腸粉炒麵油炸鬼仲有好多小食，酥炸魷魚鬚👍仲會有炒飯燒味飯同小菜可以叫，十分多元化先講粥品，馳名海鮮粥材料多款但唔算多，有1舊蝦，3舊蟹，4舊魚肉同帶子，都幾鮮味同彈牙，蟹仲有蟹膏的而粥底十分綿，不過煲仔粥大忌--唔夠熱個煲仔唔係預先燒得熱，只係普通煮好倒上去，食個陣只覺得暖暖地😢另一款泥猛豬潤粥泥猛洗得好乾淨同沒有腥味，魚肉嫩口，有3大條豬潤都好嫩滑爽口，沒有臊腥味不過粥底又係同一問題--唔夠熱，所以即刻遜色了，而且味道較淡食粥點少得炸両，十分脆身，個皮亦夠薄豉油都係上枱前幫你加，豉油味道適中，配埋混醬一齊食仲正另一粥品必備--炸麵炒得乾身，不過唔熱的，似係一早炒定味道較淡，同埋比較油膩23蚊黎講唔算大份，比較貴小食--酥炸魷魚鬚炸得好脆身，個炸漿好薄身，做到酥炸的效應而且魷魚好爽口彈牙，味道都足夠，加埋喼汁食更惹味小菜--薑蔥炒鯇魚骨腩先炸後炒，炸得脆身，炒得乾身味道適中惹味，連蔥都炒得好香，差唔多

筲箕灣都有好多好抵食嘅食店，例如新記，佢有好多街坊熟客㗎。雖然我唔係呢頭嘅街坊，但都算係半個熟客，間中我都會來食碗雞粥，又或者食碟雞飯。可能你會問點解唔食雞粥，而係食雞飯? 其實呢度雖然主打係雞粥，其實，佢仲有好多好嘢食，價錢都好大眾化。例如: 各類生滾粥、乳鴒、貴妃雞、各式小菜、炒粉麵飯、還有米線，可算是應有盡有。今晚路經筲箕灣，順道入去食碟貴妃雞飯和酸辣香煎豬扒米線。【酸辣香煎豬扒米線 $33】大大碗米線，仲有大大塊嘅豬扒，都只係賣$33，係咪好抵? 豬扒煎好香，而且醃得入味，肉質OK唔 “鞋” 唔韌。米線亦非常滑溜，嗦埋啲酸辣湯，食起來都好好味。【貴妃雞飯 $48】份量非常大…..我唔係指白飯，而係指貴妃雞。我鍾意佢斬得夠大件，食起想來口感會豐盛好多。雞皮薄而且香，唔見有肥膏，食得安心。雞肉亦都好嫩滑【泰式青檸冰 $10】呢杯青檸冰$10乍，天時暑熱，飲番杯，分外覺得清爽，正!兩個人唔使一舊，係咪好抵呢?

街坊街里，間中都有幫襯，平時服務都很粗聲粗氣，大部分職員都工作唔開心，對客麻麻，今次到自己受害，決定以後都不會再來。 話說我落左單，同佢講聲去厠所，出到嚟有人坐左我位，我講聲佢聽我換位，因個位有人坐左(我好平靜無悔氣，當時鋪又唔多人有位，坐邊都得。諗諗下佢地都唔忙咁燥做咩？！)佢話唔好掉位，我話，有人喺我去厠所時坐左個位，我轉位喇。點知佢話，你咪調呀你，調左啲單亂哂！超惡！！我又再講，個位有人喺我去厠所時坐左，我點唔調得位坐呀？！第二個伙計就話，咁你講聲調位就得啦，又係好衰態度，但兩條友自己未loop完就走嚟話我！！我話，我咪講你聽囉，佢話唔準調丫嘛，點唔調呀？！ 之前粗聲氣都無理佢地，點知今次中招，就以後唔幫襯喇，周圍都有好嘢食！

新記雞粥食左幾次都唔錯 今次諗住試下蒜泥螺肉嘩 伏到喊😭😭😭😭首先係無蒜泥 係少少都無..重點個螺肉完全無味 仲要食落去好水，好似浸水浸左好多日咁搞到成餐飯都無左心機賣相又肉酸 失望🙈雞粥補數 不過不失啦.....

新記來自元朗，係筲箕灣開左一段時間了．．．今日拉大隊黎呢度食lunch，勝在大家可以share試多d．．．(不過，我忘了影其他同事的粥了)與時並進，終於見到呢度出左lunch套餐，通常配搭是粥+粉麵/點心/腸粉(都幾自由)，或者叫中式小菜，價錢約$50-$60，是屬於可接受範圍內。建議是幾位朋友一齊叫餐，就可以有多款選擇，例如：芽菜炒麵、蝦腸、炸兩等等，感覺似去酒樓飲茶甘，幾好架！貴妃雞粥$48不得不提，呢個生滾粥比其他款式貴少少，但確實是最好味！首先，店家粥連煲仔送過來，雞肉肥美，粥底綿滑有米味又有雞味，雞油撈在粥內更好吃！粥明明是簡單好吃又清淡，為什麼我又有點點的罪惡感呢?

見環境幾乾淨, 便試試吧。11:35am左右入座, 餐廳坐著半場既人, 那還是早餐時段。我們叫了兩個粥套餐, 生滾粥味道不錯, 炸鯪魚球亦大大粒彈牙!不過炒麵比較遜色,其實味道還可以, 不過入口時是凍的, 叫姐姐換, 她亦十分樂意, 再送出來還還可以但好快又凍, 想可能係冷氣機有關, 炸兩亦是一樣不過人手十分不足, 那是只有兩個員工, 又要落彈, 派食物, 聴外賣, 收拾........她們真慘

成個禮拜都出街食飯，食左咁多油膩野，想食番啲清淡啲嘅野清下腸胃。 好簡單咁點咗款叉燒腸同埋一碗雞粥。叉燒腸個皮好硬囉! 唔軟滑，一夾落去就散， 啲叉燒不過不失啦!食粥食到出汗嘅，有幾熱你知啦!雞有啲嫩有啲好鞋，味道都夠嘅。食粥都係寡啲啦，下次都係叫番啲餸菜食下啦!