新記雞粥 (筲箕灣道)

營業中

休息中

恐怖經歷！！以後對新記雞粥出品都有陰影！話說夜晚叫咗網上外賣平台 ,其實已經冇乜期望，之前堂食d雞粥淡茂茂，所以叫咗個XO醬豬扒炒公仔麵！七點叫八點鐘送到屋企，即刻拎黎食，食到一半，覺得個口怪怪地，以為食咗支竹籤，吐出來是曱甴腳🤮🤮🤮🤮🤮媽啊！咁大個女都未試過食曱甴腳，仲要係好明顯係大蟑螂的腿。。。真係好核突！！好恐怖！強烈懷疑呢間餐廳廚房嘅衛生情況！心理陰影！我以後真係唔會食呢間餐廳！大家如果想食蟑螂腿炒公仔麵嘅就去啦！唔係話連鎖餐廳就會有質素保證！以前筲箕灣道對面嗰間粥鋪又平又好食，起碼真材實料，自從個新嘅開咗之後就執咗啦！唉！新記得個名，啲嘢又唔好食又貴，仲要污糟，真係嚇死人！