新泰東南亞餐廳 (興旺閣)

營業中

休息中

終於嚟到呢一間餐廳試吓，我啲朋友成日都話呢間好好食，所以就同朋友兩個一齊嚟食下！環境幾闊落，而且竟然有好多唔同嘅酒可以點，好少泰國餐廳有！佢哋嘅薄餅真係好好食，超級脆身，點埋落去啲咖喱食，簡直一流，而且一客有成六七薄餅咁多！梳打水正！椰青水成個上，食埋啲椰肉真係夠晒yummy!我哋仲嗌左一碟鱸魚，佢嘅魚皮煎炸得好脆身，上面放咗好多鹽，雖然好鹹，但係配埋啲魚肉一齊食就會覺得啱啱好！而且成條魚咁上，魚肉質又夠滑！

食過佢唔同嘅分店，但係每次食完之後一諗起要食泰國嘢，就一定會想來返呢度食。服務好！環境好！食物質素非常高！我哋四個人嗌左大約四碟餸，除翻開大概每人都係百零蚊左右！呢一個軟殼蟹卷好惹味，炸得好脆而且唔會淋，啲蔬菜亦都好新鮮，好有口感。我哋亦都嗌咗一個海鮮咖喱南瓜飯，啲南瓜味入晒落去啲飯入面，而且啲海鮮好多好大隻，尤其係我最鍾意食嘅青口！咖喱唔會特別重味，適合香港人嘅口味！而呢一個芒果腰果炒雞丁係我個人嘅至愛，因為佢啲腰果炒完之後都係咁有咬口，而且啲雞正細細粒容易放入口，而且冇骨咁樣，真係想一啖接一啖咁繼續食！

星期一晚放工去左灣仔join朋友飯局，我地揀左新泰食泰國菜，第一次黎依間分店吾知食物質素如何呢？無骨鳳爪沙律：特意揀了依款酸酸辣辣既沙律作為前菜，可以令整個胃口更加大呢！無骨鳳爪口感硬中帶爽口，味道方面先酸後辣；而且愈食愈辣。當中更有蕃茄等沙律用料，會有的更flesh的感覺！海南雞半隻：跟朋友也是海南雞既愛好者，所以必定叫來試試～新泰既海南雞口感極之滑口，無論是雞皮或是雞肉，放入口中可以感受到又滑又嫩既口感；雞香味濃郁，再配合埋餐廳所提供既醬料，真的大力推介啊！冰鎮翡翠螺：估吾到系泰國餐廳會叫翡翠螺食呢，由於是店員大力推介，所以就一試吧！果然真的不錯～雖然翡翠螺大大粒，但口感完全吾硬吾un；反而夠晒林口又彈牙。正正是泰國餐廳，所以當然配合左酸辣汁一同點用，令整個味道酸酸地！原個椰青大菜糕：幸好地搶手既青大菜糕last one比我地order左～原個椰青大菜糕名晒份量，味道吾會太甜，岩晒想食甜品又怕肥既女生，味道清甜。

好耐冇食泰國菜，就同朋友去左灣仔呢間泰國餐廳到食lunch。呢間餐廳有兩層，環境好大好舒服。打開餐牌，見到入面有好多傳統既泰國菜，望落去好吸引。我地行街行到有啲肚餓，所以都點左幾多樣野黎食！我地點左碗馬拉肉骨茶，肉骨茶落足料，湯底勁香濃，啲豬骨又煮到好腍，好味道！另外仲點左酥炸香茅魚配青芒果沙律，香茅魚炸到好脆，勁惹味，配埋酸酸辣辣既青芒果沙律，好夾！我地仲點左越南烤蔗蝦，蔗蝦好彈牙，有好香既蝦味！想食得健康啲，所以點個蔬菜黎食下，我地點左個蒜蓉炒貴妃苗，貴妃苗好嫩滑，用蒜蓉炒到好香！最後，點少得食甜品呢，我地點左千層糕，煙煙韌韌，有好香既椰香味，正！食泰國菜當然要配埋新鮮既椰青啦，椰子水非常清甜！

聽個店名以為好流既泰國菜，但去到鋪見裝修十分宏偉，泰式味十足，而且店員親切友善，都是泰國人呢。我們用Openrice app買了優惠價吃越式燒春雞釀香茅黃飯，好抵，大大碟，仲要半價雞燒得好好，配個汁食一絕。飯味都夠，一啖接一啖，正。生蝦刺身，很久沒有吃了，好新鮮，醬汁好惹味。2杯飲料：泰式奶茶，泰國生啤4串街邊燒豬肉都好好味直頭好似食緊泰國豬咁。總結：會再來吃，但希望下次上菜快少少，今次真係等得有點耐。個人感覺評分：食物味道 - 食物賣相 - 餐廳環境 - 店員服務 - 性價比 -

🇭🇰新泰東南亞餐廳·呢間餐廳係bakehouse對面嘅 次次經過門口都勁多人 所以嗰日我哋就book咗位去食 但係佢呢度嘅book位唔係留咗張枱俾你㗎 book完位去到都仲要等15分鐘 好彩佢啲嘢食上得幾快🤦🏻‍♀️🤦🏻‍♀️不過我覺得佢地服務態度認真麻麻地 門口個Staff叫我哋上去 但係上到去根本未有枱 之後我哋問樓面既Staff 佢好暴躁咁話佢地好忙 有位會叫我哋 但係我哋根本冇位企 最後我哋就咁企咗喺檯客前邊😅😅·午市套餐$75黃咖喱海鮮配白飯泰式豬肉干炒河泰式海南雞飯蝦醬炒飯·本身見佢日日都咁多人食 我仲以為佢好好食 但係老實講有啲失望🙊😂覺得佢只係一般水準 比較好食係佢個黃咖喱海鮮 佢個咖喱汁做得幾好 係甜甜地嘅椰汁味 而且入邊啲魚柳同埋魷魚都仲保持到個口感😎個豬肉乾炒河味道都好食嘅 不過佢啲河粉就比較碎 每條都好短 口感差啲🤣個海南雞飯同蝦醬炒飯就一般啦·#rbyeat#rby東南亞菜#rby尖沙咀 #rby灣仔 #rby馬鞍山·📍灣仔大王東街21-23號興旺閣地下至2樓📍尖沙咀加拿分道25-31號國際商業信貸銀行大廈地下1A舖及地庫📍尖沙咀北京道12A號太子集團中心8樓📍馬

下星期冇得WFH喇，呢個星期真係要好好珍惜不在office的日子，好彩有晚市啫，做完嘢就仆到去灣仔尋尋覓覓，美食卻在燈火陰暗處，但間嘢幾大間又是是正正平時食泰國嘢好多時係食椰子海鮮飯，南瓜就第一次見，睇落好似勁爆海膽，其實係南瓜蓉，睇見都開胃食落仲唔惹小，海鮮非常足料大舊，飯又炒得爽身入味米紙外皮質感煙韌，胃民唔太欣賞，卻正中大胃下懷，貪佢夠晒似煙韌版嘅腸粉芒果肉幾甜，喺冬天喺講好難得，軟殼蟹夠晒脆卜卜，點埋刺激嘅醬汁一絕串燒不容小覷，真係好有街邊風味而無不及，啖啖肉，甜甜地又嫩口，點佢啲辣醬更加係泰國嗰種味喇呢度既然有酒飲，當然要叫返杯泰式風情嘅cocktail啦，有熱帶果味得嚟又不失酒香同薄荷味，cheers大胃都未見過走奶嘅泰茶，感覺好新穎員工都係泰國人，環境又勁有mood，仲使乜搭飛機吖？

食店終於有返堂食，即刻約朋友食飯，朋友住在灣仔，喜歡去新泰東南亞餐廳食嘢，佢話餐廳菜式地道又好味，環境優雅，招呼又好，今晚來到每檯都有客人，果然受喜歡迎！鹽焗鱸魚,平時食魚不是蒸就是煎, 真係有D悶. 今天朋友話想食魚, 於是叫了一條鱸魚,用鹽焗方法煮,保留原汁原味, 比蒸或煎更有新鮮感, 而且魚肉Keep到juicy結實, 相當不錯.肉質能保持鮮嫩, 吃時可再配上泰式醬汁, 辣辣哋更加惹味.日本南瓜焗海鮮飯，日本南瓜味道香濃 ，果肉顏色較濃 ，首先將炒過的飯放入南瓜內，再將南瓜粒、蝦、魷魚、青口等用醬汁煮好放上飯面，再焗至金黃色，香噴噴的南瓜海鮮焗飯真的是色香味俱全，醬汁拌飯好惹味，海鮮鮮味十足，南瓜肉口感軟糯，甘甜好吃。泰式乾炒河炒得有穫氣，用泰式寬身河粉炒，特別滑又有口感，豬肉鮮嫩可口，配合蛋絲芥蘭香口又爽口！

自實施晚市禁堂食近兩個月, 放寬後更係約埋三五知己出黎飲飲食食聚下。今晚又再去"新泰"食泰國菜, 第一次幫襯灣仔大王東街分店, 又再品嚐左餐令眾人讚口不絕嘅泰菜! 餐廳內裝修環境富有泰國style, 平日晚約7點多, 2樓已經坐滿食客, 可見餐廳人氣。菜式選擇多, 一般普遍泰菜都有, 今晚就點左好幾個菜式share【無骨鳳爪沙律】HK$68冷盤無骨鳳爪連軟筋很爽脆, 整個沙律酸味味, 令人愈食愈開胃。【鴨肉生菜包】HK$78鴨肉碎keep到肉汁食落唔會太乾身, 跟泰式香料炒起, 辣辣地又香口, 新鮮生菜片包住食, 不但中和辣度, 更增添清新感。 【日本南瓜焗海鮮飯】HK$118南瓜盅內放入了海鮮飯, 海鮮包括有爽口蝦球、魷魚、青口, 炒飯底, 飯粒粒粒分明,  南瓜汁加入左些少芝士, 個汁撈起後, 飯質變得濕潤, 配上口感好林嘅粒粒南瓜肉, 每啖都食到南瓜嘅清甜。 【原個椰青大菜糕】HK$68大菜糕味道清甜, 同時又食到片片嘅爽脆椰青肉, 呢個甜品能體現出椰青嘅精髓, 正! 

疫情終於有緩和跡象 決定出去食下好西😆食久違既新泰今日黎佢地大王東街既新店新店樓高三層 裝飾一如既往充滿泰國風情而且好多店員都係泰國人就當住自己係泰國食緊泰菜啦！咁耐冇食 今餐決定要食得豐富d😏首先 係泰國菜唔少得既泰式生蝦🦐隻隻都既肥美又晶凝通透配上蒜片醬汁一齊食 正👍🏻鹽燒鱸魚/烏頭 我地就選擇左用鱸魚🐟鱸魚即叫即做 切開魚身熱辣辣肉質鮮嫩多汁 唔點醬汁可以嘗鮮加埋醬汁別有一番風味😋再黎係燒黃鱔燒黃鱔同埋係粒粒魚肉都好厚身咬落好爽口彈牙 特別係魚皮醬汁濃味 加上小小芝麻 配搭相當不錯燒扇貝扇貝上鋪滿炸蒜同芝士食到扇貝鮮味之餘 仲有陣陣蒜香同芝味全海鮮之後黎一碟炒菜健康一下選擇左平時較少食既泰式炒椰菜仔椰菜仔好有口感 份量亦都好充足

疫情終於有緩和跡象 決定出去食下好西😆食久違既新泰今日黎佢地大王東街既新店新店樓高三層 裝飾一如既往充滿泰國風情好多店員都係泰國人就當住自己係泰國食緊泰菜啦！咁耐冇食 今餐決定要食得豐富d😏首先 係泰國菜唔少得既泰式生蝦🦐隻隻都既肥美又晶凝通透配上蒜片醬汁一齊食 正👍🏻鹽燒鱸魚/烏頭 我地就選擇左用鱸魚🐟鱸魚即叫即做 切開魚身熱辣辣肉質鮮嫩多汁 唔點醬汁可以嘗鮮加埋醬汁別有一番風味😋再黎係燒黃鱔燒黃鱔同埋係粒粒魚肉都好厚身咬落好爽口彈牙 特別係魚皮醬汁濃味 加上小小芝麻 配搭相當不錯燒扇貝扇貝上鋪滿炸蒜同芝士食到扇貝鮮味之餘 仲有陣陣蒜香同芝味全海鮮之後黎一碟炒菜健康一下選擇左平時較少食既泰式炒椰菜仔椰菜仔好有口感 份量亦都好充足

好耐冇出個黎食飯，襯今日假期搵左間響灣仔既泰國餐廳食，呢間新泰係新開冇耐，都幾近地鐵站幾方便，餐廳好大間，好舒適既坐位，闊落有空間感，岩哂一班朋友食飯傾計！中午有lunch set, 都有好多款式選擇，亦都有2人及4人既套餐，不過今日想散點，食下唔同既野泰式生蝦生蝦好爽口，加埋佢既秘制辣醬，非常之正，辣得黎唔會蓋過生蝦本身既鮮味，絕對係perfect match燒焗蒜蓉帶子蒜蓉芝士配帶子好夾，帶子大大隻，不錯燒膳4串燒膳，啖啖肉唔多骨，本身已經有甜甜地既味道，燒得超好食，必食推薦！鹽焗爐魚有得選擇烏頭或爐魚，揀左爐魚，泰式食物多數配醬有更佳效果，本身呢條爐魚既肉質好滑，配埋呢個醬真係勁好食，總括黎講，新泰價錢合理，而且食物質素唔錯，坐得又舒服，一定會再食

同老公啱啱去灣仔探完親友，知道附近有間新泰東南亞餐廳，食物有水準好好味。今日又是開返晚市堂食第一日，老公急不及待要我陪佢去餐廳食飯。餐廳有兩層，座位寬敞舒適，令人感覺舒服。泰式炸蝦餅：蝦餅即叫即炸，剛炸好的蝦餅香脆彈牙，蝦肉味道鮮甜，點啲泰式酸甜醬更加美味！泰式去骨海南雞半隻：海南雞除了雞翼部份，其他都已經去骨，啖啖肉，雞肉很嫩滑，醬汁鮮酸香辣，很有泰國風味。日本南瓜焗海鮮飯：用原個日本南瓜作底，滿滿的芝士南瓜內有多款海鮮，有蝦、魷魚、青口、南瓜粒和芝士等，上枱已香氣撲鼻。海鮮新鮮彈牙，非常足料。焗飯質感粒粒分明，加上南瓜蓉醬汁、更是十分惹味！

經過這店好多次，今次終於去咗試。今日回覆可四人坐和有得食晚飯至十時。這店很大，原來有三層，我們訂枱6:45pm, 很快便滿坐，好似生意不差。我們兩個人，點了蝦餅，都大大舊件，蝦肉和味都不足，一點好些食粉團。也點了肉片青咖哩，肉滑但偏甜，也叫了薄餅，真是薄薄的，無乜質感。本來食咖喱想食白飯，但白飯要$22/碗，非常貴呢？我們還點了咸魚炒芥蘭，這好味，好咸。兩個人要$300, 也不是太貴，但質數平平。不是好泰菜feel, 而是變了港式泰菜！有些可惜！

2個人叫3樣餸，食到lamlam利。首先要講下，餐廳餐牌有好多選擇，樣樣都好吸引，有串燒，湯，泰式煮法嘅海鮮，炸野，炸野，甜品，你講得出嘅大路野都有。 另外，餐廳侍應係泰國人，加埋個裝修，入到去好似去左泰國甘。甘耐冇得去旅行，唯有去呢啲地方ff下。。我哋叫嘅三樣送分別有麵包焗咖哩軟殼蟹 （208蚊）, 泰式炒椰菜仔（98蚊）, 泰式炸春卷（68蚊）。麵包焗咖哩軟殼蟹係用個大麵包裝住啲咖哩同軟殼蟹，旁邊再加啲搽左蒜蓉牛油嘅麵包。正正子。個咖哩係咸咸地嘅，仲有啲洋蔥。啲軟殼蟹炸得好香脆。咖哩加埋啲面包一齊食都好好味。泰式炸春卷好好味。炸到好香脆，熱辣辣甘食好正。泰式炒椰菜仔唔似平時食嘅泰式蔬菜甘甘重口味，清清地，好爽脆，好健康甘。