251
32
19
港鐵大圍站 B 出口, 步行約9分鐘 繼續閱讀
所有分店 (2)
電話號碼
25960018
附加資料
接受電話訂座
營業時間
今日營業
11:00 - 23:00
星期一至日
11:00 - 23:00
付款方式
現金
其他資料
電話訂座
加一服務費
食評 (329)
等級4 2018-08-05
1382 瀏覽
多次到韓國旅遊,除了韓國的城市,韓國郊外的景色,相信就是韓食的味道,有如人參雞,石鍋伴飯,部隊鍋及海鮮等,都是愛韓國旅遊人士所鍾愛的味道。都是一起到韓國旅行的好友聚會,說是在大圍找到一間韓式店舖,大家也想回味一下韓國的味道。回港後,吃過很多韓式味道的店子,都是很不濟,都只是港式的煮法,失去韓式味道的特色,希望此店不要再令我們失望。來到店前,已有著韓文的塗鴉,並寫著「New Food Korea Style」。入座後也發現,為數不少的韓式裝修。放在枱上的筷子餐具,以及水杯、碗,甚至水樽,都是依照韓國食店一樣的用具,絶不似一般所謂韓式食店,用上中式的碗快膠杯等。餐牌也打著韓式火鍋,自助任食等。我們三人,想了又想,最後選擇了海鮮鍋及炒飯。店員隨即為我們前菜,以及預備兩個小火爐。我們三人都認為,單是餐具,以及水樽,都依足在韓國所見一樣,希望食物的味道可以令我們回味一番。店員帶著小鑊及材料,來到我們枱前。漢拿山炒飯,原以為是事先炒好少送上枱,店員利用先前預備的小火爐,用一個小鑊,在我們面前即時制作,由牛肉及蔬菜,再加上醬汁炒成。當做出一個心形圖案之時,以為完成,誰知只是初步,還要加上雞蛋以及芝士,看到這個制作方法,已經很是吸引,當雞蛋及芝士煮好後,才是真正的完成品。最後,店員為我們分好,裝在碗中,看著雞蛋混和芝士包著飯,已經令人唾涎。雞蛋芝士入口香滑,又有著濃濃芝士香,醬汁配合炒過的香味,令牛肉及飯更香,飯粒很有咀嚼感,同時又不太乾,多種味道混在一起,多層的立體感味道。店員為我們制作漢拿山炒飯時,海鮮鍋已預準好,也為我們位送上。那個圓鍋,正是在韓國吃過什麼鍋的那種平底圓鍋。海軍八爪魚鮮貝鍋,非常豐富,佔據了半個鍋,有八爪魚、鮑魚、帶子、青口、蠔、沙白、海帶、豆腐、什菌、蘿蔔及蔬菜絲等,可謂應有盡有,單是看已經很想快點吃。店員為我們服務,除了打開小火爐,還會將八爪魚去除內臟,並分成碎塊,待海鮮煮熟後可以進食,還送上一客烏冬。海鮮只要是材料新鮮,無論怎樣煮也很好吃,這是吃海鮮的先決條件。這個海鮮鍋每種海鮮也吃不到腥味,是新鮮的證明,清湯煮過,青口、沙白及蠔等,依然鮮味可口,就連什菌豆腐蔬菜也吸收了湯的精華,也變得很美味可口,鳥冬本是沒什麼味道,有著點點的海鮮味。韓式石鍋伴飯,我們再追加的,有著豬腩肉、芽菜、蔬菜、紅蘿蔔、紫菜及煎蛋,放在熱熱的石鍋中,這也是韓國中見過的一種石鍋飯。將各種材料及飯攪伴在一起,透過熱熱的石鍋,令材料更香更可口。味道不鹹,混在一起的味道剛好,正與在韓國吃過的味道相若,因為朋友不甚吃辣,所以刻意不加上辣醬,欠的正是辣醬的味道,這個卻是在香港吃到的最為正宗,最接近在韓國吃到的味道。在香港吃過多間所謂韓式食店,雖沒打正正宗韓式味道,可是全都是港式的食法,港式的韓味,與在韓國吃到的味道完全不同。可是,在大圍這小小角落當中的食店,除了餐具等依足韓國做法,而且更吃到在韓國的味道,並不是港式的韓味,這點真的值得推薦,愛韓食的旅人,若懷念韓國旅遊時到味道,真的要來這懷念一番。 繼續閱讀
(以上食評乃用戶個人意見 , 並不代表OpenRice之觀點。)
等級4 2018-07-22
1261 瀏覽
星期日中午,我同一個喺大圍住既朋友Meetup, 之後經佢介紹之下,嚟到呢間餐廳用餐。呢間韓國餐廳午餐嘅時候可以揀一般午餐同埋韓燒。我哋揀咗韓燒,雖然同時間冇乜人揀韓燒。睇睇個餐牌88蚊一個人,除咗可以出面自取飲品同埋食物之外,仲包一碟肉類,可以揀雞肉、牛肉、豬肉等等,如果要追加多一碟就畀多20蚊,價錢都合理。燒肉放題限時個半鐘,但係過咗時都冇趕我哋走。聽店員講,原來夜晚都有韓燒食。價錢148蚊貴啲,但係肉類就唔使加錢柯打,可以喺出面自己拎,所以計落晚市應該會抵食啲。我揀左沙嗲湯底,呢款湯底係我嘅至愛。1) 火鍋物 (⭐⭐⭐⭐⭐):我地自取左唔少火鍋食物,譬如響鈴。響鈴吸晒火鍋啲汁,好入味,另外仲有生菜,可以平衡番火鍋嘅熱氣,感覺健康一點。芝士腸同埋紅腸都係我嘅至愛。2) 燒雞翼 (⭐⭐⭐⭐⭐):肉類方面,鐘意燒雞翼。不過燒嘅時間比較耐,要兩個字先至燒得熟,未熟透既話就內裡有啲紅。貪快既話可以先放落火鍋果邊再轉去燒烤果邊。3) 豚肉 (⭐⭐⭐⭐⭐):我地仲點咗啲豚肉,望上去淺紅色一點,比牛肉簿身,而份量比牛肉多啲。仲有飲品櫃:埋單一二百蚊一個人,超級飽肚! 繼續閱讀
(以上食評乃用戶個人意見 , 並不代表OpenRice之觀點。)
等級4 2018-05-05
2844 瀏覽
今天和舊同學到大圍踏單車,順便一試附近的餐廳。這間韓國菜館感覺挺特別,於是一試。前菜:正常必有的泡菜,開胃的醋木耳,健康但味道普通的黑豆,仲有無咩味道既芽菜。蟹膏蟹子份量挺多,芝麻油香很濃,紫菜爽脆,可以分到四小碗。撈完的效果,吃下香口,亦有些許鮮味。話說呢個係炒飯,店員會在你面前炒。有牛肉、紫菜、其他雜菜絲。然後另有蛋漿、芝士。開始炒了!先把食材炒起,店員另外加了醬油,所以炒完的飯有少少啡色。再加入蛋漿芝士,外貌已經很吸引了。即炒即食真的很香口啊!而且很足料,蛋漿還滑滑的呢!我們一行三人,店員就幫我們分了三碗,份量還好。水冷麵亦不錯,麵質有咬口,另附醋水可再加入。不過料比較少,只有半個蛋,和一塊很肥很肥的豬肉...菠蘿沙冰,純粹fancy,喝下味道普通。倒插,另一fancy之作。我點的薑茶。總括飲料都正常啦,亦無驚喜。臨走時朋友告訴我原來還有任食烤肉,價錢好像挺吸引哦。 繼續閱讀
(以上食評乃用戶個人意見 , 並不代表OpenRice之觀點。)
等級4 2018-04-22
2751 瀏覽
心血來潮想食韓國野,心入面淨係諗到沙田有得食,但諗到又貴又要等位、又唔係話特別好食;於是上openrice睇下,見到新翠竟然都有韓國餐廳,食評重要唔錯,於是就搭兩個站黎試下!地方比想像中大,坐得舒適;因為時間尚早所以人唔多~款色都好多,基本出面韓國餐廳食到既款式呢道都有~我比呢個漢拿山芝士蛋牛肉飯吸引其實泡菜牛肉我都好想試🤤🤤前菜,我覺得比係韓國食到既更好味,韓國食到普遍偏咸,呢道味道會較適中韓式餃子拼盤,三款各2件$48有原味餃子、泡菜餃子、紫菜包粉絲餃子新鮮即炸,皮薄又夠脆,餡料足、味道夠,即使唔沾醬亦非常夠味主角:漢拿山芝士蛋牛肉飯$128即場現製、需時10-15分鐘店員炒得非常熟練先將牛肉紫菜蘿白絲等同白飯及燒汁炒暈再倒入蛋汁、最後加上芝士講就好似好簡單,但我見店員都好有技巧先做到蛋邊脆、中間流心既效果呢個飯真係好得蛋邊脆、中間流心、蛋香之餘帶有芝士味,飯炒得濕潤又夠味,牛肉份量都唔少,芝士同牛肉又好夾,每一啖都好惹味好邪惡試完呢餐,下次朋友話要食韓國野我都會帶佢地黎呢間,又唔洗等位地方又大,價錢合理,係大圍火車站行過黎都係10分鐘左右,突然好羡慕住係呢條村既人☹️ 繼續閱讀
(以上食評乃用戶個人意見 , 並不代表OpenRice之觀點。)
等級3 2018-10-04
103 瀏覽
男朋友去咗兩個月外國做intern,終於返黎可以見lu😁 於是同佢去咗我屋企附近呢間韓國餐廳食飯,話說已經係我第5次黎呢度食喇呢度同大部分韓國餐廳一樣,配菜任添,種類總共有5款,包括泡菜、海藻、菠菜、芽菜同黑豆。sister懷舊牛肉便當盒($58)係仿效韓國以前嘅便當,賣相好簡樸,材料亦簡簡單單,有香腸、煎蛋、肥牛同紫菜,又有陣陣嘅麻油香,都幾好食。不過因為太滿,冇得學韓國人搖飯盒搖勻先食。火焰芝士拉豬仔骨($178)係我每次黎都會叫嘅,既然男朋友第一次黎當然要叫黎畀佢試下啦。我自己好中意芝士,但佢就一向都麻麻地,唔太中意食芝士,不過呢個唔太大陣味,唔太臭,所以佢又覺得ok😀 所以我估大部分人都會中意掛?呢道菜最吸引嘅係有專人幫你捲芝士🙌 睇住佢拉起d軟熟嘅芝士,再捲住香噴噴嘅bbq醬豬仔骨,真係流曬口水嘅視覺享受😉每碟有5舊。舊骨嘅味道香甜,同芝士好夾。埋單係$260,要加一。價錢合理,因為真係食到好飽好飽,同埋都幾好食。 繼續閱讀
(以上食評乃用戶個人意見 , 並不代表OpenRice之觀點。)