新泰東南亞餐廳 (興旺閣)

營業中

休息中

平時灣仔多人番工，未免難搵位食飯，新泰剩係店面都有兩層樓，多座位，我去左咁多次都唔駛等位。佢有一人午餐menu，12:50pm前離座仲可以有9折。海南雞飯 $75泰國菜必食，雖然份量睇落唔多，但食哂都幾飽肚，個雞肉冇 overcook幾滑，不過雞皮好厚，太多脂肪比較肥，雞肉量都比較少，配左海南雞辣醬同埋薑油，個人比較鍾意辣醬，惹味啲。個飯應該用雞油煮過，所以就咁食飯都有雞香味。海南雞飯仲有炒菜，夠哂均衡飲食。

今日約會自己因為今晚放工去灣仔有啲嘢做就去咗大王東街呢間新泰試吓喇叫咗三個餸 生蝦刺身 生蝦刺身正常 不過不失冰鎮螺呢個好有驚喜👍🏼雖然得五隻但每一隻都好大 好鮮甜 好新鮮！絕對唔係平時去酒店食自助餐嘅質素大隻好多 一試難忘😍爽脆嘅螺肉配泰式嘅辣醬真係第一次意外地好夾👍🏼芒果軟殼蟹米紙卷呢個卷味道好豐富 一入口就食到芒果嘅香甜酸甜醬汁帶走了菜苗嘅草青味軟殼蟹炸粉唔會好厚一個卷有齊口感又硬又軟 有甜有酸 好食😋唯一係紙米卷上碟會痴埋一齊 用叉或筷子夾嘅時間有少少困難要讚嘅係冇刻意搽油係米紙卷表面我諗可以改善嘅係用葉分隔或者擺得有距離一啲😄一個人食三樣嘢真係好飽 好豐富嘅一餐❤️

✿╮❤╭✿✿雜感女生   好味日記✿˚*•✰。新泰東南亞餐廳．阿來MAMA卡。✰•*˚✿✿小資女的Dolce Vita✿✿❤餓底飯聚．食勻全世界❤❤吾係POL - Peggy On Line．Proof Of Life❤  ❤好久不見的朋友約去一間泰菜店吃飯今次是去很久不見的餐廳 —— 新泰東南亞餐廳原來已搬去了灣仔大王東街與朋友聊天吃喝少不了來一次泰式飯聚裝修充滿泰國風情又靚又有味道特別是孔雀cushion好華麗FEEL  泰式奶茶必飲，甜香，冰爽，正呀飲開泰式奶茶都知是偏甜的這就是其可愛之處  泰式炸蝦餅食炸物傾計是常識吧肉厚香脆有蝦味是泰國菜不能少的小食  泰式去骨海南雞半隻份量，香滑夠味特別配上的喜歡泰式酸辣醬提升了雞肉的香氣非常好吃   飛天通菜惹味鮮嫩好食是泰式的風味特別適合配飯 冬蔭公海鮮炒飯 微辣+好多料有蝦仁、爽口魷魚、青口等粒粒飯都充滿冬蔭公的香氣味道吸引  一間餐廳可以令人回味與回頭是一種能力！  

朋友鍾意食泰國菜，特登去搵下有咩泰國餐廳好推薦🤣🤣🤣🤣依間餐廳真係好大，好有泰國嘅感覺😏😏😏麵包焗咖喱軟殼蟹，嘩我好buy呢味，麵包配咖喱汁，再加上麵包係焗過，脆卜卜，真係好好食🤗🤗🤗🤗🤗冬陰功，我最鍾意飲啦！好多香料，好夠味！飲完真係大滿足☺️☺️☺️☺️☺️飛天通菜，好耐都冇食過依一個招牌菜！炒得好香好有火喉。燒豬頸肉，評價係又香又爽口～食泰國菜點會唔叫椰青啊！椰青夠晒冰涼，又大大個，非常之抵飲😍見到餐牌有好多好多甜品，下次真係要試試✌🏽✌🏽✌🏽✌🏽

今日同朋友一齊出嚟食吓飯！見好耐都冇食過泰國菜，就試吓依間餐廳啦♥️♥️♥️♥️依間餐廳非常大，樓高三層，好少何見到香港有咁大間嘅餐廳💪🏼💪🏼💪🏼我哋叫咗幾款食物，燒豬頸肉，好香呀！笑得非常好！✌🏽✌🏽✌🏽✌🏽另外叫咗個冬陰功，佢有大細之分，我哋就叫咗個細嘅！每人都飲咗兩至三碗啊🤗🤗🤗🤗🤗冬陰功好足料，我就最鍾意食佢嘅草菇，因為朔晒啲味好好味呀♥️♥️♥️♥️♥️生蝦，新鮮好味！麵包焗咖喱軟殼蟹，重頭戲嚟啦🤣🤣🤣🤣冇諗過原來軟殼蟹可以咁夾麵包個喎！♥️♥️♥️♥️一啖咖喱一啖蟹一啖麵包！賞心樂事啊♥️♥️♥️♥️♥️

Lunch time黎到，裝潢設計風格優雅，位於Bakehouse正對面，環境舒服優雅！但野食就好一般。。。-泰式海南雞飯🐔$75-正常海南雞飯，雞有雞肉有雞皮有雞味，油飯不過不失🍚焗奶油大蝦伊麵🦐$75-伊麵creamy，大蝦肉質彈牙🦷，味道ok，食落似食大排檔/茶記多過係泰菜。越式蟹肉炒粉絲🦀️$75-❌❌超級難食勁伏不要點❌❌淡而無味既粉絲、配上乾巴巴既少少蟹肉、配上大量芹菜同幾條扎肉。一碟超級伏既中午飯。蟹肉淡而無味，超級乾身，少少juicy都無，不如用蟹柳好過😰可以不可菜。寧願環境差少少食翻同區味道好好多既小店泰菜好過🇹🇭

喺香港地，能夠有間搵到間餐廳成三層高真係夠晒架勢，而且仲要為處於灣仔大王東街，位置夠晒方便，我仲要坐平日都滿晒人，您老海入面一定會有10萬個？你入到去食，就可以解答晒。間餐廳雖則有三層高，但睇圖就知，裝修絕不簡單，而且層層都坐爆曬人，疫情期間，我哋雖然平日嚟食，但係都要坐到去3樓位置。泰式生蝦（$98）口感黏黏糯糯，本身隻蝦已經係好正，本身上面有塊生蒜🧄同辣椒更加係點綴生輝，再加埋佢個泰式辣汁，同一般唔同除咗香之外亦都係整得比較辣，啱晒我口味。泰式去骨海南雞（$128）如果大家有食開泰國菜嘅話就知道呢一味嘅重點係在於隻雞材料本身，呢一個真係超級正啲雞本身已經非常嫩滑，鍾意嘅可以加啲蒜醬或者泰式辣醬，個味亦都唔會太過搶。泰式蝦炒金邊粉（$108）金邊粉炒得好有鑊氣，而且酸酸辣辣個味道好過癮再加埋少少花生碎,pad Thai周街都係，但整得咁好食嘅就真係買少見少。青檸蒸魚（$168）個賣相幾特別，為咗可以俾你享受到佢個靚湯，成條魚係比啲湯浸住，然之後多咗嘅湯就經由個器皿嘅尺度從右傾出，到咁上下你又可以淋返啲湯係上面，先講一講個湯好足料，我僅有嘅舌頭食得出有青檸有香茅，本身條鱸魚🐟已經好新鮮

今日我個friend話帶我嚟灣仔有間正嘢，好彩我今日經過灣仔心諗有啲咩咁特別呀，俾個面佢就入嚟同佢食下，入到去真係wa出來，灣仔區，竟然有咁別出心裁嘅裝修。日，頓時變咗泰仔，成間店都係請泰國人，好似去咗泰國咁。泰式生蝦（$98）呢個我個friend話好好食但係因為我爆瘡唔食得辣，最後俾晒我個friend食。泰式去骨海南雞（$128）咁所以我就食多啲依個雞，但係啲雞真係好嫩滑，我都情不自禁食下又一舊，食下又一舊，開始好食到有幻覺。泰式蝦炒金邊粉（$108）我係金邊粉愛好者，酸酸辣辣極度嘢味，個蝦亦都幾新鮮，而且有啲口感。青檸蒸魚（$168）熱住食蒸魚，嗰陣有情調，而且佢嗰啲微微向右傾，可以俾我不斷不啲湯入去，啲湯好香青檸同香矛味，再加上條鱸魚本身肉質好實，簡直100分。千層糕（$55）由於我爆瘡所以其實淨係食咗一舊，不過都幾好食😋，唔算太甜清清地又幾有香味。

今日朋友約去食泰國菜，話明坐得舒服，可以慢慢傾下吹吹水咁話😘。去到餐館外已覺得好特別，他是一座三層的大廈，在灣仔區已很小見，內裡很寬敞，燈光柔和，坐得舒服☺️。先來一杯菠蘿冰醒醒胃先，然後來個小食 炸春卷，脆卜卜，唔錯，再來蒜蓉牛油雞翼，不錯，不過食落有點似避風塘煮法😅。好，來個主菜啦，咖喱軟殼蟹加麵包，軟殼蟹香脆，但咖哩仲好味，撈麵包一流，唔夠可以再order蒜蓉包☺️，最後當然要食個菜啦，炒椰菜仔，通常泰國菜先有椰菜仔食，好味。滿足，其實想食咖哩蟹，但要早一天預訂，只好下次再約朋友來食過啦👍🏻

有幾日午餐時間行過都發現呢間餐廳好多人等位，今日經過見到少左人排隊，就立即試下啦！午餐幾抵食，78蚊連野飲，餐廳裝修環境又靚，係灣仔黎講算係咁。叫左個海南雞飯，油飯香，雞又多件數，個湯都好味，不錯。另外叫左個豬肉串燒，醬汁同豬肉都好好食！但美中不足係豬肉串燒係凍嘅串燒都凍真係幾出奇同行朋友叫左個炒河，出奇事又再發生，因為成碟炒河都係凍嘅好明顯係午市套餐煮定曬係度，不過人多姐，唔該都翻熱返先拎出黎啦齋計味道，真係可以比，不過野食凍嘅，大佬，唔通真係東南亞太熱所以唔食熱野咩所以就無喇，如果食物係熱辣辣嘅，就真係抵食

今晚同朋友一齊去左呢間餐廳食飯。一入去就覺得呢間同平時既泰國餐廳好唔同，比較上modern同新。我地叫左四樣嘢share同一個甜品。馬拉盞通菜份量都幾多，炒得好入味，夠哂辣同惹味。好岩送飯食。另外有點左串燒，一碟有六串有雞豬牛。每串肉都好好食，特別雞同豬比較淋。個汁都幾香花生味，同個串燒都幾夾。主食仲有麵包焗咖哩軟殻蟹。呢碟主食既外貌非常吸引，亦都好香咖哩味。個麵包焗得好鬆脆。就咁食個蟹或個包就會有啲膩同單調。但如果點上入面既咖哩汁再配上軟殻蟹，口感會比較豐富亦都無咁膩。由於呢個主食既份量都幾多，所以比較適合分享。另外我地仲點左生菜包。啲肉碎炒得非常香，香料同洋蔥既份量適宜，唔會太搶肉碎既味道。配上生菜食好refreshing。但係生菜既份量較少，可以放多少少肉碎去包。最後有甜品芒果糯米飯。糯米飯煮得好軟熟，椰奶都唔會淋得太多，芒果份量都足夠，唔會太膩。

呢晚同朋友入到黎灣仔大王東街，闖入兩層高既新泰東南亞餐廳試個泰式晚餐內裡環境相當大，由燈具、裝飾、餐桌、餐具都襯得十分美觀，令客人猶如置身於泰國旅行一樣晚市係客流高峰時段，店員不懈努力地出入傳菜落單，但服務依然保持殷勤叫菜後同朋友傾左5分鐘，店員好快就為我地遞上美食香芒軟殼蟹米紙卷清新既生菜芒果配上烤到香口既軟殼蟹味道有咸有甜，內裡粉絲沾上泰式甜酸汁，估唔到所有味道撞埋一齊又幾夾，做開胃前菜一流！小妹大愛冬陰雞煲用泰式冬陰公湯底食雞煲真係小妹既第一次，平時飲海鮮冬陰公湯就多啦，今次用鮮雞隻咁打邊爐，雞肉索哂湯既酸辣惹味，絕對係初起秋風既暖胃之選南瓜焗咖哩海鮮淨係睇賣相已經吸引到唔少人相機先食多款鮮味海鮮如青口、魚柳、魷魚🦑被濃厚既黃咖哩重重包圍住，食既過程就好似尋寶一樣，我同友人用舌頭去發揮每一匙到底係咩既海鮮，場面好有趣食到差唔多，可以用匙羹輕易刮起南瓜蓉mix埋起沙既黃咖哩食，好creamy又好味飲品：椰青沙冰由椰青水+椰奶打成既沙冰，好香好細滑而且份量好多！Fresh Coconut Pina Colada 友人就叫左呢杯特色cocktail,佢話菠蘿甜味好出，聞落有椰香，入口幾

無去泰國甘耐，有啲掛住泰國嘅芒果糯米飯。行開灣仔都好多選擇嫁，偶然見到呢間食泰菜，就黎試下。店舖deco好有特式，坐得舒服。因為一支公食野，所以都係叫d輕食，唔想浪費。泰式柚子蝦沙律 $98柚子沙律配料豐富，有四隻大蝦同好多柚子，仲有啲魷魚。醬油酸酸尾尾，有柚子清香好開胃，配肉類解腻最岩啦。串燒沙爹 $88猪牛雞任你選，份量十足，肥瘦適中，又唔會燒得好柴。佢燒得偏濕潤，唔係傳統串燒甘燒到干柴晒甘，入口啖啖肉好juicy，配埋個带甜嘅沙爹醬同花生粒，真係好惹味。芒果糯米飯 $68佢地嘅芒果揀得好甜，椰浆調得唔會太甜，balance 返。而且d糯米飯上到黎仲暖暖地，唔會硬堀堀。一個人食就有啲飽，最好就兩個人開心share 啦！以灣仔呢個地段黎講，價錢真心唔貴。好岩一班朋友放工黎聚腳食飯，性價比好高！

灣仔有間新嘅泰菜，之前喺集成附近有一間，而家喺修頓球場後面有間新分店。門面好開陽，總共有三層。上樓梯時有好多泰式裝飾，感覺有啲似泰國嘅Spa。座位好闊落，限聚令底下兩人有四人枱坐。可以同friend好舒服咁傾偈，不知不覺傾一晚都唔覺嘈。 waitress話咖喱麵包軟殼蟹好多人order, 等我哋試試，麵包外脆內軟，可以點咖喱汁，食完已經飽咗一半。軟殼蟹炸粉都好夠薄 春卷皮好脆，啲餡唔乾，有蘿蔔絲粉絲菜絲等，濕口好吃。雞翼都幾脆不過炸粉厚咗少少。飲下菠蘿沙冰止渴，幾清涼可以繼續食炸野。太耐冇食椰菜苗，不過原來係兩款菜炒埋一齊，都算香口。椰汁沙冰 highly recommended，好重既椰青水清甜，就算加左沙冰都唔覺淡。waiter話司傳直接用椰青水做沙冰，加好少水。 而家疫情生意難做，加上新開餐廳，這家可再encore。

泰菜食多得多 基本上一入去唔睇menu就會嗌生菜包 青咖喱 本身想嗌埋pad thai但驚太飽 所以轉左嗌串燒啲食物一如既往咁高質而今次最想講既係coctail嗌左杯Mai-Tai呢杯cocktail好啱唔鍾意好重酒味嘅朋友飲可能因為材料有菠蘿橙汁檸檬汁 所以好Fresh 美食加美酒 再加上咁舒服既環境 好chill