新記雞粥 (筲箕灣道) (裝修中)

黎到新記雞粥，你可能就會即刻諗起雞粥，但係呢度除咗雞粥之外，早餐、常餐、下午茶其實都抵食㗎。今日我你都選擇咗通粉。 做嘢做到攰，當然最好係能夠輕鬆食反一餐。通粉唔諗、唔軟，軟硬度剛剛度！配返一杯凍奶茶，就非常一流雖然我淨係食咗常餐，但係呢我嘅朋友就叫咗炸兩、雞粥。雞粥入邊嘅份量亦都非常之足夠，雞係有雞味嘅，粥亦有粥味。唔鹹唔淡，都覺得非常之正呀！如果我哋唔係午餐時間嚟嘅時候，佢嘅招牌雞粥平少少，所以如果大家嚟緊嘅時候，就要揀啱時間，黎食完雞粥啦！

樓面好多空檯，都reserve曬俾熟客係都要求我同其他客人搭枱外賣仲要俾錯人服務員居然問我「點解我俾錯人，你都唔喝住我？」我好明白服務性行業壓力大但服務員俾錯人，居然怪客人？我有責任monitor住你有無做錯？我又要重新等廚房煮過等大概20至到30分鐘好慢好慢外賣好細碗！係平時裝撈麵隻size雞肉豬膶粥味道幾好炒麵就好麻麻絕對唔會再幫襯外賣size不可接受出外賣既速度亦不可接受 服務員態度更不可接受

病病地落去食碗粥清清地又可以清下腸胃新記出名粥，緊係近近地落去屋企樓下開餐啦叫左碗豬紅豬腰粥$38大大碗豬腰煮得剛剛好唔會有so味！豬紅大大舊又足料蝦米腸19抵食又多蝦米蔥蔥份量岩岩好，腸粉幼滑有口感

今日去咗呢間餐廳食個tea, 雖然這間餐廳好出名食粥， 因為我個人麻麻地鍾意食粥，所以揀咗食佢嘅片頭三寶米粉（魚片，魚蛋，墨魚丸)， 估唔到啲魚蛋同墨丸都幾彈牙， 湯底都幾濃味，仲送埋一杯熱飲，都係$37，都幾抵😂

早餐時間未坐滿，點了碎牛粥蝦米腸，蝦米腸等足十五分鐘，聲稱即叫即整，最後嚟到係凍嘅。完。唔會再嚟。仲有，食完好口喝。服務算係好好，有個老伯伯一個人嚟到好『輪盡』，但店員都一一滿足佢要求。唯一可以讚就係咁多。

今天約了朋友在筲箕灣進行球賽，賽前先填飽肚子！賽前吃牛筋腩河可以補補筋骨，過一會兒的羽毛球賽就可發揮淋漓盡致哩～我點了柱侯牛筋腩河，上桌時香味四溢；而河粉幼滑，而牛筋和牛腩炆煮得夠火候，不會過淋或太硬！另外還點了鮮蝦腸粉，大大原隻的鮮蝦，吃進口中是爽甜；而且價錢適中！新記位於筲箕灣南安街口，裝修整潔明亮，座位寛敞感覺舒服！旁邊的落地玻璃可以外看街景，看著忙碌的行人熙來攘往；而我就在這裡感受生活，哈！

近排病病地唔太舒服，結果比男朋友迫我要食粥。左揀右揀，終於比我爭取到食新記雞粥😍。一去到已經勁多人，搞到一定要搭枱，仲要同搭枱啲人爭個餐牌黎睇，啲待應又忙到唔得閒招呼我地，想攞個餐牌黎睇都難。我地最後叫左一煲雞粥，一碟豉油皇炒麵同一碟炸兩就算。但個雞粥真係好好味，啲粥好香雞味，又呈淡黃色，好似啲雞既精華落晒落煲粥度。啲雞連骨又夠滑又夠味，餣得唔錯。👍🏻👍🏻個炸兩皮夠薄同滑，油炸鬼都夠脆身，但略嫌啲豉油唔夠甜得個咸字，美中不足咁。炒麵都夠味同乾身，又夠大碟，都夠我地兩個人食。男朋友話下次要加豬潤同試埋個炸大腸喎。

叫咗碗生滾魚腩粥，下午茶時段無叫其他野。生滾粥用咗煲仔上，感覺好溫暖。粥底好綿，食落無乜味精，好屋企feel~魚腩都有3-4塊，以佢個煲仔大細就好足夠。配埋辣椒油豉油點魚腩，簡直一流。阿姐嘅服務態度亦無乜問題，尚可。俾個讚。有機會再光顧。

黎間野由開店到而家都係咁慢唔該換曬d staff換返D正常少少醒目少少既今朝買個皮蛋瘦+蘿白糕已經好少客都可以等十五分鐘如果唔係君記休息幾日我都唔會幫襯趕返工既真係死得

請不要誤會這個是情人節晚餐，就是跟朋友不想吃西餐才選擇吃這一家。打開餐牌立即有驚喜！不論中西餐粥品海鮮小炒小菜……應有盡有林林總總，感覺似去了food court一樣，想吃什麼就有什麼！話雖如此，餐廳打正招牌主打粥品就不得不試！我們點了招牌菜海鮮粥和貴妃雞蠔仔粥，前者蝦蟹味甚濃，後者的雞和蠔在煲滾熟透後依然嫩滑，讚！吃粥又怎能沒有油器食品？炸両一定是首選！難得包在腸粉內的油條依然脆口粥以外的食品首推紅燒乳鴿，乳鴿肉質鬆軟，表皮燒得十分香口，恰到好處，咬下去外脆內軟，不可抗力！此外，蜆介鯪魚球也是不二之選！本人一直十分害怕鯪魚球的魚腥味，可是這一家的鯪魚球沒有腥味之餘更有魚肉味，再配以蜆介就更可口！六時到達以為情人節就少客人，怎料未到七時就坐無虛席！

今日去咗筲箕灣南康街果間新記食下午茶，入到去見好多人，但仍有位，安排入座、兩人依餐牌點咗一碗泥鯭蠔仔粥，另一碗魚片豬潤粥，再叫咗一碟金牌貴妃鷄！兩碗粥都份量十足，以沙窩盛上，更保持熱騰騰的溫度，粥底夠綿，鮮魚片鮮甜，而豬潤也做得有十分水準，不會太乾硬！另一碗蠔仔泥鯭粥因為蠔肉和泥鯭的配搭，鮮味混和滾熱的粥底，上面舗蓋的蔥花，散發的香味，真聞到已經垂涎欲滴！食落更感覺鮮甜，主要原因是用料新鮮！貴妃雞是用特別鹵水汁浸熟，所以已經有咸味，而且雞肉質嫩滑，不愧叫金牌貴妃雞，自有其獨特吸引之處！

成日話入元朗要雞粥，但原來佢已經開咗分店一段時間，而且仲唔係獨沽一味賣雞粥。Menu粥品種類繁多，當中以貴妃雞粥最出名，海鮮粥最豪華亦可以自己mix and match。但比起必食嘅雞粥，我哋更想試吓平時較少有嘅黃鱔粥。魚塊肉質紮實彈牙，唔會有腥味。個粥底夠清夠綿，唔覺好大味精。小菜方面點咗椒鹽海蝦。雖然要百幾蚊，但有十幾隻蝦，份量幾足。蝦殼炸得酥脆，幾乎可以就咁吞。除咗椒鹽味夠之外，仲有大量炸蒜送飯用～欖菜肉鬆乾扁四季豆幾有鹹香，但呢類鑊氣小菜都係比較油，配埋粥食就啱啱好。餐廳亦出奇地有唔少特飲，例如龍眼雪碧、青檸冰......雖然呢度價位比茶餐廳高，但有唔少較少見嘅地道香港菜式可以試，不妨作為一家人閒時食餐飯嘅選擇。

剛開業時都幫襯過外賣，嗰陣MENU好似未有咁多元化，冇咁多地道香港菜。近排見佢多咗啲人去，就即管同屋企人一齊試試堂食。雞粥色澤淡黃，食落有雞油香，質感綿滑。呢度嘅雞件係經新記改良嘅貴妃雞，少咗酒味，用多咗藥材醃，幾入味同嫰滑。幾驚喜會喺呢度食到啲咁老香港嘅菜式—炸豬大腸！外皮炸得香脆，豬腸脂肪多，而且豬腸嗰種獨特嘅香味好重，啱晒重口一族。點啲醋可以解膩~我哋一家偏愛酥炸魷魚酥~魷魚印乾水先上粉，外皮唔會腍，好酥脆。椒鹽味啱啱好，味道均勻~魷魚大條多肉，份量亦多，美中不足只係大廚房喺上層，運落嚟用咗啲時間，食慢少少就會凍喇~最平嘅飲品係自製五花茶，但反而係最高質。一飲就飲得出羅漢果味，甜度剛好，清熱之選。特飲方面鍾意酸嘢嘅人可以試試青檸冰。估唔到呢間餐聽除咗粥品仲有咁多小菜選擇。

今天有點想作病，就突然想吃粥，記得之前在筲箕灣有間新記雞粥，就和媽媽由柴灣去到筲箕灣試試。原來這間餐廳是元朗始祖，元朗老字號，筲箕灣店開業不久，餐廳內有兩層，座位算很多，餐牌有各式各樣的粥品、小炒、小菜，來到當然要吃招牌菜貴妃雞粥，時間正是下午茶時間，還可以加配腸粉、炒粉麵，最後點了蝦米腸，而媽媽就點了星洲炒米、蜆介陵魚球、七喜華梅甘桔冰、自家製五花茶。招牌菜貴妃雞粥 - 有蝦乾、瑤柱絲，略帶一點點藥材味，粥底軟棉棉，滾出的米有米花香，果然是招牌菜，無得頂。蝦米腸皮薄光滑，入口嫩滑，蝦米份量足。蜆介陵魚球 - 份量十足，魚肉比例均勻，蜆介醬絕配😋自家製五花茶 - 竟有五花茶，不會太甜，不錯不錯總評：高水準粥品

近排天氣一時熱一時又涼，見今晚輕鬆跑步由鰂魚涌到筲箕灣；友人話想食粥就去左呢間老字號新記雞粥！新記唔係得粥一味，仲有小食小菜小炒等等⋯先叫左個小食蜆介鯪魚球，大大粒漲卜卜，配上蜆介好惹味！見招牌寫住老字號新記「雞粥」我就點左貴妃雞粥。用料十足，味道調得剛好，而且啖啖肉！運動過後要增加多d蛋白質，食雞肉就岩啦，hahahaa友人就點左蠔仔泥鯭粥。哇！絕配呀，超出色！因為添加左少量薑絲，一d猩味都無；反而蠔仔同泥鯭既味道就提升左！加上泥鯭屬少骨魚，拆肉容易！最後仲點左個欖菜肉鬆乾扁四季豆，碟頭唔細，份量十足；炒得剛好，唔會太濕 豆又乾夠淋身，岩岩好鎖住味道！