新泰東南亞餐廳 (興旺閣)

營業中

休息中

香港其實都好多泰式餐廳，黎黎去去都係食冬陰公、咖喱，有時真係食到悶。今次黎到新泰東南亞餐廳就唔同啦，超有驚喜、勁好食！入面裝修得好有心機、好有style，富麗堂皇咁menu選擇上亦好多，drink menu仲要另外分開一本，好high class咁feel。今次我一個人黎食，叫左個咖喱軟殼蟹包，可以一個人獨佔晒，好興奮！首先賣相已經好吸引，排得好靚。一黎就緊係試下佢個軟殼蟹先啦，炸得好香，離遠都聞到陣味，食落口卜卜脆、啖啖肉。咖喱亦唔差，唔會好稀，做軟殼蟹包一流！份量亦唔少，估唔到底下比咖喱浸住都有好多軟殼蟹，唔止面頭見到個幾隻腳，落足本！另外亦叫左fresh coconut pinacolada，好有心機，用椰青黎裝，好有特色，以後飲pinacolada一定唔會唔記得呢間餐廳入面係沙冰，同樣份量好多，不過酒味唔係好出。