新記雞粥 (筲箕灣道)

營業中

休息中

近排病病地唔太舒服，結果比男朋友迫我要食粥。左揀右揀，終於比我爭取到食新記雞粥😍。一去到已經勁多人，搞到一定要搭枱，仲要同搭枱啲人爭個餐牌黎睇，啲待應又忙到唔得閒招呼我地，想攞個餐牌黎睇都難。我地最後叫左一煲雞粥，一碟豉油皇炒麵同一碟炸兩就算。但個雞粥真係好好味，啲粥好香雞味，又呈淡黃色，好似啲雞既精華落晒落煲粥度。啲雞連骨又夠滑又夠味，餣得唔錯。👍🏻👍🏻個炸兩皮夠薄同滑，油炸鬼都夠脆身，但略嫌啲豉油唔夠甜得個咸字，美中不足咁。炒麵都夠味同乾身，又夠大碟，都夠我地兩個人食。男朋友話下次要加豬潤同試埋個炸大腸喎。