新泰東南亞餐廳 (興旺閣)

營業中

休息中

灣仔區食個飯閒閒地都$60起跳，午飯時間更加人山人海，幾乎度度都要排隊。但自從新泰搬到去現址後，基本上隔一排都會來光顧一次，享受性價比超高嘅高質泰式lunch set。新泰其實喺分店唔少，灣仔呢間分店勝在夠大夠寬敞，有三層。就算係午市繁忙時段，因為吞吐量大所以都唔駛點等位就入到去。新泰嘅午市套餐款式好充足，無論想食邊款泰式口味，總有一款啱口味。今次輪替到我高度推介嘅 lunch set 焗奶油大蝦伊麵 $75。三隻開半邊嘅大蝦肉質非常結實，用材上食得出絕無馬虎。以呢個價錢而言絕對非常足料。除咗奶油外，伊麵喺焗嗰陣仲添加咗唔少芝士。鐘意食芝士伊麵嘅朋友絕對唔會失望。餐飲配杯咖啡消消滯，坐喺寬敞嘅室內慢慢享受美食，絕對係喺忙碌嘅灣仔區內嘅一刻小確幸時間。

以前，九龍城係泰國菜的代表，一話食泰菜，就話去九龍城吖。但今時今日，似乎話食泰菜，都會話去『新泰』啦，起碼我同朋友之間都係咁溝通嘅。仲有去到灣仔行街街，必去利東街，而周圍的厦門街，汕頭街，大王東街都行埋，因此呢幢三層樓高的『新泰東南亞餐廳』已深深印入腦海之中，呢日終於有機會約埋朋友來到，實行大快朵頤一番。呢間东南亞餐廳，有泰國菜，仲有越南菜，星馬菜等，同朋友都喜歡肉骨茶，嗌咗，雖然係細份，但都唔少材料，而最重要係呢個係我哋喜歡嘅藥材味，好濃郁的藥材咪連埋大大舊骨，飲，食都好满意。而越南庶蝦亦好大件，有彈牙的蝦膠和鮮甜的庶，食完還可以吸幾啖庶汁，好耐未試過。酥炸香茅魚配青芒果沙律，真真係惹味之選，賣相極佳，啲魚起骨切條炸到香噴噴又擺返魚骨上面，而香茅微炸撕成條狀擺係面，再配埋泰式醬汁及青芒沙津，食到lam lam 脷。干層糕亦好出色，QQ彈為呢餐寫下完美句號。

新泰嘅灣仔分店裝修充滿泰式風情，地方寬敞舒適，好有渡假感覺！ 沙嗲串燒 （雞、牛、豬各兩串）$88串燒即叫即燒，充滿燒烤香味！豬、牛、雞串燒表面微微焦香，內裏充滿肉汁！點少少沙爹醬，好滋味！冬蔭功(S) $78熱辣辣，香噴噴，湯底夠酸夠辣，仲有大蝦，草菇及紅惹頭，好開胃！ 燒原隻魷魚 $98魷魚鮮甜爽口，點少少泰式酸辣汁，好惹味！芒果糯米飯 $68芒果多汁又甜美， 有紫糯米飯及白糯米飯，口感煙煙韌韌！再加上椰汁令糯米飯更香甜軟滑，食泰國菜必備！芒果沙冰 $38非常甜美，沙冰打至幼滑，配泰國菜真係一流！

新泰東南亞餐廳愈做愈大，愈開愈多分店，灣仔依家仲勁到有成棟Building添，真係長做長有！灣仔分店的店員都很有禮，又精通中、英、泰文。新泰Building裝修優雅，地方寬敞，仲要有露台座位添，直頭好似去咗Soho區咁，勁Chill勁好Feel！泰式凍咖啡 $38又甜又滑就係泰式咖啡嘅特式，一啲都唔苦，正！泰式生蝦 $98賣相擺盤精美，蝦肉爽涼帶甜，配特製魚露酸辣汁，真係超級醒胃！冬蔭功(S) $78顏色亮麗誘人，香氣噗鼻，熱辣辣得黎，入口夠酸夠辣，仲有勁大隻大頭蝦，真正色香味俱全！燒原隻魷魚 $98魷魚燒至香口，鮮味突出又唔靭，香甜的醬汁加入蒜粒增香，點埋特製嘅酸辣汁，令人食唔停口！

香港除左九龍城多泰國菜之外原來都仲有其他地方有今日黎到灣仔 天氣福冰冰 就想食返啲辣野取暖呢間泰國餐廳 有三層高而且人來人往 一於入去試下入到去 職員係會講泰文添而且都幾多外國人光顧今日嘅下午都有好多人專程嚟幫襯餐廳有三層高環境亦都好泰式午市係有套餐 都幾抵食但我就一心想飲冬陰功湯 於是決定散叫餐具好靚 成set係有襯過既去到泰國餐廳當然要叫返杯泰式奶茶啦不過無熱揀 只有凍 呢度既泰式奶茶唔會太甜蒜蓉越南牛油雞翼 炸得黎唔會話好厚粉有啲似避風塘炒既感覺啲脆脆好香口香芒軟殼蟹米紙卷 芒果好大舊 加埋其他菜苗 食落好fresh軟殼蟹夠脆 而個汁就酸酸甜甜咁係一個好開胃嘅餐前小食冬陰功湯 有得揀大或者細 呢碗細嘅就啱啱好兩個人 每人有碗半 入邊有好多配料有兩隻蝦好多菇 同樣係又酸又辣 酸同辣配合得啱啱好哈仲好大隻添 開咗邊好容易食呢個炒菜苗食落唔會有草青味 加埋啲炸蒜粒惹味得來又保留到菜嘅鮮味酥炸香茅魚配青木瓜沙律個擺盤超靚條魚起晒骨炸得香脆一條魚大概有十幾舊魚肉條連魚骨都炸到脆卜卜如果起晒骨食落去啖啖肉亦都保留到魚嘅鮮味青木瓜沙律份量都唔少 酸微微咁 令到炸魚冇咁油膩一個假日嘅中午食到一間

星期日既下午，凍冰冰既天氣，突然好想飲翻碗熱既冬蔭公。OpenRice 見附近搵到呢間就入咗去了😂。假日既下午，街外都唔多人。所以唔使點等位就入得了。入到去都幾滿座，原來仲有一樓二樓，都好㕵場。除咗我想飲既冬蔭公之外，我仲叫左牛油雞翼，軟殼蟹米紙卷，佢啲咖哩都好吸引。不過我見到個香茅魚張相令我更加想叫佢試下🤣。食泰國嘢當然飲椰清啦，非常清甜！牛油雞翼好香口，內𥚃既肉仲好嫩滑。米紙卷既皮好煙韌，軟殼蟹又好香脆，加上有一塊芒果係入面，帶翻啲清新既味道。我最期待既冬蔭公，又唔會太酸太辣，蝦又好味。加上入面好多草菇，好好味😋。呢個貴妃苗出面都好少見，又好食又無乜草青味。最後呢個香茅魚真係好正。切好一件件再去炸，又無乜骨又好食，加上個汁就食唔停口😍😍。

放假最後一天，出來享受一下晴天的美好。好久沒有過來灣仔了，利東街還是如此漂亮。好像去到歐洲，美麗的蝴蝶燈飾，白天也一樣美麗。❤❤❤新泰東南亞餐廳，一直都是我的最愛。每次想要給自己一個驚喜或者慶祝某些節日的時候，就會想要來這裡。大王東街的店，我還是第一次來，裡面的裝飾很大氣，空間也很寬敞，有五星級酒店自助餐的感覺。彷彿穿越到了東南亞旅行。沒想到這麼優質的餐廳，午市套餐如此抵食，75就有一個餐，份量也是足足的。附近返工的朋友有福氣了。香芒軟殼蟹米紙卷＄88每次必點，最愛的米紙卷，特別健康和有營養，蔬菜澱粉比例適當，口味又清爽迷人，彷彿去到了熱帶度假。燒鮮菠蘿 ＄58飯後甜品必點。新鮮可口的菠蘿，是補充維生素的首選。對自己好，不需要等到度假，也不需要特定條件。無時無刻都挑選自己最愛的食物，最好的食材，身體會以最好的狀態回報你。泰式蝦醬炒飯＄75貴妃苗沙律＄28龍眼冰＄8新泰東南亞餐廳灣仔大王東街21-23號興旺閣地下至2樓

今日家姐帶我去灣仔食最愛既泰國菜，因為依家冇堂食所以我地食lunch，見到lunch set幾抵食不過想食既金邊粉冇係入面整得好靚好有心機既金邊粉，雖然要等耐少少但值得，金邊粉被完整既蛋網包住，加埋花生碎同青檸汁好惹味香口，食落唔會太油膩芝士蒜蓉扇貝大大隻，簡簡單單已經帶出蒜蓉既鮮味，食落香口椰青沙冰有驚喜，唔係間間泰國餐廳有得食，裡面既椰青味融入係沙冰，好正！馬拉盞通菜，點之前擔心太辣但waiter話其實都係少少辣，通菜夠新鮮，份量幾夠，起碼兩個人食實夠青咖喱羊架唔錯，起碼青咖喱汁中和羊本身既膻味，食落岩岩好，而且餐廳用錫紙包著羊架，食落好方便 非常好食既芒果糯米飯，有水準既甜品，甜度岩岩好，糯米飯仲係熱熱地，冬天食都唔怕 

自從上年偶爾幫襯過新泰之後就耐唔耐去食下，雖然我屋企好近九龍城，有好多泰國餐廳可以揀，但依然覺得新泰環境坐得更舒服，食物水準高，Christmas 前夕就帶老豆食下好野 每次去親泰國餐廳必點既金邊粉，雖然因為所有菜式即叫即整要等耐小小，但都值！金邊粉賣相好靚，用蛋整成網包住金邊粉，加上青檸汁味道更清新，撈埋花生碎食非常香口，老豆大讚唔會太油膩，好食！青咖哩羊架，原來打算要啤酒羊架，但經理話青咖喱其實味道更夾，食落balance番羊膻味，所以最後要左呢個，羊架燒得惹味，有羊味同青咖喱椰奶香味，油脂分佈岩岩好，我地仲另加左一份薄餅點青咖喱汁 經典既馬拉盞通菜唔會太辣，睇得出通菜夠新鮮先點咁綠，炒得好有蒜香味，美中不足係略油左小小 原本好想食既大菜糕冇貨，最後唯有試芒果糯米飯，原來冇咩期望但比想像中出色，有白糯米同紫米，暖䁔地好岩冬天食，而且幾多椰漿，食落好香！

行經灣仔利東街附近見到一幢裝潢風格獨特 充滿泰式風味既建築物 原來成幢3層高既建築物都係依間新泰東南亞既 緊係要入去試下 入到去就己經FEEL到果陣濃濃既泰式風情 餐廳入面既裝潢有唔同既泰式擺設同圖滕 而且微黃既燈光更係令人心情放鬆 好似去左泰國渡假一樣冬蔭功湯一位細細既冬蔭功湯入面落既心機同材料絕對唔細，蕃茄、菇菌等都有，而且一細蜿入面就有2隻大頭蝦, 大頭蝦肉質彈牙，同鮮甜既蝦膏一齊吃，真是勁開胃 出面有D冬蔭功湯一係就太酸一係就太辣 但係佢地既酸、甜、辣度也調較得剛好，攪到有D想叫多蜿TIM巴東牛展一開始黎到睇個樣大家可能會以為姐係咖哩牛腩 但係完全唔同! 依款類似咖哩汁既醬汁,起源於印度尼西亞的米南佳保人， 現已遍布全國各地 。作為米南佳保飲食文化的代表之一，往往成為正式場合、或與向客人表示尊敬時的桌上佳肴。一道辛辣既醬汁配合既小小既印尼椰漿大家可以叫完依個巴東牛展之後叫多一個飯 肯定可以撈到幾蜿飯! 牛展超彈牙 而且牛味唔會比巴東醬汁搶左個味 十分出色泰式濕炒海鮮河侍應將依碟泰式濕炒海鮮河傳過黎既時候我仲以為係咪黎錯野? 印象中既泰式炒河好似唔係咁既樣 但係原來只係因為太足料

上個月月尾，去咗灣仔食泰國菜，門面睇落都唔算話好大，點知入到去發覺原來有三層，而且仲有露天陽台，叫幾杯酒同朋友chill drink都咪話唔爽。另外，呢間泰菜館嘅員工大部份都係土生土長嘅泰國人，大家啲服務態度都幾好，夾雜着佢哋唔鹹唔淡嘅廣東話，都幾有異國風情㗎。好廢話唔多講，都係講返食物質素先：1️⃣馬來肉骨茶🦴 （7/10）味道幾濃郁，入邊有豆卜、排骨、牛肝菌等等嘅食材，不過可能因為我哋叫咗細碗，所以啲湯水其實都淨係夠一個人飲，如果想多啲人飲，建議叫大碗嘅。2️⃣泰式燒春雞釀香茅黃飯 🐣（9/10）有留意開我嘅朋友都知道，我好少會比咁高評價！呢隻泰式燒春雞，燒到外皮脆卜卜，但入邊同樣keep住Juicy，而最令人驚喜嘅係佢隔離伴碟嘅沙律，用咗花生醬去做點綴，但食落又有爽脆嘅口感。唯一美中不足，嘅係入邊嘅香茅皇飯，相對比較失色，如果入邊可以加少少變化，就更加好啦。總括嚟講，喺灣仔呢啲地段，搵到間價錢合理，又有幾味擺喺枱面嘅菜式嘅餐廳，真係唔算多，更加莫講呢度環境唔錯，裝修得幾靚，下次經過灣仔真係不妨過嚟試一試！

前幾日同朋友一齊去左新泰東南亞餐廳，餐廳裹面有好多卡位形式嘅位。仲擺左好多cushion，坐得好舒服。裝潢都好有泰式風格，有如到左一個小泰國。南瓜海鮮焗飯原個南瓜上碟，賣相好靚之外仲好熱辣辣。焗飯係炒飯底，裹面仲有好多大大粒嘅南瓜粒，同魷魚，蝦等嘅海鮮，面頭加左D芝士，撈埋一齊食，好香甜軟熟。而鹽焗盧魚非常值得推薦，魚肉好滑，每吋魚肉肉質都焗得剛剛好。就咁食都已經鮮甜嫰滑。鍾意多D味嘅點埋汁食都得！食左幾啖，隔離枱客人就同侍應落單要一樣嘅菜式，可見賣相都相當不錯。而串燒就有齊基本嘅雞牛豬串燒，肉質都唔錯，味道偏甜。而串燒另上嘅醬汁幾特別，比一般嘅結身，味道有D香草嘅香味，同串燒嘅配搭都幾好。本身打算叫少甜嘅泰式奶茶漏左同侍應講，正常甜度一試唔算好甜，帶有幾分茶香。餐廳氣氛不錯！

今次去左灣仔嘅一間泰式餐廳，港鐵站一出行大約幾分鍾就到。門口好易搵,餐廳都好闊落。飯類叫左南瓜海鮮焗飯，裹面有好多南瓜粒，炒飯飯粒夠乾身。可以再刮埋裹面軟哂嘅南瓜肉同海鮮一齊食！食過唔少泰式餐廳,但呢個菜式係第一次見，可以一試～香芒軟殼蟹米紙卷嘅米紙做得唔錯，唔會太韌太厚，都食到芒果同軟殼蟹嘅味道。如果芒果份量再多D多，米紙卷會更香。軟殼蟹都幾脆，食得出係新鮮準備。馬拉盞通菜上碟好夠鑊氣，通菜嫰口。莖嘅部份爽脆，食落唔會有渣。仲有適當嘅油光，賣相同味道都唔錯。生蝦刺身大約有大約六隻，都好新鮮乾淨，算幾清甜。椰青沙冰都係第一次見到嘅飲品，好清新嘅椰香，配返重味少少嘅野食都冇問題！餐廳服務好好，侍應見到舉手反應都好快，質素不錯。

【#SUPERMAMA開心SHARE】@新泰之泰好食估品估到今次我想食咩？就係食泰國菜啦！去位於灣仔的食店新泰食久違的好泰味裝修好有情調，金屬燈加上木雕像彷彿置身泰國有放假的心情菜式選擇很多這只是其中幾頁我和朋友都來了杯泰式奶茶香甜可口邊飲邊歎再慢慢選菜泰式去骨海南雞雞肉厚而滑很喜歡果2款醬一款係薑蓉帶鹽香：帶出雞味一款係泰式酸辣醬：增加惹味飛天通菜辣辣香氣與幼嫩菜苗一向吸引不只賣相好，味道是條條好吃沒有渣泰式炸蝦餅彈牙有蝦肉外層口感香脆內裡厚厚的加點泰式辣醬更香口冬蔭公海鮮炒飯好有泰國風情因為冬蔭公的香氣入晒飯內又有大量海鮮配料顏色同味道都非常吸引椰汁西米糕是傳統的泰國甜品呢間餐廳好特別除了一般的元素更加入了馬蹄同芋頭口感豐富，味道多了芋頭香成餐食得好舒服店員又親切99%係泰國人但中、英文都好得！整體感覺不俗！仲有d可愛的孔雀咕𠱸好靚，靚到忍唔住要影番張相！

今日細佬生日，book咗位請佢過港島食餐好。點知我地兩個都遲咗放工，好彩呢間餐廳都算近地鐵站，如果唔係就遲大到喇。入去之前要度咗體溫先，入到去先發覺間餐廳好大，有三層咁多，最正係2樓有bar檯，好有氣氛。馬來肉骨茶藥味濃郁，熱辣辣飲就最好。肉大大舊，豆卜索曬啲湯汁，成件事好夾。仲有好多蝦乾係底，記得飲之前撈一撈佢喎。生菜肉碎（豬肉）食過好多間泰國餐廳嘅生菜肉碎都好辣，但呢間嘅辣度係perfect。酸辣適中嘅豬肉碎混雜咗洋蔥同香料，擺上新鮮嘅生菜度，咬落口感脆卜卜，完全唔滯，我地根本冇停過口。燒半邊蠔面頭嘅芝士好出色，蒜蓉碎焗到我地第一啖誤以為係椰蓉。蠔亦都冇燒到過熟，甘甜多汁蠔味濃，唯一係蠔嘅中心位置有啲凍，不過面頭嘅芝士熱辣辣，夾埋黎食竟然另有一番風味。蒜蓉焗帶子燒半邊蠔太好味，細佬建議叫多個蒜蓉焗帶子，我就當然從善如流啦。佢面頭嘅芝士同蒜蓉係同燒半邊蠔一樣咁出色，同燒帶子食又更加有咬口。砵酒燒羊架雖然唔係好食到砵酒味，但羊架嘅肉質嫩口，近乎入口即化，肥瘦分佈都均勻，羶味好淡。如果係平時鍾意重羊味嘅朋友未必會喜歡，但對於我呢啲平時近乎係冇食羊嘅人來講就啱啱好喇。薑黃飯焗雞隻雞笑得好靚