新泰東南亞餐廳 (興旺閣)

營業中

休息中

疫情終於有緩和跡象 決定出去食下好西😆食久違既新泰今日黎佢地大王東街既新店新店樓高三層 裝飾一如既往充滿泰國風情而且好多店員都係泰國人就當住自己係泰國食緊泰菜啦！咁耐冇食 今餐決定要食得豐富d😏首先 係泰國菜唔少得既泰式生蝦🦐隻隻都既肥美又晶凝通透配上蒜片醬汁一齊食 正👍🏻鹽燒鱸魚/烏頭 我地就選擇左用鱸魚🐟鱸魚即叫即做 切開魚身熱辣辣肉質鮮嫩多汁 唔點醬汁可以嘗鮮加埋醬汁別有一番風味😋再黎係燒黃鱔燒黃鱔同埋係粒粒魚肉都好厚身咬落好爽口彈牙 特別係魚皮醬汁濃味 加上小小芝麻 配搭相當不錯燒扇貝扇貝上鋪滿炸蒜同芝士食到扇貝鮮味之餘 仲有陣陣蒜香同芝味全海鮮之後黎一碟炒菜健康一下選擇左平時較少食既泰式炒椰菜仔椰菜仔好有口感 份量亦都好充足

疫情終於有緩和跡象 決定出去食下好西😆食久違既新泰今日黎佢地大王東街既新店新店樓高三層 裝飾一如既往充滿泰國風情好多店員都係泰國人就當住自己係泰國食緊泰菜啦！咁耐冇食 今餐決定要食得豐富d😏首先 係泰國菜唔少得既泰式生蝦🦐隻隻都既肥美又晶凝通透配上蒜片醬汁一齊食 正👍🏻鹽燒鱸魚/烏頭 我地就選擇左用鱸魚🐟鱸魚即叫即做 切開魚身熱辣辣肉質鮮嫩多汁 唔點醬汁可以嘗鮮加埋醬汁別有一番風味😋再黎係燒黃鱔燒黃鱔同埋係粒粒魚肉都好厚身咬落好爽口彈牙 特別係魚皮醬汁濃味 加上小小芝麻 配搭相當不錯燒扇貝扇貝上鋪滿炸蒜同芝士食到扇貝鮮味之餘 仲有陣陣蒜香同芝味全海鮮之後黎一碟炒菜健康一下選擇左平時較少食既泰式炒椰菜仔椰菜仔好有口感 份量亦都好充足

好耐冇出個黎食飯，襯今日假期搵左間響灣仔既泰國餐廳食，呢間新泰係新開冇耐，都幾近地鐵站幾方便，餐廳好大間，好舒適既坐位，闊落有空間感，岩哂一班朋友食飯傾計！中午有lunch set, 都有好多款式選擇，亦都有2人及4人既套餐，不過今日想散點，食下唔同既野泰式生蝦生蝦好爽口，加埋佢既秘制辣醬，非常之正，辣得黎唔會蓋過生蝦本身既鮮味，絕對係perfect match燒焗蒜蓉帶子蒜蓉芝士配帶子好夾，帶子大大隻，不錯燒膳4串燒膳，啖啖肉唔多骨，本身已經有甜甜地既味道，燒得超好食，必食推薦！鹽焗爐魚有得選擇烏頭或爐魚，揀左爐魚，泰式食物多數配醬有更佳效果，本身呢條爐魚既肉質好滑，配埋呢個醬真係勁好食，總括黎講，新泰價錢合理，而且食物質素唔錯，坐得又舒服，一定會再食

同老公啱啱去灣仔探完親友，知道附近有間新泰東南亞餐廳，食物有水準好好味。今日又是開返晚市堂食第一日，老公急不及待要我陪佢去餐廳食飯。餐廳有兩層，座位寬敞舒適，令人感覺舒服。泰式炸蝦餅：蝦餅即叫即炸，剛炸好的蝦餅香脆彈牙，蝦肉味道鮮甜，點啲泰式酸甜醬更加美味！泰式去骨海南雞半隻：海南雞除了雞翼部份，其他都已經去骨，啖啖肉，雞肉很嫩滑，醬汁鮮酸香辣，很有泰國風味。日本南瓜焗海鮮飯：用原個日本南瓜作底，滿滿的芝士南瓜內有多款海鮮，有蝦、魷魚、青口、南瓜粒和芝士等，上枱已香氣撲鼻。海鮮新鮮彈牙，非常足料。焗飯質感粒粒分明，加上南瓜蓉醬汁、更是十分惹味！

經過這店好多次，今次終於去咗試。今日回覆可四人坐和有得食晚飯至十時。這店很大，原來有三層，我們訂枱6:45pm, 很快便滿坐，好似生意不差。我們兩個人，點了蝦餅，都大大舊件，蝦肉和味都不足，一點好些食粉團。也點了肉片青咖哩，肉滑但偏甜，也叫了薄餅，真是薄薄的，無乜質感。本來食咖喱想食白飯，但白飯要$22/碗，非常貴呢？我們還點了咸魚炒芥蘭，這好味，好咸。兩個人要$300, 也不是太貴，但質數平平。不是好泰菜feel, 而是變了港式泰菜！有些可惜！

2個人叫3樣餸，食到lamlam利。首先要講下，餐廳餐牌有好多選擇，樣樣都好吸引，有串燒，湯，泰式煮法嘅海鮮，炸野，炸野，甜品，你講得出嘅大路野都有。 另外，餐廳侍應係泰國人，加埋個裝修，入到去好似去左泰國甘。甘耐冇得去旅行，唯有去呢啲地方ff下。。我哋叫嘅三樣送分別有麵包焗咖哩軟殼蟹 （208蚊）, 泰式炒椰菜仔（98蚊）, 泰式炸春卷（68蚊）。麵包焗咖哩軟殼蟹係用個大麵包裝住啲咖哩同軟殼蟹，旁邊再加啲搽左蒜蓉牛油嘅麵包。正正子。個咖哩係咸咸地嘅，仲有啲洋蔥。啲軟殼蟹炸得好香脆。咖哩加埋啲面包一齊食都好好味。泰式炸春卷好好味。炸到好香脆，熱辣辣甘食好正。泰式炒椰菜仔唔似平時食嘅泰式蔬菜甘甘重口味，清清地，好爽脆，好健康甘。

灣仔區食個飯閒閒地都$60起跳，午飯時間更加人山人海，幾乎度度都要排隊。但自從新泰搬到去現址後，基本上隔一排都會來光顧一次，享受性價比超高嘅高質泰式lunch set。新泰其實喺分店唔少，灣仔呢間分店勝在夠大夠寬敞，有三層。就算係午市繁忙時段，因為吞吐量大所以都唔駛點等位就入到去。新泰嘅午市套餐款式好充足，無論想食邊款泰式口味，總有一款啱口味。今次輪替到我高度推介嘅 lunch set 焗奶油大蝦伊麵 $75。三隻開半邊嘅大蝦肉質非常結實，用材上食得出絕無馬虎。以呢個價錢而言絕對非常足料。除咗奶油外，伊麵喺焗嗰陣仲添加咗唔少芝士。鐘意食芝士伊麵嘅朋友絕對唔會失望。餐飲配杯咖啡消消滯，坐喺寬敞嘅室內慢慢享受美食，絕對係喺忙碌嘅灣仔區內嘅一刻小確幸時間。

以前，九龍城係泰國菜的代表，一話食泰菜，就話去九龍城吖。但今時今日，似乎話食泰菜，都會話去『新泰』啦，起碼我同朋友之間都係咁溝通嘅。仲有去到灣仔行街街，必去利東街，而周圍的厦門街，汕頭街，大王東街都行埋，因此呢幢三層樓高的『新泰東南亞餐廳』已深深印入腦海之中，呢日終於有機會約埋朋友來到，實行大快朵頤一番。呢間东南亞餐廳，有泰國菜，仲有越南菜，星馬菜等，同朋友都喜歡肉骨茶，嗌咗，雖然係細份，但都唔少材料，而最重要係呢個係我哋喜歡嘅藥材味，好濃郁的藥材咪連埋大大舊骨，飲，食都好满意。而越南庶蝦亦好大件，有彈牙的蝦膠和鮮甜的庶，食完還可以吸幾啖庶汁，好耐未試過。酥炸香茅魚配青芒果沙律，真真係惹味之選，賣相極佳，啲魚起骨切條炸到香噴噴又擺返魚骨上面，而香茅微炸撕成條狀擺係面，再配埋泰式醬汁及青芒沙津，食到lam lam 脷。干層糕亦好出色，QQ彈為呢餐寫下完美句號。

新泰嘅灣仔分店裝修充滿泰式風情，地方寬敞舒適，好有渡假感覺！ 沙嗲串燒 （雞、牛、豬各兩串）$88串燒即叫即燒，充滿燒烤香味！豬、牛、雞串燒表面微微焦香，內裏充滿肉汁！點少少沙爹醬，好滋味！冬蔭功(S) $78熱辣辣，香噴噴，湯底夠酸夠辣，仲有大蝦，草菇及紅惹頭，好開胃！ 燒原隻魷魚 $98魷魚鮮甜爽口，點少少泰式酸辣汁，好惹味！芒果糯米飯 $68芒果多汁又甜美， 有紫糯米飯及白糯米飯，口感煙煙韌韌！再加上椰汁令糯米飯更香甜軟滑，食泰國菜必備！芒果沙冰 $38非常甜美，沙冰打至幼滑，配泰國菜真係一流！

新泰東南亞餐廳愈做愈大，愈開愈多分店，灣仔依家仲勁到有成棟Building添，真係長做長有！灣仔分店的店員都很有禮，又精通中、英、泰文。新泰Building裝修優雅，地方寬敞，仲要有露台座位添，直頭好似去咗Soho區咁，勁Chill勁好Feel！泰式凍咖啡 $38又甜又滑就係泰式咖啡嘅特式，一啲都唔苦，正！泰式生蝦 $98賣相擺盤精美，蝦肉爽涼帶甜，配特製魚露酸辣汁，真係超級醒胃！冬蔭功(S) $78顏色亮麗誘人，香氣噗鼻，熱辣辣得黎，入口夠酸夠辣，仲有勁大隻大頭蝦，真正色香味俱全！燒原隻魷魚 $98魷魚燒至香口，鮮味突出又唔靭，香甜的醬汁加入蒜粒增香，點埋特製嘅酸辣汁，令人食唔停口！

香港除左九龍城多泰國菜之外原來都仲有其他地方有今日黎到灣仔 天氣福冰冰 就想食返啲辣野取暖呢間泰國餐廳 有三層高而且人來人往 一於入去試下入到去 職員係會講泰文添而且都幾多外國人光顧今日嘅下午都有好多人專程嚟幫襯餐廳有三層高環境亦都好泰式午市係有套餐 都幾抵食但我就一心想飲冬陰功湯 於是決定散叫餐具好靚 成set係有襯過既去到泰國餐廳當然要叫返杯泰式奶茶啦不過無熱揀 只有凍 呢度既泰式奶茶唔會太甜蒜蓉越南牛油雞翼 炸得黎唔會話好厚粉有啲似避風塘炒既感覺啲脆脆好香口香芒軟殼蟹米紙卷 芒果好大舊 加埋其他菜苗 食落好fresh軟殼蟹夠脆 而個汁就酸酸甜甜咁係一個好開胃嘅餐前小食冬陰功湯 有得揀大或者細 呢碗細嘅就啱啱好兩個人 每人有碗半 入邊有好多配料有兩隻蝦好多菇 同樣係又酸又辣 酸同辣配合得啱啱好哈仲好大隻添 開咗邊好容易食呢個炒菜苗食落唔會有草青味 加埋啲炸蒜粒惹味得來又保留到菜嘅鮮味酥炸香茅魚配青木瓜沙律個擺盤超靚條魚起晒骨炸得香脆一條魚大概有十幾舊魚肉條連魚骨都炸到脆卜卜如果起晒骨食落去啖啖肉亦都保留到魚嘅鮮味青木瓜沙律份量都唔少 酸微微咁 令到炸魚冇咁油膩一個假日嘅中午食到一間

星期日既下午，凍冰冰既天氣，突然好想飲翻碗熱既冬蔭公。OpenRice 見附近搵到呢間就入咗去了😂。假日既下午，街外都唔多人。所以唔使點等位就入得了。入到去都幾滿座，原來仲有一樓二樓，都好㕵場。除咗我想飲既冬蔭公之外，我仲叫左牛油雞翼，軟殼蟹米紙卷，佢啲咖哩都好吸引。不過我見到個香茅魚張相令我更加想叫佢試下🤣。食泰國嘢當然飲椰清啦，非常清甜！牛油雞翼好香口，內𥚃既肉仲好嫩滑。米紙卷既皮好煙韌，軟殼蟹又好香脆，加上有一塊芒果係入面，帶翻啲清新既味道。我最期待既冬蔭公，又唔會太酸太辣，蝦又好味。加上入面好多草菇，好好味😋。呢個貴妃苗出面都好少見，又好食又無乜草青味。最後呢個香茅魚真係好正。切好一件件再去炸，又無乜骨又好食，加上個汁就食唔停口😍😍。

放假最後一天，出來享受一下晴天的美好。好久沒有過來灣仔了，利東街還是如此漂亮。好像去到歐洲，美麗的蝴蝶燈飾，白天也一樣美麗。❤❤❤新泰東南亞餐廳，一直都是我的最愛。每次想要給自己一個驚喜或者慶祝某些節日的時候，就會想要來這裡。大王東街的店，我還是第一次來，裡面的裝飾很大氣，空間也很寬敞，有五星級酒店自助餐的感覺。彷彿穿越到了東南亞旅行。沒想到這麼優質的餐廳，午市套餐如此抵食，75就有一個餐，份量也是足足的。附近返工的朋友有福氣了。香芒軟殼蟹米紙卷＄88每次必點，最愛的米紙卷，特別健康和有營養，蔬菜澱粉比例適當，口味又清爽迷人，彷彿去到了熱帶度假。燒鮮菠蘿 ＄58飯後甜品必點。新鮮可口的菠蘿，是補充維生素的首選。對自己好，不需要等到度假，也不需要特定條件。無時無刻都挑選自己最愛的食物，最好的食材，身體會以最好的狀態回報你。泰式蝦醬炒飯＄75貴妃苗沙律＄28龍眼冰＄8新泰東南亞餐廳灣仔大王東街21-23號興旺閣地下至2樓

今日家姐帶我去灣仔食最愛既泰國菜，因為依家冇堂食所以我地食lunch，見到lunch set幾抵食不過想食既金邊粉冇係入面整得好靚好有心機既金邊粉，雖然要等耐少少但值得，金邊粉被完整既蛋網包住，加埋花生碎同青檸汁好惹味香口，食落唔會太油膩芝士蒜蓉扇貝大大隻，簡簡單單已經帶出蒜蓉既鮮味，食落香口椰青沙冰有驚喜，唔係間間泰國餐廳有得食，裡面既椰青味融入係沙冰，好正！馬拉盞通菜，點之前擔心太辣但waiter話其實都係少少辣，通菜夠新鮮，份量幾夠，起碼兩個人食實夠青咖喱羊架唔錯，起碼青咖喱汁中和羊本身既膻味，食落岩岩好，而且餐廳用錫紙包著羊架，食落好方便 非常好食既芒果糯米飯，有水準既甜品，甜度岩岩好，糯米飯仲係熱熱地，冬天食都唔怕 

自從上年偶爾幫襯過新泰之後就耐唔耐去食下，雖然我屋企好近九龍城，有好多泰國餐廳可以揀，但依然覺得新泰環境坐得更舒服，食物水準高，Christmas 前夕就帶老豆食下好野 每次去親泰國餐廳必點既金邊粉，雖然因為所有菜式即叫即整要等耐小小，但都值！金邊粉賣相好靚，用蛋整成網包住金邊粉，加上青檸汁味道更清新，撈埋花生碎食非常香口，老豆大讚唔會太油膩，好食！青咖哩羊架，原來打算要啤酒羊架，但經理話青咖喱其實味道更夾，食落balance番羊膻味，所以最後要左呢個，羊架燒得惹味，有羊味同青咖喱椰奶香味，油脂分佈岩岩好，我地仲另加左一份薄餅點青咖喱汁 經典既馬拉盞通菜唔會太辣，睇得出通菜夠新鮮先點咁綠，炒得好有蒜香味，美中不足係略油左小小 原本好想食既大菜糕冇貨，最後唯有試芒果糯米飯，原來冇咩期望但比想像中出色，有白糯米同紫米，暖䁔地好岩冬天食，而且幾多椰漿，食落好香！