新記雞粥 (筲箕灣道)

營業中

休息中

近排天氣一時熱一時又涼，見今晚輕鬆跑步由鰂魚涌到筲箕灣；友人話想食粥就去左呢間老字號新記雞粥！新記唔係得粥一味，仲有小食小菜小炒等等⋯先叫左個小食蜆介鯪魚球，大大粒漲卜卜，配上蜆介好惹味！見招牌寫住老字號新記「雞粥」我就點左貴妃雞粥。用料十足，味道調得剛好，而且啖啖肉！運動過後要增加多d蛋白質，食雞肉就岩啦，hahahaa友人就點左蠔仔泥鯭粥。哇！絕配呀，超出色！因為添加左少量薑絲，一d猩味都無；反而蠔仔同泥鯭既味道就提升左！加上泥鯭屬少骨魚，拆肉容易！最後仲點左個欖菜肉鬆乾扁四季豆，碟頭唔細，份量十足；炒得剛好，唔會太濕 豆又乾夠淋身，岩岩好鎖住味道！

大年初三，食個下午茶，周圍無乜食肆開，唯獨佢開，咁就食。茶餐廳加一服務費無所謂，但都要有合理服務吧。茶餐廳幾廿蚊預左服務差，但都無理由在客人食緊野既時候叫人地換位去遷就新來的客人。已經是有分店的，仲係咁既服務態度，其實就好有問題，就算食物一流，但我都唔會再去堂食受呢啲氣。加一服務費就唔該真係比啲服務誠意吧！起碼人客來到坐下來都比杯水、同埋要有紙巾供應丫！店內坐位又迫，環境又嘈，咪使旨意我再去！

今日行完山胃口大增。 走到人來人往既筲箕灣就好自然咁揀左食中菜。 因為想大大兼飽肚3個人豪嚥1個粥, 1個抄麵同2個小菜。先黎個腐乳抄時菜。 新鮮大份再黎個貴妃雞帶子抄烏冬。好入味。 雞已去骨。 好正再黎個自選粥。有帶子。碎牛。 帶子好大粒。碎牛令個粥好鮮。 個粥底好綿好滑蝦仁抄蛋都好正。 因為蝦已去腸 好厚肉呀 然後個韮黃都好爽口飲品方面我就叫左檸蜜。 偏甜左d另外朋友叫左杯飲品都係偏甜埋單每人100蚊有找。食到飽哂話可以再行多次山。。哈哈

啱啱過咗午飯時間， 兩點後鐘開始下午茶， 進來這間新記雞粥，叫份火腿蛋出前一丁，味道不錯， 店內環境開揚，座落於 人來人往的大馬路， 午飯時段 人流眾多， 兩點後才騰出座位來，周遭會有嘈雜聲， 多數源自伙計間的談話，但未至於造成滋擾， 店內的衛生環境尚算可以。

恐怖經歷！！以後對新記雞粥出品都有陰影！話說夜晚叫咗網上外賣平台 ,其實已經冇乜期望，之前堂食d雞粥淡茂茂，所以叫咗個XO醬豬扒炒公仔麵！七點叫八點鐘送到屋企，即刻拎黎食，食到一半，覺得個口怪怪地，以為食咗支竹籤，吐出來是曱甴腳🤮🤮🤮🤮🤮媽啊！咁大個女都未試過食曱甴腳，仲要係好明顯係大蟑螂的腿。。。真係好核突！！好恐怖！強烈懷疑呢間餐廳廚房嘅衛生情況！心理陰影！我以後真係唔會食呢間餐廳！大家如果想食蟑螂腿炒公仔麵嘅就去啦！唔係話連鎖餐廳就會有質素保證！以前筲箕灣道對面嗰間粥鋪又平又好食，起碼真材實料，自從個新嘅開咗之後就執咗啦！唉！新記得個名，啲嘢又唔好食又貴，仲要污糟，真係嚇死人！

冬天,大家都會想食暖烘烘的熱食。粥粉麵飯類別入面,冬天食粥最正特意到筲箕灣,食貴妃雞粥及腸粉雞的精華完全滲入粥過多一陣雞肉會滲雞油 好香但口感好油炸兩 油淋淋的表面 油炸鬼幾正與粥一齊食 好食豬潤腸 我幾喜愛豬潤口感 但新記豬潤切的太細腸粉面層真係太油

今朝食早餐又係10個人一齊去食，因為有個外國返黎嘅朋友佢話想食香港嘅豬腸粉同埋粥我就上網揀咗呢一間，因為地點方便。早餐都幾多嘢揀油炸鬼係小朋友嘅最愛，佢哋食到冇停手佢哋仲叫咗一個說牛肉粥share。我哋叫咗炸兩，唔錯唔錯有個朋友就叫咗一個招牌雞粥，幾好味唔錯（我偷咗兩搭）我自己就叫咗豬潤粥，me and my dad favorite.我哋仲叫咗兩份蘿蔔糕不過我食到最尾先記得影相。幾好食唔錯煎得唔錯。價錢就比一般粥店貴少少，但一般而言係唔錯嘅

今晚本來外賣自取到店時已經有很多外賣速遞單積壓。眼見我的食物已出廚房，上前詢問職員是否已經可以包裝，負責包裝的女職員說未有，再等等，然後繼續埋首處理積壓的外賣速遞單，而該兩盒則被放置一旁。唯十五分鐘後，該女職員卻將那兩盒放置一旁的食物包給我，還跟我辯說是剛出的，食物還是熱的接著便是埋怨仍有很多外賣單已經遲了。整個過程我是一邊望著店舖職員如何處理出爐食物及外賣送單一邊聽著職員們抱怨埋怨公司。店舖最後亦未肯重新安排食物，只退錢了事。明白外賣速遞可能令公司多賺一點，亦知道公司不會因為少做我一單小生意而倒閉，但要若貴店以這服務態度及這些手法處理食物及安排送落繼續經營下去，相信距離倒閉的日子也不遠。

這間餐廳食物都算好好服務態度都好好，同埋上菜速度都算快，雖然環境就有小小不太好總算來講都算乾淨，下次都會再幫襯這間餐廳是食其他餸菜，價錢都算合理可以接受不是太貴。

My Japanese friend was captivated by the poster with the fried rice with prawns on it outside the restaurant so I reluctantly went in knowing that these are product shots.Anyway, my other friend had to do the ordering as they didn't really speak English.I decided to try the congees and noodles as the stuff people were eating looked good.The chicken congee was good but you have to be careful of brittle bones that can crack your teeth.The wonton noodles were unexpected good as it was laced with se

放工了，今日落雨好凍呀。。。所以黎這間出名老字號、元朗旺角都有分店的貴妃雞生滾粥店。今日去這間在筲箕灣的分店！環境光猛舒適，是落地大玻璃，出面落雨的感覺涼涼的！枱大又乾淨！可以讓客人慢慢坐！貴妃雞粥原來好出名的，是用20種藥材及香料加上等瑤柱及蝦乾烹調了！米更是用上等泰國米！有不同調味料，可以自家調味！（招牌貴妃雞，加了泥猛） 🐔🐠🍲生滾粥：好大碗，熱騰騰！雞好香又滑溜，肉味濃郁，好好味！泥猛好大條，魚肉好滑好軟，配上陳皮，更正更香又有口感泥猛魚尾啖啖肉，好軟又美味！（推介蜆介鯪魚球）6粒大大粒鯪魚球，即叫即炸！熱辣辣香噴噴送上！蜆介好足料，見到一隻隻蜆肉！好軟的鯪魚，唔鯹又有口感，啖啖鯪魚肉！唔會油膩、正牌又新鮮，不過就要小心魚骨！（炸蘿蔔糕）3大塊！好吸引哦！我喜歡的蘿蔔糕熱騰騰，外脆又野味，內面好軟熟好好食服務生好多，主動幫忙

今日放左工同老媽即興去左筲箕灣，見天氣凍番，就想試下元朗名店新記既粥喇，一入到去睇下餐牌，都幾多選擇，除左粥，小炒呀、小菜等等都有供應~今次就梗係黎食粥啦！蠔仔粥 （$45） 蠔仔份量都多，而且粥底好綿，上到黎熱辣辣，成個人即刻暖晒。泥猛粥（$35）+ $12 黃鱔 + $12 田雞老媽就試左泥猛粥，媽話泥猛做底個粥底會最甜，佢就再追加黃鱔田雞，田雞肉好甜好扎實，全部加埋老媽話超正！蜆介鯪魚球（$42）食粥感覺一定要叫呢個！鯪魚球熱辣辣上場，鯪魚肉彈牙爽口，好扎實好少碎骨，加埋咸香蜆介醬，好開胃。手撕雞(＄42)份量好多，海蜇彈牙，雞肉份量都唔少~ 但個醬就好似有啲怪怪，ahahha如果佢無咁杰身應該會好味勁多！！！脆皮乳鴿（$51）皮脆肉鮮嫩～，但就一定唔會好似大酒樓級數架喇就!不過都係OK既!! 街坊小食~~ 總括黎講，新記粥品同其他菜式水準都不俗，最重要係價錢親民，要喺舊區生存，呢樣好重要。

今日都係去食下午茶，時間大約係三點鐘左右，見天氣涼返少少就去食碗粥啦，就揀咗新記雞粥試吓，因為雞粥係佢哋嘅招牌貨，而且我又未試過想試吓雖然佢招牌寫住雞粥，但係其實有好多唔同嘢食，下午茶就好似茶餐廳咁，而晚飯亦有好多唔同嘅小菜今次下午茶就叫咗一個生滾貴妃雞粥同炸兩先講炸兩 炸兩最怕就係入邊條油炸鬼已經林晒，但係呢度嘅油炸兩上枱食落口仲係好脆，而且佢個腸粉皮仲唔算厚，食炸兩一定要加埋甜醬咁樣先算係完美（個人認為）生滾貴妃雞粥 呢度嘅生滾粥一定會有埋個砂鍋一齊上枱，個賣相都幾好望落去幾大碗，未食之前我就睇不睇佢雞嘅份量有幾多，一碗粥其實都唔少，大約有八至九嚿雞未食粥之前我就即刻趁熱試咗佢啲雞滾完仲會唔會keep住係嫩滑，不過一食就有少少失望 第一嚿食落非常老一d都唔滑而且好鹹，第二嚿揀過其他部位食，第二嚿食落就正常返仲係嫩嘅，不過依舊係好鹹我都明白食雞粥 雞係要鹹香先好食。不過鹹得都比較誇張食完好想飲水 而個粥底有雞油一齊滾 會有淡淡的雞味 整體只係還可以

原來早餐時段去到中午12點 ，早餐選擇多，除公仔麵餐，扒餐之外，便是最有名的粥品套餐。今次點了貴妃雞粥加叉燒腸粉，分量很多可以，當午餐食。雞粥粥底有種鹹香鹹香的味道 ，貴妃雞肉質一般，但勝在不油膩，即使有雞皮，也不會令到整鍋粥充滿油油的感覺 。而叉燒腸叉燒餡料豐富，腸粉皮很軟滑 ，但味道層次略嫌單調。如果可以加一些蔥或菜粒，相信會更美味。整體而言，值得一試。粥品套餐除了叉燒腸粉外，還可以選擇蝦米腸 ，炸兩，炒麵，蘿蔔糕等， 選擇多元化。

今日與同事因公事來到筲箕灣，食開新記，去到其它地方見到尤如他鄉遇故知，所以今日晚餐與同事一齊食新記。餐廳2人枱細細張，非常適合不想搭枱的2位，如一行多人的也可以將另一張2人枱合拼，設計非常方便，又適合現代的香港人。老字號新記雞粥足足有30年歷史，紅燒脆皮乳鴿，XO醬叉燒炒蛋飯，炒蟹蒸魚樣樣齊，還有各式各樣的小菜，非常多款式。今日要了個鮮蟹粥$48。鮮蟹粥真是整整半隻大大的蟹，蟹肉鮮甜，粥底吸收了蟹的精華，綿密清甜又好味，非常推薦。金牌貴妃雞(例)$59。要了個金牌貴妃雞，貴妃雞廚師煮的時間拿捏得剛剛好，雞剛好熟，肉質絕不會老，皮薄肉嫩非常正。星洲炒米粉$50。米粉煙韌帶㸃爽口，有蛋絲，紅蘿蔔，芽菜，青紅椒絲，炒得夠鑊氣，又入味。豉汁蒸鯇魚雲$42。最喜歡食魚雲，豉汁味很重，但不會蓋過魚的鮮味，魚頭很新鮮，又腍又滑。凍五花茶$9。我要了支凍五花茶，味道不是很甜，清清涼涼的，食完小炒，有五花茶，清熱氣非常適合。價銭夠平民，二百多元2人可以食得滋味又滿足，贊。