新記雞粥 (筲箕灣道)

營業中

休息中

成日話入元朗要雞粥，但原來佢已經開咗分店一段時間，而且仲唔係獨沽一味賣雞粥。Menu粥品種類繁多，當中以貴妃雞粥最出名，海鮮粥最豪華亦可以自己mix and match。但比起必食嘅雞粥，我哋更想試吓平時較少有嘅黃鱔粥。魚塊肉質紮實彈牙，唔會有腥味。個粥底夠清夠綿，唔覺好大味精。小菜方面點咗椒鹽海蝦。雖然要百幾蚊，但有十幾隻蝦，份量幾足。蝦殼炸得酥脆，幾乎可以就咁吞。除咗椒鹽味夠之外，仲有大量炸蒜送飯用～欖菜肉鬆乾扁四季豆幾有鹹香，但呢類鑊氣小菜都係比較油，配埋粥食就啱啱好。餐廳亦出奇地有唔少特飲，例如龍眼雪碧、青檸冰......雖然呢度價位比茶餐廳高，但有唔少較少見嘅地道香港菜式可以試，不妨作為一家人閒時食餐飯嘅選擇。