新派韓食館 (已結業)

和朋友來到這頭, 村屋都有比較好食d既餐廰, 而且是近期heat的韓式.先歎一歎棉花糖朱古力, 冰極涼透心, 很夠朱古力味,直程想添飲.韓國大熱,當然要點些炸雞, 有辣醬味,蔥蜜味,原味, 任君選擇.最愛是忌廉芝士飯卷, 芝士配飯的確創新, 不濃不淡, 恰到好處.炒豬什錦很濃泡菜味, 甚有風味. 我都幾喜歡食泡菜, 餐廰加上爐燒, 熱辣辣,正~還有醬醃鮑魚, 大大隻, 很爽~~~鮑魚加上醬醃,別有一番風味,最後還有辛辣麵蛋邊鍋,夠晒辣, 份量很夠, 正可填肚, 而且很多配料, great~! 

大圍是我很小接觸的區域之一,除了是因為沒有什麼特別值得吸引我來之外,更多的是因為跟前度最後一次見面的地方便是這兒,每次重回此處總會喚起當時的回憶和心情但今天因為多年不見的表妹誕下小孩,而她的住處卻跟我回憶的禁忌之地相當接近,沒法之下總要硬著頭皮前往來到了新翠邨,表妹之住所,也是當年她居住的屋邨.雖然滿滿是她的記憶,但人總要向前走.猶其是看見小孩這麼可愛,看得心也甜了難得來到當然不會就這樣走了,便到附近一家裝修頗有韓風的餐廳當年和她一起生活的簡約屋邨,現在居然有這樣現代化的餐廳,除了慨嘆時間過得快之餘,亦有原因令我逗留更久雖然小弟看不懂韓文,但這種油畫式的文字,令人有重煥青春的感覺,可以讓我年輕多一次嗎?晚飯時間餐廳是爆滿的,需要耐心等位餐牌內有著各種韓國大熱的食物,當年喜歡日本菜的你,現在會愛韓國菜嗎?表妹生命中最愛的男人,除了是她的老公和孩子之外,便是金秀賢,因此炸雞必然是她的首選.雖然我對韓式炸物不太熱衷,但這兒的炸雞卻好吃得沒話說,外皮相當香脆,內裡的雞肉卻依舊保持鮮嫩,配上韓國辣醬味道會更好.如果以此作為好吃標準,尖沙咀韓國街有多間炸雞店都是不合格香茹泡菜蠔肉粥,原本對此沒什麼

現在「肥樂b」已七個多月，開始懂得坐，終於可以帶他上街吃飯多點了。（太感動，上街對我這個全職湊仔的媽咪來說太難得了，特別是離開屋企附近，這幾個月來說簡直寥寥可數）這夜老公約我到大圍新翠商場食飯，呢到對我地好有回憶架，對上一次係因為要去家計會拎懷孕證明，已經係年半前的事了，而且我係威爾斯住左三星期先生仔，當時老公每晚都經大圍轉車去醫院探我，所以重臨舊地特別有感覺。新翠商場係屬於比較舊式商場，感覺上較靜，但而家只要你見到好多人排隊個到就係「Sister Korea Cafe」，令商場熱鬧左好多。當晚全場爆滿仲要等位添。由於佢地生意太好，明顯落單上菜都好快，自然人客流通量都好快啦。忌廉芝士飯卷一直覺得這飯卷好有細個時自家制既感覺，飯、黃色醃蘿蔔、青瓜、蛋、紅蘿蔔絲加忌廉芝士，味道不過不失，我自己不太喜歡忌廉芝士，有點膩。漢娜山芝士蛋溶岩豚肉飯職員會將所有材料在你面前煮，逐步逐步炒至有飯焦，而雞蛋最後就好像飛碟邊般圍著，最後當然要落芝士啦，半溶芝士係我最愛吃既芝士狀態。入口除了有豚肉、蛋、飯之外，啖啖充滿韓式辣醬香，很惹味（不辣的），飯焦脆卜卜，令人吃不停口，怕肥都要吃半份。韓式大蔥蜜糖炸雞（

友人喜歡食韓國菜 俾佢發現大圍屋村開左一間新派韓食館 當然要去試下啦店內佈置有啲懷舊風 地方又寬敞 坐得舒適 仲用插畫形式做menu 真係幾新派 與眾不同推介韓國菠蘿冰用菠蘿肉+冰 打成沙冰 有濃郁菠蘿味 仲有一粒粒菠蘿肉 非常有口感  還用原隻菠蘿外皮做杯  漢拿山芝士蛋溶岩豚肉炒飯依個炒飯吾係係廚房炒完後上枱架 係有店員當場係你面前即炒即俾你食炒飯有少少辛辣（店員會問要吾要加辣）飯炒到粒粒分明 蛋煎到半熟 加入芝士後完成蛋邊煎金黃 很香口 仲有芝士香味 店員會幫我地分人數分量 方便大家都食到飯+蛋碗係用金屬小碗 非常特別飛機醬缸醃蟹（可以就甘食或拆肉撈埋一齊食）我地選擇了拆肉撈埋一齊食店員會幫手 把蟹拆肉放入飯到蟹肉 好有鮮味 醬汁甜甜地撈飯一流

香港人一直以來也很喜歡韓國美食，前陣子去韓國的旅行團減少，大家都只能繼續留在香港覓食喔，沒想到這天朋友帶我去這一間在屋苑內新開的餐廳，卻彷彿讓我遊了一趟韓國。餐廳開在一個屋苑的小商場內，其實從大圍火車站走過來不遠，如果不想走的話建議可以從沙田坐巴士過來，方便又快捷。雖然只是開了不到一個月，但我們到達的時候已經有很多人在門外排隊，看來這間餐廳很受寵耶，店內的座位夠多，店面寬敞，而且環境光猛，裝修簡單但卻很有品味，有彩色的塗鴉，可愛的路牌，也有不同的擺設，讓整家店都多了一份時尚的感覺。聽說這間餐廳是一個香港人跟韓國人開的，而且侍應當中也有一些韓國的工讀生，廚師當中也有韓國人坐陣，聽到這句我原本擔心屋苑餐廳質素的心情立刻消失了，非常期待這一頓晚餐。打開MENU，先有第一個驚喜，全部都是用畫的食物非常吸引我，不但很可愛而且很有心思，願意把心機放在這些小事物上的餐廳，相信不會讓人失望。樽裝水﹑銀杯子﹑鐵碗子﹑和韓式的醬料都讓我想起在韓國旅行的一點一滴，點完菜以後跟朋友聊聊天，談談平常小事，坐在這餐廳中不知道為什麼特別的放鬆，可能是因為旁邊還蠻多一家人的客人，很難找到一間韓國餐廳有這麼平民的感覺。

韓國美女炒飯, 你今日食左未啊？韓國師奶叫"啊豬媽" 。知唔知小姐你好靚點講呢？"啊卡師，二波Yo"，即係話有兩對波，因為係二波，hahahahahaha! 大圍新開了一間韓國餐廳，室內裝修 常特別。有六七十年代的黑膠唱片機，電視機，電話配合韓國街頭風設計，感覺別樹一格，不知道食物水準如何呢？菜單好此漫畫咁樣睇到眼都花 ，不如試下推薦的主菜炒豬雜，再叫個推介忌廉芝士飯卷食住先，轉頭就有湯同kimchi。忌廉芝士飯卷HK$49－忌廉芝士，酸青瓜，蘿蔔，蛋，出奇地好食！口乾乾叫左杯新鮮即榨韓國菠蘿冰飲下先！嘩！一放上檯有好香新鮮菠蘿香味。韓國菠蘿冰HK$58 - 入口細滑像smoothies, 酸酸甜甜，慢慢滲出濃郁的菠蘿香味，正！炒豬雜HK$168-有豬粉腸，豬肉，魚片 ，蔬菜，又甜又辣，都幾過癮！愈食愈肚餓再叫個漢拿山芝士蛋溶岩豚肉炒飯試下，問你今次飽未！order完漢拿山芝士蛋溶岩豚肉炒飯有待應放左一碟配料和熱石頭碟係檯面，碟上面配料有芝士，豚肉，蘿蔔絲和紫菜。 突然有個韓國妹走過來，將配料倒入飯裹一整炒。韓國妹用英文問You want spicy? little? midi mum

去了朋友家探BB,因較晚去所以朋友家人說一起吃晚飯~想不到朋友媽媽也很潮,竟說吃韓國餐!原來他們家留下的商場新開了一家韓式食店,我們約7PM左右到已經要等位了...可能是因為星期6吧...我們點了部隊辛辣麵蛋邊鍋,這鍋裹除了有肉,蛋,麵,還有我最愛的韓國腸仔,韓國年糕,韓國魚片,再加上鍋的4邊有蛋和芝士.因我吃不到太辣的食物,這個辣味對我來說剛則好,魚片十分入味,腸仔和年糕可以沾上芝士一起吃,正!因醬汁較濃,但要不斷加水,否則麵條會糊在一起...忌廉芝士飯卷,除了忌廉芝士,還有一般飯卷所用的材料青瓜,蛋,菠菜,紅蘿蔔,醃蘿蔔,很健康,很開胃!還有就是炸雞,香脆可口.整體食物不錯,服務很好,有些食物他們會解釋應怎樣吃.

自從去完韓國旅行， 就念念不忘韓國美食。。炸雞， 醬油蟹。。。。恨不得馬上想訂機票再去。但新沙士搞到唔敢去一直在香港尋找韓國餐廳， 除左尖沙咀外， 原來沙田都有喎， 係新翠村新開的"sister cafe" 一於要去試下。炸雞。 分量剛好， 炸粉不多，味道同韓國食到的一樣，而且還附上酸蘿蔔， 清新一下。 接下來， 係醬油蟹。味道鮮甜， 店員很細心，將蟹肉拆開， 撈落紫菜飯， 這種食法一流, 把蟹的精華溶入飯中最後。 菠蘿沙冰原個菠蘿加上沙冰， 滲有菠蘿肉， 正 很細心的服務， 也有韓國店員， 店內播放本人大愛的BIG BANG / IU新歌, 令我覺得身在韓國中  

從沒想過韓國菜會灸手可熱到這種程度！聽朋友說這家在大圍的店在區內非常紅，我當然不甘後人，馬上去試！雖然是星期一去，但想不到要排那麼久，7點鐘拿的票竟然要排20分鐘！明明就距離車站那麼遠，竟然還有那麼多人，難道附近所有屋邨的人都來了嗎？本來想在等待的時間逛逛商場，但大家自己看，整個商場根本就沒有一家稍為逛able的店，唯有乖乖在店外等。跟商場格格不入的新式設計，一幅幅的彩色塗鴉令人想起美國的街頭藝術，只不過寫的是韓文而已。走進店內，發現其實這家韓式CAFE相當的大，而且全院滿座，倒是不知道這熱潮可維持多久？鐵製的小窩子，有個小把手方便拿著，拿起來非常輕，改良了傳統韓國超重的餐具，很照顧客人感受嘛！有兩道小小的前菜，菠菜沒有下傳統都會用的麻油，所以十分清淡。泡菜的辣度頗高，小小幾塊已經叫我不停喝水了！韓式肉碎湯 - 肉味香濃，不帶味精的湯，有一些海帶提供嚼勁，不過整體並不算很特別。清河醉雞翼 - 話說清河是韓國有名的清酒，味道比日本清酒淡，但酒精刺激度適中，易於入口。這道甜中帶澀的醉雞翼既有清河的清甜口感，而且十分爽口，澀味不太過，比我當年在澳洲自製的花鵰雞翼更爽口好吃，非常開胃。醬醃莞島

發現左間新餐廰, 見佢七點幾門口要攞飛, 有人排隊應該吾差啦, 要衰都應該好多人衰, 加上依家興韓風,即管試下, 攞左飛, 排左十零分鐘有位, 入到去坐滿人,  座位算闊落, 坐得幾舒服, 坐底準備叫野, 見到個侍應講英文, 但個客又系亞州人, 有D奇怪, 之後叫野時問下其它侍應, 原來系韓國人來, 想練韓語可以去試下囉喂忌廉芝士飯卷飯卷入面有D青瓜, 忌廉, 芝士, 食落口感又爽又甜, 又有忌廉芝士香, 幾樣野好夾, 口感味道具全. 醬醃莞島飽魚大大隻飽魚, 又有好好味的醬汁, 飽魚又夠林, 餐應又夠細心, 先切開一塊塊, 易食, 再冰陣過, 冰冰涼涼.草梅波蘿沙冰好香的波蘿和草梅味, 又吾會太甜. 正.最緊要夠曬凍,超級解渴估唔到大圍都有咁特色韓國餐廳,睇黎韓風只會越吹越勁

近年一個潮流, 就係咩都關韓國事, 流行歌, 旅遊, 明星, 時裝 (連AIR JORDAN 以前係籃球鞋黎都比韓星變左做FASHION==)咁食物, 就一定走唔甩啦, 但我本身對韓國唔係特別大興趣, 所以我對韓國食物既認識, 基本上只限於韓燒 同埋近年已經成日聽, 但未食過既部隊鍋咁HAPPY FRIDAY, 同事們興起話佢樓下開左間韓國野唔錯, 基於圍威喂既原因, 我就冇理由唔跟既 但一問之下, 佢屋企原來起大圍, 一個自己平時好少去既地方, 聽落覺得遠, 但原來只係九龍塘火車下一個站haha。一出MTR, 行左大約5分鐘到就已經到, 係一個叫新翠村既商場仔入面。一入去商場就見到好多人排緊隊, 所以跟本唔洗搵  但等位都算快15- 20 分鐘到就已經有位。未坐底覺得呢度裝修堅靚, 有潮味既擺設, 又夠光猛 咁因為唔識, 所有野都係同事叫, 拿, 韓國野呢, 就好多味都辣辣地, 咁岩我地幾條蛋散又鐘意食辣, 岩哂。 但如果少少辣都食唔到呢, 就真係少好多選擇喇。 值得一提既係, 我留意到應該有2個韓國妹好仔做waiter, 呢樣真係有驚喜 , 估唔到屋企商場都咁認真，有D 野食

上個月係我去旅行拿手信給友人，今個月就換友人去完澳洲帶禮物比我～又係出番大圍佢屋企附近食飯～～試新野～韓式料理～近年非常流行韓風～不管是明星、時裝、食物，來到大圍火車站旁，新翠村商場～居然開左間咁靚既韓國餐廳！光看門面，排隊不是問題！！雖然小小等左成30幾分鐘⋯⋯（其實餐廳好大⋯不過真係勁客滿）裝潢超級正，時尚中又復古⋯坐位也很舒適，絕對適合同朋友食飯！由於病左都幾耐下⋯本來應該戒口既我⋯睇到menu 開始控制唔到了⋯樣樣都想食！最後問左朋友意見和店員介紹後，叫左亞之媽街頭豬炒什錦跟白飯$168（評分：9/10） 豬腸、豬粉腸、豬肉、魚片、粉絲、蔬菜～豬腸和豬粉腸都超級軟，很容易咬和入口，也很入味，感覺像滷過，全部配料都用韓式泡菜炒，超好味。大約食到8成，就可以落白飯落去炒，白飯係珍珠米，好軟很香！炒完連飯都有少許辣味很開胃～其實係微辛，不算太辣～配上飲品：韓國菠蘿冰$58（評分：10/10）必飲推介！！沙冰很細滑，而且喝到菠蘿香味和纖維。配上微辛的食物、和在這種天氣，喝這個真係一流享受！！兩個人食完呢餐先$218，仲要唔收加一有咁好服務～仲有韓國來的靚女招待～咁好既餐廳去邊度搵～等半

裝修環境唔錯，坐得舒服，值得一試既芝士火焰拉豬仔骨，一上枱唔知點食，但服務員十分有善，見到我一臉茫然咁就知我想點，主動行埋黎幫我攪，熱溶左啲芝士後香到不得了，然後原來將溶左既芝士捲住條豬仔骨，嘩，我只見到一堆脂肪呼叫緊我，我黎啦，芝士入口唔太咸，唔黏口，好味，豬仔骨好入味，鍾意食芝士既人一定要試，另外推介醬油蟹，小弟笑一次食醬油蟹，之前聽人講話好咸，話一定要撈飯先得，但呢度既醬油蟹我覺得唔太咸，好味，我覺得就咁食好食啲，炸雞味道亦都唔錯，個汁有水果味，睇得出有心做出黎既，另外啲待應應該有部份都係韓國人，另外服務態度相當之唔錯，很主動，今時今日，咁既服務態度應該可以長做長有，想食既你我提議早少少去因爲七點零呢啲食飯時間我包你喺門口有排企，呢度我一定會再encore。

經住在大圍的朋友介紹他附近開了間韓式料理, 而且跟出面的韓式餐廳不同所以膽粗粗就去試下....去到門口好多人, 不過等了大約20分鐘就有位了...店內裝修好特別..而且服務員都好有禮貌, 而且有好多都是韓國來的留學生...佢地的MEUN都好特別我自己叫左一個韓國泡菜鮑魚粥及一杯水桃蜜水果冰茶個粥係足夠一個人的份量, 而且仲會好飽呢個粥好醒胃因為有泡菜的酸味, 但又不會太酸, 而且好煲得棉,內裡仲有一片片的鮑魚食, 而鮑魚幾滑..另外佢地個前菜仲有海帶湯, 清清地, 食前飲就最好不過... 另外杯水桃蜜水果冰茶係用新鮮水果加落去, 好足料, 但杯茶又唔會太甜, 味道岩岩好...呵呵...下次有機會會再黎食過...XDDDD

韓國旅行告吹，留港吃吃韓食補數。領匯商場店鋪似乎越來越多元化，這間韓國料想好像是近期才開業。店內座位很多，也有很多卡座。餐牌是插畫形式，帶點青春感，色彩豐富，以韓文，中文，英文顯示菜名，很生動有趣。每枱也放有調味品及餐具。韓國應該是世界上用匙最普遍的國家，我很喜歡用韓國的匙，長長匙抦，用起來很方便，但筷子就比較重，這裏有長短兩款筷子提供。細看菜單，大部份也是韓國的家庭菜式，店主很靈活的讓客人可選不辣，這可讓不吃辣的人也能品嘗韓國料理，真的不錯。例湯及前菜是免費的。例湯是肉末湯，例湯不能要求太多，清清的，喝了不口渴已合格了。前菜兩款，簡簡單單，太多反而浪費，豆芽淡淡的豆香與泡菜的酸辣形成強烈對比。選了這裏的推介之一，漢拿山芝士蛋溶岩豚肉炒飯，走辣。侍應先把材料上枱，再在現場以鐵板即炒熱。因為是即炒的關係，味道濃淡及辣道也可以隨意。完成時，炒飯堆成一座山似的，蛋槳及芝士圍在底，這就是英文菜名所指的火山吧!因是依據個人口味而調炒，所以很對口胃，飯輭硬適中，除了有芝士及蛋外，還加入紫菜，貫徹韓風。蛋槳有芝士，所以有點醎味，配飯很不錯。豬肉很稔滑，不過要留心，豬肉有些軟骨，幾乎中招。盛飯的金屬小