新記雞粥 (筲箕灣道) (裝修中)

之前在網上看見介紹，就決定午餐來試雞粥😌，果然不是伏，雞粥真的很好味，企炒粉麵略為失色。午市有套餐：粥+腸粉+飲品 （抵食）雞粥：足料、有酒香、粥底綿！必食！蠔仔粥：也很足料，但味道比雞粥淡，所以食完雞粥再食蠔仔粥，便比下去。腸粉： 皮略嫌有點厚，不算太滑。炸兩最失色是油條是「淋」的。楊州炒飯： 飯又乾又硬，大家不想浪費，才勉強吃掉。乾炒牛河： 沒特別，就是油了一點。炸大腸：通常邪惡食品都特別美味！外脆內軟！隨套餐附送的豆漿（凍/熱）：豆味香濃，甜度適中。

見到元朗老字號，一心覺得保持到元朗水準，入去時係5點半，即時坐低就落單寫野，諗住食個下午茶粥，個紮馬尾啊姐已經唔想理會既態度咁埋黎落單，問佢加野飲幾錢，佢答你睇幾錢咪幾錢囉，問兩句就話員工食飯啊，唔夠人手快d啦，語氣差毫無服務，到客人頂唔受走人話唔食俾單佢cancel，佢竟然答唔食咪唔好食囉。如果佢老闆見到請左咁既員工真心倒公司米。 一定唔會介紹朋友去食！！！ 未食到食物質素都已經扣哂分！完全無服務可言，俾錢買氣受！

想介紹一下位於筲箕灣嘅新記雞粥，之前都嚟食過雞粥，記憶之中雞味好濃雞肉亦好有鮮味唔會煲到走晒味見佢個manu有勁多粥揀.所以今次我就要試埋佢泥鯭田雞粥！首先就試咗條泥鯭先...好不幸條魚劏爆咗個膽勁苦。。。不過魚肉都算新鮮食除咗腩位其餘嘅魚肉都叫甜加埋加有陳皮同田雞嘅粥好食到不得了！而佢哋嘅材料都非常足料田雞係放足一隻落去煲而泥鯭仲差唔多有4條所以我想再加餸嘅時候店員都同我講再加餸就得返幾啖粥,如果唔係店員咁講我諗我會加埋隻蟹落個粥入面因為加蟹都係加廿幾蚊真係平到笑！宜家唯有下次再試埋佢其他粥啦～

勸大家千萬唔好食呢間，俾錢買難受是咁的，今日11點買外賣，最後等左半個鐘先齊野，同場仲有好多人一齊等左好耐。都算啦，點知返到屋企，發現阿姐執錯左野食，咁我咪打返電話去問。個阿姐賴返我轉頭：「鬼叫你係咁催我，係咁催咪會錯囉」搞錯！之前要我等半個鐘，依家你自己做錯野！仲怪我！？仲叫我自己落去換返再cut我線！咁嘅服務態度！痴痴地線！最後我落去換返，但前後成個外賣過程浪費左我一個鐘，最後d野食又凍晒，勁難食！我以後唔會再食呢間餐廳！搞咁多宣傳門面都冇用，連基本嘅服務同食物質素都冇，我勸大家千萬唔好去，真係唔好晒錢，因為以粥黎計，佢價錢都算高。

琴晚經過筲箕灣，友人興起想食粥，所以就入咗呢間餐廳叫咗個ＸＯ醬叉燒炒蛋小菜，配個白飯同凍檸茶友人就叫咗碗碎牛粥配熱柑桔蜜先講個ＸＯ醬叉燒炒蛋，賣相同菜單嘅照片相差不大，心諗今次有食神食落就知真係中伏，叉燒薄不在話下，食落無叉燒味，好似食緊瘦肉咁其次，呢個餸係極度之油，炒蛋多油加埋ＸＯ醬嘅汁，油上加油最後，食食下Ｄ蛋居然比我食到舊魚骨出黎，約莫半塊手指甲嘅大細不過當時我安慰自己，可能係佢炒蛋個鑊痴住咗Ｄ魚，所以最尾都無追究唯一可取個蛋係幾滑，可惜入口油感太重，影響咗蛋嘅口感另外，連個飯都出事。似煲完幾個鐘，焗咗好耐嘅飯硬身，Ｄ飯痴到一舊舊，有哽胃嘅感覺，完全係茶餐廳嘅水準甚至之下簡簡單單一個白飯都可以搞到咁講完個餸講下個粥個粥味道不足，稀嫌唔夠滑，可能友人鍾意較稀嘅粥，所以嫌呢個粥有Ｄ竭因為個粥我只係試左幾啖，所以並唔能夠準確帶出評價最後講下個飲品熱柑桔蜜味道嚴重不足，只有其色未有其味凍茶嘅茶底好濁，似擺放咗好耐嘅茶整體而言我唔係太推薦呢間餐廳雖然今次只係試左兩個餸，但已經見到可取嘅地方好少

早排天氣唔知點解突然間凍左好多，凍到屋企都唔想煮飯，好多時都係出街打邊爐就算，貪有得滾下滾下暖笠笠。連打兩日邊爐之後，老豆下旨話唔食邊爐，改去食新開個間粥鋪，所以就一行四人去食粥。呢間粥鋪好似話係新界個邊好出名，依家開到黎港島咁巴閉，當然要試一試。一人叫左一碗粥，可以自選唔同材料，不過無論揀咩料都好，粥底一定係最緊要。我地覺得個粥底都唔錯，煮得夠綿夠滑，黏稠度適中，而且都比想像中大碗，一致認同係唔錯。材料就分別揀左排骨、豬潤、泥猛、貴妃雞、海鮮等，材料又係好多，呢間粥鋪的確落足料。之後再叫多幾個小菜：炒通菜，食落有鑊氣，每條通菜都係翠綠，唔會黃甘甘，同埋炒完都唔會覺得油膩；炸兩，個皮係幾滑，不過略嫌個外皮唔夠薄，如果再薄少少就更好；油鹽水泥猛，意外地鹹度適中，老豆大讚泥猛夠新鮮，每條都肥大肉厚，肉質結實。

今日天氣凍凍地，好想食d熱辣辣既野。暖下個肚！咁岩過海，朋友話有間元朗既粥店好出名，係附近有一間。今次就等佢帶路喇！可能天氣太凍，所以好多人都選擇食粥。呢間粥店要等位入去食 😲好厲害呀！好彩d人都係快食，所以唔洗等好耐就入得去環境正常，唔會話好逼。坐得舒服。叫左佢個出名既蟹粥 🦀成隻蟹，切好左一件件。 食落個蟹都幾鮮。都好多蟹肉食，唔係得個殼。食得到d蟹有同d粥一齊煲，所以d粥食落好鮮，好有蟹味！正仲點左碟炸大腸食。佢既炸大腸切法唔同。咁樣切食落口感更好，炸得夠乾，食落好脆身。點埋d醬，好惹味！！又幾好味！最後仲叫左原筒既豆腐花 😍食落好滑。唔錯。朋友果然無介紹錯 😊

依家出去搵間好食少少既粥品店都難，好彩有新記解決左我多年來對粥既店品質下流既失望🙏🏼黎到點可以唔叫雞粥！一煲粥起碼有四分一隻雞，雞仲要好入味。全煲粥都因為雞油提升曬個層次❤️你睇啲雞多到，我朋友都食左兩碗連雞的餘下給我。成煲粥都有雞油既金黃色係普通粥店都好少再見到既黃鱔粥。整膳功夫真係好多，自己依家諗返都唔知點解以前成日整呢道唔使自己洗、切、醃，仲要好爽、好脆口，真係好驚喜！真係無諗過粥店會有乳鴿，仲要係一啲油都無，好香脆，鴿肉質唔錯，仲保持到juicy 感必食魷魚鬚，真係大條到呢！呢個價錢邊道都搵唔到啦！要趁熱食啊❤️❤️炸到啲粒粒脆卜卜而xo醬炒蘿蔔糕就唔覺得係炒，啲配菜係凍的，啲xo醬係後加，可以叮返熱嗎？😂

今日放工就黎到筲箕灣食個下午茶，見天氣咁凍，所以選擇了這間老字號粥店。入到去，食店都幾大幾光猛舒適，佢有梳化或有椅背的椅子，都幾多位。好多服務員，個個都好熟悉餐牌及好勤快幫客人落單，會好有耐性問你食乜，服務都唔錯！所以坐滿客人哦⋯⋯餐牌好多選擇，有中式西式，有午餐有下午茶，都幾好幾豐富！我選擇了：1. 豬潤魚腩生滾粥好滑的粥底，好熱好綿；豬潤又薄又爽脆，都好大塊好味道；魚腩好滑好鮮味，骨是大條的，所以都容易食；個量剛剛好，料是十足的！2. 豉油皇炒麵豉油味好均勻地炒到每條麵色澤都好靚，好多芽菜及蔥段，好香好有口感好多人都叫外賣！好受歡迎的餐廳！下午茶好抵食，30幾蚊，包生滾粥，一個粉麵或小食加埋飲品哦，

唔係第一次幫襯，上菜時間偏慢，一碗粥都至少要等20分鐘。今次去，唔多人，唔使等。兩個人坐4人台，第一個呀姐叫我地坐埋一邊，所以我地坐埋一邊。然後對面再黎左對老夫婦，老夫婦落完單後，第二個呀姐係咁話我地坐得唔岩，應該要打對面坐，唔方便佢上菜，如是者大大聲，係咁話係咁話我地唔應該咁坐。我黎食飯唔係諗住被侍應鬧的，所以起身就走了。呀姐姐好驚訝，因為佢把口仲未停，仲鬧緊我地坐得唔岩。其實上次去，已經聽到d姐姐大大聲同老細追討權益架喇，話要安排多d休息時間俾佢地。講真，野食係好食，不過姐姐既態度可以改善一下。可能佢地俾人刻薄緊我唔知啦😅

草根姐姐番工成日經過見到筲箕灣開左新記雞粥。見午市同晚市都好多人，有時仲見到要排隊最近天氣凍，所以搵埋一家去食粥，順便試下新餐廳!!呢間新記雞粥應該係元朗個間嘅分店。當日8:00pm去到等左大約10分鐘就有位。坐位打開餐牌都見到幾多選擇，除左有女多唔同嘅粥款，仲有得叫粉、麵、飯，小食同小菜。話明係為左粥而來，所以一嚟就叫左3碗share，另外仲叫左d小食~粥都唔算平，但其他小食同粉麵飯好抵馳名海鮮粥（$63） 海鮮粥係全晚草根俾NO.2的菜色，亦係當晚叫3款粥中最好食嘅一碗🥣。粥內有齊蝦、蟹、蠔同魚肉，所以味道最特出，當中蝦同魚最出色，食得出夠新鮮好鮮甜，蝦肉爽口🦐，魚肉帶有海水鹹味加上肉質滑滑的🐟，好滋味!!😋蠔仔粥（$45）蠔仔幾鮮甜，粥內仲有雞肉，味道Okay，粥底都算綿密，好可惜味道太淡，而且溫度唔夠熱♨️，可能因為冇燒熱個煲仔先上菜啦，係食粥大忌呀😫鮮蟹粥 ($48)蟹粥味道偏淡，蟹肉都鮮甜嘅🦀，可惜同樣溫度唔夠熱♨️，真係幾失望😞，溫馨提點下大家小心蟹碎喔~酥炸穌魚鬚 ($42)呢樣草根妹妹敢俾NO.1佢地!!! 穌魚鬚🦑炸得夠乾身，超。級。超。級脆卜卜，炸漿好薄，完全唔油膩，

近期雜誌介紹筲箕灣新記雞粥，睇見好多食物都好吸引，所以今晚就同朋友一齊來試下。香脆炸大腸：聽講依到的大腸係師父自己買回來再用水沖洗，所以食落唔會有豬屎味道，加上用上上等食油來炸製，不但將豬腸炸得金黃香脆，入口肥油的感覺沒有，絕對係好過出面小販黨的貨色。鴨胸：鴨胸用煙燒的方式來薰製，所以食落會有一陣陣煙薰的味道，加上鴨胸唔會太油，而且肉質爽嫩，入口肉質有層次，食完會有一食再食的感覺。椒鹽海中蝦：用上新鮮海蝦烤炸而成，食落不但蝦肉結實，而且肉質鮮嫩，入口蝦肉彈牙，加上椒鹽用上大量蒜粒，食落更加惹味。最後，這裡食物不但有著元朗風味，而且食才新鮮，絕對係會再次來食其他食物。

岩岩收工經過筲箕灣，見到係元朗出晒名既新記雞粥竟然係到有分店，所以就到來一試。蠔仔肉碎粥：用上大澳出產的新鮮蠔仔肉，將其整碎，再放入粥內煮製，令到蠔本身的味道更加突出，加上粥底用上油沾米，所以煲出黎既粥更加軟綿同滑，入口即有著蠔既甘香。脆皮乳鴿：用上元朗農場的乳鴿，所以肉質肥厚，加上本土出產，所以食用都非常安心。加上，本店自家有燒爐，所以乳鴿係親自燒製，皮脆不突止，肉質更係有保證，加上少許鹽來吃，味道更為惹味。金牌貴妃雞：貴妃雞用上新鮮農場既雞隻，所以唔洗擔心安全問題，加上用上上級藥材來浸製，所以食落除了有藥材味外，加上雞肉鮮嫩，皮又脂肪少，唔會太油。最後，這間店的出品絕對係值得推介，食物水準又高，絕對係要來品嚐。

又係大食妹為大家四出搵野食時候。今次為大家介紹係位於筲箕灣既新記雞粥。脆皮乳鴿：乳鴿本身屬於大size,所以食落啖啖肉，加上炸得岩晒火候，令到皮脆肉嫩，肉汁都十分多，加上少少華鹽來吃，更能食出乳鴿本身應有的味道。豉椒黃鱔：用上原條黃鱔，再將它斬件，加上紅椒洋蔥炒製，令到黃鱔吸晒椒絲的味道，加上黃鱔肉質鮮嫩，令到黃鱔更惹味，實在係依家冬天必叫之補身食品。鮑魚火腿通粉：用上正宗鮑魚絲切幼，所以食落會有陣陣鮑魚香味，加上肉質軟滑，十分有鮑魚之味道，加上通粉軟身，唔會太硬，實在比茶記更加好味。今次，我俾5個大食指數，除了係有著元朗風味外，食物質數都十分高，絕對係要必來之地。

蜆介鯪魚球 ($42)一客有5件，粒粒都大個乒乓波嫁! 如果2個人叫一碟應該會好快飽左😂鯪魚球外面炸得香脆，裹面保持到熱辣辣出哂煙的溫度♨️，唔錯!👍🏻鮮蝦腸粉 ($23)每條腸粉都只有一粒鮮蝦，好似少左d喎👉🏻👈🏻蝦肉爽口，非常新鮮，可惜腸粉皮太硬太厚，而且見到都落左幾油，唔合格❌帶子豬潤炒麵 ($64)炒麵油膩左少少，不過勝在麵質依然煙韌，帶子香煎，豬潤唔會過老過熟，時間掌握得岩岩好，味道不過不失啦～蒜茸炒菜心 ($39)菜心份量幾足，但平心而論係整得熟左少少，腍到婆婆都食到。由於草根👧🏻👩🏻細細個係老佛爺(草根嬤嬤) 照顧，一向都食開D腍野，所以特別覺得有嬤嬤味道!紅燒元朗脆皮乳鴿（$51）草根家已經好耐無食乳鴿lu🐥一時口癢癢👅就叫咗個乳鴿過下癮🙈乳鴿外皮酥脆可口，唔會油笠笠🙌🏻肉質入味💋質素都算不錯嫁！