新記雞粥 (筲箕灣道) (裝修中)

今日路經此地便入去試吓，睇咗一輪餐牌，叫咗一碟豉油皇炒麵，一碟蝦腸，一杯凍姜蜜，個服務員話沽清，咁我轉咗杯凍O水，幾分鐘杯飲品就嚟到，繼續等.....足足等了二十幾分鐘，就嚟咗碟蝦腸，皮厚成條腸粉得一隻蝦，整體嚟講係似食僅粉皮多過食僅蝦腸，食了幾口放氣，又繼續等....嗰碟豉油皇炒麵，由落柯打到枱碟麵足足等咗我最少三十分鐘，都算嚟到就食，一試碟麵又硬又唔熱嘅，我就搵個服務員，碟麵又硬又唔熱，我要取消換過碟炸両，嗰位服務員仲要答我，炒麵係咁喎！我真係未食過囉，唔明点解咁遲先來，我初頭以為即叫即炒所以要等耐d都無嘢講，点知嚟到碟麵，又硬又唔熱点解要等成三十分鐘先到？一次無回頭

之前來過這裡幾次，每次都保持到食物質素，果然是出自元朗名店，特別是這裡的粥品，例如每次必點的鮮蝦粥🦐🥣蝦新鮮又大隻，而且足有5隻，性價比超高，可惜今晚賣光了，只好改點田雞粥，也是同樣足料！其他小菜如燒乳鴿也很出名，做的肉不乾皮也香。另外油鹽水泥鯭也是每次必點，份量足而且魚煎過再煮，有油香又不膩，只是來晚了又給買光了，要了個油鹽水魚腩，魚腩都是一大塊不是又薄又散的那種，不錯！這裡整體用料新鮮而CP值高，讚👍

知道筲箕灣開咗舖新嘢當然要試吓，一行5人要等半個鐘左右，但就可以叫多幾款試。先試個招牌雞粥，個粥底夠綿個雞對於我嚟講咸咗少少食到底嘅時候多碎骨, 豉油皇炒麵夠乾身，煎蝦米腸都ok，炸魷魚鬚夠脆味道 椒絲腐乳通菜個 腐乳味唔夠，生炒骨就硬咗少少有D骨都完全無汁較乾柴柴，炸鯪魚球炸 兩粉漿夠薄星洲炒米都炒得乾身，係個咖哩粉帶少少苦味道。餐廳由於新裝修環境都可以，待應服務較懶散，我估我下次嚟會揀粥品類食，小菜就唔會揀。

今晚去筲箕灣搵朋友食飯，唔想大魚大肉，食下粥清清地都唔錯～ 去咗新記雞粥，鋪頭光猛座位多，粥嘅款式好多，可以自由配搭，我哋叫咗兩個粥，一個艇仔牛肉粥，一個馳名海鮮粥，仲叫咗其他小食～ 馳名海鮮粥 $63好足料，有兩隻蝦、有蟹、有帶子、魚片，款款都新鮮好味👍🏻 而粥底唔算好濃味，但都幾綿～牛肉艇仔粥 $32艇仔粥嘅配料同一般也差不多，只係加咗碎牛，但碎牛份量唔多，可能加豬潤會比較好～酥炸魷魚鬚 $42賣相唔錯，但我哋食唔到嘅唔係即炸，外面有少少淋，不過魷魚鬚好爽口彈牙，味道亦都唔錯，點埋夾汁一齊食更好味👍🏻鮮蝦腸粉 $23腸粉好滑但每條只有一隻蝦不過好大隻好爽口彈牙未，加上豉油蛋好味XO醬炒蘿蔔糕 $42份量都算多蘿蔔糕用XO醬炒得好香口味道非常好而且又配三色朝同洋蔥更加清新推介涼拌皮蛋 $29見到隔離枱叫咗，好似幾正咁，所以我哋又叫🤣 果然唔錯👍🏻 係糖心皮蛋，配上辣椒豉油，味道非常好😋凍豆漿 $9好香滑，豆味濃，冇加冰，非常解渴，＄9好抵飲👍🏻😆

數星期前去東大街吃飯，路過新記，見到好多人排隊，莫非好味道？今晚便來探過虛實。可能未到繁忙時間，還有一張吉枱，可以直入，不過未叫食物，發現全場已經爆滿了，真好彩。我們要了招牌雞粥，鯪魚球，泰式青檸冰，蝦腸。招牌雞粥，粥底好綿，雞肉有點鹹香味，混合粥就雞塊，味道就剛好，不用加鹽。鯪魚球，上枱熱騰騰，我不想這麼熱吃，等了一會兒，發覺沒有出現縮水現象，吃落彈牙，而且吃到魚肉的甜品，全部都是鯪魚肉做，沒有加太多粉，我推薦這個👍👍👍👍👍。蝦腸用新鮮製造，所以腸粉都有蝦的鮮甜味道，而腸粉嫩滑爽口。泰式青檸冰，靑檸味夠濃郁，而且不會太甜和太酸，甜度適中。

行完鶴咀就去市中心開餐，老字號的元朗新記落户筲箕灣，未到7點已經排隊，好彩早到。店幾大，有兩層，無大排檔格局，改為茶餐廳格局，坐得ok，很熱鬧。招牌貴妃雞一定要試。貴妃雞粥 ($48)，粥的雞香味濃郁，雞份量也蠻多的，好滑又入味，粥軟綿綿，不愧為招牌菜。香脆炸大腸 ($42) 炸得佷酥。豬潤炒麵 ($47)有很多豬潤，炒麵不會很乾，也沒有很油，濕潤度剛好。蜆介鯪魚球 ($42) 魚肉扎實，點蜆介醬食有天然咸香味。凍奶茶 ($16)，奶茶都幾有茶味，唔錯，茶餐廳水準。七喜龍眼冰 ($21/凍) 綠色幾有趣，龍眼好大粒，都幾多，好味。

呢間元朗出名到一個地鐵版圖一個對角咁遠嘅雞粥，價錢大眾化，仲有得十二蚊加餸，餸量都幾多。自家製五花茶$9，大大杯，味都幾濃，清吓熱，夏天就嚟，整返杯唔錯！豬潤腸粉$21，豬潤份量唔多，皮算薄。香脆炸大腸$42，個甜汁加分，椒絲腐乳炒通菜$39，呢味的確唔錯，個腐乳幾靚，即刻加返唔少分馳名海鮮粥$63，呢個無得輸，鮮味出晒落粥，料又唔過熟讚。貴妃雞蠔仔粥$60,蠔你迷你size，雞塊碎咁少少，不過鮮味搭救。

我唔係元朗人，以前又冇咁多資訊，所以昔日去親元朗就只識得去「新記」食雞粥同炒麵，所以新記都算係我某段時間的回憶。近日得知新記衝出左元朗，去到筲箕灣開分店，作為市區人當然要再去回味一下。有日去完石澳玩，夜晚返出筲箕灣就想到呢度。雖然格局似茶餐廳，但總比元朗店坐得舒適。菜式方面就似街坊小店，供應多款小炒、香口炸物、蒸餸等，不過去得呢度當然食雞粥。貴妃雞粥（$48）分量唔算少，2人分的話每人都有三至四碗。粥煲得好綿好滑，亦唔會好水，有米香。初初d粥呈白色，但畀雞件越浸就越被雞油染成黃色，加左雞油就更香。貴妃雞亦唔會淡而無味，帶點鹹香，肉質亦滑，整體質素都高。食粥又點可以唔跟炒麵？點了最基本的豉油王炒麵（$28），麵條炒得乾爽，唔會油淋淋，而且都均勻地沾上了豉油，加埋芽菜、蔥更增添口感，一啖麵配一啖粥，絕對perfect match。蜆介鯪魚球（$42）純粹係興之所至而叫，冇諗到質素咁高，個個圓滾滾炸得金黃，火候拿捏得好好，賣相一流。一口咬下，除左熱辣辣，就係感到鯪魚肉的彈牙爽口，鯪魚的碎骨亦唔多，加埋我好喜愛的蜆介醬，就係是晚最回味的菜式。反而脆皮乳鴿（$51）就比較一般。「一般」唔係話唔好

復活節加清明長假期梗係周圍去玩下食下野啦, 黎到港島區探朋友, 偶爾見到轉角位呢間新記雞粥, 原來係之前係元朗食過新記煲仔雞粥既分店 , 當然要試下佢保唔保持到水準啦!打開餐牌淨係粥都好多配搭, 不過本人都係對貴妃雞豬潤粥情有獨鍾粥底一樣咁綿, 雞又滑, 原煲上真係冇得輸!上次係元朗食既時候偷睇其他食客點餐, 見到蜆介鯪魚球同豉油皇乳鴿都好吸引, 今次當然要試啦!鯪魚球大大粒又彈牙, 果然係小菜不二之選雖然不及炸既香口, 但依然肉嫩豉椒炒黃鱔好入味, 爽口夠獲氣叫杯七喜話梅柑桔冰下下火是常識吧唔洗山長水遠入元朗都食到新記雞粥, 港島區的人有福了

去人生路不熟既筲箕灣做嘢 就梗係要問下個住係附近既fd有咩好野食推介下啦 佢介紹左我食一間由元朗開出黎既雞粥 我差唔多三點去到都有10個人左右係度排隊 好彩等左三個字左右就入到去啦 〰️貴妃雞豬潤粥〰️呢碗粥係呢度既推介 我見到我身邊幾台嘅客人都有叫呢碗雞粥 所以我都即刻叫一碗個粥好滑好綿 雖然碗粥有大量雞油令個感覺好似食左會好肥咁 但係其實我覺得呢d雞油係直接提升左碗粥既雞味 真係好濃郁 相反豬潤嘅未被雞味搶晒 不過豬潤其實本身都好爽口 所以都好好味〰️酥炸魷魚鬚〰️呢一碟香噴噴炸到金黃色魷魚鬚係令我食到唔停口既 魷魚鬚唔會炸得太乾身 好有咬口 而且就算凍左都仲好正〰️紅燒脆皮乳鴿〰️真係冇諗過呢度竟然有乳鴿食 真係有d驚訝 乳鴿皮相當香脆而不油膩 肉質鮮嫩 仲要係啖啖肉添呀 一定要試下

今日同好姊妹去完演藝睇舞台劇，就黎到筲箕灣食晚餐。😋這裡好多選擇，中西粥粉麵小炒都有，真係好適合不同的食客、一家大細。👨‍👩‍👦‍👦這裡都幾大；雖然枱有點迫，但都坐得幾舒服。難怪客人這麼多！好多服務員，佢地好清楚運作又菜單，所以快而準地為客人落單。👯‍♂👯我們有好多野食想叫想試，最後叫了一個粥、腸粉、2個小菜及一個小食。生滾泥鯭粥好大碗好香滑的粥底、泥鯭剛剛好，又滑又新鮮；配上陳皮及香蔥，一流的魚粥！😍鮮蝦腸腸粉好滑好軟，蝦好爽脆又大隻；好味道的腸粉！😝海蜇手撕雞這裡的雞好出名，天氣熱熱地，食這個就好適合了！海蜇好爽好有口感、雞好滑又香口又無骨，有少少炸菜，加上個汁好野味好香口，正呀！😇蒸茄子好健康又野味又無油，蒸茄子好軟好腍，配上香又少辣的肉碎剛好！😎XO醬叉燒炒蛋好靚呀！一上枱蛋的黃色好搶眼！好香好滑的炒蛋，師傅煮得好好！配上半肥瘦大大片的叉燒及上面的XO醬，好正好易送飯！🤗

新記老鋪在元朗又新街，招牌生滾粥最出名，價錢不貴，仲可以加拼粥料，令到原本嘅粥品再次升華。除了粥外餐廳仲有其他必食推介，如炸蒜茸雞翼尖，四川麻辣鵝腎，貴妃雞，腸粉等等。今次得兩個人，我就揀咗以下食品：生滾雞粥，$48，雞肉肉質比較扎實，有咬口感，味帶有小小咸雞味，雞皮軟滑，雞油不太多。而粥底又綿，又軟，又滑，漿力剛剛好。推介指數：8/10蜆介鯪魚球，$42，好多餐廳都用豉油碟，蜆介就得幾粒，不過新記就好唔同，蜆介用小碗，裏面有好多蜆介，仲可以一粒粒咁伴住鲮魚球食，好正啊。同時，新記嘅鯪魚球好大粒，成個乒乓波咁大，鯪魚肉又冇骨，好抵食！推介指數：8.5/10豉油王炒麵，$23，麵條比較硬身，但麵條帶有豉油味，味道好均勻，令到炒麵又香又有豉油味，再加上芽菜夾住中間，幾好味！推介指數：6/10鬼馬炒牛肉，$62，味道好似生炒骨，不過有小小牛肉在內，幾得意。油條做鬼馬，夾來一起食，又脆又爽囗。推介指數：7/10生滾蠔仔粥，$45，師傅佳作，粥底清淡，冇味噌，帶有蠔仔鮮味，味道淡淡地，非常鮮甜。蠔仔超多，好有廣島蠔嘅風味。推介指數：8.5/10泰式青檸冰，$21，青檸鮮香，檸味夠，帶甜。推介指數

來到筲箕灣，行下行下見到馳名元朗的新記雞粥，還記得以前同蝦子餅專程入去元朗食雞粥，現在就在面前，當然要去食返個煲仔粥啦！筲箕灣分店較元朗的裝修新很多，座位有少少逼，不過還可以的。六時來到，已經有很多食客，過了一會兒，已見餐廳外有著很多食客等候。魚腩肉丸皮蛋粥$44粥底真的很軟綿，魚腩鮮嫩幼滑，皮蛋有彈性，呈半透明有松花紋理，屬優質的皮蛋，這個配搭就是鮮甜不膩，十分喜歡。炸兩腸粉$17腸粉皮軟滑亦不算厚，油條很酥脆，少一點豉油更佳！豬潤銀芽炒麵$47分量很大，炒麵加入大荳芽實在是完美的配搭！炒麵的麵質爽口彈牙 ，較乾身，厚砌的豬潤， 很有口感，沒有腥味， 又爽又脆！七喜話梅柑桔冰($21)，味道酸酸甜甜，好味解喝！整體而言，食物即叫即製，新鮮好味，除粥品外，其實也有很多的精美小菜及小食，下次同蝦子餅來試下皇牌推介的紅燒脆皮乳鴿及香脆大腸呢！

一直都好想食番之前食過好好味既雞粥…朋友話我聽原來新記雞粥係筲箕灣都開左分店！唔洗再入元朗都可以食到喇！😉😉今日就去回味一下先！位置唔難搵，係地鐵站一出行3mins就到！去到依舊好多人係門口等位。😮好彩唔洗好耐就入得！佢既粥品有好多選擇，可以自由配搭。想要咩料就有咩料！岩哂自己口味！☺我就當然揀左新記既招牌貴妃雞配豬膶粥！😛呢度既貴妃雞 之所以咁好味，係因為經過二十種藥材加瑤柱蝦乾烹調而成。所以食落會有一d藥材味！介紹完喇！😏上菜.☕賣相同以前一樣，都係一煲金黃色既雞粥！🤤睇見都流口水！雞粥每啖都食到濃濃既雞味，貴妃雞既精華係哂煲粥度！正！而且貴妃雞一d都唔會老。出面食既雞通常都煲到好難好老但d粥卻好淡味。貴妃雞好嫩滑，亦好多件。一啲都唔馬虎！最令人驚喜係：佢既豬膶竟然係黃沙豬膶黎！正呀！！♥我最鐘意架！黃沙豬膶特別爽口，唔會話好大陣腥味！👍食粥點少得既係炸兩。呢度既炸兩仲可以加蝦米。有別於傳統炸兩。賣相好吸引！加左蝦米上面，食落更香口！都幾好既配搭。油條炸到好脆。加埋腸粉三寶：甜醬，麻醬，豉油。簡直係完美既配搭！😀最後仲食埋佢既 原筒豆腐花香滑既豆腐花，暖笠笠有少少薑味既糖水是一個

叫左叉烧肠粉，炸兩，XO叉烧炒蛋饭。样样野都好食。叉烧炒蛋饭：蛋金黄色，好香。咋俩：皮薄，油条弹牙微脆。今次外卖来食，送到时食物都热辣辣艮。下次会继续帮衬。价钱也十分公道。